Baaghi TV

Blog

  • عبدالعلیم خان نے لاہور ہائی کورٹ سے رجوع کر لیا

    عبدالعلیم خان نے لاہور ہائی کورٹ سے رجوع کر لیا

    لاہور:پاکستان تحریک انصاف کے رہنما عبدالعلیم خان نے انکم سپورٹ لیوی ٹیکس کے خلاف لاہور ہائی کورٹ سے رجوع کر لیا۔درخواست میں وفاقی حکومت، ایف بی آر اور ان لینڈ ریونیواتھارٹی کو فریق بنایا گیا ہے،

    عبد العلیم خان کی طرف سے دائر کی اس درخواست میں موقف اختیار کیا گیا ہے کہ درخواستگزار ایک رجسٹرڈ ٹیکس پیئر ہے اورشریعت کے مطابق زکوٰۃ بھی ادا کرتا ہے اور ہمیشہ قانونی طور پر ٹیکس ادا کیا اور کبھی ڈیفالٹ نہیں کیا، عبد العلیم خان نے کہا کہ تاہم انکم ٹیکس لیوی سپورٹ ایکٹ 2013 آرٹیکل 73 کے سیکشن 2 اے سے متصادم ہے،

    پی ٹی آئی رہنما کی طرف سے اس درخواست میں مزید کہا گیا ہے کہ 18ویں آئینی ترمیم کے تحت سوشل ویلفیئر صوبائی معاملہ ہے مگر ایف بی آر نے خلاف آئین درخواستگزار انکم سپورٹ لیوی ٹیکس کی وصولی کا نوٹس جاری کیا ہے۔جس کا کوئی جواز نہیں بنتا

    عبدالعلیم خان نے عدالت سے کہا کہ انکم سپورٹ لیوی ایکٹ خلاف آئین قرار دے کر کالعدم کرے اور ان لینڈ ریونیو اتھارٹی کی جانب سے انکم سپورٹ لیوی کی وصولی کالعدم قرار دینے کا حکم جاری کرے۔

  • انٹرنیشنل ایمپائر سائمن ٹافل نے ورلڈ کپ فائنل میں فیلڈ ایمپائر کی بڑی غلطی پکڑ لی

    انٹرنیشنل ایمپائر سائمن ٹافل نے ورلڈ کپ فائنل میں فیلڈ ایمپائر کی بڑی غلطی پکڑ لی

    سابق انٹرنیشنل امپائر سائمن ٹافل نے کہا ہے کہ انگلینڈ اور نیوزی لینڈ کے درمیان ہونے والے ورلڈکپ کے فائنل میں انگلینڈ کو غلط طور پر ایک اضافی رن دیا گیا،

    باغی ٹی وی کی رپورٹ کے مطابق ورلڈ‌ کپ کے فائنل میں آخری اوور کے دوران نیوزی لینڈ کی طرف سے فیلڈنگ کرنے والے کھلاڑی کی تھرو انگلینڈ کے بیٹسمین بین اسٹوکس سے ٹکرا کر باؤنڈری لائن کراس کر گئی تھی جبکہ اس دوران بین اسٹوکس اپنا دوسرا رن مکمل کرنے کے لیے بھاگ رہے تھے، اس پر فیلڈ امپائر دھرماسینا نے انگلش ٹیم کو 6 رنز دے دیے جو کہ انگلیںڈ کی فتح کا بنیادی سبب بنے،

    سائمن ٹافل کا کہنا ہے کہ فیلڈ امپائر کو یہاں انگلینڈ کو پانچ سکور دیے جانے چاہئیں تھے تاہم فیلڈ‌ایمپائر نے یہاں‌ بہت بڑی غلطی کی اور انگلینڈ کو چھ سکور دے دیے گئے. جب فیلڈر نے گیند پھینکی تو بیٹسمین نے اپنا دوسرا سکور مکمل نہیں کیا تھا یہی وہ غلطی تھی جس سے بین اسٹوکس کو سٹرائیک ملی. سائمن ٹائفن نے اپنی اس بات کو درست ثابت کرنے کیلئے ایم سی سی قوانین میں درج قانون کا حوالہ بھی دیا اور اسے ایک بڑی غلطی قرار دیا.

