Blog
-
امریکی گلوکار جوناس کی اپنی ہی بیوی سے دوسری شادی.
امریکی گلوکار جوزف جوناس اور ٹرنر نے ہنی مون کیلئے مالدیپ کارخ کر لیا.جوناس نے سماجی رابطے کی ویب سائٹ انسٹا گرام پر اپنی بیوی ٹرنر کے ساتھ بنائی گئی تصاویر شئیر کی ہیں.جونا س نے ٹرنر کے ساتھ پہلی بار شادی لاس ویگاس میں کی جس میں ان کی فیملی نے شرکت نہیں کی تھی.اور پھر دونوں نے جون میں دوبارہ شادی کرنے کا فیصلہ کیا اور اس با ر انہوں نے ا پنی شادی کی تمام تقریبات فرانس میں کی جس میں بڑی تعداد میں ان کے رشتے داروں اور قریبی دوستوں نے شرکت کی .
-
وفاقی کابینہ کا اجلاس، سابق حکمرانوں سے وصولی کرنیکا فیصلہ
وزیراعظم کی زیر صدارت وفاقی کابینہ کا اجلاس ختم ہو گیا ہے کابینہ اجلاس میں فیصلہ کیا ہے کہ سابق حکمرانوں سے ان کے کیمپ آفس اور طبی اخراجات جو انہوں نے سرکاری خزانے سے خرچ کئے وہ وصول کئے جائیں گے
اراکین اسمبلی نے علاج پر کتنے خرچ کئے، وفاقی کابینہ اجلاس میں لیا جائے گا جائزہباغی ٹی وی کی رپورٹ کے مطابق وزیراعظم عمران خان کی زیر صدارت وفاقی کابینہ کا اجلاس ہوا ،اجلاس میں سرکاری عمارتوں کےمستقبل سےمتعلق ایجنڈہ موخرکردیا گیا، وفاقی کابینہ نے اسلام آباد میں پلاسٹک بیگز پرپابندی عائد کرنے کی منظوری دے دی ،وفاقی کابینہ نے توصیف ایچ فاروق کوچیئرمین نیپرالگانے کی منظوری دیدی .
وزیراعظم کو وفاقی کابینہ سمیت کام سے روکا جائے ، بڑی خبر آ گئی
وزیراعظم نے کرپشن اور منی لانڈرنگ کرنے والوں کے خلاف بڑا حکم دے دیا
کابینہ اجلاس میں وزیراعظم کو بتایا گیا کہ نوازشریف نے کیمپ آفس اورمیڈیکل اخراجات کی مدمیں 5.4ارب خرچ کیے ،آصف زرداری کےکیمپ آفسزاورطبی اخراجات پر3ارب سےزائدخرچ کیے گئے، اجلاس میں فیصلہ کیا گیا کہ وفاقی حکومت تمام اخراجات سابقہ حکمرانوں سے وصول کرے گی.
کسی کو این آراو نہیں دوں گا، وزیراعظم کا ایک بار پھر اعلان
ہمارے نوجوان وزیراعظم کے دل کے بہت قریب ہیں، زرتاج گل
واضح رہے کہ وزیراعظم عمران خان اسی ماہ امریکا کا دورہ کر رہے ہیں جہاں ان کی امریکی صدر سے بھی ملاقات ہو گی، وزیراعظم کے دورہ امریکا کے حوالہ سے تیاریاں کی جا رہی ہیں، وزیراعظم کے ہمراہ وزیر خارجہ شاہ محمود قریشی امریکہ جائیں گے.
-
مقبوضہ کشمیر: 5 سال میں 413 بھارتی فوجی ہلاک .رپورٹ
پچھلے 5 سال میں مقبوضہ کشمیر کے اندر 413 بھارتی فوجی ہلاک ہوئے ، بھارت کا رپورٹ میں اعتراف
باغی ٹی وی رپورٹ بھارتی لوک سبھا میں رپورٹ پیش کی گئی ہے کہ پچھلے پانچ سال میں مقبوضہ کشمیر میں 960 بندوق بردار حریت پسند شہید اور 413 فوجی اہلکار ہلاک ہوگئے.
