Baaghi TV

Blog

  • پاک فضائیہ کی جانب سے فضائی مشق گولڈن ایگل کا کامیابی کے ساتھ انعقاد

    پاک فضائیہ کی جانب سے فضائی مشق گولڈن ایگل کا کامیابی کے ساتھ انعقاد

    پاک فضائیہ کی جانب سے ساؤتھ زون میں فضائی مشق گولڈن ایگل کا کامیابی کے ساتھ انعقاد کیا گیا۔

    آئی ایس پی آر کے مطابق سدرن ائیرکمانڈ کے دائرہ اختیار میں فضائی مشق گولڈن ایگل کا کامیابی کے ساتھ انعقاد کیا گیا مشق میں پاک فضائیہ کی جنگی صلاحیتوں کو منظم انداز میں بروئےکار لایاگیا اور جنگی تیاریوں کا شاندار مظاہرہ کیا گیا، مشق کا مقصد مصنوعی ذہانت کے ذریعے پاک فضائیہ کی آپریشنل صلاحیت بڑھانا ہے، مشق کے حربی مرحلے میں فرسٹ شوٹ، فرسٹ کل صلاحیت رکھنے والے لڑاکا طیاروں کا استعمال کیا گيا۔طیارے طویل فاصلے تک مار کرنے والے بی وی آر رینج ائیر ٹو ائیر میزائلوں سے لیس تھے، طیارے توسیع شدہ رینج کے ائیرٹوگراؤنڈ اسٹینڈ آف ہتھیاروں اور انتہائی درست نشانہ سازی کی صلاحیتوں سے لیس تھے۔ کارروائیوں کو ائیر ٹو ائیر ریفیولرز اور ائیر بورن ارلی وارننگ اینڈ کنٹرول سسٹمز جیسے فورس ملٹی پلائرز کی معاونت حاصل رہی، ان سسٹمز کے ذریعے دشمن کے مراکز کو نہایت درستی اور مؤثر انداز میں نشانہ بنانے کی مشق کی گئی۔

    ڈی جی آئی ایس پی آر کے مطابق ان آپریشنز سے جنگی حالات میں پاک فضائیہ کی تیز رفتار آپریشنز کی صلاحیت کی توثیق ہوئی، مشق نے پاک فضائیہ کومتحدکمانڈ اینڈ کنٹرول کے تحت جدید فضائی جنگی تصورات کی توثیق کا موقع فراہم کیا، مشق گولڈن ایگل کی کامیاب تکمیل پاک فضائیہ کی ہمہ وقت جنگی تیاری برقرار رکھنے کا واضح ثبوت ہے۔

  • پشاورکور ہیڈکواٹر میں اجلاس، دہشتگردی کیخلاف جنگ میں ایک سمت پر چلنے پر اتفاق

    پشاورکور ہیڈکواٹر میں اجلاس، دہشتگردی کیخلاف جنگ میں ایک سمت پر چلنے پر اتفاق

    کورہیڈ کوارٹر پشاور میں آج امن و امان سے متعلق اعلیٰ سطح کے اجلاس کا انعقاد کیا گیا جس میں وفاقی وزیر داخلہ محسن نقوی، وزیراعلیٰ خیبر پختونخوا سہیل آفریدی اور کورکمانڈر پشاور نے شرکت کی۔

    ذرائع کے مطابق اجلاس میں عسکری اور سیاسی قیادت نے دہشت گردی کے خلاف جنگ میں ایک سمت پر چلنے پر اتفاق کیا،ذرائع کا بتانا ہے کہ وزیراعلیٰ سہیل آفریدی کی وفاقی وزیر داخلہ محسن نقوی اور دیگراسٹیک ہولڈرز کےساتھ ملاقات خوشگوار رہی، وزیراعلیٰ سہیل آفریدی کابینہ سمیت 3 گھنٹے تک کور ہیڈ کوارٹرمیں رہے وزیر اعلیٰ اور کابینہ ارکان نے لنچ بھی کور ہیڈ کوارٹر میں کیا، لنچ کے دوران وزیر اعلیٰ اور محسن نقوی نے قریب بیٹھ کر گفتگو کی، وزیر اعلیٰ نے محسن نقوی سمیت دیگرشرکا سے مصافحہ بھی کیا۔