    واضح رہے کہ انگلینڈ نے حالیہ ورلڈ کپ میں نیوزی لینڈ کو شکست دیکر فائنل جیت لیا ہے. یہ پہلی مرتبہ ہے کہ ورلڈ کپ کے چیمپئن ہونے کا فیصلہ سپر اوور میں ہوا.

  • امریکی ڈالر ایک روپے 7 پیسے مزید مہنگا

    امریکی ڈالر ایک روپے 7 پیسے مزید مہنگا

    امریکی ڈالر مزید مہنگا ہو گیا ملک بھر میں کاروباری ہفتے کے پہلے روز ایک مرتبہ پھر امریکی ڈالر پرواز کرنے لگا، انٹر بینک میں امریکی کرنسی مزید ایک روپے 7 پیسے مہنگی ہو گئی۔

    تفصیلات کے مطابق کاروباری ہفتے کے پہلے روز امریکی ڈالر کی قدر میں تیزی دیکھی گئی، مارکیٹ میں امریکی کرنسی 1 روپے 7 پیسے مہنگی ہو گئی جس کے بعد ایک ڈالر 159 روپے 86 پیسے پر بند ہوا۔

    دوسری طرف اوپن مارکیٹ میں بھی کاروباری ہفتے کے پہلے روز ڈالر کی مسلسل اُڑان سے روپیہ ہلکان کا شکار ہے، اوپن مارکیٹ میں ڈالر 75 پیسے مہنگا ہو کر 160 روپے 50 پیسے پر بند ہوا۔

    معاشی ماہرین کے مطابق ملکی کرنسی میں کمی کا رجحان ملک میں معاشی سرگرمیوں میں حالیہ تعطل کے پیش نظر ہو سکتا ہے، ٹیکس عائد کئے جانے کے سبب تاجر اور صنعتکار پریشان ہیں جبکہ حکومت مسائل حل کرنے میں غیر ضروری تاخیر کر رہی ہے جس سے ملکی معاشی صورتحال مزید گھمبیر ہوتی جا رہی ہے۔

  • خالصتان کی حمایت، بھارت کا پاکستان سے سکھ فار جسٹس تنظیم سے متعلق بڑا مطالبہ، اہم خبر

    خالصتان کی حمایت، بھارت کا پاکستان سے سکھ فار جسٹس تنظیم سے متعلق بڑا مطالبہ، اہم خبر

    بھارتی میڈیا نے دعویٰ کیا ہے کہ انڈیا نے پاکستان سے خالصتان کی حامی تنظیم سکھ فار جسٹس پر پابندی عائد کرنے کا مطالبہ کیا ہے.

    باغی ٹی وی کی رپورٹ کے مطابق انڈیا نے مذکورہ تنظیم پر 10 جولائی کو پابندی لگائی تھی. بھارتی میڈیا کا کہنا ہے کہ کرتارپور راہداری کے حوالہ سے پاکستانی حکام سے مذاکرات کے دوران انڈیا نے یہ معاملہ اٹھایا ہے. ہندوستانی وفد کی قیادت کرنے والے وزارت داخلہ کے جوائنٹ سکریٹری ایس سی ایل داس نے میڈیا سے گفتگو کرتے ہوئے کہا کہ انڈیا اس مطالبہ پر مضبوطی سے قائم ہے ۔

    بھارتی میڈیا کا یہ بھی کہنا ہے کہ پاکستان نے اسے یقین دلایا ہے کہ اس کی سرزمین انڈیا مخالف سرگرمیوں کیلئے استعمال نہیں‌ ہو گی اور یہ کہ وہ نیویارک میں واقع اور پاکستان میں بھی مبینہ طور پر سرگرم تنظیم ’سکھ فار جسٹس‘ پر پابندی عائد کرنے کے بھارتی مطالبہ پر نوٹس لے گا۔ بھارتی میڈیا کا کہنا ہے کہ کرتار پور راہداری مذاکرات سے ایک دن قبل گوپال سنگھ چاولہ کو کرتار پور راہداری سے متعلق سرکاری پینل سے ہٹادیا لیکن چاولہ کی جگہ ایک نئے رکن امیر سنگھ کو پینل میں جگہ دی ہے ۔ بھارتی میڈیا نے دعویٰ کیا ہے کہ انڈیا نے چاولہ کو پینل میں رکھنے کی مخالفت کی تھی جس پر اسے اسے پینل سے ہٹایا گیا.

