Blog

سلام آباد:اپوزیشن کی جماعتیں ایک دوسرے کی اپوزیشن ہوگئیں.حکومت کے خلاف تحریک پر آغاز سے قبل ہی دراڑیں پڑنےلگیں. اسلام آباد سے ذرائع سے یہ معلوم ہوا ہے کہ پیپلز پارٹی کے چیئر مین بلاول بھٹو زرداری نے مولان فضل الرحمن کے حکومت کے‌خلاف ملین مارچ کی مخالفت کرتے ہوئے کہا ہے کہ حکومت کے خلاف آواز پارلیمنٹ میں اٹھانی چاہیے اور مناسب فورم ہے. مولانا فضل الر حمن ایک طرف حکومت کے خلاف ملین مارچ کی دھمکی دے رہے ہیں تو دوسری طرف بلاول کے اختلاف کے باعث مولانا فضل الرحمن کی حکومت کے خلاف کوششوں کو نقصان پہنچ رہا ہے.

دوسری طرف مولانا فضل الرحمن نے اے پی سی میں شرکت کرنے والے رہنماوں کا شکریہ ادا کیا ہے لیکن دوسری طرف ابھی تک مولانا کو تسلی نہیں ہوئی اس لیے اور لوگوں کو بھی حکومت کے خلاف تحریک چلانے کی دعوت دیتے ہوئے کہ رہے ہیں کہ جو بھی آنا چاہے اس کے لیے دورازے کھلے ہیں ہم تو انتظار کررہے ہیں .مولانا فضل الرحمن نے ایک بیان میں‌یہ بھی بتایا ہے کہ اے پی سی میں قاضی فائز عیسی کے خلاف ریفرنس واپس لینے کا مطالبہ بھی کیا ہے. مولانا فضل الرحمن نے مریم نواز کے بارے میں یہ کہا ہے کہ مریم حکومت کے خلاف سخت ترین ردعمل دینے اور تحریک چلانے کی تمنا رکھتی ہیں.

اسلام آباد:بلوچستان کے حوالے سے حکومت کی طرف سے قائم کردہ کمیٹی سے بلوچ عوام کے لیے بہت اچھی خبر ہے. ان خیالات کا اظہار بلوچستان نیشنل پارٹی کے سربراہ رکن قومی اسمبلی سردار اختر مینگل نے حکومت کی طرف سے بلوچستان کے حوالے سے کمیٹی کے قائم کیے جانے کو سراہتے ہوئے اچھا اقدام قرار دیا ہے. خصوصی کمیٹی تشکیل دینے کی قرار داد پی ٹی آئی کے رکن قومی اسمبلی علی محمد خان نے جمع کروائی تھی.اس قرار داد کو متفقہ طور پر منظور کر لیا گیاہے.

اختر مینگل کا کہنا ہے کہ اس کمیٹی کو کام کرنے کا موقع ملنا چاہیے جس کے لیے ایک فریم ورک تیار ہو اور کمیٹی دو ماہ میں اپنی رپورٹ پیش کرے .حکومت کے اتحادی سردار اختر مینگل کے اس بیان سے اپوزیشن کی توقعات کو بہت نقصان پہنچنے کا اندیشہ ہے حکومت کی حمایت میں یہ بیان اس وقت آیا جب اپوزیشن سردار اختر مینگل کو عمران خان کی حکومت سے الگ ہونے کے مفت کے مشورے دے رہے تھے.