Baaghi TV

Blog

  • مظفر آباد لینڈ سلائیڈنگ، فیصل آباد مدرسہ کے پانچ طلباء بھی لاپتہ، تبلیغ کیلئے گئے تھے

    مظفر آباد لینڈ سلائیڈنگ، فیصل آباد مدرسہ کے پانچ طلباء بھی لاپتہ، تبلیغ کیلئے گئے تھے

    فیصل آباد کے دینی مدرسے کے 5 طلباء بھی مظفرآباد لینڈ سلائیڈنگ کےدوران لاپتہ ہو گئے ہیں.

    باغی ٹی وی کی رپورٹ کے مطابق جامعہ حسنین معروف مبلغ مولاناطارق جمیل کی سرپرستی میں کام کررہی ہے، پانچوں طلباءچھٹیوں کےدوران تبلیغی جماعت کے ساتھ گئےتھے، لاپتہ طلباءمیں ہارون،سلیمان،عفان،عمران عزیزاورعمرناصرشامل ہیں،

    طلباءگرین ٹاؤن میں واقع جامعہ حسنین میں درس نظامی کورس کررہےتھے، واضح رہے کہ مظفر آباد میں شدید بارشوں‌کی وجہ سے لینڈ سلائیڈنگ اور سیلاب کی وجہ سے شدید نقصان ہوا ہے. این ڈی ایم اے نے مظفر آباد میں کنٹرول روم قائم کر دیا ہے اور پاک فوج بھی بھرپور انداز میں ریلیف و ریسکیو آپریشن جاری رکھے ہوئے ہے.

  • بلوچستان میں 144 نافذ۔

    محکمہ داخلہ حکومت بلوچستان نے مجاز حکام کی منظوری سے ایک حکم نامے کے ذریعہ ضلع کوئٹہ کی حدود میں فوری طورپر دفعہ 144 نافذ کردی ہے جسکے تحت جلسہ کرنے جلوس نکالنے دھرنے دینے اور 5 یا 5 سے زائد افراد کے اجتماع پر پابندی عائد رہے گی۔اس اقدام کا مقصد عوام کی جان مال کا تحفظ اور سڑکوں کی بندش کی صورت میں انہیں درپیش مشکلات کو دور کرنا ہے ۔

  • جیپنیز کار ڈیلرز ایسوسی ایشن اور انجمن تاجران لاہور کے وفد کی منسٹر ایکسائز حافظ ممتاز سے ملاقات

    جیپنیز کار ڈیلرز ایسوسی ایشن اور انجمن تاجران لاہور کے وفد کی منسٹر ایکسائز حافظ ممتاز سے ملاقات

    جیپنیز کار ڈیلرز ایسوسی ایشن اور انجمن تاجران لاہور کے وفد نے منسٹر ایکسائز حافظ ممتاز سے ملاقات کی ہے.

    باغی ٹی وی کی رپورٹ کے مطابق وفد میں علی سلہری شاہد ڈوگر اور ناصر ڈولہ بھی شریک ہوئے، نائب صدر انجمن تاجران لاہور حافظ سجاد نے وفد کی قیادت کی، ملاقات کرنے والوں میں فرحان حافظ ابوبکر عدنان اسلم اور ابراہیم شبیر بھی شریک ہوئے.

    جپنیز کار ڈیلرز ایسوسی ایشن اور انجمن تاجران لاہور کے وفد کی منسٹر ایکسائز حافظ ممتاز سے ملاقات کےد وران کار ڈیلرز کو درپیش مسائل پر تفصیلی گفتگو کی گئی. وفد نےکار شوروم کی رجسٹریشن اور سروس ٹیکس پر اپنے مطالبات پیش کئے.

  • جج ارشد ملک ویڈیو سکینڈل کی سماعت ،ن لیگ نےحسب عادت اپنے وکلا کو سپریم کورٹ پہنچنے کا پیغام دے دیا

    جج ارشد ملک ویڈیو سکینڈل کی سماعت ،ن لیگ نےحسب عادت اپنے وکلا کو سپریم کورٹ پہنچنے کا پیغام دے دیا

    اسلام آباد:مریم نواز ،جج ارشد ملک ویڈیو سکینڈل کی سپریم کورٹ میں بازگشت کے بعد اب کل 16 جولائی کو سماعت ہونے جارہی ہے .ن لیگ نے اپنے وکلا کو کل ہر صورت سپریم کورٹ پہنچنے کی ہدایت کردی

    باغی ٹی وی ذرائع کے مطابق ن لیگ نے حسب عادت و حسب روایت سپریم کورٹ پر دباو بڑھانے کے لیے پرانا حربہ اختیارکرتے ہوئے کل صبح نو بجے ن لیگی وکلا کو ہر صورت سپریم کورٹ پہنچنے کی درخواست کی ہے.