باغی ٹی وی رپورٹ کے مطابق ریاست کے ہوم سیکرٹری جے کرشن ریڈی نے لو سبھا میں رپورٹ پیش کرتے ہوئے کہا ہے کہ پچھلے پانچ سال میں یعنی 2014 سے جون2019 تک 960 حریت پسند کشمری شہید اور 413 فوجی ہلاک ہو گئے ہیں. انہوں نے کہا کہ اس دوران سیکیورٹی فورسز نے کافی اہم کامیابیاں سمیٹی ہیں.اور ریاست میں ملی ٹینسی کو کم کرنے کے لیے اہم اقدام کیے ہیں.
-
چھوٹے اور باریک بالوں سے پریشان خواتین خوش ہوجائیں
خوبصورت اور گھنے بال کرنا اب بس ایک خواب ہی نہیں اگر آپ مندرجہ ذیل طریقے استعمال کرتی ہیں تو آپ کے بال بھی گھنے اور لمبے ہو سکتے ہیں.
بالوں کا کاٹنا:
اگر آپ اپنے بالوں کی بہتر نشوونما چاہتے ہیں تویہ اس کا سب سے آسان طریقہ ہے۔ ماہرین کے مطابق ہر 4 سے 8 ہفتوں کے دوران بال کٹوانے سے ان کی صحت پر انتہائی مثبت اثرات مرتب ہوتے ہیں اور بالوں کو بڑھنے میں مدد ملتی ہے جب کہ اس طریقے سے بال مضبوط اور گھنے بھی ہوتے ہیں۔نیم گرم تیل سے مالش کرنا:
کمزور بالوں سے نجات کے لیے سر پر نیم گرم تیل کی مالش بھی انتہائی مفید ہے اس سے نہ صرف نئے بال تیزی سے اگتے ہیں بلکہ انسان گنج پن سے بھی محفوظ رہتا ہے جب کہ بالوں کی خشکی سے محفوظ رہنے کے لئے بھی یہ طریقہ کارگر ہے۔ سر کی مالش کے لیے زیتون اور کھوپرے کا تیل زیادہ مفید ہوتا ہے۔بالوں میں انڈے کی زردی لگانا:
سر میں انڈے کی زردی لگانے سے نہ صرف بال گھنے اور مضبوط ہوتے ہیں بلکہ اس سے بالوں کی چمک اور خوبصورتی میں بھی اضافہ ہوتا ہے اس کے علاوہ یہ بالوں کی جڑوں کو بھی مضبوط بنانے میں مددگار ہوتا ہے۔دن میں 50 بار کنگھا کرنا:
اگر آپ اپنے بالوں کے مسائل سے چھٹکارا حاصل کرنا چاہتے ہیں تو اس کے لیے دن میں کم از کم 50 بار کنگھا ضرور کریں۔ ماہرین کا کہنا ہے کہ سر میں کنگھا کرنے سے نہ صرف بالوں کی جڑیں مضبوط ہوتی ہیں بلکہ بالوں کا گرنا بھی کم ہوجاتا ہے۔جسمانی صحت کے اثرات:
خون کی کمی یا جسمانی طور پر کمزور شخص کے بال کبھی بھی صحت مند توانا اور گھنے و سیاہ نہیں ہوں گے اس لیے صحت کی طرف توجہ ضروری ہے جب کہ اس سلسلے میں غذا میں موسمی پھل، سبزیاں، دودھ اور دہی کا استعمال مفید ثابت ہوتا ہے۔ -
نواز شریف کا نام مٹانے والے لوگ ختم ہو جائیں گے، خواجہ آصف
مسلم لیگ ن کے رہنما خواجہ آصف کا کہنا ہے کہ نواز شریف کا نام مٹانے والے لوگ ختم ہو جائیں گے۔
ڈی چوک پر ٹوائلٹ بنانیوالے آج اسمبلی میں بیٹھے ہیں: خواجہ آصف نے ایسا کیوں کہا؟
باغی ٹی وی کی رپورٹ کے مطابق قومی اسمبلی کے اجلاس میں خطاب کرتے ہوئے خواجہ آصف نے حکومت کو شدید تنقید کا نشانہ بنایا، خواجہ آصف کا کہنا تھا کہ حکومت معاشی بحران سے توجہ ہٹانے کیلئے شہباز شریف اور ان کے خاندان کو نشانہ بنا رہی ہے، بدترین انتقامی کارروائیاں موجودہ حکومت کی شناخت بن چکی ہیں۔
حکومت کا وقت ختم، یہ اعلان کس نے کر دیا، اہم خبر آ گئی
منشیات کے کیس میں گرفتار مسلم لیگ ن کے رکن قومی اسمبلی رانا ثنا اللہ حوالہ سے خواجہ آصف نے کہا کہ رانا کے خلاف مقدمہ مضحکہ خیز ہے، سیاسی انتقام برے شگون ہوتے ہیں، نواز شریف پر کرپشن کو کوئی الزام نہیں پھر بھی قید ہیں.
