سرگودہا،بھکر(نمائندہ باغی ٹی وی )بڑے بھائی کی غیر موجودگی میں چھوٹا بھائی شیطان بن گیاتفصیلات کے مطابق ناجاٸزتعلقات قاٸم نہ کرنےپردیورنے سگی بھابھی کوآگ لگادی پولیس ذرائع کا کہنا ہے کہ بھائیوں کی بروقت آمد پر خاتون کی جان بچ گئی۔
متاثرہ لڑکی کو ڈسٹرکٹ ہیڈ کوارٹرز اسپتال منتقل کر دیا گیاہےجبکہ آگ لگنے سے لڑکی کی کمر ، بازو اور ہاتھ جھلس گئےہیں
بپل شیخ راٶکارہاٸشی مبشرعرصہ سے بھابی کو تنگ کر رہا تھا پولیس نے تھانہ صدر میں ملزم کےخلاف مقدمہ درج کرلیا ہے جبکہ ملزم فرار ہو گیا ہے
Blog
-
بھکر: بڑے بھائی کی غیر موجودگی میں چھوٹا بھائی شیطان بن گیا
-
دریائے سندھ میں پانی کی سطح میں اضافہ،الرٹ جاری کر دیا گیا
سرگودہا!بھکر(نمائندہ باغی ٹی وی) دریائے سندھ میں پانی کی سطح میں اضافہ تفصیلات کے مطابق بالائی علاقوں میں بارشوں کے بعد دریائے سندھ میں پانی کی سطح میں مسلسل اضافہ ریکارڈ کیا گیا
دریائے سندھ میں بھکر کے مقام پر پانی کی آمد 256943 کیوسک جبکہ اخراج 250443 کیوسک ریکارڈ کیا گیا۔فلڈ فورکاسٹ ڈویژن نے اعلامیہ جاری کر دیا
اس وقت بھکر میں انتائی نچلے درجہ کا سیلابی ریلا گزررہا ہے ۔
275000 کیوسک پانی آنے سے نشبی علاقوں کو خطرہ ہے ،
نشیبی علاقوں میں ابتدائی الرٹ جاری کردیاگیا ہے ، -
کراچی میں سوشل میڈیا ایکسپرٹ جعلی پیر گرفتار، کیسے کرتا تھا خواتین کو بلیک میل؟ اہم انکشافات
کراچی میں ایف آئی اے سائبرکرائم سرکل نے کاروائی کرتے ہوئے ایک جعلی پیر کو گرفتار کیا ہے. ملزم خواتین سے بھاری مقدار میں رقوم بھی بٹور چکا ہے،
باغی ٹی وی کی رپورٹ کے مطابق ایڈیشنل ڈائریکٹرایف آئی اے سائبرکرائم سرکل نے کہا ہے کہ گرفتار ملزم آستانہ کا گدی نشین ہے.
ملزم شاہنواز نےموبائل پرویلٹ پاسورڈ بنا رکھا تھا جسے ایف آئی اے نے توڑا، ملزم جعلی آئی ڈیزبناکروائرل کرنےکی دھمکی دیتا تھا، ملزم خواتین کی غیراخلاقی ویڈیوزبنا کربلیک میل کرتا تھا،ایڈیشنل ڈائریکٹر ایف آئی اے کا کہنا ہےکہ ملزم کئی خواتین کوبلیک میل کرکےپیسے بٹور چکا ہے. ملزم شاہنواز سے 3ہزارسےزائدخواتین کی غیراخلاقی تصاویراورویڈیوزبرآمد کی گئی ہیں. ملزم کی گرفتاری کے بعد مزید ہوشربا انکشافات کی توقع ہے. واضح رہے کہ اس سے قبل بھی مختلف شہروں و علاقوں میں معصوم لوگوں کی عزتوں اور جان و مال سے کھیلنے والے جعلی پیر گرفتار کئے جاتے رہے ہیں تاہم اثررسوخ استعمال کر کے قانون کی گرفت سے بچ نکلتے ہیں. شہریوں نے گرفتار جعلی پیر کے خلاف سخت کاروائی کا مطالبہ کیا ہے.