    امن وامان سے متعلق اجلاس میں مالاکنڈ ڈویژن میں صوبائی حکومت کے نظم ونسق کو ماڈل کے طور پر نافذ کرنے کا فیصلہ کرلیا گیا،ذرائع کے مطابق اجلاس میں صوبے میں مستقل قیامِ امن کے لیے بات چیت کی گئی اور قبائلی اضلاع کی بہتری کے لیے اجتماعی حکمتِ عملی اپنانے پر اتفاق کیا گیا۔سرکاری ذرائع کے مطابق سب نے مل بیٹھ کر امن وامان کی صورتحال پرمتفقہ طورپر بات چیت کی، اجلاس اپیکس کمیٹی کے اجلاس کا فالو اپ تھا۔اجلاس میں مالاکنڈ ڈویژن میں صوبائی حکومت کے نظم ونسق کو بطور ماڈل نافذ کرنے کا فیصلہ کیا گیا اور یہ ماڈل کو خیبر، اورکزئی اور کرم میں مرحلہ وار نافذ کیا جائے گا۔

    اعلامیے میں کہا گیا ہے کہ وفاق اور کے پی کے درمیان دہشت گردی پر مکمل ہم آہنگی یقینی بنائی جائے گی جبکہ غیرقانونی سم کارڈز، دھماکا خیزمواد اور بھتا خوری کے خلاف سخت اقدامات جاری رکھنے کا بھی فیصلہ کیا گیا۔رواں سال پشاور میں پی ایس ایل کے میچز بھی کرائے جائیں گے۔ وزير اعلیٰ نے اجلاس میں کہا کہ صوبے اوراس کےعوام کے مفاد کی خاطر کام کروں گا، ذاتی مفاد اور سیاست کیلئے کسی کےسامنےدست سوال نہیں کروں گا۔

  • شراب کی خریدوفروخت پر پابندی کی قرارداد سندھ اسمبلی سے مسترد

    شراب کی خریدوفروخت پر پابندی کی قرارداد سندھ اسمبلی سے مسترد

    سندھ اسمبلی نے صوبے بھر میں شراب خانوں کے لائسنس منسوخ کرنے اور خرید و فروخت پر پابندی کی قرارداد کو مسترد کردیا۔شراب خانوں پر پابندی کی قرارداد ایم کیو ایم کے رکن انیل کمار کی جانب سے پیش کی گئی تھی جس کی حکومت نے مخالفت کی۔

    ایم کیو ایم کے رکن انیل کمار نے قرارداد کے ذریعے مطالبہ کیا تھا کہ صوبے بھر میں شراب کی خرید اور فروخت پر پابندی عائد کی جائے اور شراب خانوں کےتمام لائسنس منسوخ کیے جائیں۔ وزیر قانون و داخلہ سندھ ضیا لنجار نے قرارداد کی مخالفت کی اور کہا کہ اس سے ایک بہت بڑا طبقہ محروم ہوجائے گا، آج میرے دوست تھوڑے سے جذباتی لگ رہے ہیں جس کے بعد ایوان نے قرارداد مسترد کردی۔

    ایوان نے ایم کیو ایم کی رکن قراۃ العین خان کی بھی 2 قراردادیں مسترد کردیں، ایک قرارداد جنسی زیادتی اور بچوں کی ہراسانی کو روکنے کے لیے لائیف بیسڈ اسکل لرننگ سے متعلق جبکہ دوسری سندھ بلڈنگ کنٹرول اتھارٹی کی کارکردگی کو دیکھنے کے لیے کمیٹی تشکیل دینے سے متعلق تھی۔

