فیصل آباد()وکلاء کا آزادی صحافت پر حملہ، وکلاء نے مقامی چینل کے دو رپورٹرز اور کیمرہ مین کو شدید تشدد کا نشانہ بنایا اور اٹھا کر بار لے گئے پولیس نے بار میں جا کر صحافیوں کو بازیاب کر وایا،تفصیلات کے مطابق مقامی چینل کے رپورٹر طیب مقبول، علی رضا اور کیمرہ مین محمد وقاص ایس پی لائل پور ٹاؤن کے آفس میں کو ریج کررہے تھے کہ سیکرٹری بار رانا شاہد منیر اپنے مسلح ساتھیوں کے ہمراہ آئے اور تشدد کا نشانہ بناتے ہوئے طیب مقبول کو بار میں اٹھا کر لے گئے۔جبکہ علی رضا اوروقاص کو بد ترین تشدد کا نشانہ بنایا وکلاء گردی کے خلاف فیصل آباد پریس، فیصل آباد یونین آف جرنلسٹ ورکرز سمیت مختلف صحافتی تنظیموں نے پریس کلب کے اور ضلع کونسل چوک میں کئی گھنٹوں تک احتجاجی مظاہرہ کیا اور وکلاء گردی کے خلاف شدید نعرے بازی کی جبکہ پولیس کی طرف سے وکلاء کے خلاف مقدمہ درج کر نے کی یقین دہانی پر صافیوں نے احتجاج ختم کیا۔ فیصل آباد پریس کلب کے گروپ لیڈر شاہد علی، صدر پریس کلب ظفر ڈوگر، سیکرٹری علی اشفاق ہاشمی، صدر فیصل آباد یونین آف جرنلسٹ ورکرزجی اے تنویر، جنرل سیکرٹری شوکت وٹو کا کہنا تھا کہ وکلاء گردی کسی صورت بھی قبول نہیں۔ اگر پولیس اور متعلقہ حکومتی اداروں نے تشدد میں ملوث وکلاء کے خلاف کاروائی نہ کی تو احتجاج کا دائرہ کا ر بڑھا دیا جائے گا۔
Blog
-
عمران خان نے مسئلہ کشمیر کو جیسے اجاگر کیا اس کی ماضی میں مثال نہیں ملتی،ثوبیہ کمال خان
عمران خان نے دورہ امریکہ کے موقع پر مسئلہ کشمیر کو جس انداز میں اجاگر کیا اس کی ماضی میں مثال نہیں ملتی،ثوبیہ کمال خان
لاہور ۔ 23 جولائی(اے پی پی ) ممبر قومی اسمبلی و وفاقی پارلیمانی سیکرٹری برائے وزارت امور کشمیر و گلگت بلتستان ثوبیہ کمال خان نے کہا ہے کہ وزیراعظم عمران خان نے دورہ امریکہ کے موقع پر مسئلہ کشمیر کو جس انداز میں اجاگر کیا اس کی ماضی میں کوئی مثال نہیں ملتی،وزیراعظم عمران خان نے کشمیریوں کے دل جیت لیے ہیں ، امریکی صدر ڈونلڈ ٹرمپ کی جانب سے پاکستان آنے کی خواہش کا اظہارکرنا پاکستان کی سفارتی کامیابی کا منہ بولتا ثبوت ہے، ایک بیان میں انہوں نے کہاکہ وزیر اعظم عمران خان کے کامیاب دورہ سے پاکستان اور امریکہ میں تعلقات کی نئی راہیں کھلیں گی ۔ انہوں نے کہاکہ کشمیری اپنے خون سے تحریک آزادی کی شمع کو روشن کئے ہوئے ہیں ،کشمیری صرف اور صرف پاکستان سے الحاق چاہتے ہیں اْ ن کو اْ ن کی مرضی کے مطابق آزادی دینا ہو گی، کشمیریوں نے سب سے پہلے 19جولائی 1947ء کو پاکستان کے ساتھ الحاق کی قرارداد منظور کی وہ اس عظیم مقصد کی تکمیل کےلئے پون صدی سے جدوجہد آزادی جاری رکھے ہوئے ہیں ، اب تک لاکھوں کشمیری اس راہ میں شہید ہوچکے ہیں ،انہوں نے مزید کہاکہ مضبوط پاکستان ہی کشمیرکی آزادی کا ضامن ہے،انشاء اللہ وہ وقت دور نہیں جب کشمیر آزاد ہوگا،کشمیریوں کی واحد اور آخری منزل پاکستان ہی ہے، معاشی، دفاعی اور سیاسی اعتبار سے مضبوط پاکستان ہی عالمی برادری کو مجبور کرسکتا ہے کہ وہ کشمیر کی آزادی کےلئے بھارت پر دبا ءوڈالیں ، کلبھوشن یادیو جاسوس کیس میں شکست سے بھار ت دنیا بھر میں بے نقاب ہوچکا ہے اور عالمی برادری جان چکی ہے کہ خطے کے امن کو تہہ وبالا کرنے میں بھارتی عناصر شامل ہیں ۔
-
امریکی صدر کی مسئلہ کشمیر کے حوالے سے ثالثی کا کردار ادا کر نے کی پیشکش نمایاں کامیابی ہے،ایم شاہ زید
امریکی صدر کی مسئلہ کشمیر کے حوالے سے ثالثی کا کردار ادا کر نے کی پیشکش نمایاں کامیابی ہے،ایم شاہ زید
لاہور ۔ 23 جولائی(اے پی پی )تحریک انصاف کے سینئرمرکزی رہنما ایم شاہ زید خا ن نے وزیراعظم عمران خان کے دورہ امریکہ کو انتہائی کامیاب قرار دیتے ہوئے کہا ہے کہ وزیراعظم عمران خان کا امریکی صدر ڈونلڈ ٹرمپ کی دعوت پرامریکہ کا دورہ انتہائی کامیاب رہا، اپنے ایک بیان میں انہوں نے کہاکہ امریکی صدر ڈونلڈ ٹرمپ کی جانب سے مسئلہ کشمیر کے حوالے سے ثالثی کا کردار ادا کر نے کی پیشکش کر نا بڑی کامیابی ہے،دورہ امریکہ سے پاکستان اورامریکہ کے درمیان تعلقات مزید بہتر ہوں گے،پاکستان کو دنیا میں تنہاکرنے کی کوششیں کر نے والوں کو منہ کی کھانا پڑی ہے ۔ انہوں نے کہاکہ امریکی صدر ڈونلڈ ٹرمپ کی جانب سے مسئلہ کشمیر کے حوالے سے ثالثی کا کردار ادا کر نے کی پیشکش کر نا بڑی کامیابی ہے، وزیراعظم عمران خان نے پاکستان کو پوری دنیا میں جو مقام دلانے کا وعدہ کیا تھا وہ پورا ہونے جارہا ہے، وزیراعظم پاکستان نے امریکی صدر کو یقین دلایاکہ پاکستان خطے کے امن کے لیے اپنا کردار ادا کرتا رہے گا،انہوں نے مزید کہاکہ وزیراعظم عمران خان نے قومی امنگوں کے عین مطابق امریکہ میں پاکستان کا مقدمہ لڑا، آرمی چیف کا وزیراعظم کے ہمراہ ہونا ایک واضح پیغام ہے کہ ملکی مفاد کے تحفظ کیلئے داخلی اور خارجی محاذ پر سیاسی اورعسکری قیادت ایک پیج پر ہیں ،باہمی دلچسپی اور احترام پر مبنی دوطرفہ پاک امریکہ تعلقات اشد ضروری تھے، وزیراعظم عمران خان کا دورہ امر یکہ بہت اہم تھا جس کے لیے حکومت کی جانب سے انتھک محنت کی گئی ۔