    واضح رہے کہ بھارتی وزارت خارجہ کی جانب سے چند ماہ قبل امریکہ، کینیڈا، آسٹریلیا اور یوروپین یونین ممالک کو خطوط ارسال کئے گئے تھے جس میں مطالبہ کیا گیا تھا کہ سکھ کمیونٹی ریفرنڈم 2020 کی آڑ میں بھارت کو توڑنے کی سازش کر رہی ہے لہذا سکھ فار جسٹس نامی تنظیم پر پابندی عائد کی جائے.

  • 5 پرائیویٹ اور 2 سرکاری سکولوں کو ملانے والا واحد راستہ جوہڑ بن گیا

    5 پرائیویٹ اور 2 سرکاری سکولوں کو ملانے والا واحد راستہ جوہڑ بن گیا

    الہ آباد:- گورنمنٹ گرلزہائی سکول الہ آباد , گورنمنٹ بوائز ہائی سکول الہ آباد,بسم اللہ سکول(پنجاب ایجوکیشن فاونڈیشنPEF)اور دیگر پانچ پرائیویٹ سکولز کو جانے والا واحد رستہ محلہ رحمان پورہ وارڈ نمبر 6 کنگن پور بائی پاس اور کنگن پور روڈ کو لنک کرنے والا واحد راستہ بارش کے دوسرے دن بھی لوگوں کا اور بچوں کا گزرنا دشوار ہے۔

    باغی ٹی وی کی رپورٹ کے مطابق کنگن پور بائی پاس اور کنگن پور روڈ کو لنک کرنے والے واحد راستے کا بارش ہونے کے دوسرے دن بھی کیچڑ اور گندے پانی کی وجہ سے برا حال ہوگیا ہے۔ عام لوگوں ، سکول کے بچوں ، اور نمازی حضرات کا گزرنا محال ہو گیا ہے۔ یہ راستہ الہ آباد کے گورنمنٹ گرلز اور بوائز ہائی سکولز کے علاوہ پنجاب ایجوکیشن کے زیر اہتمام سکول بسم اللہ سکول اور 5 پرائیویٹ سکولز کا واحد راستہ ہے جس کا پی سی لگانے کا ٹھیکہ ہوا ٹھکیدار نے اس رستے پر کنگن پور روڈ کی طرف سے اسحاق گجر کے گھر تک پی سی لگوائی جو کہ ٹوٹل رستے کا تقریبا چوتھائی حصے سے کم ہے اور ٹھیکیدار کام چھوڑ کے بھاگ گیا ہے۔ نمائندہ باغی ٹی وی نے ڈاکٹر عظیم الدین زاہد لکھوی اور ایڈمنسٹریٹر میونسپل کمیٹی الہ آباد شبیر ڈوگر سے درخواست کی ہے کہ اس مسئلے کو فوری حل کروائیں۔
    تاکہ سکولز جانے والے طالبعلموں اور شہریوں کو ریلیف مل سکے ۔

  • وزارت اینٹی نارکوٹکس نے رانا ثناء اللہ کے خلاف پولیس کو خط لکھ دیا. اہم خبر

    وزارت اینٹی نارکوٹکس نے رانا ثناء اللہ کے خلاف پولیس کو خط لکھ دیا. اہم خبر

    رانا ثناء اللہ کے حوالہ سے وزارت اینٹی نارکوٹکس نے پنجاب پولیس کو مراسلہ لکھ دیا. جس میں دہشت گرد تنظیموں اور منی لانڈرنگ کے حوالہ سے ریکارڈ پوچھا گیا ہے.

    باغی ٹی وی کی رپورٹ کے مطابق مسلم لیگ ن کے رہنما ،رکن قومی اسمبلی رانا ثناء اللہ کے حوالہ سے وزارت اینٹی نارکوٹکس نے پنجاب پولیس کو خط لکھ دیا ہے، جس میں رانا ثناء اللہ و دیگر ملزمان کا ریکارڈ طلب کیا ہے .

