نگران وزیر اعلیٰ خیبر پختونخوا محمد اعظم خان نے فیز ون کا باضابطہ افتتاح کر دیا نگران کابینہ اراکین بیرسٹر فیروز جمال ، منظور آفریدی، پیر ہارون شاہ کے علاوہ سرکاری حکام بھی تقریب میں شریک تھے،اس حوالے سے نگران وزیر اعلی کو تفصیلی بریفنگ دی گئ،بریفنگ کے مطابق 247 ایکڑ رقبے پر محیط فیز ون میں 18 زون انٹرپرائزز موجود،7 زیر تعمیر ہیں، بریفنگ میں کہا گیا کہ فیز ون سے 85 ارب روپے کی سرمایہ کاری متوقع ہے، نگران وزیر اعلی نے سی پیک کے تحت بننے والا رشکئی اکنامک زون معاشی ترقی کے لیے گیم چینجر منصوبہ قرار دیا ،اور کہا کہ
فیز ون کی تکمیل پر صوبے کے عوام کو مبارکباد پیش کرتا ہوں ، وزیر اعلی نے کہا کہ سی پیک منصوبوں کی تکمیل سے لاکھوں پاکستانیوں کو روزگار کے مواقع میسر آئیں گے ، اور ملک میں معاشی بد حالی اور غربت پر قابو پایا جا سکے گا،
Author: صدف ابرار
سی پیک کے تحت رشکئی اسپیشل اکنامک زون کے فیز ون کی کامیاب تکمیل
عدالت کا پی سی بی الیکشن 22 روز میں کرانے کا حکم
لاہور ہائیکورٹ نے چیئرمین پاکستان کرکٹ بورڈ (پی سی بی) کا الیکشن 22 روز کے اندر کرانے کا حکم دے دیا۔ میڈیا رپورٹس کے مطابق لاہور ہائیکورٹ نے نوید مشتاق کی درخواست پر 12 صفحات پر مشتمل فیصلہ جاری کردیا،عدالت نے اپنے فیصلے میں کہا کہ 15 دن کے اندر بورڈ آف گورنر کی تشکیل مکمل کی جائے اور بورڈ کی تشکیل کے بعد 7 روز میں چیئرمین پی سی بی کا الیکشن کرایا جائے۔فیصلے میں کہا گیا کہ حکومت کی تبدیلی کے ساتھ ہی پاکستان کرکٹ بورڈ کے ایشوز عدالتوں میں آجاتے ہیں، ریاستی اداروں کی سیاسی معاملات میں مداخلت کو اب دیکھنا چاہیئے، اداروں میں سیاسی مداخلت سے ملک میں عدم استحکام کی صورتحال پیدا ہوتی ہے۔
عدالت نے فیصلے میں مزید کہا کہ سیاسی پسند اور ناپسند پر آئین کو ترجیح دے کر استحکام یقینی بنا سکتے ہیں، 5 جولائ کو مینجمنٹ کمیٹی کی تشکیل کا نوٹیفکیشن درست ہے۔
باڑہ کمپاؤنڈ پر حملے میں استعمال ہونے والی گاڑی چوری کی تھی
باڑہ خودکش حملہ آور کے زیر استعمال گاڑی ایک ہفتہ قبل راولپنڈی سے چوری ہوئی تھی۔ پولیس کے مطابق گاڑی کی چوری کا مقدمہ نیوٹاؤن راولپنڈی تھانے میں درج ہے، گاڑی کا نمبر ایل ای جی 9086 ہے۔دہشت گردوں کے زیر استعمال گاڑی 12 جولائی کو سٹی شاپنگ سینٹر راولپنڈی سے چوری ہوئی تھی۔
پولیس کے مطابق گاڑی کا ماڈل 2011 ہے اور اس کا رنگ سفید ہے، گاڑی کے مالک حمزہ نے چوری کے بعد ایف آر درج کروائی تھی۔
ایف آئی آر کے مطابق پولیس کو بیان میں گاڑی کے مالک حمزہ کا کہنا تھا کہ سٹی شاپنگ سینٹر میں فیملی کے ساتھ شاپنگ کررہا تھا واپس ایا تو گاڑی غائب تھی۔واضح رہے کہ خیبرپختونخوا کی تحصیل باڑہ کے کمپاؤنڈ گیٹ پر دہشت گردوں نے حملہ کیا، جس کے نتیجے میں 4 پولیس اہلکار شہید اور 8 زخمی ہوگئے جبکہ حملہ آور مارے گئے۔پاکستانی اسپیشل ایتھلیٹس کسی سے کم نہیں، جرمن قونصل جنرل