-
ٹرمپ کے واٹس ایپ گروپ کی چیٹنگ لیک ہو گئی، عمران خان کو ایڈ کرنے پر مودی لیفٹ کر گئے، چیٹنگ سوشل میڈیا پروائرل
امریکی صدر ڈونلڈ ٹرمپ نے اپنے واٹس ایپ گروپ میں پاکستانی وزیر اعظم عمران خان کو ایڈ کرنے کے بعد ہندوستانی وزیر اعظم نریندر مودی کو ایڈ کیا تو وہ فورا گروپ چھوڑ گئے ۔ اس دوران جب ٹرمپ نے مودی کو دوبارہ ایڈ کیا تو انہوں نے کہاکہ اس میں حافظ (حافظ سعید)اور اظہر(مسعود اظہر) کو بھی ایڈکر دواور دوبارہ پھر گروپ لیفٹ کر گئے۔
باغی ٹی وی کی رپورٹ کے مطابق سوشل میڈیا پر امریکی صدر ڈونلڈ ٹرمپ کی طرف سے بنائے گئے واٹس ایپ گروپ کی چیٹ تیزی سے سوشل میڈیا پر وائرل ہوئی ہے جس میں نومنتخب برطانوی وزیراعظم بورس جانسن ٹرمپ سے کہتے ہیں کہ مجھے یقین نہیں آتا کہ آپ عمران خان سے ملے ہیں، آپ انہیں اس گروپ میں بھی ایڈ کر دیں جس پر امریکی صدر انہیں ایڈ کرتے ہیں تو عمران خان پہلا میسج لکھتے ہیں کہ ایاک نعبد وایاک نستعین، ا س دوران بورس جانسن ، وزیر اعظم عمران خان سے لی گئی تصویر شیئر کرتے ہیں اور کہتے ہیں کہ کیا میں آپ کو یاد ہوں تو عمران خان کہتے ہیں کہ آپ کو کیسے بھول سکتا ہوں؟ وزیر اعظم عمران خان بورس جانسن کوبرطانیہ کا وزیر اعظم منتخب ہونے پر مبارکباد بھی پیش کرتے ہیں،
واٹس ایپ چیٹ میں صاف دیکھا جاسکتا ہے کہ جب امریکی صدر نے کہا کہ عمران خان ہمارے نئے دوست ہیں اور میلانیہ ٹرمپ بھی انہیں پسند کرتی ہیںتو ٹرمپ کے ان ریمارکس اور ا ن کی طرف سے کشمیرکے حوالہ سے دیے گئے بیان پرعمران خان نے ان کا شکریہ اداکیا تو ہندوستانی وزیر اعظم نریندر مودی کو یہ بات اچھی نہیں لگی اور وہ فورا گرو پ لیفٹ کرگئے جس پر بورس جانسن نے کہا کہ یہ مودی کو کیا ہواہے؟ تو عمران خان کہتے ہیں کہ انہیں دوبارہ ایڈ کر دیں،اس دوران ٹرمپ کی طرف سے نریندر مودی کو دوبارہ ایڈکیا گیا اور انہوں نے ہندوستانی وزیر اعظم کو مخاطب کر کے کہا کہ آپ ریلیکس رہیں ، میں نے تو کشمیر پر ویسے ہی بیان دیا ہے جس پر مودی نے امریکی صدر سے شکوہ کرتے ہوئے کہاکہ حافظ (حافظ سعید) اور اظہر(مسعود اظہر) کو بھی اس گروپ میں ایڈ کر دو۔ مودی کی اس بات پر بورس جانسن نے زبردست قہقہہ لگایا جبکہ عمران خان نے کہا کہ مودی جی چائے کیسی لگی؟،تاہم اس دوران پاکستانی وزیر اعظم کے ایسا کہنے پر مودی ایک بر پھر گروپ لیفٹ کر گئے ۔