    ذرائع کے مطابق وزارت اینٹی نارکوٹکس کی جانب سے پنجاب پولیس کو مراسلے کے بعد پنجاب پولیس نے تمام ڈی پی اوز کو مراسلہ جاری کیا ہے جس میں ن لیگی رکن قومی اسمبلی اور دیگر گرفتار ملزمان کے کرمینل ریکارڈ، منی لانڈرنگ ،دہشت گرد تنظیموں کے ساتھ تعلق، فنڈنگ اور منیشات کی لین دین کا ریکارڈ طلب کیا ہے، پنجبا ب پولیس کی جانب سے مراسلے میں کہا گیا ہے کہ تمام اضلاع 15 جولائی تک متعلقہ ریکارڈ بھجوا دیں.

     

    رانا ثناء اللہ پر بنائے گئے کیس کی سزا موت، آصف زرداری بھی بول پڑے

    رانا ثناء اللہ کو عدالت نے جیل بھجوا دیا

    واضح رہے کہ رانا ثناء اللہ کو اے این ایف نے گرفتار کیا تھا، گرفتاری کے بعد انہیں عدالت میں پیش کیا گیا ،عدالت نے جوڈیشل ریمانڈ پر رانا ثناء اللہ کو جیل بھجوا دیا تھا. رانا ثنا اللہ کو جیل میں عام قیدی کی سہولیات میسرہوں گی ،رانا ثنااللہ کو منشیات فروشوں کے مخصوص سیل میں رکھا جائے گا ، منشیات فردوشوں کو جیل میں سہولیات میسر نہیں ہوتیں ،جیل قوانین کے مطابق منشیات فروشوں کو بی کلاس نہیں دی جاتی .

    رانا ثناء اللہ کی گرفتاری و جیل منتقلی، اسمبلی سیکرٹریٹ کو آگاہ کر دیا گیا

    رانا ثناء اللہ کی گرفتاری کے خلاف اسمبلی میں قرارداد جمع

    رانا ثناء اللہ کے خلاف درج ایف آئی آر میں لکھا گیا ہے کہ جب رانا ثناء اللہ کو روکا گیا تو انہوں نے بدتمیزی کی اور گریبان پکڑے، رانا ثناء اللہ نے ناجائز اختیارات کا استعمال کرتے ہوئے منشیات سمگل کرنے کی کوشش کی، رانا ثناء اللہ کی گاڑی سے 21 کلو منشیات ملی جس میں سے 15 کلو ہیروئن بھی شامل تھی، رانا ثناء اللہ کے خلاف مخبر کی اطلاع پر کاروائی کی گئی خبرنےاطلاع دی راناثنااللہ کی گاڑی میں منشیات ہے راناثنااللہ کی گاڑی کوروکنے کیلئےحکمت عملی مرتب کی گئی موٹروے سےآنیوالی تمام گاڑیوں کی چیکنگ کی گئی

  • اگر جھوت بولتا ہوں،تو شہباز شریف میرے خلاف برطانیہ میں مقدمہ کردیں، شہزاد اکبر

    اگر جھوت بولتا ہوں،تو شہباز شریف میرے خلاف برطانیہ میں مقدمہ کردیں، شہزاد اکبر

    شہباز شریف کو چیلنچ کرتا ہوں کہ میرے خلاف برطانیہ میں مقدمہ کرے.

