Blog

کینیڈا:مسافرطیارے کا عملہ سوتی خاتون کو کیبن میں بھول گیا.ایک عجیب وغریب واقعہ کینیڈا میں سامنے آیا ہے جہاں ایک ٹفینی ایڈمز نامی خاتون نے دعوی کیا ہے کہ دوران پرواز وہ سو گئی تھیں جس دوران اسے طیارے کے اندر اکیلا اندھیرے میں چھوڑ دیا گیا.ٹفینی ایڈمز نامی خاتون نے 9 جون کو ایئر کینیڈا کے ذریعے کیوبک سے ٹورنٹو کے درمیان 90 منٹ کی پرواز میں سفر کیا تھا۔یہ خاتون پرواز کے دوران سوگئیں اور جب آنکھ کھلی تو طیارہ ٹورنٹو پر لینڈ ہونے کے بعد خالی اور لاک کیا جاچکا تھا، اور پتا نہیں کیسے عملہ ٹفینی کو دیکھنے سے قاصر رہا اور اسے اندر ہی چھوڑ گیا۔

اس خاتون نے ائیرکینیڈا کے فیس بک پیج پر ایک میسج پوسٹ کیا تھا کہ میں ڈیڑھ گھنٹے کی مختصر پرواز کے دوران سو گئی تھی، جب میں آدھی رات کو شدید ٹھنڈ کی وجہ سے بیدار ہوئی تو میں تاحال اپنی نشست پربیلٹ سے بندھی تھی اور ارگرد مکمل تاریکی تھی۔خاتون نے اس واقعے کو "دہشت زدہ” کردینے والا قرار دیتے ہوئے کہا کہ انہیں لگا کہ وہ کوئی ڈراونا خواب دیکھ رہی ہیں۔فضائی کمپنی کے ایک ترجمان نے بھی اس واقعے کی تصدیق کی ہےاورکمپنی متاثرہ خاتون سے رابطے میں ہے۔

کابل :افغانستان میں امریکی فوجیوں کی ہلاکت کی خبریں آرہی ہیں.افغانستان سے نیٹو کے مطابق افغانستان میں امریکی فوج کے دو اہلکار ہلاک ہوگئے ہیں اور اس طرح رواں برس ہلاک ہونے والے امریکی فوجیوں کی تعداد نو ہو گئی ہے۔یہ ہلاکتیں امریکی سیکریٹری خارجہ مائیک پومپیو کے افغانستان کے غیر اعلانیہ دورے کے 24 گھنٹے بعد سامنے آئی ہیں۔ اس دورے کے دوران مائیک پومپیو نے امید ظاہر کی تھی کہ یکم ستمبر تک افغان طالبان کے ساتھ معاہدہ ہو سکتا ہے۔امریکی محکمہ دفاع کی پالیسی کے مطابق ہلاک ہونے والے فوجیوں کے نام ان کے رشتہ داروں کو اطلاع پہنچانے تک 24 گھنٹے کے لیے خفیہ رکھے جائیں گے۔‘

افغان طالبان نے اس حملے کی ذمہ داری قبول کرتے ہوئے کہا ہے انہوں نے افغان صوبے وردک میں ایک جھڑپ کے دوران دو امریکی فوجیوں کو ہلاک کیا ہے،خیال رہے کہ یہ ہلاکتیں ایسے موقع پر ہوئی ہیں کہ جب افغانستان میں جنگ بندی کے لیے امریکہ اور طالبان کے درمیان مذاکرات کا سلسلہ جاری ہے اور اس کا اگلا دور 29 جون کودوحہ میں ہونے جا رہا ہے۔

دوسری طرف امریکی سیکریٹری خارجہ مائیک پومپیو نے کہا ہے کہ اس حملے سے جنگ زدہ افغانستان میں تشدد کو روکنے کی ضرورت مزید بڑھ گئی ہے۔افغانستان میں امریکی فوجیوں کی تعداد ایک لاکھ سے کم ہو کر 14,000 رہ گئی ہے جن میں زیادہ تر افغان فوج کی تربیت کے لیے تعنیات کیے گئے ہیں۔2001 میں امریکہ کے افغانستان پر حملے کے بعد سے اب تک 2300 امریکی فوجی ہلاک ہوچکے ہیں، جبکہ 20,400 زخمی ہوئے ہیں۔