  • 
راکھی ساونت کا امیتابھ بچن کو ریکھا سے دوسری شادی کا مشورہ

    
راکھی ساونت کا امیتابھ بچن کو ریکھا سے دوسری شادی کا مشورہ

    
بالی وڈ کی متنازع اداکارہ راکھی ساونت نے لیجنڈری اداکار امیتابھ بچن کو اداکارہ ریکھا کے ساتھ دوسری شادی کا مشورہ دے دیا، جس پر سوشل میڈیا پر نئی بحث چھڑ گئی ہے۔
    ‎راکھی ساونت کی بھارتی میڈیا سے گفتگو کا ایک ویڈیو کلپ سوشل میڈیا پر وائرل ہو رہا ہے، جس میں وہ امیتابھ بچن اور جیا بچن کی ازدواجی زندگی پر تبصرہ کرتی دکھائی دے رہی ہیں۔
    ‎ویڈیو میں راکھی ساونت کا کہنا ہے کہ وہ امیتابھ بچن کو مشورہ دیں گی کہ وہ سینئر اداکارہ ریکھا سے شادی کر لیں، کیونکہ آج کل دو شادیوں کا رجحان عام ہو چکا ہے۔ انہوں نے سوال اٹھایا کہ امیتابھ بچن نے جیا بچن کو کیوں منتخب کیا اور ریکھا کو کیوں نظر انداز کیا، یہ بات انہیں آج تک سمجھ نہیں آئی۔
    ‎راکھی ساونت نے جیا بچن کے طرزِ لباس پر بھی تنقید کرتے ہوئے کہا کہ وہ کروڑوں اور اربوں کی مالکن ہونے کے باوجود اچھی شلوار قمیض تک نہیں پہنتیں۔ اس موقع پر راکھی نے طنزیہ انداز میں جیا بچن کو مخاطب کرتے ہوئے کہا کہ اگر وہ اپنی سالگرہ پر انہیں مدعو کریں تو وہ انہیں اچھی شلوار قمیض تحفے میں دیں گی۔
    ‎اداکارہ نے جیا بچن کو مزید مشورہ دیتے ہوئے کہا کہ وہ اپنے بالوں کو رنگیں اور چہرے پر بوٹاکس کروائیں، کیونکہ وہ امیتابھ بچن جیسی بڑی شخصیت کی اہلیہ ہیں۔ راکھی ساونت کا کہنا تھا کہ اگر انہیں امیتابھ بچن کے لیے جیا بچن اور ریکھا میں سے کسی ایک کا انتخاب کرنا پڑے تو وہ بلا جھجھک ریکھا کا انتخاب کریں گی۔
    ‎راکھی ساونت کے اس بیان پر سوشل میڈیا صارفین کی جانب سے ملا جلا ردعمل سامنے آ رہا ہے، جہاں کچھ لوگ اسے محض توجہ حاصل کرنے کی کوشش قرار دے رہے ہیں جبکہ کچھ اسے نامناسب تبصرہ کہہ رہے ہیں۔

  • امن ہوگا تو ترقی آئے گی، ادارے ایک دوسرے کے کام میں مداخلت بند کریں، سہیل آفریدی

    امن ہوگا تو ترقی آئے گی، ادارے ایک دوسرے کے کام میں مداخلت بند کریں، سہیل آفریدی

    ‎
وزیراعلیٰ خیبرپختونخوا سہیل آفریدی کا کہنا ہے کہ صوبے اور ملک کا سب سے بڑا مسئلہ امن و امان ہے، جب تک امن قائم نہیں ہوگا، ترقی ممکن نہیں۔
    ‎انہوں نے کہا کہ ہر شعبے سے تعلق رکھنے والے افراد کو چاہیے کہ دوسرے اداروں کے معاملات میں مداخلت نہ کریں۔ پاکستان میں بدقسمتی سے ہر ادارہ دوسرے کے دائرہ اختیار میں دخل اندازی کرتا ہے، جس کے باعث معاشی استحکام نہیں آ پا رہا۔
    ‎سہیل آفریدی کا کہنا تھا کہ اگر ملک کے بہترین دماغ بیرونِ ملک چلے گئے تو یہاں صرف پٹواری ہی رہ جائیں گے۔ ان کے مطابق 45 فیصد عوام مہنگائی کے بوجھ تلے دبے ہوئے ہیں، جبکہ توشہ خانہ سے گاڑیاں لینے پر کوئی مقدمات نہیں بنے۔
    ‎انہوں نے الزام عائد کیا کہ 5,300 ارب روپے کی کرپشن کی گئی جو عوام کا پیسہ ہے۔ وزیراعلیٰ نے کہا کہ آواز اٹھانا، جنازے اٹھانے سے بہتر ہے۔

  • 
سندھ کے سرکاری کالجوں میں خواتین کی غیر اجازت شدہ فوٹوگرافی پر مکمل پابندی عائد