نیب میں ہم نے یہ کام کیا ہوتا تو نواز شریف جیل میں نہ ہوتے، خواجہ آصف
خودکشی سے آگےکوئی چیزہے تو عمران خان وہ کر لے، خواجہ آصف
خواجہ آصف کا مزید کہنا تھا کہ آج میرا قائد جیل میں ہے، لیکن وہ ضرور آئے گا، نواز شریف کا نام مٹانے والے لوگ ختم ہو جائیں گے۔اایک سال میں تین بجٹ پیش کیے گئے، ملک میں مہنگائی بڑھ رہی ہے، کسی نے مہنگائی پر بات نہیں کی، بجٹ پیش کرنے والے کو فوری نوازا گیا، ہوسکتا ہے مہنگائی کے علاوہ ملک میں کوئی اور ایشو نہ رہے،بجٹ کے اثرات عوام پر آنا شروع ہوگئے ہیں اور اگلے چند ماہ میں مہنگائی ملک کا سب سے بڑا مسئلہ بن جائے گا .
نواز شریف کو اڈیالہ جیل میں ہوا تھا تیسرا ہارٹ اٹیک ،مریم نواز نے کیا پریس کانفرنس میں انکشاف
تحریک انصاف کے رہنما، وزیراعظم یوتھ پروگرام کے چیئرمین عثمان ڈار نے کہا ہے خواجہ آصف کے خلاف میرے پاس ثبوت موجود ہیں.سابقہ ادوار میں منصوبوں کی آڑ میں کرپشن کی گئی جیسے ہی کمیشن بنے گا تمام فائلز کمیشن کے سامنے رکھوں گا.
شہباز شریف نے قومی اسمبلی میں کی نواز شریف کی مخالفت، اہم خبر
وزیراعظم سے این آر او دن کو یا رات کو اور کس نے مانگا، بتایا جائے، شہباز شریف
خواجہ آصف کے بارے میں عثمان ڈار کا کہنا تھا کہ بطور وزیر دفاع اور خارجہ خواجہ آصف باہر کام کرتے رہے، ان کو 20 لاکھ تنخواہ ملتی تھی،یہ کیا بیچتے تھے امارات کو جو انھیں تنخواہ ملتی تھے، انہوں نے کہا کہ نارووال میں انفرااسٹرکچر کے نام پر جو اربوں روپے لگائے ہیں اس میں کرپشن ہے،منی لانڈرنگ اور انکے اکاؤنٹ میں ملین ڈالرز آنے کی تحقیقات ہونی چاہیے تھی،خواجہ آصف نے کِک بیک لی اورمنی لانڈرنگ کی خواجہ آصف کے خلاف ثبوت کمیشن کو پیش کروں گا،
-
کار میں گائے چوری کی انوکھی واردات چور پکڑے گئے
مظفرگڑھ میں پولیس نےچوری کی انوکھی واردات ناکام بنادی،مہنگی کار کے اندر گائے زبردستی گھسا کر چوری کرکے فرار ہونے والے چور پکڑے گئے،گائے بھی برآمد کرلی گئی.مظفرگڑھ کے علاقے رنگ پور میں پولیس نے کاروائی کرتے ہوئے ایک کار کو پکڑلیا،پولیس ذرائع کیمطابق کار سوار چوروں نے ضلع جھنگ سے گائے چوری کی اور گائے کو قیمتی کار میں گھسا کر مظفرگڑھ منتقل کررہے تھے.پولیس تھانہ رنگپور نے کار سمیت گائے برآمد کرلی.گائے چور دو ملزمان کو گرفتار کرلیاگیا جبکہ ایک چور فرار ہونے میں کامیاب ہوگیا.پولیس تھانہ رنگپور نے گائے چوروں کے خلاف مقدمہ درج کرلیا ہے.
