Blog

‎دبئی میں سوشل میڈیا پر کسی شخص، ادارے یا کمپنی کے خلاف توہین آمیز پوسٹس، کمنٹس یا مواد شیئر کرنے پر سخت قوانین نافذ کر دیے گئے ہیں۔
‎میڈیا رپورٹس کے مطابق خلاف ورزی کرنے پر 250,000 سے 500,000 درہم تک جرمانہ ہو سکتا ہے، اور بعض کیسز میں ایک سال یا اس سے زائد قید بھی دی جا سکتی ہے۔ بعض صورتوں میں دونوں سزائیں ایک ساتھ بھی دی جا سکتی ہیں۔
‎دبئی پولیس نے وارننگ جاری کی ہے کہ سوشل میڈیا پر کسی کی توہین یا ساکھ کو نقصان پہنچانے پر فوری کارروائی ہوگی۔ قوانین واٹس ایپ، پرائیویٹ چیٹس، یا ڈیلیٹ کی گئی پوسٹس پر بھی لاگو ہوتے ہیں، اور اسکرین شاٹس کو ثبوت کے طور پر استعمال کیا جا سکتا ہے۔
‎پچھلے سالوں میں متعدد افراد کو 50,000 درہم تک کے سول جرمانے ادا کرنا پڑے ہیں، جس پر پولیس اور پبلک پراسیکیوشن نے بار بار الرٹ جاری کیے ہیں کہ "سوشل میڈیا پر توہین آمیز مواد شیئر کرنے سے پہلے سوچیں”۔

‎امریکا نے عالمی ادارہ صحت (ڈبلیو ایچ او) سے باضابطہ طور پر دستبرداری اختیار کر لی ہے، جو فوری طور پر نافذ العمل ہو گئی ہے۔ اس فیصلے کے بعد امریکا کا ڈبلیو ایچ او کے ساتھ عملی تعلق مکمل طور پر ختم ہو گیا ہے۔
‎امریکی حکومت کا موقف ہے کہ ڈبلیو ایچ او نے کورونا وبا کے دوران مناسب کارکردگی نہیں دکھائی اور ادارے میں سیاسی اثرات اور اصلاحات نہ ہونے کی وجہ سے امریکا کے مفادات کا تحفظ نہیں ہو رہا۔
‎دوسری جانب ڈبلیو ایچ او کے مطابق امریکا پر 130–270 ملین ڈالر سے زائد واجبات بقایا ہیں، جو تنازعے کا حصہ ہیں۔ امریکا نے اعلان کیا کہ اب وہ عالمی ادارے کے بجائے دیگر ممالک کے ساتھ دوطرفہ معاہدوں میں کام کرے گا، جیسے امراض کی نگرانی اور ویکسین کے مسائل۔
‎عالمی صحت کے ماہرین نے اس فیصلے پر شدید تشویش ظاہر کی ہے، کیونکہ ڈبلیو ایچ او عالمی سطح پر بیماریوں کی نگرانی اور بروقت معلومات فراہم کرتا ہے، اور امریکا ایسے ڈیٹا تک رسائی کھو سکتا ہے جو مستقبل میں وائرس یا فلو جیسے خطرات سے بچاؤ میں مدد دے سکتا ہے۔
‎واضح رہے کہ امریکا ڈبلیو ایچ او میں 1948 میں شامل ہوا تھا اور ادارے کا ایک بڑا مالی معاون تھا، جو کل بجٹ کا تقریباً 18 فیصد فراہم کرتا تھا۔

‎ہسپانوی وزیراعظم پیڈرو سانچیز نے اعلان کیا ہے کہ اسپین نے نام نہاد غزہ پیس بورڈ میں شمولیت نہ کرنے کا فیصلہ کیا ہے۔ ان کا کہنا تھا کہ بورڈ اقوام متحدہ کے دائرہ کار سے باہر ہے اور فلسطینی اتھارٹی اس میں شامل نہیں۔
‎وزیرِاعظم نے مزید کہا کہ غزہ اور مغربی کنارے کا مستقبل فلسطینی خود طے کریں گے۔ امریکا کی تشکیل کردہ اس بورڈ میں اب تک پاکستان، قطر، سعودی عرب، ترکی، انڈونیشیا، بحرین، مصر، اردن، قازقستان، ازبکستان اور متحدہ عرب امارات شامل ہو چکے ہیں۔