جرمن قونصل جنرل ڈاکٹر روڈیگر لوٹز کا کہنا ہے کہ جرمنی میں ہونے والے اسپیشل اولمپکس و رلڈ گیمز میں پاکستانی کھلاڑیوں نے 80 سے زائڈ میڈلز جیت کر اس بات کا ثبوت ہے کہ محنت کے ساتھ جیت کاعزم ہو تو کوئی دشواری کامیابی کاراستہ نہیں روک سکتی۔اسپیشل اولمپک ورلڈ گیمز میں اعزازات جیتنے والے قومی کھلاڑیوں کے اعزاز میں کراچی میں منعقدہ تقریب سے خطاب کرتے ہوئے قونصل جنرل کا کہنا تھا کہ جرمنی کی میزبانی میں پہلی بار ہونے والے اسپیشل اولمپکس ورلڈ گیمز ہر لحاظ سے ایک شاندار اور یادگار انداز میں منعقد ہوئے۔
انہوں نے بتایا کہ اسپیشل اولمپک ورلڈ گیمز میں 176 ممالک کے ساڑے 6 ہزار ایتھلیٹس نے حصہ لیا اور پاکستان کے اسپیشل ایتھلیٹس دنیا میں کسی سے کم نہیں۔ ڈاکٹر روڈیگر لوٹز نے کہا کہ پاکستانی ایتھلیٹس نے برلن ورلڈ گیمز میں میڈلز جیتنے کے ساتھ ساتھ اپنے ملک کے سفیر کی حیثیت سے عمدہ اخلاق اور رویے کی بدولت بھی سب کے دل جیتے جس پر وہ مبارکباد کے مستحق ہیں۔ اس موقع پر قونصل جنرل کی جانب سے کھلاڑیوں میں تحائف بھی تقسیم کیے گئے۔
ضلع مہمند میں نو سالہ بچہ قتل
ضلع مہمند کے تحصیل صافی میں نو سالہ بچے کو نا معلوم ملزمان نے بے دردی سے قتل کر دیا ہے،جس کے بعد لاش کو ویران گھر میں پھینک دیا گیا تھا،اطلاع ملنے مقامی پولیس نے لاش اپنے قبضے میں لے کر ہیڈ کوارٹر ہسپتال منتقل کر کے پوسٹ مارٹم تحقیقات شروع کر دی ہے،نو سالہ بچے کی بے دردی سے قتل کے خلاف علاقے کے لوگوں نے احتجاج کر کے پشاور اور باجوڑ روڈ کو ہر قسم کے ٹریفک کے لئے بند کر دیا تھا،مظاہرین کا مطالبہ ہے پولیس نے بچے کا کوئی پوسٹ مارٹم نہیں کیا اور نہ واقعے میں کوئی مدد کر رہے ہےعوام کا مطالبہ تھا کہ واقعے میں ملوث ملزمان کے خلاف بھر پور کاروائی عمل میں لائی جائے،اور ملزمان کی گرفتاری جلد عمل میں لائی جائے،
بھارت کو پاکستان آ کر کھیلنا چاہیے ورنہ ہم بھی ورلڈکپ ہائبرڈ ماڈل پر کھیلیں گے: وزیر بین الصوبائی رابطہ احسان مزاری
وفاقی وزیر احسان مزاری نے کہا ہے کہ بھارت کی دوسری ٹیمیں جب پاکستان آ کر کھیل سکتی ہیں تو کرکٹ ٹیم کو کیا مسئلہ ہے۔ وفاقی وزیر برائے بین الصوبائی رابطہ احسان الرحمٰن مزاری نے 24 نیوز سے گفتگو کرتے ہوئے چبھتے سوالوں کے کھرے کھرے جواب دیئے، پاکستان کرکٹ بورڈ کو حکومت پاکستان کا ماتحت ادارہ اور جوابدہ قرار دیا ساتھ ہی بھارت کو آڑے ہاتھوں لیا۔انہوں نے مزید کہا کہ پاکستان کرکٹ بورڈ خود مختار نہیں، یہ آئی پی سی کے ماتحت ہے، جتنے بھی سٹیڈیم ہیں وہ حکومت پاکستان کے ہیں، پی سی بی ہمیں جوابدہ ہے، وزیر اعظم پی سی بی کے پیٹرن اِن چیف ہیں اس کو کیسے خود مختار کہہ سکتے ہیں، حکومت پاکستان نے ان کے آڈٹ اور دوروں کا فیصلہ کرنا ہوتا ہے، ٹھیک ہے کہ ان کا چیئرمین ہے لیکن اس کے لیے بھی وزیر اعظم ہی نامزد کرتے ہیں۔