    
سندھ کے سرکاری کالجوں میں خواتین کی غیر اجازت شدہ فوٹوگرافی پر مکمل پابندی عائد

    
محکمۂ کالج ایجوکیشن سندھ نے خواتین اساتذہ، لیکچررز اور طالبات کی غیر مجاز فوٹو گرافی اور سوشل میڈیا پر تشہیر کے بڑھتے ہوئے واقعات کا سخت نوٹس لیتے ہوئے صوبے بھر کے کالجوں میں اس عمل پر مکمل پابندی عائد کر دی۔
    ڈائریکٹوریٹ آف کالج ایجوکیشن کراچی ریجن کے ڈائریکٹر پروفیسر قاضی ارشد حسین صدیقی کی جانب سے جاری ہدایت کے مطابق فیس بک، واٹس ایپ اور دیگر ڈیجیٹل پلیٹ فارمز پر بغیر اجازت تصاویر شیئر کرنا قابلِ تعزیر جرم تصور ہوگا۔
    ‎مراسلے میں کہا گیا ہے کہ خواتین کالجوں میں پیش آنے والے ایسے واقعات ناصرف قوانین کی خلاف ورزی ہیں بلکہ سماجی اور مذہبی اقدار کے بھی منافی ہیں۔
    ‎تمام کالجوں میں بغیر اجازت فوٹوگرافی پر مکمل پابندی ہوگی اور کسی بھی خلاف ورزی کی صورت میں ذمہ دار افراد کے خلاف محکمانہ اور قانونی کارروائی عمل میں لائی جائے گی۔
    ‎محکمۂ کالج ایجوکیشن نے پرنسپلز کو ہدایت کی ہے کہ ایڈوائزری پر سختی سے عمل درآمد کو یقینی بنایا جائے اور احکامات کی خلاف ورزی پر متعلقہ پرنسپل اور عملہ ذمہ دار ٹھہرایا جائے گا۔

  • 
حمل کے دوران ماں کے ذہنی دباؤ سے بچوں میں آٹزم کا خطرہ بڑھنے کا انکشاف

    
حمل کے دوران ماں کے ذہنی دباؤ سے بچوں میں آٹزم کا خطرہ بڑھنے کا انکشاف

    
تحقیق سے معلوم ہوا ہے کہ حمل کے دوران یا بعد میں شدید ذہنی تناؤ اور ڈپریشن کا شکار ماؤں کے بچوں میں آٹزم کا خطرہ بڑھ سکتا ہے۔
    جاپان میں ہونے والی تحقیق کے دوران 23 ہزار سے زائد ماؤں اور بچوں کے ڈیٹا کا تجزیہ کیا گیا، جبکہ چوہوں پر کیے گئے تجربات سے اس حیاتی تعلق کی تصدیق ہوئی۔
    ‎تحقیقی رپورٹ کے مطابق پیرینٹل ڈپریشن کا سامنا کرنے والی خواتین کے بچوں میں آٹزم جیسی علامات زیادہ دیکھی گئیں، خاص طور پر لڑکیوں میں یہ اثر زیادہ نمایاں رہا۔ ایسی بچیاں اکثر کم وزن کے ساتھ پیدا ہوئیں اور ان کا اپنی ماؤں کے ساتھ جذباتی تعلق بھی کمزور پایا گیا۔
    ‎رپورٹ میں بتایا گیا کہ مجموعی طور پر لڑکوں میں آٹزم جیسی علامات لڑکیوں کے مقابلے میں زیادہ تھیں، چاہے ماں کی ذہنی حالت کچھ بھی ہو۔
    ‎مزید بتایا گیا کہ ذہنی دباؤ آکسی ٹوسن ہارمون کی سطح کو متاثر کرتا ہے، جو بچے کی جذباتی اور سماجی نشوونما میں اہم کردار ادا کرتا ہے۔
    ‎ایک علیحدہ تحقیق، جس میں ایک لاکھ 40 ہزار سے زائد حاملہ خواتین کو شامل کیا گیا، کے مطابق حمل کی دوسری اور تیسری سہ ماہی میں ڈپریشن کے علاج کے لیے اینٹی ڈپریسنٹس استعمال کرنے سے بچوں میں آٹزم کا خطرہ تقریباً دو گنا بڑھ جاتا ہے۔
    ‎تحقیق کے نتائج نے آٹزم کی تشخیص، خصوصاً لڑکیوں میں کم تشخیص، اور حمل کے دوران ماؤں کی ذہنی صحت کی اہمیت پر نئی بحث کو جنم دیا ہے۔

  • 
راولپنڈی: ٹک ٹاک پر نازیبا مواد وائرل کرنے والا ملزم گرفتار

    
راولپنڈی: ٹک ٹاک پر نازیبا مواد وائرل کرنے والا ملزم گرفتار

    
راولپنڈی میں وقار حسن نامی شخص کو گرفتار کر لیا گیا جو ٹک ٹاک پر فیک آئی ڈی بنا کر خواتین کی عزت سے کھیل رہا تھا۔
    ملزم واٹس ایپ اور ٹک ٹاک کے ذریعے نازیبا ویڈیوز پھیلا کر خواتین کو بلیک میل کرنے میں ملوث پایا گیا۔
    ‎گرفتار ملزم کے قبضے سے واردات میں استعمال ہونے والا موبائل فون بھی برآمد ہوا ہے، جس میں اہم ڈیٹا حاصل ہونے کا انکشاف ہوا ہے۔