-
جمعیت علمائے اسلام پنجاب نے تاجروں کی ہڑتال کی حمایت کا اعلان کر دیا
سرگودہا،بھکر(نمائندہ باغی ٹی وی)13 جولائی کو انجمن تاجران ضلع بھکر کی ہڑتال کی حمایت کرتےہیں ۔ مولانا محمد صفی اللہ جنرل سیکرٹری جمعیت علماء اسلام پنجاب 13جولائی کو ملک بھر میں شٹر ڈاؤن ہڑتال کو کامیاب کریں گے حالیہ بجٹ میں حکومت نے عوام پر مہنگائی کا پہاڑ گرا دیا ۔
حکومت عوام کو ریلیف دینے میں ناکام ہو چکی ہے،ملک معاشی بحران کا شکار ہو چکا ہے۔گیس بجلی اور اشیائے خوردونوش کی قیمتوں میں اضافے نے غریب کے منہ سے دو وقت کا نوالہ چھین لیا ہے۔ حکومت نے اپنے چند لوگوں کو نوازا ہے ،حکومت کے ظالمانہ ٹیکسیز کو تسلیم نہیں کرتے،
تاجروں اور عوام کا معاشی قتل کسی صورت نہیں ہونے دیں گے، ضلع بھکر کے تاجران اپنے حقوق کیلئے اٹھ کھڑے ہوں
13 جولائی کو شٹر ڈاؤن ہڑتال کامیاب کریں جمعیت علماء اسلام تاجران کی ہڑتال کی مکمل حمایت کرتی ہے ۔مولانا محمد صفی اللہ جنرل سیکرٹری جمعیت علماء اسلام پنجاب -
شیخوپورہ پولیس نے کیا روڈ سیفٹی واک کا اہتمام
شیخوپورہ(نمائندہ باغی ٹی وی) شیخوپورہ پولیس کی جانب سے روڈ سیفٹی اور ٹریفک قوانین کے متعلق آگاہی فراہم کر نے کے لئےایک واک کا اہتمام کیا گیا واک کی قیادت ڈی پی اوشیخوپورہ غازی محمد صلاح الدین نے کی دیگر شرکاء میں ڈی ایس پی ٹریفک مقصود احمد لون، ٹریفک وارڈنز، ڈسٹرکٹ پولیس، مختلف کالجز کے طلباء، صحافیوں، وکلاء اور شہریوں کی کثیر تعداد نے شرکت کی۔ ڈی ایس ٹریفک نے شرکاء سے گفتگو کر تے ہوئے کہا کہ ٹریفک قوانین پر پابندی سے شہریوں کی جان و مال کے تحفظ کو یقینی بنایا جا سکتا ہے ،اس سلسلہ میں شیخوپورہ ٹریفک پولیس کئی اہم اقدامات بروئے کار لارہی ہے ،قانون پر عمل کرنا ہی زندگی ہے غفلت لاپرواہی کو زندگی سے دور کریں اور محفوظ رہیں،شہریوں کی حفاظت کرنا ہمارا اولین فرض ہے۔ ڈی پی او شیخوپورہ غازی محمد صلاح الدین نے واک کے شرکاء اور صحافیوں سے گفتگو کرتے ہوئے کہا کہ ٹریفک پولیس ایک کرپشن فری ادارہ ہے،مقصد چالان کرنا نہیں بلکہ شہریوں کی زندگی کا تحفظ ہے،دوران ڈرئیونگ موبائل سننے کے خطرات ،سیٹ بیلٹ کے استعمال،ہیلمٹ کے بغیر مو ٹر سائیکل چلانے کے خطرات،سڑک استعمال کرنے والے دیگر افراد کے حقوق کا خیال رکھنا،اور ہیڈ برج کے استعمال،زیبرا کراسنگ کا استعمال،تیز رفتاری کے خطرات اور دیگر ٹریفک قوانین کے متعلق اگاہی فراہم کی ، انہوں نے کہا کہ شیخوپورہ پولیس کی ایجوکیشن ٹیم کالجز کے دورے کر کے طلباء کے لئے روڈ سیفٹی کے متعلق آگاہی لیکچرز کا اہتمام کر رہی ہے ،اس کے علاوہ مختلف شاہراوں پر بھی یہ ٹیم شہریوں کو اس سلسلہ میں ٹریفک قوانین کے متعلق معلومات فراہم کر رہی ہے تاکہ شہری قانون کی پاسداری کرتے ہوئے ٹریفک قوانین پر عمل کریں اور اپنی اوراپنے خاندان کی حفاظت کو یقینی بنائیں ، شہریوں نے ٹریفک بہترین سفری سہولیات مہیا کرنے کے لئے اپنے فرائض سرانجام دینے والے پولیس اہلکاران کو خراج تحسین پیش کیا۔
-
بھارت، بی جے پی لیڈر کی بیٹی نے کی دلت نوجوان سے شادی
بھارت میں بی جے پی کے ایک انتہائی متعصب لیڈر کی بیٹی نے ایک دلت نوجوان سے شادی کر لی ہے جس پر مذکورہ لڑکی نے پولیس سے اپنے ہی والد سے جان کا خطرہ ظاہر کیا ہے.
