Baaghi TV

Blog

  • سی ٹی اولاہور کی طرف سے وارڈنز کوتعریفی اسناد اور نقد انعامات تقسیم کئے گئے

    سی ٹی اولاہور کی طرف سے وارڈنز کوتعریفی اسناد اور نقد انعامات تقسیم کئے گئے

    سی ٹی او کیپٹن(ر)لیاقت علی ملک کی طرف سے بہترین ڈیوٹی پر 144 وارڈنز کو تعریفی اسناد اور نقد انعامات تقسیم کئے گئے،سٹی ٹریفک پولیس میں کارکردگی کی بنا پر ہر ہفتے سینکڑوں وارڈنز کو انعامات دیئے جا رہے ہیں، اس حوالے سے سی ٹی او کیپٹن(ر)لیاقت علی ملک کا کہناتھاکہ ٹریفک وارڈنز کوتعریفی اسناد سے نوازنے کا مقصد ان کی خدمات کا اعتراف کرتے ہوئے ان کے مورال کو مزید بڑھانا ہے۔

    سی ٹی او لاہور نے باہمی رضامندی پر 25 پٹرولنگ افسران، وارڈنز، ٹریفک اسسٹنٹس کے تبادلے کر دیئے، وارڈنز کو ان کے من پسند ٹریفک سیکٹرز میں تعینات کر دیا گیا،سٹی ٹریفک پولیس میں وارڈنز کی تعیناتی کیلئے کم از کم چھ ماہ کا عرصہ درکار ہے،ٹریفک سیکٹر میں چھ ماہ گزر کے بعد وارڈنز نئی تعیناتی کیلئے درخواست دے سکتے ہیں، سی ٹی او کیپٹن(ر)لیاقت علی ملک کا کہنا تھا کہ ٹرانسفر پوسٹنگ کیلئے وارڈنز کو کسی قسم کی سفارش کی ضرورت نہیں، سٹی ٹریفک پولیس میں حقیقی میرٹوکریسی پالیسی پر عمل کیا جا رہا ہے، علاوہ ازیں وارڈنز کی ویلفیئر پر خاصی توجہ دی جا رہی ہے۔

  • بھارت کی سیمی فائنل میں‌ڈرامائی شکست، دو بھارتی شائقین دل کا دورہ پڑنے سے ہلاک

    بھارت کی سیمی فائنل میں‌ڈرامائی شکست، دو بھارتی شائقین دل کا دورہ پڑنے سے ہلاک

    نئی دہلی :بھارتی کرکٹ ٹیم کی سیمی فائنل میں ہار کئی بھارتیوں کی زندگی کی ہار ثابت ہوئی .ہار سے دلبرداشتہ دو شائقین جان کی بازی ہار گئے.نیوزی لینڈ کے خلاف پہلے سیمی فائنل میں سنسنی خیز مقابلے کے بعد شکست کے بعد بھارتی ٹیم کا ورلڈ کپ میں سفر اختتام پذیر ہوا لیکن بھارت کی اس شکست بھارتیوں کی جان لے بیٹھی

    ذرائع کے مطابق یہ واقعہ ریاست بہار کے ضلع کشن گنج میں بدھ کو میچ دیکھتے ہوئے ایک کرکٹ شائق اشوک پسوان دل کا دورہ پڑنے سے انتقال کر گیا، انہیں ہسپتال لے جایا گیا لیکن وہ اس سے قبل ہی انتقال کر چکے تھے۔

    دوسری جانب ضلع ہوگلی کے رہائشی 33سالہ سری کانتہ میٹی کو میچ کے دوران مہندرا سنگھ دھونی کے آؤٹ ہونے کے فوراً بعد دورہ پڑا، انہیں ہسپتال لے جایا گیا جہاں انہیں مردہ قرار دے دیا گیا۔یاد رہے کہ سیمی فائنل ہارنے کے بعد بھارت میں صف ماتم بچھا ہوا ہے

  • تلہ گنگ: انجمن تاجران تلہ گنگ کی جانب سے 13 جولائی سے ملک گیر شٹر ڈاون ہڑتال میں بھرپور حصہ لینے کا فیصلہ

    تلہ گنگ: انجمن تاجران تلہ گنگ کی جانب سے 13 جولائی سے ملک گیر شٹر ڈاون ہڑتال میں بھرپور حصہ لینے کا فیصلہ

