Baaghi TV

Blog

  • نیا چیئرمین سینیٹ کون ہو گا؟ صحافی کے سوال پر آصف زرداری نے دل کی بات بیان کر دی

    نیا چیئرمین سینیٹ کون ہو گا؟ صحافی کے سوال پر آصف زرداری نے دل کی بات بیان کر دی

    پاکستان کے سابق صدر آصف علی زرداری نے چیئرمین سینیٹ بننے کی خواہش ظاہر کر دی ہے. آج پارلیمنٹ ہاؤس میں ایک صحافی نے جب ان سے سوال کیا کہ کیا آج کی آل پارٹیز کانفرنس میں چیئرمین سینٹ کو ہٹانے کا فیصلہ ہو گیا ہے تو انہوں نے کہاکہ اگر ایسا ہو گیا ہے تو بسم اللہ، ہم اے پی سی کے فیصلوں پر عمل درآمد کریں‌ گے اور نیا چیئر مین سینیٹ میں خود بنوں گا ۔

    باغی ٹی وی کی رپورٹ کےمطابق میڈیا رپورٹس میں‌ کہا گیا ہے کہ صحافی نے یہ سوال بھی کیا کہ کیا آپ نیا چیئرمین سینیٹ رضاربانی کو بنائیں‌ گے تو ان کا مسکراتے ہوئے کہنا تھا کہ میں‌ خود چیئرمین بنوں‌ گا.

    مولانا فضل الرحمن کی رہائش گاہ پر آج اے پی سی ہوئی ہے جس میں تمام اپوزیشن جماعتوں نے شرکت کی. اس اے پی سی میں اپوزیشن جماعتوں‌ نے چیئرمین اور ڈپٹی چیئرمین سینیٹ کو تبدیل کرنے کا فیصلہ کر لیا ہے. میڈیا رپورٹس میں‌ کہا گیا ہےکہ پہلے ڈپٹی چیئر مین سینیٹ سلیم مانڈی والا اپنے عہدے سے مستعفی ہوں‌ گے ۔

    واضح‌ رہے کہ اے پی سی میں‌ تمام اپوزیشن جماعتوں‌نے شرکت کی تاہم استعفوں‌پر اختلافات کے سبب کوئی بڑا فیصلہ نہیں‌کیا جاسکا. اے پی سی کے مشترکہ اعلامیہ میں‌ کہا گیا ہے کہ اپوزیشن جماعتوں‌ کی آل پارٹیزکانفرنس کے مشترکہ اعلامیہ میں‌ کہا گیا ہے کہ نام نہاد حکمرانوں کوتمام سیاسی جماعتیں مسترد کرچکی ہیں، نام نہاد حکمرانوں کا ٹولا دھاندلی کے نتیجے میں قوم پر مسلط کیا گیا. ملک پرعوام کی نمایندہ حکمرانی موجود نہیں.

    باغی ٹی وی کی رپورٹ کے مطابق اعلامیہ میں‌ کہا گیا ہے کہ نام نہاد حکمرانوں کوتمام سیاسی جماعتیں مسترد کرچکی ہیں. ملک کا ہر شعبہ زبوں حالی کا شکا رہے. ملکی معیشت زمین بوس ہوچکی ہے. حکمرانوں کایجنڈا ملکی مفادات کی بجائے کسی گھناؤنی سازش کا حصہ ہے. مہنگائی سے غریب عوام کی کمر توٹ گئی ہے. حکومتی قیادت کے فیصلوں نےہمارے شکوک و شبہات کو یقین میں بدل دیا ہے. ملک دیوالیہ پن کی حدود کو عبورکرنے کی تیاری کررہا ہے.

  • نیوزی لینڈ کا پاکستانی ٹیم کو 238 رنز کا ٹارگٹ، پاکستان کی 51 پر دو وکٹ گر گئیں

    نیوزی لینڈ کا پاکستانی ٹیم کو 238 رنز کا ٹارگٹ، پاکستان کی 51 پر دو وکٹ گر گئیں

    ورلڈ کپ کے اہم میچ میں نیوزی لینڈ نے پاکستان کو 238 رنز کا ہدف دیا ہے جس کے جواب میں‌ پاکستان نے بیٹنگ کا آغاز کر دیا ہے اور اس کا ایک کھلاڑی آؤٹ ہو گیا ہے.