    اپنے پیغام میں نائب صدر ن لیگ لائیرز فورم محمد بلال ملک نے پیغام میں‌کہا ہے کہ کل جج ارشد ملک ویڈیو سکینڈل کی سماعت ہونے جارہی ہے لہٰذا تمام ن لیگی وکلا ہر صورت پہنچیں .یاد رہے کہ اس سے قبل بھی ن لیگ ایسے ہی حربے استعمال کرکے سپریم کورٹ پر دباو بڑھاتی رہی ہے.

  • دلجیت دوسانج کی زندگی کی کہانی

    دلجیت دوسانج کی زندگی کی کہانی

    دلجیت دوسانج (6 جنوری 1984 ء میں پیدا ہوئے) ایک بھارتی گلوکار، اداکار، ٹیلی ویژن کے مینیجر اور سوشل میڈیا مشہور شخصیت جو پنجابی اور ہندی سنیما میں کام کرتا ہے.

    باغی ٹی وی کی رپورٹ کے مطا بق دلجت داسنج بھارتی موسیقی صنعت میں معروف فنکاروں میں سے ایک کے طور پر تسلیم کیا جاتا ہے. انہوں نے پنجابی فلموں میں بھی کام کیا ہیں، جن میں سے بہت سے قابل ذکر فلم ہیں جن میں جیٹ اور جولیٹ، جٹ اور جولیٹ 2، پنجاب 1984، سردار جی، امارسرہ، سردار جی 2، سپر سنگھ، سووما، سججن سنگھ رنگروٹ اور شادا شامل ہیں. تاریخ میں سب سے کامیاب پنجابی فلموں میں سے. ان کی پہلی ریکارڈ کی مرکزی دھارے کی کارکردگی فننون کیٹس کی طرف سے پیدا ہونے والے 2004 کے البم سے ان کے سولو ٹریک اور موسیقی ویڈیو اشق دا ادا عدا تھے. انہوں نے اپنی بالی ووڈ کے ساتھ 2016 ء میں اڈتا پنجاب کے ساتھ بنا دیا جس کے لئے انہوں نے بہترین مرد ڈیبٹ کے فلم فیز ایوارڈ حاصل کی. وہ زیادہ تر سفید وائٹ پروڈکشنز کے ساتھ کام کرتا ہے. رائٹنگ سٹار میں وہ بھی ایک جج ہے.

  • سٹاک ایکس چینج میں 714 پوائنٹس کی کمی،مندی کا رجحان جاری

    سٹاک ایکس چینج میں 714 پوائنٹس کی کمی،مندی کا رجحان جاری

    کراچی: کاروباری ہفتے کا پہلادن سٹاک ایکس چینج کے لیے اچھا نہیں رہا اور 100انڈیکس 714پوائنٹس کی کمی ساتھ 33ہزار کی نفسیاتی حد بھی کھو بیٹھا۔

    کاروبار کے دوران 100انڈیکس زیادہ سے زیادہ 33ہزار 672 جبکہ کم از کم 32 ہزار 895 کی سطح پر دیکھا گیا تاہم کاروبار کے اختتام پر 100انڈیکس 714پوائنٹس کی کمی ساتھ 33ہزار کی نفسیاتی حد بھی کھو بیٹھا اور 32ہزار 958 پوائنٹس پر بند ہوا۔

    ذرائع کے مطابق سٹاک ایکس چینج میں کاروبار کے دوران 5کروڑ 22 لاکھ30 ہزار 130 حصص کا لین دین ہوا جن کی مارکیٹ ویلیو 2 ارب 21 کروڑ47 لاکھ 18 ہزار 337 روپے ہے۔

  • آئی سی سی نے کھلاڑیوں کی نئی رینکنگ جاری کر دی، ٹاپ ٹین میں کتنے پاکستانی شامل ہیں؟ اہم خبر

    آئی سی سی نے کھلاڑیوں کی نئی رینکنگ جاری کر دی، ٹاپ ٹین میں کتنے پاکستانی شامل ہیں؟ اہم خبر

    آئی سی سی نے ون ڈے ٹیم اورکھلاڑیوں کی نئی رینکنگ جاری کردی ہے.