    انجمن تاجران تلہ گنگ کے زیر اہتمام منعقدہ اجلاس میں شرکاء نے کہا کہ حکومت کے پیش کردہ موجودہ بجٹ میں سیلز ٹیکس کے اضافے سے کاروبار ٹھپ ہو جائیں گے جس سے ملکی معیشت کو شدید نقصان پہنچے گااور بجٹ کو تاجر و عوام دشمن قرار دےدیا۔ تمام اراکین کی طرف سے مشترکہ طور پر انجمن تاجران تلہ گنگ کے صدر ملک ظفر اقبال نے 13 جولائی بروز ہفتہ  ہونے والی ملک گیر پہیہ جام ہڑتال میں شرکت کا فیصلہ کر دیا۔

  • کہروڑپکا : جرائم پیشہ کئی افراد کی گرفتاریاں

    کہروڑپکا (نمائندہ باغی ٹی وی) لودھراں ڈسٹرکٹ پولیس آفیسر لودھراں ملک جمیل ظفر کی ہدایت پر تھانہ سٹی کہروڑپکا پولیس کی ایس ایچ او اختر حسین شاہ کی سربراہی میں جرائم پیشہ عناصر کے خلاف کارروائیاں،ایک منشیات فروش شراب کشید اور دوسرا منشیات فروش شراب فروخت کرتے ہوئے گرفتار،ملزمان کے قبضے سے 150 لیٹر دیسی شراب،90 لیٹر لہن اور چالو بھٹی برآمد،پولیس کا قحبہ خانے پر چھاپہ،جوڑا رنگ رلیاں مناتے ہوئے گرفتار،ملزمان کے خلاف الگ الگ مقدمات درج کر لیے گئے ہیں

  • وزیر اعلیٰ کا صحافی کالونی اور پریس کلب کیلئے بڑے پیکج کا اعلان، ایف بلاک اور فیز ٹو کے معاملات حل کرنے کی ہدایت

    وزیر اعلیٰ کا صحافی کالونی اور پریس کلب کیلئے بڑے پیکج کا اعلان، ایف بلاک اور فیز ٹو کے معاملات حل کرنے کی ہدایت

    وزیراعلیٰ پنجاب سردار عثمان بزدارنے صحافیوں کی فلاح و بہبود کے لئے لاہور پریس کلب کی سالانہ گرانٹ 50 لاکھ سے بڑھا کر 2 کروڑ کر دی اور جرنلسٹ کالونی کے مکینوں کے ذمہ واجب الادا ماہانہ واجبات کے تقریبا ایک کروڑ 20 لاکھ روپے ختم کرنے اورلاہور پریس کلب کے ارکان کیلئے ہیلتھ کارڈ بھی جاری کرنے کی ہدایت جاری کی ہے-

    باغی ٹی وی کی رپورٹ کے مطابق وزیر اعلی پنجاب سردار عثمان بزدار سے وزیر اعلی آفس میں لاہور پریس کلب کے نو منتخب عہدیداروں اور گورننگ باڈی کے ارکان نے ملاقات کی، اس موقع پر وزیر اعلی عثمان بزدار نے پریس کلب کے عہدیداروں کے مطالبات منظور کرتے ہوئے جلد عملدرآمد کی یقین دہانی کرائی- وزیر اعلی نے ایف بلاک کی ڈویلپمنٹ اور فیز ٹو کے امور جلد ازجلد حل کرنے کی ہدایت کی- وزیر اعلی نے بورڈ ز آف ڈائریکٹر اور منتخب مینجمنٹ کمیٹی کا نوٹیفکیشن جاری کرنے کا حکم دیا- وزیر اعلی نے کہا کہ جرنلسٹ کالونی ہربنس پورہ میں کمرشل ایریا کی تعمیر، پبلک پارک کا قیام، 30 بیڈ کے ہسپتال اور سکول کے قیام کیلئے کارروائی عمل میں لائی جائے-