ایشیا کپ کے حوالے سے ان کا کہنا تھا کہ میرا موقف ہے کہ بھارت کو یہاں آ کر کھیلنا چاہیے ورنہ ہم بھی ورلڈکپ ہائبرڈ ماڈل کھیلیں گے، وزیر اعظم نے وزیر خارجہ بلاول بھٹو زرداری کی سربراہی میں 14 رکنی کمیٹی بنا دی ہے، وہی فیصلہ کرے گی لیکن اگر میری رائے لی جائے گی تو میں اپنے تحفظات کا اظہار کروں گا، اگر انہیں اپنے کھلاڑیوں کی سیکیورٹی پر تحفظات ہیں تو ہمیں اپنے کھلاڑیوں کی بھی سیکیورٹی چاہیے۔
انہوں نے ورلڈ کپ اور ایشیا کپ تنازعے سے متعلق کہا کہ میں نے ذکا صاحب کو کہہ دیا ہے کہ اب ہم بھارتیوں سے مزید بلیک میل نہیں ہوں گے، بھارت کی دوسری ٹیمیں پاکستان آ سکتی ہیں تو کرکٹرز کو کیا مسئلہ ہے؟ یہاں پر نیوزی لینڈ سمیت دنیا بھر کی ٹیمیں اور اس سے پہلے پی ایس ایل میں غیر ملکی کھلاڑی اور کمنٹریٹر آ چکے ہیں، سب خوش گئے تو بھارت کو کرکٹ ٹیم یہاں بھیجنے میں کیا تکلیف ہے۔
باڑہ کمپاؤنڈ حملہ ،اہم شواہد حاصل کر لئے گئے،تحقیقات شروع
خیبرپختونخوا کی تحصیل باڑہ کمپاؤنڈ میں حملے کی تحقیقات جاری ہیں جبکہ گاڑی سے اہم شواہد حاصل کرلیے گئے تاہم بم ڈسپوزل اسکوارڈ نے حملہ آوروں کے زیر استعمال گاڑی کو کلیئر قرار دے دیا۔بی ڈی ایس حکام کا کہنا ہے کہ حملہ آوروں کے زیر استعمال گاڑی گاڑی میں کسی بھی قسم کا بارودی مواد نہیں ملا، گاڑی سے اہم شواہد اکٹھے کرلیے ہیں۔
بی ڈی ایس حکام کا مزید کہنا ہے کہ خودکش حملہ وار کی جیکٹ میں 7 سے 8 کلو بارود استعمال ہوا، 2 خوکش حملہ آوروں نے دھماکے کیے، جائے وقوعہ سے دستی بم کے ٹکرے بھی برآمد ہوئے۔بم ڈسپوزل اسکواڈ کے مطابق دہشت گردوں کے زیر استعمال گاڑی کلیئر کرنے کے بعد مقامی پولیس کے حوالے کردی گئی. ذرائع کے مطابق پولیس اور سیکیورٹی فورسز کی مؤثرحکمت عملی کے باعث کمپلیکس میں 2 خودکش حملہ آوروں کو داخل ہونے سے روک لیا گیا۔
ذرائع کے مطابق ٹی ایچ کیو کمپلیکس اور پولیس اسٹیشن میں داخلے پر ناکامی پر خودکش حملہ آوروں نے خود کو تھانے کے گیٹ پر دھماکے سے اڑادیا۔
دھماکے میں دیوار گرنے کی وجہ سے 4 پولیس اہلکار شہید ہوگئے، اہلکاروں کی بہادری کی بدولت باڑہ بڑی تباہی سے بچ گیا، اگر دہشت گرد اندر داخل ہوجاتے تو بہت بڑی تباہی ہوسکتی تھی۔
باڑہ خیبر میں شہید پولیس اہلکاروں کی نماز جنازہ ادا
ضلع خیبر تحصیل کمپاونڈ تھانہ باڑہ میں خود کش حملہ میں شہید ہونے والے پولیس اہلکاران محمد طیب،انوار خان، اور بہادر شیر کی نماز جنازہ شاہ کس پولیس لائنز میں پورے سرکاری اعزاز کے ساتھ ادا کر دی گئی۔