    باغی ٹی وی رپورٹ کے مطابق مسلم لیگ ن کی طرف سے پریس کانفرنس کے جواب میں پریس کانفرنس کرتے ہوئے کہا کہ انہوں نے ایک سال پرانی تصویر دکھائی،.حمزہ شہبازکے90فیصداثاثےٹی ٹیزکی مددسےبنے.
    معاون خصوصی نے کہا کہ اسٹوری میں شریف خاندان کی کرپشن اورمنی لانڈرنگ بیان کی گئی.شہبازشریف خاندان کی2کروڑ60لاکھ ڈالرکی مشکوک ترسیلات زرآئیں.:سلمان شہباز کے اثاثوں کی بھی یہی کہانی ہے،منی لانڈرنگ کی ساری کہانیاں سامنےآچکی ہیں.
    شہزاد اکبر نے کہا کہ نویداکرام نے13کروڑکی ادائیگی علی عمران کوکرنےکااعتراف کیا.لوٹا ہوا مال شریف فیلی سے برآمد کریں گے، اگر ہم نے سٹوری کرائی ہوتی تو اخبار اس کا تبصرہ بھی کرتا ، صاف پانی کیس میں کرپشن واضح ہے شریف فیملی سے کرپشن کا پیسہ نکلوائیں گے اور پاکستان کی عوام پر خرچ کریں گے.
    یہ بھی پڑھیں
    شہبازشریف کا نیا سکینڈل، زلزلہ متاثرین کی امداد کھاتے رہے ،برطانوی اخبار

  • ایف بی آر حرکت میں، مریم نواز اور نصرت شہباز کو ٹیکس جمع کرانے کی مہلت

    ایف بی آر حرکت میں، مریم نواز اور نصرت شہباز کو ٹیکس جمع کرانے کی مہلت

    ایف بی آر نے مریم نواز اور نصرت شہباز پر ٹیکس عائد کرکے نوٹسز جاری کردیئے.

    گو سلیکٹیڈ گو! گو سازشی گو!، مریم نواز نے نعرہ لگا دیا

    باغی ٹی وی کی رپورٹ کے مطابق ایف بی آر نےمریم نوازپر 12 لاکھ 57 ہزار 907 روپےٹیکس عائدکردیا،مریم نوازکے سال 2013 کے اثاثہ جات 13کروڑ14لاکھ44ہزار578 روپے پرٹیکس عائدکیا گیا تھا .

    نصرت شہبازپر بھی ایک لاکھ 72 ہزار 659 روپےکاٹیکس عائد کیا گیا ہے، نصرت شہباز پرانکم سپورٹ لیوی ٹیکس 2013 میں90ہزار210روپے ٹیکس عائد کیا گیا تھا،ایف بی آرنے مریم نوازاورنصرت شہبازکو ٹیکس ادائیگی کیلئے23جولائی تک کی مہلت دے دی .

    واضح رہے کہ مریم نواز نے احتساب عدالت نے بھی 19 جولائی کو طلب کیا ہوا ہے.احتساب عدالت کے جج محمد بشیر نے مریم نواز کو نوٹس جاری کیا۔ نیب نے مریم نواز کیخلاف جعلی دستاویزات پر ٹرائل کیلئے درخواست دی۔ نیب کے مطابق ایون فیلڈ ریفرنس میں مریم نواز کی پیش کردہ ٹرسٹ ڈیڈ جعلی ثابت ہوئی۔

    5 جولائی 2018 کو احتساب عدالت نے ایون فیلڈ ریفرنس میں سابق وزیراعظم نواز شریف کو 10 برس قید بامشقت، مریم نواز کو 7 برس قید جب کہ داماد کیپٹن (ر) صفدر کو ایک سال قید بامشقت کی سزا سنائی تھی۔ 19 ستمبر کو اسلام آباد ہائی کورٹ نے نواز شریف، مریم نواز اور کیپٹن (ر) صفدر کی سزا معطل کرتے ہوئے ان کی رہائی کا حکم دیا تھا۔

    احتساب عدالت کی جانب سے طلبی کی خبروں کے بعد مریم نواز کا کہنا تھا کہ سوشل میڈیا سائٹ ٹویٹر پر اپنے پیغام میں انہوں نے لکھا کہ میں عوام سے پوچھتی ہوں کہ میرے سوالات کے جواب ملنے کی بجائے کیا مجھےاس NAB میں پیش ہونا چاہیئے جو آڈیو/ویڈیو کے زریعے یرغمال ہو؟

     