    وزیر اعلی نے سیوریج اور واٹر سپلائی کا نظام واسا کے سپرد کرنے اور بجلی کا نظام لیسکو کے سپرد کرنے کیلئے کارروائی کی ہدایت کی – وزیر اعلی نے ضلعی انتظامیہ اور پولیس کو ناجائز قابضین کے خلاف قانون کے مطابق کارروائی کرنے کی ہدایت کی- وزیر اعلی نے اراضی کا پنجاب جرنلسٹ ہاؤسنگ فاؤنڈیشن کے حق میں انتقال کرنے کیلئے کارروائی کرنے کا حکم بھی دیا- لاہور پریس کلب کے صدر ارشد انصاری، سینئر نائب صدر ذوالفقار علی مہتو، جنرل سیکرٹری زاہد عابد، شاہد چوہدری اور دیگر عہدیداروں نے وزیر اعلی پنجاب سردار عثمان بزدار کا شکریہ ادا کرتے ہوئے کہا کہ صحافی برادری کیلئے وزیر اعلی کے جذبات قابل قدر ہیں –

    وزیر اعلی عثمان بزدار لاہور ہی نہیں بلکہ پورے پنجاب کے صحافیوں کیلئے امید کی روشن کرن ہیں اور انہوں نے تمام مطالبات تسلیم کر کے صحافیوں کے دل جیت لئے -وزیر اعلی عثمان بزدار نے صحافیوں کی آمد کا شکریہ ادا کرتے ہوئے کہا کہ میڈیا کے تمام دوست ہمارے لئے قابل احترام ہے، مثبت صحافت کے ذریعے عوام کے مسائل کی نشاندہی کرنے والے صحافی قابل قدر ہیں – صحافیوں سے پیار کرتے ہیں اور کرتے رہیں گے- تقریب سے صوبائی وزیر اطلاعات سید صمصام علی بخاری نے بھی خطاب کیا- اس موقع پر پرنسپل سیکرٹری ٹو سی ایم،  سیکرٹری انفارمیشن، ڈی جی پی آر،کمشنر، ڈی سی لاہور، ڈی جی ایل ڈی اے، پولیس اور دیگر حکام بھی موجود تھے-

  • اگرمیرے ضمیر پر بوجھ ہوا تو استعفٰی بلاول بھٹوکےہاتھ میں تھماؤں گا،شیخ رشید

    اگرمیرے ضمیر پر بوجھ ہوا تو استعفٰی بلاول بھٹوکےہاتھ میں تھماؤں گا،شیخ رشید

    اسلام آباد:شیخ رشید نے رحیم یارخان میں ریل حادثے کے بعد سب سے بڑا بیان دیتے ہوئے کہا ہےکہ اگرمیرےضمیرپربوجھ ہواتواستعفٰی بلاول بھٹوکےہاتھ میں تھماؤں گا.انہوں نے کہا کہ ٹرین حادثےکی تحقیقات کررہےہیں ذمہ داروں کومعاف نہیں کیاجائےگا.

    شیخ رشید نے رحیم یار خان حادثے کے متعلق کہا کہ 3سے 4روزتک حادثےکی رپورٹ جاری کردی جائےگی.شیخ رشید نے اپنے دور میں ریلوے میں ہونے والی ترقی کے بارے میں کہا کہ اس وقت ریلوے کی حالت بہتر ہوئی ہے اوراس وقت 136مسافرٹرینیں چل رہی ہیں.55فریٹ ٹرینیں چل رہی ہیں اور ہماراٹارگٹ مسافروں کی تعدادایک کروڑکرنی ہے

    وفاقی وزیر ریلوے نے مزید کہا کہ ریلوے نےمسافروں کی تعدادبڑھنےسے10ارب روپے زیادہ کمائے،ریلوےمیں 4ارب کاخسارہ کم کیا،ایم ایل ون پلان کےمطابق 13ہزارپل بھی ختم ہوجائیں گے،ایم ایل ون کےلیے4 ارب روپےملےہیں،ہم نےریلوےکی آمدن کوبڑھایاہے.

    شیخ رشید نے کہا کہ اس وقت ملک بھر میں‌ریلوے کےکل2800پھاٹک ہیں ،1500پھاٹک پرکوئی ملازم نہیں ہوتا،ریلوے کےتمام 2800 پھاٹک ختم کررہےہیں

  • چیئرمین کی ہدایات، سی ڈی اے میں زیر التواء انکوائریاں تیزی سے مکمل کرنے کا عمل جاری

    چیئرمین کی ہدایات، سی ڈی اے میں زیر التواء انکوائریاں تیزی سے مکمل کرنے کا عمل جاری

    سی ڈی اے انتظامیہ کی طرف سے محکمہ میں زیر التواء مختلف انکوائریوں کو منطقی انجام تک پہنچانے کا عمل تیزی کے ساتھ مکمل کرنے کا عمل شروع کیا گیا ہے اور اب تک مزید 11 انکوائریاں‌ مکمل کی گئی ہیں.