واضح رہے کہ سوشل میڈیا پر تیزی سے وائرل ہونے والی واٹس ایپ گروپ کی اس چیٹنگ کا حقیقت سے کوئی تعلق نہیں ہے بلکہ یہ کسی نے خودسے فرضی گروپ بنا کر یہ چیٹنگ کی اور پھر اسے سوشل میڈیا پر وائرل کر دیاہے۔ یاد رہے کہ یہ چیٹنگ منظر عام پر آنے کے بعد ہندوستانی وزیراعظم نریندر مودی کا خوب مذاق اڑایا جارہا ہے۔
-
ملتانی مٹی کے کمال کے فائدے
ملتانی مٹی کے بہت سے فائدے ہیں چہرے پر لگانے سے جلد صاف ہو جاتی ہے داغ دھبے اور کیل مہاسے صاف ہو جاتے ہیں جلد کے علاوہ اسے سر کے بال صاف کرنے کے لئے بھی استعمال کیا جا سکتا ہے لیکن اسے شیمپو کی حثیت کے طور پر استعمال کرنا مناسب نہیں اگر بالوں میں چکنائی آ جائے تو ملتانی مٹی میں عرق گلاب اور لیموں کا رس ملا کر اچھی طرح مکس کریں اور پھر بالوں میں لگا کر اچھی طرح کنگھی کریں اور پھر 15 منٹ بعد سر دھو لیں
چکنی جلد کے لیے مٹی میں عرق گلاب ملا لیں اس کے علاوہ لیموں کا رس شہد اور بادام کا تیل اور دودھ بھی ملا سکتے ہیں اس سے بھی بہت اچھے اثرات پڑتے ہیں خشک جلد کے لئے اس میں ناریل یا زیتون کا تیل ملانا ضروری ہے
ایک چمچ ملتانی مٹی میں ایک چمچ ایلوویرا جیل ایک چمچ لیموں کا رس عرق گلاب یا دودھ مکس کرکے ماسک بنا لیں
چہرے پر لگانے سے پہلے اچھی طرح چہرہ دھو لیں پھر یہ ماسک لگا لیں 15 منٹ بعد پانی سے اچھی طرح منہ دھو لیں ہفتے میں دو مرتبہ یہ عمل کریں -
سلمان خان اپنی فلم ’’انشااللہ‘‘ کے لیے وزن کم کریں گے
ممبئی: سلمان خان ہدایت کار سنجے لیلا بھنسالی کی فلم ’’انشااللہ‘‘ کے لیے اپنا وزن کم کریں گے۔
بھارتی میڈیا کے مطابق سلمان خان اپنی فلم ’’دبنگ 3‘‘ کی شوٹنگ میں مصروف ہیں۔ سلمان خان ’’دبنگ3‘‘ کی شوٹنگ مکمل کر لینے کے بعد سنجے لیلا بھنسالی کی فلم ’’انشا اللہ‘‘ کی شوٹنگ شروع کریں گے۔ سلمان خان نے ’دبنگ3‘ کے لیے اپنے وزن میں اضافہ کیا تھا لیکن ان کی اگلی فلم ’’انشااللہ‘‘ کے لیے ان کو وزن کم کرنا ہوگا۔
سلمان خان کو مختلف کردار ادا کرنے کے لیے اپنی فلموں میں اپنا وزن بڑھانا اور کم کرنا پڑتا ہے. اس سے قبل ہدایت کار علی عباس ظفر کی فلم’’سلطان‘‘ کے لیے بھی انہوں نے اپنا وزن 8 کلو کم کیا تھا۔ وزن میں کمی کے لیے فٹنس سیشن کے علاوہ سلمان خان اسکرین پر چست نظر آنے کے لیے اچھی ڈائٹ بھی فالو کریں گے۔
دوسری جانب سلمان خان اور عالیہ کے مداح دونوں کو ایک ساتھ فلم میں دیکھنے کے لیے انتظار میں ہیں۔ فلم ’’انشااللہ‘‘ میں سلمان خان ایک بزنس مین کا کردار ادا کررہے ہیں جس میں ان کی عمر 40 سال ہے جب کہ ان کے مقابل عالیہ بھٹ 20 سالہ لڑکی کا کردار ادا کریں گی۔ فلم اگلے برس عید پر ریلیز کی جائے گی۔