    باغی ٹی وی کی رپورٹ‌کے مطابق نیوزی لینڈ نے ٹاس جیت کر پہلے بیٹنگ کا فیصلہ کیا اور اننگز کا آغاز اوپنر مارٹن گپٹل اور کولن منرو نے کیا۔ اس دوران میچ کے آغاز میں‌ہی فاسٹ باؤلر محمد عامر نے جارحانہ بلے باز گپٹل کو 5 رنز پر بولڈ کر کے کریز چھوڑنے پر مجبور کر دیا ۔ دوسرے اینڈ پر منرو نے چند بہترین شارٹس کھیلی تاہم وہ بھی بڑی اننگز کھیلنے میں ناکام رہے اور 12 رنز بنا کر شاہین شاہ آفریدی کی گیند پر حارث سہیل کو کیچ دیدیا۔

    پاکستانی باؤلرز نے اس میچ میں‌ تباہ کن باؤلنگ کی اور نیوزی لینڈ کی ٹیم کو بڑا سکور نہیں کرنے دیا. مڈل آرڈر بیٹسمین روز ٹیلر 9 ویں اوور کی آخری گیند پر 3 سکور پر شاہین شاہ آفریدی کے ہاتھوں‌ آؤٹ ہو گئے. ٹام لیتھم کو بھی شاہین آفریدی نے آؤٹ‌کیا ۔ انہوں نے 14 گیندوں پر ایک رن بنایا۔ نیوزی لینڈ کے کھلاڑی 64 رنز پر رن آؤٹ ہو گئے۔

    پاکستان اور نیوزی لینڈ کا میچ دلچسپ مراحل میں .پاکستانی شاہین 1992 کے ورلڈ کپ میں نیوزی لینڈ سے کھیلے جانے والے میچ کی تاریخ‌دہرانے کے موڑ پر آگیا ہے . انگلینڈ سے تازہ ترین کھیل کی خبروں کے مطابق پاکستانی شاہینوں نے 83 رنز پر 5 کیوی کھلاڑی آوٹ کرکے پویلین واپس بھیج دیئے ہیں.

    پاکستان کی ٹیم کی نیوزی لینڈ کے خلاف بہتر کارکردگی پاکستان کو اگلے مراحل میں پہنچانے کے لیے امید پیدا کرسکتی ہے. یاد رہے کہ 1992 کے ورلڈ کپ میں پاکستانی ٹیم نے نیوزی لینڈ کی ٹیم کو 166 پر آوٹ کرکے میچ کا نہیں بلکہ ورلڈ کپ کا نقشہ ہی بدل دیا تھا جب پاکستان کرکٹ ٹیم نے 1992 کاورلڈ کپ کا فائنل میچ جیت کر یہ عالمی اعزاز اپنے نام کروا لیا تھا. اس وقت پاکستانی ٹیم کے کپتان پاکستان کے موجودہ وزیر اعطم عمران خان تھے .1992 کے ورلڈ کپ جیتنے پر کپتان عمران خان نے پاکستانی قوم کا شکریہ ادا کرتے ہوئے کہا تھا کہ یہ کامیابی کھلاڑیوں کی محنت اور قوم کی دعاوں کی وجہ سے ملی تھی .آج بھی پاکستانی ٹیم کو قوم کی دعاوں کی ضرورت ہے.

  • لاہور ایئرپورٹ پر بھاری مقدار میں اسلحہ پکڑا گیا، سمگلنگ کی کوشش ناکام

    لاہور ایئرپورٹ پر بھاری مقدار میں اسلحہ پکڑا گیا، سمگلنگ کی کوشش ناکام

    کسٹم حکام نے علامہ اقبال انٹرنیشنل ایئر پورٹ پر ہزاروں گولیوں کی سمگلنگ کی کوشش ناکام بنا دی ہے۔

    باغی ٹی وی کی رپورٹ‌ کے مطابق کسٹم حکام کے مطابق علامہ اقبال انٹرنیشنل ایئر پورٹ سے گولیوں سے بھرے 3 بیگ ضبط کر لیے گئے ہیں۔ کسٹم حکام کا واقعہ سے متعلق کہنا تھا کہ نامعلوم مسافرگولیوں سے بھرے 3 بیگ کسٹمز کی چیکنگ بیلٹ پر رکھ کر غائب ہوگئے تاہم جب کسٹم حکام نے ان بیگ کو چیک کیا تو اس میں سے 4 ہزار 600 گولیاں اور 800 خول موجودتھے ۔

    کسٹم حکام نے گولیوں کے بیگ ضبط کرکے یہ گولیاں‌ رکھنے والے افراد کی تلاش شروع کر دی ہے. کسٹم حکام کی جانب سے ایئرپورٹ پر سکیورٹی انتظاما ت بھی سخت کر دیے گئے ہیں.

  • بھارتی باکسر حادثہ میں زخمی، اب مقابلہ آسٹریلوی باکسر سے ہو گا، عامر خان کا باغی نمائندہ لندن کو انٹرویو میں‌ انکشاف

    بھارتی باکسر حادثہ میں زخمی، اب مقابلہ آسٹریلوی باکسر سے ہو گا، عامر خان کا باغی نمائندہ لندن کو انٹرویو میں‌ انکشاف

    بھارتی باکسر نیراج گویت جن کا 12 جولائی کو سعودی عرب میں‌ پاکستانی نژاد برطانوی باکسرسے مقابلہ تھا، کل رات ایک حادثے میں زخمی ہو گئے ہیں.