    باغی ٹی وی کی رپورٹ کے مطابق یہ انکوائریاں‌ مکمل کر کے قواعد کے مطابق سزائیں تجویز کی گئی ہیں۔ حالیہ انکوائریوں‌ میں جس کسی افسر یا ملازم کو ملوث پایا گیا ہے ان کیلئے سزائیں تجویز کی گئی ہیں‌ اور جن کے خلاف کسی قسم کا کوئی الزام ثابت نہیں‌ ہو سکا انہیں انکوائریوں سے بر ی الذمہ قرار دے دیا گیا ہے۔

    رپورٹ کے مطابق چیئرمین سی ڈی اے نے کچھ عرصہ قبل محکمہ میں زیر التواء انکوائریوں کا نوٹس لیتے ہوئے ہدایات جاری کی تھیں کہ انکوائری افسران کو مقررہ مدت ہی میں انکوائریاں مکمل کرنی چاہئیں بصورت دیگر انکوائری افسران کے خلاف نہ صرف انضباطی کاروائی کی جائے بلکہ ان کی سالانہ کارکردگی رپورٹ میں بھی درج کیا جائے۔ چیئرمین سی ڈی اے کی جانب سے ان ہدایات کے بعد زیر التواء انکوائریوں کا عمل تیز رفتاری سے مکمل کیا جا رہا ہے۔ سی ڈی اے کی طرف سے برق رفتاری سے انکوائریاں‌ مکمل کئے جانے کے عمل کو تحسین کی نگاہ سے دیکھا جارہا ہے.
    محمد اویس

  • مختلف شاہراہوں پر بارش کا پانی جمع ہونے کی وجہ سے عوام متاثر

    مختلف شاہراہوں پر بارش کا پانی جمع ہونے کی وجہ سے عوام متاثر

    مختلف شاہراہوں پر بارش کا پانی جمع ہونے کے باوجود وارڈنز ٹریفک کی روانی کو یقینی بنانے میں مصروف رہے۔صبح سویرے ہونے والی بارش کے باعث شہرکی مصروف شاہراو¿ں اور چوکوں ریلوے اسٹیشن، اچھرہ، جی ون مارکیٹ اور نواز شریف چوک،مال روڈ،قینچی چونگی فیروز پور روڈ،ڈیوس چوک اور لاہور پریس کلب چوک میں پانی کھڑا رہا،جس پر سی ٹی او لاہور نے ڈویڑنل افسران کو واسا انتظامیہ سے مسلسل رابطے میں رہنے کی ہدایت کی،ڈی ایس پیز خود چوکوں میں موجود رہتے ہوئے ٹریفک کو رواں دوان رکھتے رہے۔

  • یہ بچہ کس کا ہے؟ فیصل آباد،10 سالہ بچےکوکباڑ کی دوکان پر کام نہ کرنے پر قتل کردیا گیا

    یہ بچہ کس کا ہے؟ فیصل آباد،10 سالہ بچےکوکباڑ کی دوکان پر کام نہ کرنے پر قتل کردیا گیا

    فیصل آباد:غربت کے مارے ننھے بچے کا قتل ،نہ کسی کو ترس آیا اور نہ ہی پتہ کیا کہ آخر غلام محمد آباد میں ایک ننھی جان 10 سالہ زخمی بچہ کس کا ہے.؟ اطلاعات کے مطابق کچھ شہریوں نے غلام محمد آباد میں ایک بچے کو زخمی حالت میں دیکھا تو اسے الائیڈ ہسپتال پہنچایا گیا .ڈاکٹروں نے ہرممکن کوشش کی لیکن بچہ زخموں کی تاب نہ لا کر اپنے خالق حقیقی سے جاملا.بچے کی لاش کا پوسٹ مارٹم جاری ہے جس کے بعد اس میں ملوث لوگوں کے خلاف باقاعدہ کارروائی کی جائے گی

    بادل کی والدہ اور سمیت محلے کی دیگر خواتین نے بتایا کہ بادل نے دوکان پر کام کرنے سے اس لیے انکار کیا تھا کہ مزدوری بہت کم ملتی ہے. عینی شاہدین نے بتایا کہ کباڑ خانے کا مالک باد ل کو زبردستی لے کر گئے ہیں .اور پھر کام نہ کرنے پر تشدد کرکے اسے قتل کردیا ہے.