میکسیکو:مہاجرین کو دنیا میں ایک انچ زمین بھی نصیب نہ ہو سکی .اپنے وطن سے دور ہزاروں میل دور مہاجرین کو اپنے ملک میں داخل ہونے کی اجازت نہ دے کر ان کو سمندروں کی لہروں سے لڑنے پر مجبور کیا گیا .نتیجے میں یہ مہاجرین اپنے بیوی بچوں کو بچاتے بچاتے خود بھی ان پانیوں میں ڈوب گئے ہیں تازہ واقعہ میں اچھے مستقبل کے خواب سجائے غیر قانونی طور پر امریکا جانے والا خاندان دریا میں ڈوب گیا، 24 سالہ باپ اور کم سن بیٹی کی ایک دوسرے سے لپٹی لاش کی تصویر نے سب کے دل دہلا دیئے۔بین الاقوامی خبر رساں ادارے کے مطابق میکسیکو کے دریا کے ساحل پر پناہ گزین باپ بیٹی کی لاش ملی ہے، 2 سالہ کم سن بیٹی اپنے باپ کی ٹی شرٹ کے اندر منہ چھپائے پیٹھ پر سوار تھی اور باپ کے گلے میں اپنے ہاتھوں کا ہالہ بنائے ہوئے تھی۔باپ نے بیٹی کو بچانے کے لیے اپنی ٹی شرٹ کے اندر چھپالیا تھا تاکہ بیٹی پانی کے تھپیڑوں سے محفوظ رہے اور بیٹی بھی اپنی آخری سانسوں تک باپ کی پیٹھ پر سوار رہی اور اسی حالت میں دونوں کے دریا میں بہہ جانے سے موت واقع ہوگئی.

خوش قسمتی سے بچی کی 21 سالہ ماں کو دریا میں ایک اونچی چٹان میسر آگئی جس پر اس نے پناہ لیکر اپنی جان بچائی تاہم باپ بیٹی اپنی زندگی کی جنگ ہار گئے۔ اسی دریا سے دو مزید کم سن بچوں کی لاشیں ملی ہیں۔واضح رہے کہ میکسیکو سے امریکا میں داخل ہونے کی کوشش کرنے والے اچھے مستقبل کے متلاشی تارکین وطن یا تو بارڈر پر محافظوں کے ہاتھوں گرفتار ہوجاتے ہیں یا پھر سمندر کی لہروں کی نذر ہوجاتے ہیں۔

بہار:بھارت میں مسلمانو ں پر حملےرکنے کا نام ہی نہیں لے رہے بلکہ یہ سلسلہ طویل سے طویل تر ہوتے جارہے ہیں.اطلاعات کے مطابق منگل کی دیر شام انظار کو سپرد خاک کر دیا گیا۔یہ واقعہ بہار کے مغربی چمپارن ضلع کے منگل پور تھانہ علاقہ کا ہے، جہاں سنت پور کے 45 سالہ انظار احمدسمیت تین لوگوں کی مار مار کر شدید زخمی کردیا تقریباً 10 مہینے پہلے 20 اگست 2018 کو کی گئی تھی۔ اس پٹائی کے بعد انظار کی یاداشت چلی گئی اور وہ بے ہوش رہنے لگے۔ طویل علاج کے بعد منگل 25 جون 2019 کو انظار اس دنیا سے ہمیشہ کے لئے الوداع کہہ گئے۔ اس موت کی وجہ سے علاقہ کے لوگوں میں کافی غصہ پایا جا رہا ہے۔

رپورٹ کے مطابق خاندان کے لوگوں نے کہا کہ اس وقت انظار احمد ایک تبلیغی جماعت کے ساتھ منگل پور تھانہ کے بڑھیہ ٹولا علاقہ میں گئے تھے۔ جماعت نے وہاں کی ایک مسجد میں قیام کیا تھا۔ مسجد میں بیت الخلا کی سہولت نہ ہونے کی وجہ سے انظار اپنے دو ساتھیوں کے ساتھ رفع حاجت کے لئے باہر نکلے۔ لیکن راستہ میں دھار دار ہتھاروں کے ساتھ 5-6 بھگوا دہشت گردوں نے انہیں دبوچ لیا اور مذہبی شناخت کی گالیاں دینی شروع کر دیں۔ دریں اثنا حملہ آوروں نے ان کی داڑھیوں کو نوچا اور بری طرح سے انہیں زدوکوب کیا گیا۔ تیز دھار ہتھیاروں سے تینوں پر حملہ کیا گیا، انظار کی بئیں آنکھ کے نیچے گہرا زخم لگا جس کے اس سے بے تحاشہ خون نکلا۔

نوتن تھانہ سے ملی اطلاع کے مطابق اس معاملہ میں ایف آئی آر 20 اگست 2018 کو درج کی گئی تھی، جس کا کیس نمبر 437/18 ہے۔ یہ ایف آئی آر دفعہ 341، 323، 324، 307، 504، 506 وغیر کے تحت درج کی گئی ہے۔ پولس نے دو ملزمان کو گرفتار کیا تھا لیکن دو تین مہینے گزارنے کے بعد وہ ضمانت پر رہا ہو گئے تھے۔