-
بھارت کو افغانستان میں شکست- پاکستان کو تنہا کرتے کرتے خود تنہا ہوگیا، خصوصی رپورٹ
پاکستان کی سفارتی سطح پر بڑی کامیابی،افغانستان میں اربوں ڈالرز کی بھارتی سرمایہ کاری ضائع، بھارت افغان امن عمل سے باہر، وزیراعظم عمران خان کے دورہ امریکہ سے بھارت پریشان، افغانستان کی موجودہ صورتحال پر بھارتی اخبار ٹائمز آف انڈیا میں ایک تفصیلی مضمون شائع ہوا ہے۔ اخبار کے مطابق اربوں ڈالر کی سرمایہ کار کے باوجود بھارت پورے افغان امن عمل میں نظر نہیں آرہا، نئی صورتحال کے مطابق پاکستان کو خطے میں مرکزی حیثیت حاصل ہو گئی ہے۔
اخبار نے لکھا ہے کہ رواں ہفتے پاکستان، امریکہ، روس اور چین کے ساتھ طالبان امن معاہدے کو حتمی شکل دے رہا ہے جس سے اسلام آباد کو افغان امن عمل میں مرکزی حیثیت حاصل ہو گئی ہے۔ اس صورت حال میں بھارت کی موجودگی یا آواز برائے نام رہ گئی ہے جبکہ پاکستان نے اس موقع کو خطے کی جیوپولیٹکس میں مرکزی کردار منوانے کے لیے استعمال کیا ہے۔اخبار کے مطابق اب امن عمل میں ہندوستان دکھائی دیتا ہے نہ ہی اس کے تحفظات کا کوئی نشان ملتا ہے۔ بھارت کو تازہ دھچکا اس وقت لگا جب افغانستان میں امریکی سفیر جان باس نے کہا کہ افغانستان میں 28ستمبر کو ہونے والے صدارتی الیکشن طالبان کے ساتھ امن مذاکرات مکمل ہونے تک موخر کیے جاسکتے ہیں۔ بھارت نے امریکی وزیرخارجہ مائک پومپیو کے دورہ دہلی کے دوران اس کی مخالفت کی تھی۔ اجیت دوول نے افغانستان میں وقت پر انتخابات کی اہمیت پر زور دیا ہے۔
اخبار نے لکھا ہے کہ بھارت نے اٹھارہ سال تک زیادہ تر افغان حکومت سے سرمایہ کاری کی۔ امریکہ چین اور روس کو ایک صفحے پر لانے میں کامیاب ہو چکا ہے اور گزشتہ ہفتہ پاکستان بھی امن عمل میں شامل ہو گیا ہے۔ پاکستان نے افغان طالبان کو مذاکرات کی میز پر لانے میں اہم کردار ادا کیا ہے۔بھارت سیکورٹی تحفظات کے باوجود اس عمل سے مکمل طور پر باہر ہو گیا ہے۔دلچسپ بات یہ ہے کہ بھارت سے قریب سمجھے جانے والے سابق افغان صدر حامد کرزئی دوحا اور ماسکو میں ہونے والے مذاکرات کے سہولت کار تھے۔دریں اثنا افغانستان کی موجودہ منتخب حکومت غیر معمولی دباؤ میں ہے۔