-
قبائلی اضلاع میں الیکشن، اپوزیشن کی شکست کی بڑی وجہ سامنے آ گئی، تفصیل جانیے اس رپورٹ میں
قبائلی اضلاع سابقہ فاٹا میں ہونے والے حالیہ انتخابات میں اپوزیشن جماعتوں کا اتحاد نہ ہونے کی وجہ سے اپوزیشن بڑی شکست سے دورچار ہوگئی ہے،
باغی ٹی وی کی رپورٹ کے مطابق اپوزیشن کے اتحاد سے صرف 3 حکومتی و آزاد ارکان جیت سکتے تھے باقی تمام سیٹیں اپوزیشن کی ہوتیں، سابقہ فاٹاکے صوبائی انتخابات میں کل 7لاکھ24ہزار28ووٹ ڈالے گئے، تحریک انصاف کو 1لاکھ 82ہزار23 ،آزادجیتنے والے تمام ارکان نے84ہزار599ووٹ حاصل کئے ،تیسرے نمبر پرجے یو آئی(ف)1لاکھ 12ہزار9سو99،چوتھے نمبرپرجماعت اسلامی کو56ہزار2سو 4 ووت ملے ، پانچویں نمبر پراے این پی کو 47ہزار9سو85،چھٹے نمبر پر پیپلزپارٹی کو28ہزار3سو89اورساتوں نمبر پر مسلم لیگ ن کو8ہزار2سو3ووٹ ملے ،پی ٹی آئی نے16،جے یوآئی نے 15،جے آئی ،اے این پی ،پی پی نے 13،مسلم لیگ نے5امیدوارکھڑے کئے تھے،
میڈیا رپورٹس کے مطابق سابقہ فاٹاکے صوبائی انتخابات میں کل 7لاکھ24ہزار28ووٹ ڈالے گئے تحریک انصاف کو 1لاکھ 82ہزار23 ووٹ،آزادجیتنے والے تمام ارکان کو84ہزار599،اور اپوزیشن کو2لاکھ53ہزار7سو80ووٹ ملے ہیں ۔ تحریک انصاف کوسب سے زیادہ 1لاکھ 82ہزار23 ووٹ،آزادجیتنے والے تمام ارکان کو84ہزار599،تیسرے نمبر پر جمعیت علماء اسلام (ف)کو1لاکھ 12ہزار9سو99،چوتھے نمبرپرجماعت اسلامی پاکستان کو56ہزار2سو 4،پانچویں نمبر پر عوامی نیشنل پارٹی کو 47ہزار9سو85،چھٹے نمبر پر پیپلزپارٹی کو28ہزار3سو89اورساتوں نمبر پر مسلم لیگ ن کو8ہزار2سو3ووٹ حاصل کئے،
تحریک انصاف نے تمام 16حلقوں میں امید وارکھڑے کئے تھے جبکہ جمعیت علماء اسلام (ف)نے 15حلقوں میں،جماعت اسلامی پاکستان نے13حلقوںمیں،عوامی نیشنل پارٹی نے 13، پیپلزپارٹی نے 13اور مسلم لیگ ن 5حلقوں میں اپنے امیدوارکھڑے کئے تھے ۔سابقہ فاٹا میں صوبائی انتخابات میں تحریک انصاف کو 5، آزاد6، جمعیت علماء اسلام (ف)3، جماعت اسلامی اور اے این پی نے ایک ایک سیٹ حاصل کی ہے، واضح رہے کہ قبائلی اضلاع میں الیکشن کو حکومت کی بڑی کامیابی قرار دیا جارہا ہے جبکہ ان انتخابات میں پی ٹی آئی نے ایک بار پھر میدان مار لیا ہے، جو آزاد امیدوار جیتے ہیں ان کا تعلق بھی تحریک انصاف سے ہی بتایا جاتا ہے اور وہ جلد پی ٹی آئی میں باقاعدہ طور پر شامل ہو جائیں گے.