    تھانہ غلام محمد آباد کے ایس ایچ او ایوب ساہی نے بتایا کہ بچے کی والدہ کی مدعیت میں مقدمہ درج کرلیا ہے .دوسری طرف لواحقین نےالائیڈ اسپتال کے باہر سڑک کو ٹریفک کے لئے بند کرکے احتجاج کیا

    اس موقع پر شہریوں کا کہنا تھا کہ کہاں گئے وہ حکومتی دعوے کہ وہ چائلڈ لیبر ختم کردیں گے .شہریوں نے کہا کہ ہمیں دکھ اس بات کا ہے کہ غریب والدین اپنے بال بچوں کا پیٹ پالنے کے لیے اپنے ننھے منھے بچوں کو بھی مجبورا محنت مزدوری کے لیے بھیج دیتے ہیں لیکن حکومت کو کوئی احساس نہیں

  • ملک میں‌ توانائی کی کھپت اور قابل تجدید توانائی سے متعلق حکومت کس نئی پالیسی پر کام کر رہی ہے؟ اہم خبر

    ملک میں‌ توانائی کی کھپت اور قابل تجدید توانائی سے متعلق حکومت کس نئی پالیسی پر کام کر رہی ہے؟ اہم خبر

    ورلڈ اکنامک فورم کے صدر نے وزیراعظم کے معاون خصوصی برائے پیٹرولیم ندیم بابر سے ملاقات کی ہے، اس موقع پر معاون خصوصی نے ڈبلیو ای ایف کے صدر کو ملک میں توانائی کی کھپت اور قابل تجدید توانائی پر حکومت کی نئی پالیسی کے بارے میں آگاہ کرتے ہوئے کہاکہ قابل تجدید توانائی میں 2025 تک 20 فیصد اور 2030 تک 30 فیصد اضافہ ہوگا۔

    باغی ٹی وی کی رپورٹ کے مطابق جمعرات کوورلڈ اکنامک فورم کے صدر Borge Brende نے وزیراعظم کے معاون خصوصی برائے پیٹرولیم ندیم بابر سے ملاقات کی معاون خصوصی نے ڈبلیو ای ایف کے صدر کو ملک میں توانائی کی کھپت اور قابل تجدید توانائی پر حکومت کی نئی پالیسی کے بارے میں آگاہ کیا۔ انہوں نے تفصیل بتاتے ہوئے کہا کہ ہم نے قابل تجدید توانائی کی پیداوار میں آہستہ آہستہ اضافے کے حصول کا ہدف مقرر کیا ہے جس میں 2025 تک 20 فیصد اور 2030 تک 30 فیصد اضافہ ہوگا۔ ہمارا مقصد 2030 تک ہائیڈل سمیت 60 فیصد صاف توانائی کا حصول ہے۔

    انہوں نے مزید کہا کہ حکومت نے ریکوری اور بجلی چوری پر کافی حد تک قابو پا لیا ہے بازیاب ہونے کے بعد 80 فیصد فیڈرز پر بجلی کی لوڈشیڈنگ ختم اور ان پر بجلی میں مفت اضافہ کیا گیا ہے. ملاقات کے دوران گیس کے شعبہ کے بارے میں معاون خصوصی نے بتایا کہ ہم نے گیس قیمتوں کو لاگو کرنے کے لئے ٹیئرسسٹم (Tier system) متعارف کرایا اور معاشرے کے نچلے طبقے کو تحفظ فراہم کیا ہے. اسی طرح ان کا کہنا تھا کہ ہم برآمداتی بنیادوں پر صنعتوں کے لئے گیس کی قیمتوں پر بھی پہلے ہی سبسڈی فراہم کر چکے ہیں۔

    ڈبلیو ای ایف کے صدر نے پاکستان کی بہترین سیکیورٹی اور توانائی صورتحال کو سراہا اور نئی قابل تجدید توانائی پالیسی کی تعریف کرتے ہوئے اس کو وسیع پیمانے پر متعارف کروانے کے لئے ڈبلیو ای ایف کی خدمات کی پیشکش کی۔ واضح‌ رہے کہ حکومت اس وقت ملک میں‌توانائی کی کھپت اور قابل تجدید توانائی سے متعلق ایک نئے منصوبہ پر کام رہی ہے. اس ملاقات میں مشیر پٹرولیم کی جانب سے اسی منصوبہ سے آگاہ کیا.
    محمد اویس