خیبر پولیس لائنز شاہ کس میں ہونے والی نماز جنازہ میں آئی جی پی خیبرپختونخوا اختر حیات خان، سی سی پی او پشاور، صوبائی وزیر ٹرانسپورٹ، سیکٹر کمانڈر خیبر، ڈی پی او خیبر، ڈی سی خیبر سمیت مختلف مکاتبِ فکر اور شہداء کے لواحقین نے کثیر تعداد میں شرکت کی۔
اس موقع پر آئی جی پولیس اور دیگر شرکاء نے شہداء کے جسد خاکی پر پھولوں کی چادریں چڑھائیں اور شہداء کے بلند درجات کے لئے دعا کی۔
پولیس کے چاق و چوبند دستے نے شہداء کو سلامی پیش کی،ائی جی پولیس نے شہید کے بچوں اور دیگر لواحقین سے تعزیت کرتے ہوئے شہداء کی پیشہ ورانہ خدمات پر ان کو زبردست الفاظ میں خراج عقیدت پیش کیا۔
آئی جی پی نے کہا کہ پولیس کی مربوط حکمت عملی کی بدولت جانی نقصان کم ھوا دہشت گردوں کو تھانہ میں گھُسنے کی کوشش ناکام بنا دی ان پولیس جوانوں نے جانوں کی پرواہ کئے بغیر بھرپور مقابلہ کیا انہوں نے شہدا کے لواحقین کو یقین دلایا کہ واقعہ میں ملوث عناصر کو جلد بے نقاب کرکے قانون کے کٹہرے میں لایا جائے گا۔پشاور،تھانہ ریگی ٹاؤن فائرنگ میں شہید ہونے والے پولیس اہلکاروں کی نماز جنازہ ادا
گزشتہ شب تھانہ ریگی ماڈل ٹاون پشاور کے علاقہ میں نامعلوم شدت پسندوں کی فائرنگ سے شہید ہونے والے پولیس اہلکاروں واجد اور فرمان کی نماز جنازہ ملک سعد شہید پولیس لائنز میں پورے سرکاری اعزاز کیساتھ ادا کردی گئی
نماز جنازہ میں گورنر خیبر پختونخوا حاجی غلام علی، آئی جی خیبرپختونخوا اختر حیات خان ، چیف سیکرٹری خیبرپختونخوا ندیم اسلم چوہدری، سی سی پی او پشاور سید اشفاق انور، ایس ایس پی آپریشنز ہارون رشید خان، سول و عسکری حکام، ڈپٹی کمشنر پشاور شاہ فہد اور شہداء کے لواحقین نے شرکت کی
پولیس کے چاق و چوبند دستے نے سلامی پیش کی ، شہداء کے جسدِ خاکی پر پھول چڑھائی اور شہداء کے بلند درجات کیلئے اجتماعی دعا کی گئی
شانگلہ،ٹریفک حادثے میں جاں بحق افراد کی تعداد 6 ہو گئی جبکہ 2 شدید زخمی ہے
شانگلہ کے تحصیل چکیسر لین سوک روڈ کافر موری مقام پر روڈ ٹریفک حادثہ میں دو خواتین سمیت 6 افراد جاں بحق جبکہ 2 شدید زخمی ہو گئے،حادثہ جیپ ڈرائيور سے بے قابو ہوکر گہری کھائی میں گر نے کے نتیجے میں سامنے آیا، ریسکیو 1122 کے مطابق حادثے میں 4 افراد موقع پر جانبحق جبکہ4 زخمی ہوئے.. جس میں 2 خواتین ہسپتال میں جانبر نہ ہو سکی،ریسکیو 1122 شانگلہ کنٹرول روم کو اطلاع ملتے ہی ریسکیو 1122 شانگلہ کے میڈیکل ٹیم اور دو ایمبولینس موقع پر پہنچ گئی۔ ریسکیو میڈکل ٹیم نے زخمیوں کو ابتدائی طبی امداد دے کر سیدو شریف ہسپتال منتقل کردیے،جن میں مزید ایک کی حالت تشویش ناک بتائی جا رہی ہے،
