وزیرِ تجارت رخسار پیک جان کاکہنا ہے کہ جاپانی اور ترک ایک دوسرے سے جغرافیائی لحاظ سے کافی دور ہیں تا ہم فاصلوں پر دوستی کے حاوی ہونےو الی دو اقوام ہیں۔

تفصیلا ت کے مطابق ترک خارجہ تعلقات کمیٹی اور جاپانی بزنس فیڈریشن کے زیرِ اہتمام دارالحکومت ٹوکیو میں منعقدہ”ترک و جاپانی فرموں کے سی ای اوز کے اجلاس سے” خطاب کرنے والی پیک جان نے کہا کہ حالیہ برسوں میں جاپان اور ترکی کے مابین تجارتی حجم میں ہونے والا اضافہ دونوں ممالک کے باہمی تجارتی تعلقات کے فروغ کے لیے ایک مثبت قدم ہے۔

انہوں نے بتایا کہ مذاکرات کی تکمیل کے ساتھ دونوں ملکوں کے درمیان تجارتی حجم میں مزید اضافہ ہو گا۔

اس سے قبل صدر اردوان جا پان میں جی20 سمٹ میٍ شکرکت کر چکے ہیں.اور وہاں ان کو کافی پذیرائی ملی.

کابل میں وزارت دفاع کے دفتر کے قریب دھماکے کے نتیجے میں 5 افراد ہلاک جبکہ 65 زخمی ہوگئے، دھماکے کے بعد حملہ آوروں اور سیکیورٹی فورسز میں فائرنگ کا بھی تبادلہ ہو

تفصیل کے مطابق کابل میں واقع وزارت دفاع کی عمارت کے قریب زور دار دھماکا ہوا جس کے بعد 3 مسلح افراد نے عمارت میں گھسنے کی کوشش کی۔ پاکستان کے دفتر خارجہ نے اس دھماکےشدید مزمت کی ہے

وزارت داخلہ کے ترجمان نصرت رحیمی کے مطابق خطرناک دھماکے کے بعد 3 اسلحے سے لیس افراد نے عمارت میں گھسنے کی کوشش بھی کی جنہیں افغان سیکیورٹی فورسز نے روکا اور ان کے درمیان دوطرفہ فائرنگ کا بھی تبادلہ ہوا۔

ترجمان وزارت صحت وحید اللہ میعار کا کہنا ہے دھماکے میں جاں بحق ہونے والے افراد سول سروس کمیشن کے ملازمین تھے جبکہ 65 زخمیوں میں 9 بچے بھی شامل ہیں۔

عینی شاہدین کے مطابق دھماکے کی آواز اتنی شدید تھی کہ علاقے میں خوف ہراس پھیل گیا اور ہر طرف دھواں ہی دھواں نظر آرہا تھا۔

پاکستان نے پیر کی صبح کابل میں ہونے والے دہشت گرد حملے کی شدید مذمت کی ہے جس کے نتیجے میں قیمتی انسانی جانوں کا ضیاع ہوا۔

دفتر خارجہ کی طرف سے جاری کردہ اعلامیہ کے مطابق پاکستان دہشت گردی کی تمام اقسام کی شدید مذمت کرتا ہے۔ دہشت گردی میں متاثرہ خاندانوں سے دلی ہمدردی اور تعزیت کرتے ہیں۔ترجمان نے کہا کہ ایسے حملے افغانستان کے امن، استحکام اور سلامتی کو تباہ کرنے کی سازش ہیں۔

بھارتی وزیراعظم نریندر مودی کرتارپور راہداری کی تقریب میں شرکت کریں گے

باغی ٹی وی کی رپورٹ کے مطابق بھارتی وزیراعظم مودی کوتقریب کی شرکت کی دعوت گوردوارہ پربندھک کمیٹی نے دی ،بھارتی وزیراعظم کرتارپورراہداری کی بھارتی سائیڈ پرمنعقدہ تقریب میں شرکت کریں گے ،12نومبرکوسلطان پورلودھی میں باباگورونانک کےجنم دن کی تقریب ہوگی .بھارتی وزیراعظم نریندر مودی نےباباگرونانک کی جنم دن کی تقریبات میں شرکت پرآمادگی ظاہرکردی ہے، ان ہی تاریخوں میں پاکستان کی طرف سےکرتارپورراہداری سےمتعلقہ تقریب منعقد ہونی ہے .

ذرائع کا کہنا ہے کہ پاکستان اوربھارت کے وزرائے اعظم ملکرکرتار پور راہداری کا افتتاح کرسکتے ہیں،معاملے پردونوں ملکوں کے درمیان بیک چینل رابطوں کاآغازکردیاگیا افتتاحی تقریب اکتوبرکےآخریا نومبرمیں ہوسکتی ہے
.