محمد اویس -
امریکی صدر کی مسئلہ کشمیر کے حوالے سے ثالثی کا کردار ادا کر نے کی پیشکش نمایاں کامیابی ہے،ایم شاہ زید
امریکی صدر کی مسئلہ کشمیر کے حوالے سے ثالثی کا کردار ادا کر نے کی پیشکش نمایاں کامیابی ہے،ایم شاہ زید
لاہور ۔ 23 جولائی(اے پی پی )تحریک انصاف کے سینئرمرکزی رہنما ایم شاہ زید خا ن نے وزیراعظم عمران خان کے دورہ امریکہ کو انتہائی کامیاب قرار دیتے ہوئے کہا ہے کہ وزیراعظم عمران خان کا امریکی صدر ڈونلڈ ٹرمپ کی دعوت پرامریکہ کا دورہ انتہائی کامیاب رہا، اپنے ایک بیان میں انہوں نے کہاکہ امریکی صدر ڈونلڈ ٹرمپ کی جانب سے مسئلہ کشمیر کے حوالے سے ثالثی کا کردار ادا کر نے کی پیشکش کر نا بڑی کامیابی ہے،دورہ امریکہ سے پاکستان اورامریکہ کے درمیان تعلقات مزید بہتر ہوں گے،پاکستان کو دنیا میں تنہاکرنے کی کوششیں کر نے والوں کو منہ کی کھانا پڑی ہے ۔ انہوں نے کہاکہ امریکی صدر ڈونلڈ ٹرمپ کی جانب سے مسئلہ کشمیر کے حوالے سے ثالثی کا کردار ادا کر نے کی پیشکش کر نا بڑی کامیابی ہے، وزیراعظم عمران خان نے پاکستان کو پوری دنیا میں جو مقام دلانے کا وعدہ کیا تھا وہ پورا ہونے جارہا ہے، وزیراعظم پاکستان نے امریکی صدر کو یقین دلایاکہ پاکستان خطے کے امن کے لیے اپنا کردار ادا کرتا رہے گا،انہوں نے مزید کہاکہ وزیراعظم عمران خان نے قومی امنگوں کے عین مطابق امریکہ میں پاکستان کا مقدمہ لڑا، آرمی چیف کا وزیراعظم کے ہمراہ ہونا ایک واضح پیغام ہے کہ ملکی مفاد کے تحفظ کیلئے داخلی اور خارجی محاذ پر سیاسی اورعسکری قیادت ایک پیج پر ہیں ،باہمی دلچسپی اور احترام پر مبنی دوطرفہ پاک امریکہ تعلقات اشد ضروری تھے، وزیراعظم عمران خان کا دورہ امر یکہ بہت اہم تھا جس کے لیے حکومت کی جانب سے انتھک محنت کی گئی ۔
-
عارف والا : بس اور ٹرالر تصادم
عارف والا (نمائندہ باغی ٹی وی) قبولہ روڈ پر مال منڈی مویشیاں کے قریب تیز رفتار نیو چوہدری بس موڑ کاٹتے ہوئے مکئی سے لوڈ ٹرالر کے ساتھ ٹکرا گئی
حادثہ میں بس کے تمام مسافر معجزانہ طور پر محفوظ رہے تاہم ریسیکو 1122 کے نوجوان اور پولیس موقع پر پہنچ گئی
ٹرالر ڈرائیور حادثہ کے بعد فوری طور پر موقع سے فرار ہو گیا -
عارف والا : مشروب پینے سے جانی نقصان
عارف والا (نمائندہ باغی ٹی وی) چک نمبر 67 مشروب پینے سے ایک بچی جاں بحق ہوئی اور تین بچیوں کی حالت نازک انتظامیہ کے نمائندے، فوڈ اتھارٹی اور پولیس متاثرہ گاؤں 67 ای بی پہنچ گئی
6 سالہ مریحہ فاطمہ دختر قمر عباس، 5 سالہ میشاء دختر اشفاق، چار سالہ سائرہ دختر شبیر اور 6 سالہ فاطمہ دختر خادم حسین کی حالت خراب ہونے پر انہیں ٹی ایچ کیو ہسپتال لایا گیا تھا، تین بچیوں کو ساہیوال ہسپتال منتقل کر دیا گیا، گاؤں میں شادی تھی اور بچیاں خود ہی دلہن دیکھنے شادی والے گھر چلی گئیں جہاں بچیوں نے بوتلیں پیں جس سے انکی حالت خراب ہوئی جس دوکان سے بوتلیں منگوائی گئیں تھیں وہ دوکاندار موقع سے فرار ہو گیا