  • 
امریکا میں پرانے بجلی کے ٹرانسفارمرز کا بحران، پورے نظام کو خطرہ

    
امریکا میں پرانے بجلی کے ٹرانسفارمرز کا بحران، پورے نظام کو خطرہ

    
امریکا میں بجلی کے ٹرانسفارمرز کی خراب حالت نے حکومت کو شدید تشویش میں مبتلا کر دیا ہے۔ امریکی محکمہ توانائی کی رپورٹ کے مطابق ملک میں تقریباً 8 کروڑ ٹرانسفارمرز موجود ہیں، جن میں سے 55 فیصد اپنی عمر پوری کر چکے ہیں۔ اس صورتحال میں اگر انہی پر قابلِ تجدید توانائی کا بوجھ ڈالا گیا تو پورا بجلی نظام بیٹھ سکتا ہے اور ملک بڑے پیمانے پر بلیک آؤٹ کا شکار ہو سکتا ہے۔
    زیادہ تر ٹرانسفارمرز 33 سال پرانے ہیں جبکہ ان کی زیادہ سے زیادہ عمر 35 سال مقرر کی گئی ہے، اور صرف 25 فیصد ٹرانسفارمرز اس وقت قابلِ اعتماد حالت میں ہیں۔ امریکی محکمہ توانائی نے خبردار کیا ہے کہ پرانے ٹرانسفارمر کسی بھی وقت فیل ہو سکتے ہیں، اور اس لیے روایتی بجلی پیدا کرنے والے نظام کو ترجیح دی جا رہی ہے۔
    ‎مزید برآں، امریکا زیادہ تر ٹرانسفارمرز یورپ اور میکسیکو سے درآمد کرتا ہے، اور 2025 میں پاور ٹرانسفارمرز کی فراہمی میں 30 فیصد جبکہ ڈسٹری بیوشن ٹرانسفارمرز کی کمی 10 فیصد ریکارڈ کی گئی۔ بین الاقوامی توانائی ایجنسی کے مطابق پاور ٹرانسفارمرز کی تیاری ایک پیچیدہ تکنیکی عمل ہے اور جدید سہولیات کی ضرورت ہوتی ہے، جس میں چین، جنوبی کوریا، ترکی اور اٹلی دنیا کی نصف سے زائد پیداوار فراہم کرتے ہیں۔

  • ٹی 20 ورلڈ کپ: پاکستان کی امریکا کو 32 رنز سے شکست

    ٹی 20 ورلڈ کپ: پاکستان کی امریکا کو 32 رنز سے شکست

    ‎ٹی 20 ورلڈ کپ کے 12ویں میچ میں پاکستان نے امریکا کو 32 رنز سے شکست دے کر ایونٹ میں اپنی دوسری کامیابی حاصل کرلی۔
    ‎کولمبو میں کھیلے گئے میچ میں پاکستان نے پہلے بیٹنگ کرتے ہوئے مقررہ 20 اوورز میں 9 وکٹوں کے نقصان پر 190 رنز بنائے اور امریکا کو جیت کے لیے 191 رنز کا ہدف دیا۔
    ‎ہدف کے تعاقب میں امریکی ٹیم مقررہ اوورز میں 8 وکٹوں کے نقصان پر 158 رنز ہی بنا سکی۔
    ‎پاکستان کی جانب سے صاحبزادہ فرحان نے شاندار بیٹنگ کا مظاہرہ کرتے ہوئے 41 گیندوں پر 73 رنز بنائے۔ ان کی اننگ میں 6 چوکے اور 5 چھکے شامل تھے۔ اسی عمدہ کارکردگی پر انہیں میچ کا بہترین کھلاڑی قرار دیا گیا۔
    ‎بابر اعظم نے 32 گیندوں پر 46 رنز اسکور کیے، جبکہ صائم ایوب 19 رنز بنا کر آؤٹ ہوئے۔ کپتان سلمان علی آغا صرف ایک رن بنا سکے۔
    ‎بولنگ میں عثمان طارق نے تین وکٹیں حاصل کیں، شاداب خان نے دو کھلاڑیوں کو آؤٹ کیا، جبکہ شاہین شاہ آفریدی، ابرار احمد اور محمد نواز نے ایک، ایک وکٹ حاصل کی۔