پاکستان اس پوزیشن سے مکمل طور پر مطمئن اورخوش ہے، امریکہ اور اسکے اتحادی سعودی عرب، امارات اور قطر پاکستان کی بھرپور امداد کررہے ہیں۔ چین اور پاکستان اصولی اتحادی ہیں۔ ٹرمپ کی طرف سے ٹویٹس کے باوجود اور تو اور آئی ایم ایف نے بھی پاکستان کیلئے امدادی پیکج جاری کردیا ہے۔ جبکہ امریکہ، صدر دونلڈ ٹرمپ کے پاکستان کے خلاف متعدد ٹویٹس کے باوجود پاکستانی وزیر اعظم عمران خان کے واشنگٹن میں بھرپور استقبال کے لئے تیار ہے۔ -
رانا ثناء اللہ کا جسمانی ریمانڈ کیوں نہیں لیا گیا؟ شہر یا ر آفریدی نے بتا دیا
وزیر مملکت برائے سیفران شہر یار آفریدی نے کہا ہے کہ رانا ثنااللہ کورنگے ہاتھوں پکڑا،اس لیے ان کا جسمانی ریمانڈ نہیں لیا گیا ،کسی کونہیں چھوڑوں گا،مجھے جواب اللہ کودینا ہے
رانا ثناء اللہ کا تعلق انٹرنیشنل ڈرگ مافیا سے ہے، شہر یار آفریدی کا انکشاف
باغی ٹی وی کی رپورٹ کے مطابق شہر یار آفریدی نے قومی اسمبلی میں اجلاس سے خطاب کرتے ہوئے کہا کہ منشیات افغانستان میں بنتی اور پاکستان میں منتقل ہوتی ہے، شہر یار آفریدی کا مزید کہنا تھا کہ اے این ایف پیشہ وارانہ فورس ہے جو کسی کو سیاسی انتقام کا نشانہ نہیں بناتی، راناثنااللہ نے تسلیم کیا گاڑی سے نکلا سامان ان کا ہے ،قانون سےبالاتر کوئی نہیں ،جان جاتی ہے توجائے کمپرومائزنہیں کریں گے ،اب مقدس گائے کا کوئی تصور باقی نہیں رہا، شہریار آفریدی کا مزید کہنا تھا کہ کسی کونہیں چھوڑوں گا،مجھے جواب اللہ کودینا ہے .35سال اقتدارمیں رہنےوالوں نے اےاین ایف کےساتھ کیا کیا؟
رانا ثناء اللہ کا پانی بھی بند کردیا گیا، شہباز شریف
جیل پہنچ کر رانا ثناء اللہ بھی ہوئے بیمار، مریم اورنگزیب کی دہائی
واضح رہے کہ رانا ثناء اللہ کو اے این ایف نے گرفتار کیا تھا، گرفتاری کے بعد انہیں عدالت میں پیش کیا گیا ،عدالت نے جوڈیشل ریمانڈ پر رانا ثناء اللہ کو جیل بھجوا دیا تھا. رانا ثنا اللہ کو جیل میں عام قیدی کی سہولیات میسرہوں گی ،رانا ثنااللہ کو منشیات فروشوں کے مخصوص سیل میں رکھا جائے گا ، منشیات فردوشوں کو جیل میں سہولیات میسر نہیں ہوتیں ،جیل قوانین کے مطابق منشیات فروشوں کو بی کلاس نہیں دی جاتی .