باغی ٹی وی کی رپورٹ کے مطابق ہندوستانی شہر بریلی سے بی جے پی کے رکن اسمبلی راجیش مشرا کی بیٹی ساکشی مشرا نے ایک دلت نوجوان سے شادی کر لی ہے. ساکشی نے سوشل میڈیا پر جاری کردہ ایک ویڈیو میں کہا ہے کہ اس کی شادی سے والد راجیش مشرا اور بی جے پی اہلکار خوش نہیں ہیں اس لئے ان دونوں میاں بیوی کو سکیورٹی دی جائے.
رپورٹ کے مطابق ساکشی مشرا کا کہنا ہے کہ میرے والد اور بی جے پی کی طرف سے دلت نوجوان اور اس کے اہل خانہ کو بھی دھمکیاں دی جارہی ہیں.
بی
-
ہم ان قوتوں کا مقابلہ کریں گے جو تبدیلی کا نعرہ لگاتے ہیں، بلاول
پیپلز پارٹی کے چیئرمین بلاول زرداری نے کہا ہے کہ ہم ان قوتوں کا مقابلہ کریں گے جو گھردینے کا کہہ کر غریبوں کے گھر گراتے ہیں.
باغی ٹی وی کی رپورٹ کے مطابق بلاول زرداری نے سکھر میں خواتین کے حوالہ سے منعقدہ ایک تقریب سے خطاب کرتے ہوئے کہا کہ ہم غریب عوام کے حقوق پر کوئی سمجھوتا نہیں کریں گے ،ہم اس نظام اور قوتوں کا مقابلہ کریں گے جو روزگار چھین کرتبدیلی لانےکا کہتے تھے .
بلاول زرداری نے مزید کہا کہ جب ملکر کام کریں گے تو ایک اور انقلاب آئے تو ہم سندھ کی معیشت کو بہتر کریں گے ،مل کر کام کریں گے تو تمام شعبوں میں بہتری لا سکیں گے ،سندھ کےمستقبل کیلیے مل کرکام کرنے کی ضرورت ہے،خواتین کی معاشی زندگی میں بہتری لانے کی کوشش کریں گے.
-
غلام نظام الدین سیالوی نے پی ٹی آئی کیلیے ووٹ مانگنے پر عوام سے معزرت کر لی
ساہیوال/سرگودھا(نمائندہ باغی ٹی وی)
سابق ایم پی اے صاحبزادہ غلام نظام الدین سیالوی نے اپنی رہائش گاہ پر باغی ٹی وی کے سے بات چیت کرتے ہوئے کہا کہ حلقہ این اے92کے عوام سے پی ٹی آئی کے لیے ووٹ مانگنے پر معذرت چاہتا ہوں مجبوری کے پیش نظر پی ٹی آئی کی حمایت کا فیصلہ کرنا پڑا تھا انھوں نے کہا کہ بہت جلد حلقہ کے عمائدین کا مشاورت کے لیے اجلاس بلوا کر معززین علاقہ کی باہمی مشاورت کے بعد آئندہ کے سیاسی لائحہ عمل کا اعلان کرونگا مستقبل کی سیاست جماعت سے سیاسی وابستگی عمائدین کی مشاورت کے بعد پریس کانفرنس میں کرونگا جس سے تحصیل ساہیوال حلقہ پی پی80اور این اے92کی سیاست میں نئی سیاسی تبدیلی متوقع ہے عوام نے ہمیشہ اعتماد کیا حلقہ کے عوام کے پیار کو فراموش نہیں کر سکتا الیکشن کے بعد خود کو سیاست سے الگ رکھا اب ضروری ہے اور حالات کا تقاضا ہے کہ محبت کرنیوالوں سے معذرت کر کے انکی خواہش کے مطابق آئندہ کی سیاسی زندگی کا از سرنو آغاز کروں۔ -