    باغی ٹیم کی رپورٹ کے مطابق ٹیم رینکنگ میں عالمی چیمپئن انگلینڈ 125 پوائنٹس کے ساتھ پہلےنمبر پر موجود ہے. بھارتی ٹیم دوسرے،نیوزی لینڈتیسرے،آسٹریلیاچوتھےاورجنوبی افریقاپانچویں نمبرپرہے، پاکستان ٹیم 97 پوائنٹس کے ساتھ چھٹےنمبرپرموجود ہے،

    ٹاپ10بیٹسمینوں میں بھارتی کپتان ویرات کوہلی پہلےنمبرپرہیں، قومی کرکٹربابراعظم بیٹسمینوں کی فہرست میں تیسرےنمبرپرموجود ہیں، بولرزکی رینکنگ میں بھارتی بولرجسپریت بھمراپہلےنمبرپربراجمان ہیں، ٹاپ 10 میں کوئی پاکستانی بولرز شامل نہیں، آل راؤنڈرمیں بنگلادیش کےشکیب الحسن پہلےاورپاکستان کےعمادوسیم چوتھےنمبرپرہیں،

  • فیصل آباد :شبر زیدی سے مذاکرات ناکام ،ملز اور لومز بند ہونے کی صورت میں لاکھوں مزدوروں کے بیروزگار ہونے کا خدشہ

    فیصل آباد :شبر زیدی سے مذاکرات ناکام ،ملز اور لومز بند ہونے کی صورت میں لاکھوں مزدوروں کے بیروزگار ہونے کا خدشہ

    فیصل آباد کےصنعتکاروں اور شبرزیدی کے مابین مذاکرات ناکام، صنعتی بحران شدیدہونےلگے.مزدور پریشان اور صنعت کار حکومتی پالیسیوں پر عدم اعتماد ،اطلاعات کے مطابق ایف بی آر چیئرمین شبرزیدی اورفیصل آباد کے صنعتکاروں کے ساتھ ہونے والے مذاکرات ختم ہو گئے جس میں حکومت کی جانب سے شناختی کارڈ کی شرط اور 17 فیصد سیلز ٹٰیکس واپس لینے سے انکار کر دیا گیا۔

    تفصیلات کے مطابق فیصل آباد بزنس کمیونٹی کے دس رکنی وفد نے چیئرمین ایف بی آرشبرزیدی سے ملاقات کی۔جس میں موجود قانونی ماہرین بھی چیئرمین نیب کومندرجہ بالا شرائط واپس لینےپرقائل کرنے میں ناکام رہے،خریداری میں شناختی کارڈ کی لازمی شرط پرعمل درآمد اگست سے لاگو ہوگا ۔یہاں یہ بات قابل ذکر ہے کہ 265پراسسنگ ملز اور 6000 پاور لومز بند ہونے کی صورت میں لاکھوں مزدور بیروزگار ہوجائیں گے۔

  • ورلڈ کپ میں شکست، کوہلی کو کپتانی سے ہٹا کر کس کھلاڑی کو کپتان بنایا جاسکتا ہے؟ اہم خبر

    ورلڈ کپ میں شکست، کوہلی کو کپتانی سے ہٹا کر کس کھلاڑی کو کپتان بنایا جاسکتا ہے؟ اہم خبر

    ورلڈ کپ کے سیمی فائنل میں شکست کے بعد پہلے بھارتی ٹیم میں‌ دھڑے بندی اور اختلافات کی خبریں‌ آ رہی تھیں اب یہ کہا جارہا ہے کہ ہندوستانی کرکٹ ٹیم کے کپتان ویرات کوہلی کو کپتانی سے ہٹا کر ان کی جگہ دوسرے دھڑے کو لیڈ کرنے والے کھلاڑی روہت شرما کو کپتان بنایا جاسکتا ہے.

    باغی ٹی وی کی رپورٹ کے مطابق ہندوستانی میڈیا نے دعویٰ کیا ہے کہ بھارتی کرکٹ‌ بورڈ‌ نے سیمی فائنل میں ناقص حکمت عملی کے سبب اہم میچ ہار کر ورلڈ کپ سےباہر ہونے پر ٹیم کی کپتانی تبدیل کرنے پر غور شروع کر دیا ہے اور ویرات کوہلی کی جگہ روہت شرما کو کپتان بنانے کی باتیں کی جارہی ہیں.

    میڈیا رپورٹس کے مطابق بھارتی کرکٹ بورڈ کے ایک اعلیٰ افسر کا کہنا ہے کہ کرکٹ ٹیم کی باگ ڈور روہت شرما کے ہاتھ میں دیے جانے کا یہ اچھا وقت ہے کیونکہ وہ بہترین اوپنر، اچھے کھلاڑی اور ویرات کوہلی کے بہتر متبادل ثابت ہو سکتے ہیں.

    کہا جارہا ہے کہ اگر ویرات کوہلی کو کپتانی سے ہٹایا گیا تو ٹیسٹ میں وہ بدستور کپتان رہیں گے. بھارتی کرکٹ بورڈ نے ٹیم میں گروہ بندی کی خبروں سے متعلق بھی تحقیقات کا آغاز کر رکھا ہے. واضح رہے کہ بھارتی ٹیم کے میچ ہارنے پر کرکٹ بورڈ اور ٹیم کو سخت تنقید کا سامنا کرنا پڑ رہا ہے.

  • پاک آرمی کے ہیلی کاپٹرز دریائے نیلم میں پھنسے لوگوں کو نکالنے کے لیئے آپریشن کر رے ہیں