آصف زرداری سمیت دیگر اراکین قومی و صوبائی اسمبلی کے پروڈکشن آرڈر کے خلاف سپریم کورٹ میں درخواست دائر کر دی گئی ہے

پروڈکشن آرڈر والے کہاں ہیں،ان کو ایوان میں لایا جائے. ینل آف چیئر

اگر ہتھیار استعمال کرتے تو یہ تھوڑے سے تھے، زرداری نے اسمبلی میں ایسا کیوں کہا؟

باغی ٹی وی کی رپورٹ کے مطابق آصف نواز نامی شہری کی جانب سے سپریم کورٹ میں درخواست دائر کی گئی ہے جس میں سابق صدر آصف زرداری، مسلم لیگ ن کے رہنما خواجہ سعد رفیق، آصف زرداری کی ہمشیرہ فریال تالپور، پنجاب اسمبلی کے قائد حزب اختلاف حمزہ شہباز،آغا سراج درانی کے پروڈکشن آرڈر کو چینلج کیا گیا ہے. درخواست گزار نے عدالت سے استدعا کی ہے کہ ملزمان کے جسمانی ریمانڈ کےدوران جاری پروڈکشن آرڈرکالعدم قراردئیے جائیں.

درخواست گزار نے کہا ہے کہ احتساب عدالتوں نےملزمان کوجسمانی ریمانڈپرنیب کےحوالےکیا،متعلقہ اسمبلیوں کے اسپیکرز نےملزمان کے پروڈکشن آرڈر جاری کردیئے، پروڈکشن آرڈرانتظامی حکم ہے جوعدالتی احکامات سے بالاتر نہیں ہو سکتا ، عدالتی احکامات کے ہوتے ہوئے پروڈکشن آرڈرجاری نہیں ہوسکتے، اسپیکرزکی جانب سے جاری پروڈکشن آرڈرزکی کوئی قانونی حیثیت نہیں اس لئے پروڈکشن آرڈر کو کالعدم قرار دیا جائے .

واضح رہے کہ جعلی اکاونٹ کیس میں آصف زرداری اور فریال تالپور کی اسلام آباد ہائیکورٹ سے ضمانت کی درخواست مسترد ہونے کے بعد انہیں نیب نے گرفتا ر کیا ہوا ہے.

حمزہ شہباز کی ضمانت کی درخواست مسترد ہونے کے بعد نیب نے انہیں گرفتار کر لیا، احتساب عدالت نے حمزہ شہباز کا ریمانڈ بھی دیا ہے لیکن اس کے بعد سپیکر قومی اسمبلی چوھدری پرویز الہیٰ نے حمزہ شہباز کے پروڈکشن آرڈر جاری کر دئیے ہیں، دوسری جانب حمزہ شہباز کے فرنٹ مین مشتاق چینی نے وعدہ معاف گواہ بن کر حمزہ شہباز کے خلاف بیان مجسٹریٹ کو ریکارڈ کروا دیا ہے .

سعودی نیول فورس کے وفد کا نیول ہیڈ کوارٹرز اسلام آباد کا دورہ

تفصیلات کےمطابق ترجمان پاک بحریہ کے مطابق رائل سعودی نیول فورس کے وفد کا نیول ہیڈ کوارٹرز اسلام آباد کا دورہ کیا
وفد کے سربراہ ڈپٹی کمانڈر رائل سعودی نیول فورس کی پاک بحریہ کے سربراہ ایڈمرل ظفر محمود عباسی سے ملاقات ۔ ملاقات کے دوران باہمی دلچسپی کے امور زیر بحث رہے

واضح رہے چند روز قبل نیول اکیڈمی منوڑہ میں 111 ویں مڈشپ مین اور20 ویں شارٹ سروس کمیشن کورس کی پاسنگ آؤٹ پریڈہوئی، 77 مڈشپ مین اور 98 شارٹ سروس کمیشن کیڈٹس بشمول 25 خواتین کیڈٹس پاس آؤٹ ہوئی، تقریب کے مہمان خصوصی سعودی نیوی کے سربراہ وائس ایڈمرل فہد بن عبداللہ الغوفیلی تھے .سعودی نیول چیف آف نیول سٹاف ایڈمرل ظفر محمود عباسی نے مہمان خصوصی کا استقبال کیاتھا

سابق صدر آصف زرداری نے کہا ہے کہ رانا ثناء اللہ پر بنائے گئے کیس کی سزا موت ہے

رانا ثناء اللہ کو عدالت نے جیل بھجوا دیا

باغی ٹی وی کی رپورٹ کے مطابق سابق صدر آصف زرداری کو نیب نے احتساب عدالت میں پیش کیا، اس موقع پر آصف زرداری نے میڈیا سے گفتگو کرتے ہوئے کہا کہ رانا ثناء اللہ کے ساتھ جو ہوا اس کی مذمت کرتا ہوں ،رانا ثناء اللہ پر لگائے جانے والے الزام بھوانڈا الزام ہیں .

رانا ثناء اللہ کی گاڑی سے ایسی چیز برآمد کرنے کا دعوی کہ سن کر آنکھیں کھلی رہ جائیں گی

آصف زرداری نے مزید کہا کہ کیا رانا ثناء اللہ اپنی گاڑی میں منشیات لے کر جائیں گے، مجھ پر بھی ایسا ہی کیس بنایا گیا تھا، مجھے اس سے نکلتے ہوئے پانچ سال لگ گئے تھے .

آصف زرداری نے مزید کہا کہ میرے کیس کی سزا بھی موت تھی، رانا ثناء اللہ پر بنائے گئے کیس کی سزا بھی موت ہے

راناثناءاللہ کی گرفتاری میں عمران خان کا ذاتی عناد کھل کرسامنے آ گیا، شہباز شریف

واضح رہے کہ اے این ایف کی جانب سے ن لیگی ایم این اے رانا ثنا اللہ پردرج مقدمہ میں انسداد منشیات ایکٹ 1997 کی دفعہ سیکشن 9 لگایا گیا ہے جس کے مطابق ملزم کو دس کلو یا اس سے بھی زیادہ منشیات،ہیروئن برآمد ہونے پر عمر قید یا سزائے موت دی جا سکتی ہے .

واضح رہے کہ رانا ثناء اللہ کو گزشتہ روز اے این ایف نے گرفتار کیا تھا ، اے این ایف ذرائع کا کہنا ہے کہ رکن قومی اسمبلی رانا ثناءاللہ خان کے متعدد منشیات فروشوں سے تعلقات ہیں جبکہ اسی طرح ان کے کالعدم تنظیموں سے بھی مبینہ طور پر رابطے ہیں جس کے باعث انہیں تحویل میں لے لیا گیا ہے۔ سابق صوبائی وزیرقانون رانا ثناء اللہ کا نام سانحہ ماڈل ٹاؤن کے مرکزی ملزمان کے طور پر بھی لیا جاتا ہے تاہم ابھی تک ان کی گرفتاری کی وجوہات میں سے بڑی منشیات فروشوں‌ سے مبینہ تعلق بتایا جاتا ہے.