انجمن تاجران سرگودہا نے ملک گیر ہڑتال کی حمایت کا اعلان کر دیا
سرگودہا(نمائندہ باغی ٹی وی) پاکستان الیکٹریکل مینوفیکچررز ایسوسی ایشن سرگودھا کے صدر شیخ آصف وہرہ اور جنرل سیکٹری خواجہ طارق کی جانب سے 13 جولائی 2019 بروز ہفتہ صبح 9 بجے مکمل ہڑتال اور دھرنے کا اعلان کر دیا انہوں نے کہا کہ حکومت کی جانب سے بیکولایئٹ مینوفیکچررز پر 17 فیصد سیلز ٹیکس کے طلاق اور شناختی کارڈ پر خام مال کی خریداری کے خلاف بھرپور احتجاج کرتے ہیں
جس میں تمام فیکٹریاں بند کی جائیں گی انجمن تاجران اعظم مارکیٹ، براس مینوفیکچررز، ڈائی مولڈ میکرز، سکریو مینوفیکچرز، اور پرنٹنگ پریس بند رکھے جائیں گے مزید براں انہوں نے درج ذیل مطالبات حکومت کے سامنے پیش کیے
حکومت کی جانب سے بیکولایئٹ مینوفیکچررز پر ستارہ فیصد سیلز ٹیکس کے طلاق اور شناختی کارڈ پر خام مال کی خریداری کا فیصلہ واپس لیا جائے۔
کاٹیج انڈسٹری کی سابقہ حیثیت بحال کی جائے اور اس میں اضافہ کیا جائے۔اپنے بیان میں انہوں نے کہا کہ
ہم یہ بات باور کرانا چاہتے ہیں کہ مشرف کے آمرانہ دور میں ہم نے ظلم کے خلاف آواز اٹھائی اور کامیاب ہوئے اور انشاءاللہ تعالی اس سلیکٹیڈ حکومت کے ظالمانہ اقدام کے خلاف بھی ہم کامیاب ہوں گے -
بھارتی کرکٹر دھونی ریٹائرمنٹ کے بعد کس سیاسی پارٹی میں شامل ہوں گے؟ خبر آ گئی
بھارتی کرکٹ ٹیم کے سابق کپتان مہندرا سنگھ دھونی کرکٹ سے ریٹائرمنٹ کے بعد ہندوانتہاپسند تنظیم بی جے پی میں شامل ہو کر سیاست کریں گے.
باغی ٹی وی کی رپورٹ کے مطابق ہندوستانی میڈیا کا کہنا ہے کہ ریٹائرمنٹ کے بعد دھونی بی جے پی کی رکنیت حاصل کریں گے. یہ دعویٰ بی جے پی کی جانب سے کیا جارہا ہے. بھارتی ریاست بہار میں بی جے پی کے ایک بڑے لیڈر اور سابق مرکزی وزیر کا دعویٰ ہے کہ مہندرا سنگھ دھونی بی جے پی کی رکنیت حاصل کریں گے۔ بہار ودھان پریشد کے ممبر اور سابق مرکزی وزیر سنجے پاسوان نے کہا ہے کہ دھونی بی جے پی کی رکنیت حاصل کریں گے کیونکہ اس کیلئے کئی مرتبہ ان سے بات کی گئی ہے۔
رپورٹ کے مطابق ماضی میں بی جے پی کے وزیر داخلہ امیت شاہ بھی دھونی سے ملاقات کر چکے ہیں. بی جے پی لیڈر پاسوان نے کہا ہے کہ معاشرے کے جو بھی رول ماڈل ہیں چاہے وہ کھیل سے ہوں یا فلمی دنیا سے، تعلیم سے ہوں ہا کسی بھی فیلڈ سے ان کو ساتھ لینے کی کوشش کی جارہی ہے۔ بی جے پی کے اراکین دھونی کے پارٹی میں شامل ہونے کی خبروں پر خوش نظر آتے ہیں اور وہ انہیں خوش آمدید کہنے کیلئے تیار ہیں.