    تمہیں شرم نہیں آتی، مریم نواز وزیراعظم عمران خان پر برس پڑیں

    نواز شریف کے لئے ایک اور مشکل، ن لیگی ہوئے پریشان

    جج ویڈیو، مریم نواز سمیت سب کو ہو گی دس سال قید،نواز کی سزا میں ہو گا اضافہ

  • ن لیگی ایم پی اے اظہر خان کی غریب کسان کی زمین پر قبضہ اور اس پے ظلم کی کہانی غریب کسان کی زبانی

    ن لیگی ایم پی اے اظہر خان کی غریب کسان کی زمین پر قبضہ اور اس پے ظلم کی کہانی غریب کسان کی زبانی

  • پاکستان اورعرب امارات کے درمیان ایئر سروس معاہدہ پرنظرثانی کب ہوئی؟ وفاقی وزیر بول پڑے

    پاکستان اورعرب امارات کے درمیان ایئر سروس معاہدہ پرنظرثانی کب ہوئی؟ وفاقی وزیر بول پڑے

    پاکستان اور متحدہ عرب امارات کے مابین ایوی ایشن سیکٹر میں باہمی تعاون موجود ہے.اس کی ایک وجہ عرب امارات میں زیادہ تعداد میں پاکستانیوں کا ہونا ہے.یہ بات وفاقی وزیر برائے ہوابازی ،غلام سرور خان نے متحدہ عرب امارات کے سفیر حماد عبید ابراہیم سے بروز سوموار ملاقات کے دوران کہی.

    باغی ٹی وی کی رپورٹ کے مطابق اس موقع پر دونوں ممالک کے درمیان باہمی تعاون پر مشاورت ہوئی.وفاقی وزیرہوابازی کا مزید کہنا تھا کہ متحدہ عرب امارات کے پاکستانی ایوی ایشن سیکٹرکی ہر موقع پر مدد کی ہے.پاکستان اور عرب امارات کے درمیان موجود اٸیر سروس ایگر یمنٹ دسمبر 1972 میں طے پایا.اس پر نظرثانی 2جون 2015 کو کی گئی.پاکستان کی طرف سے پی آئی اے ،ایئر بلیو، شاہین ایئر فلائٹ آپریشن عرب امارات میں رکھتے ہیں۔

    اسی طرح سے عرب امارات کی طرف سے امارات ائرلائن ،فلائی دبئی، اتحاد ایرویز ،ایٸر عریبیہ اور آراے کے اپنا فلائٹ آپریشنز رکھتی ہیں.پی آئی اے پاکستان اور دبئی کے درمیان 32 فلائٹس ابوظہہبی تک 15 فلائٹس اور شارجہ تک 32 فلائٹس جاری ہیں.اسی طرح ایٸربلیو کی دبئی تک 20 فلائٹس ،ابوظہبی تک 11 فلائٹس اور شارجہ تک 18 فلائٹس جاری ہیں.جبکہ دوسری طرف امارات /ایئر دبئی کی دبئی سے کراچی ،اسلام آباد، لاہور ،پشاور ،ملتان ،سیالکوٹ ،فیصل آباد اور کوئٹہ تک 134 فلائٹس چلا رہا ہے.اسی طرح اتحاد ایٸرویز ابوظہبی سے کراچی ،پشاور ،ملتان ،سیالکوٹ، فیصل آباد اور کوئٹہ کے درمیان 39 فلائٹ چلا رہا ہے.ایئر عربیہ پاکستان کے مختلف شہروں میں 52 فلائٹ چلاتا ہے.اٸیرعریبیہ 8 فلائٹ آپریشن راس الخیمان اور پاکستان کے درمیان چلاتا ہے.

    اسی طرح عرب امارات کی مختلف اٸیر لاٸنز دبٸ سے تربت، گوادر اور پنجگور بھی ففتھ فریڈم ٹریفک رائٹس کے تحت آپریشن شروع کرنا چاہت ہٕں.دونوں ممالک کے درمیان یہ طے پایا ہے کہ جولائی کے آخری ہفتے میں دونوں ممالک کے وی ایشن سیکٹر پر ایک اور اجلاس رکھا جائے گا جس میں باہمی مشاورت کے بعد کچھ اہم فیصلے کیے جائیں گے۔اس موقع پر شاہ رخ نصرت،سیکرٹری ایوی ایشن ڈویژن بھی موجود تھے۔