رانا ثناء اللہ کے خلاف درج ایف آئی آر میں لکھا گیا ہے کہ جب رانا ثناء اللہ کو روکا گیا تو انہوں نے بدتمیزی کی اور گریبان پکڑے، رانا ثناء اللہ نے ناجائز اختیارات کا استعمال کرتے ہوئے منشیات سمگل کرنے کی کوشش کی، رانا ثناء اللہ کی گاڑی سے 21 کلو منشیات ملی جس میں سے 15 کلو ہیروئن بھی شامل تھی، رانا ثناء اللہ کے خلاف مخبر کی اطلاع پر کاروائی کی گئی خبرنےاطلاع دی راناثنااللہ کی گاڑی میں منشیات ہے راناثنااللہ کی گاڑی کوروکنے کیلئےحکمت عملی مرتب کی گئی موٹروے سےآنیوالی تمام گاڑیوں کی چیکنگ کی گئی
-
دریائے چناب سے ملحقہ علاقے میں کٹاؤ کا سروے جلد مکمل کرنے کی ہدایت
گجرات(نمائندہ باغی ٹی وی)ایڈیشنل ڈپٹی کمشنر ریونیوڈاکٹر حفصہ کنول نے ہدایت کی ہے کہ دریائے چناب سے ملحقہ کٹاؤ سے متاثرہ علاقوں کا سروے کرکے تفصیلی رپورٹ پیش کی جائے، محکمہ انہار کٹاؤ کی روک تھام، آبادیوں اور زرعی اراضی کو محفوظ بنانے کیلئے جامع منصوبہ تیار کرے، بلدیاتی ادارے اربن فلڈنگ سے بچاؤ کیلئے تمام سیوریج نالوں کی صفائی کا کام ہنگامی بنیادوں پر مکمل کریں، ان خیالات کا اظہار انہوں نے ڈسٹرکٹ ڈیزاسٹر مینجمنٹ کمیٹی کے اجلاس سے خطاب کرتے ہوئے کیا، اسسٹنٹ کمشنر فیصل عباس مانگٹ، سی ای اوز محمد افضل شاہد، ڈاکٹر زاہد تنویر، ایگزیکٹو انجینئرز رائے محمد نواز، عبدالوحید، ڈپٹی ڈائریکٹر سوشل ویلفیئر محمد ارشد، ڈپٹی ڈائریکٹر زراعت توسیع ڈاکٹر عرفان اللہ وڑائچ سمیت مختلف محکموں کے ضلعی سربراہان نے شرکت کی۔ ایڈیشنل ڈپٹی کمشنر ریونیو نے ہدایت کی کہ اسسٹنٹ کمشنر سرائے عالمگیر اور زراعت ڈیپارٹمنٹ کے افسران دریائے جہلم سے ملحقہ علاقہ جات کا تفصیلی سروے کرائیں اور اگر گزشتہ دنوں دریا سے گزرنے والے سیلابی ریلے سے کسی قسم کے نقصانات ہوئے ہیں تو اس بارے رپورٹ پیش کی جائے، محکمہ انہار کے افسران اور اسسٹنٹ کمشنرز دریائے چناب کے حفاظتی پشتہ جات کا معائنہ کریں، ڈنگہ کے قریب نہر اپر جہلم کے پشتوں، ککرالی کے قریب نالہ بھمبر کے کٹاؤ سے متاثرہ علاقوں کا بھی معائنہ کیا جائے۔ انہوں نے ہدایت کی کہ چیف ایگزیکٹوآفیسر ز ہیلتھ و ایجوکیشن ممکنہ سیلاب یا کٹاؤ کا شکار علاقوں میں سکولوں اور ہسپتالوں کا سروے کرائیں اور ایسے اداروں کی تفصیلات فراہم کی جائیں جنہیں خطرہ ہو سکتا ہے تاکہ انہیں محفوظ بنانے کیلئے فوری اقدامات کئے جاسکیں۔ اے ڈی سی ریونیو نے کہا گجرات میں بیشتر بڑے سیوریج نالوں کی صفائی کی جاچکی ہے، کھاریاں میں مین سیوریج نالے کی طویل عرصے بعد ڈی سلٹنگ کی گئی ہے، دیگر میونسپل کمیٹیاں بھی ڈی سلٹنگ کا عمل جاری رکھے ہوئے ہیں،افسران تمام کام کی خود نگرانی کریں۔ انہوں نے کہا کہ ممکنہ سیلاب کی صورتحال پر نظر رکھنے کیلئے کنٹرول روم فعال کیا جاچکا ہے، محکمہ صحت، لائیو سٹاک ڈیپارٹمنٹ بھی الرٹ رہیں۔ اس سے قبل تمام محکموں کے سربراہان نے فلڈ ریلیف کے بارے میں پلان بارے بریفنگ دی۔