واضح رہے کہ کرتارپور راہداری بھارت اور پاکستان کے درمیان مجوزہ سرحدی راہداری ہے جو بھارتی پنجاب میں واقع ڈیرہ بابا نانک صاحب کو پاکستان کے علاقہ کرتارپور میں واقع گردوارہ دربار صاحب کی مقدس عبادت گاہ سے منسلک کریگی۔ اس راہداری کا مقصد بھارت کے مذہبی عقیدت مندوں کو پاک بھارت سرحد سے محض 4.7 کلومیٹر دور واقع گردوارہ دربار صاحب کی زیارت کرنے میں آسانی پیدا کرنا ہے۔

اگست 2018ء میں بھارتی پنجاب کے وزیر اور سابق ایم پی سدھو نے اعلان کیا کہ پاکستانی جنرل قمر جاوید باجوہ نے انہیں بتایا ہے کہ پاکستان کرتارپور کی راہداری کھول دے گا۔ 28 نومبر 2018ء کو پاکستان کے وزیر اعظم عمران خان نے ناروال کے قریب کرتارپور گاؤں میں اس راہداری کا سنگ بنیاد رکھا۔اس راہداری کو نومبر 2019ء میں گرو نانک کے 550ویں یوم پیدائش سے پہلے حتمی شکل دی جائے گی۔

صدر رجب طیب ایردوان کا کہنا ہے کہ ترکی ، روس سے ایس۔400 کی پہلی کھیپ کو دس دنوں کے اندر وصول کر لے گا۔

تفصیلات کے مطابق ترک صدر اردوان نے جاپان میں امریکی صدر ڈونلڈ ٹرمپ سے ہونےو الی اہم ملاقات کی تفصیلات سے اخباری نمائندوں کو بریفنگ دی۔
ٹرمپ کے پریس اعلان کی یاد دہانی کراتے ہوئے صدرِ ترکی نے کہا کہ "اپنی ٹیم کے باوجود انہوں نے واضح اور درست مؤقف کا مظاہرہ کیا ہے جو کہ باعثِ ستائش ہے۔ ایس۔400 کے معاملے میں خاصکر مختلف حلقوں کو بے جا باتیں نہیں کرنی چاہییں، کیونکہ ان اعلانات کے بعد محترم ٹرمپ نے اپنی پوزیشن واضح کر دی ہے۔”

ایس ۔400 کے معاملے میں ٹرمپ کے ترکی کو حق بجانب ٹہرانے کی وضاحت کرنے والے ایردوان کا کہنا تھا کہ”جناب ٹرمپ نے یہ نہیں کہا کہ ترکی پر فلاں فلاں پابندیاں عائد کی جائینگی۔ ایس۔400 کے معاملے میں بھی انہوں نے کہا کہ”آپ کا مؤقف درست ہے، یہ چیز انتہائی اہم ہے۔ روسی صدر ولادیمر پوتن سے سہہ رکنی ملاقات میں ٹرمپ نے ایک بار پھر معقول باتیں کیں۔ میں سمجھتا ہوں کہ کسی قسم کی پریشانی کے بغیر ہم اس سلسلے کی تکمیل کریں گے۔ ایک ہفتہ۔ 10 دنوں میں ایس۔400 کی پہلی کھیپ ترکی پہنچ جائیگی۔”

"کیا ترکی امریکہ سے پیٹریاٹ دفاعی نظام خریدے گا؟ سوال کا جواب دینے والے ایردوان نے بتایا کہ”ٹیکنالوجی کے اعتبار سے ایس۔400، تین پیٹریاٹ کے مترداف ہے۔ اس کے باوجود ہمیں پیش کردہ شرائط کا جائزہ لینا ہو گا، اگر شرائط ایس۔400 کے مساوی ہوئیں تو ہم پیڑیاٹ خرید لیں گے۔ لیکن اگر ایسا نہ ہوا اور تم محض اپنے فائدے کا سوچو گے تو پھر ہم بھی منافع میں ہونے والے معاملے کو ترجیح دیں گے۔ ہم اس چیز کا واضح طور پر اظہار کر چکے ہیں۔

اس سے قبل ترکی نے ایس400 میزائل سسٹم کو حاصل کرنے کے لیے کئ بار اظہار کر چکے ہیں. “امریکہ کےاس حوالے سے اقدامات قوانین کے منافی ہیں، ہم اس ملک کے مؤقف کو سمجھنے سے قاصر ہیں۔”امریکی دھمکیوں پر بھی اپنے جائزے پیش کرتے ہوئے جناب چاوش اولو نے بتایا کہ “چاہے یہ جس قسم کی بھی پابندیوں کا فیصلہ کیوں نہ کریں ہم ایس۔400 خرید چکے ہیں، اس معاملے میں قدم پیچھے ہٹانے کا سوال ہی نہیں پیدا ہوتا۔ “