    باغی ٹی وی لندن کے نمائندے مجتبی شاہ کو دیے گئے اپنے ایک خصوصی انٹرویو میں‌ عالمی شہرت یافتہ پاکستانی نژاد برطانوی باکسر عامر خان نے بتایا کہ نیراج گویت سے ان کا مقابلہ سعودی عرب کے شہر جدہ میں‌ ہونا تھا تاہم وہ کل رات ایک حادثہ میں زخمی ہو گئے ہیں جس پر ان کا مقابلہ اب اسی دن ایک آسٹریلوی باکسر سے ہو گا جو دومرتبہ چیمپئین رہ چکے ہیں.

    باکسر خان کا کہنا تھا کہ میں چاہتا تھا کہ ورلڈ کپ میں میرا انڈیا سے مقابلہ ہو اور میں‌ بھارتی باکسر کو ہرا کر ورلڈ کپ میں‌ پاکستانی کرکٹ ٹیم کی بھارت کے ہاتھوں‌ شکست کا بدلہ لے سکوں‌ تاہم افسوس کہ یہ نہیں‌ ہو سکا.

    واضح رہے کہ پاکستانی نژاد برطانوی باکسر انڈین باکسر سے مقابلہ کیلئے بہت پرعزم تھے اور وہ اس سلسلہ میں‌ بھرپور تیاری کر رہے تھے. انہوں نے جدہ میں کنگ عبداللہ اسپورٹس سٹی میں اس مقابلہ کی اجازت دینے پر سعودی ولی عہد کا بھی شکریہ ادا کای تھا اور وزیر اعظم عمران خان کو بھی دعوت دی تھی کہ وہ سعودی عرب آکر ان کا مقابلہ دیکھیں‌.

    عامر خان اپنے پروفیشنل کیریئر کی38فائٹس میں عامر خان دو مرتبہ ورلڈ چمپیئن بننے میں کامیاب رہے اور اس دوران انہوں نے مارکوس میڈانا، ڈینی گارشیا، زاب جوڈھا، ساؤل الوریز جیسے باکسرز کا سامنا کیا ہے.

  • بھارتی باکسر حادثہ میں زخمی، اب مقابلہ آسٹریلوی باکسر سے ہو گا، عامر خان کا باغی نمائندہ کو انٹرویو میں‌ انکشاف

    بھارتی باکسر حادثہ میں زخمی، اب مقابلہ آسٹریلوی باکسر سے ہو گا، عامر خان کا باغی نمائندہ کو انٹرویو میں‌ انکشاف

    بھارتی باکسر نیراج گویت جن کا 12 جولائی کو سعودی عرب میں‌ پاکستانی نژاد برطانوی باکسرسے مقابلہ تھا، کل رات ایک حادثے میں زخمی ہو گئے ہیں.

    باغی ٹی وی لندن کے نمائندے مجتبی شاہ کو دیے گئے اپنے ایک خصوصی انٹرویو میں‌ عالمی شہرت یافتہ پاکستانی نژاد برطانوی باکسر عامر خان نے بتایا کہ نیراج گویت سے ان کا مقابلہ سعودی عرب کے شہر جدہ میں‌ ہونا تھا تاہم وہ کل رات ایک حادثہ میں زخمی ہو گئے ہیں جس پر ان کا مقابلہ اب اسی دن ایک آسٹریلوی باکسر سے ہو گا جو دومرتبہ چیمپئین رہ چکے ہیں.

    باکسر خان کا کہنا تھا کہ میں چاہتا تھا کہ ورلڈ کپ میں میرا انڈیا سے مقابلہ ہو اور میں‌ بھارتی باکسر کو ہرا کر ورلڈ کپ میں‌ پاکستانی کرکٹ ٹیم کی بھارت کے ہاتھوں‌ شکست کا بدلہ لے سکوں‌ تاہم افسوس کہ یہ نہیں‌ ہو سکا.

    واضح رہے کہ پاکستانی نژاد برطانوی باکسر انڈین باکسر سے مقابلہ کیلئے بہت پرعزم تھے اور وہ اس سلسلہ میں‌ بھرپور تیاری کر رہے تھے. انہوں نے جدہ میں کنگ عبداللہ اسپورٹس سٹی میں اس مقابلہ کی اجازت دینے پر سعودی ولی عہد کا بھی شکریہ ادا کای تھا اور وزیر اعظم عمران خان کو بھی دعوت دی تھی کہ وہ سعودی عرب آکر ان کا مقابلہ دیکھیں‌.

    عامر خان اپنے پروفیشنل کیریئر کی38فائٹس میں عامر خان دو مرتبہ ورلڈ چمپیئن بننے میں کامیاب رہے اور اس دوران انہوں نے مارکوس میڈانا، ڈینی گارشیا، زاب جوڈھا، ساؤل الوریز جیسے باکسرز کا سامنا کیا ہے.

  • میلسی : جسم فروشی کا اڈا بند کر دیا گیا

    میلسی (نمائندہ باغی ٹی وی) شہر میں کافی عرصے سے جسمانی فروشی کا مکروہ دھندہ عروج پر تھا اہل محلہ اس فحاشی کے اڈے کی وجہ سے سخت پریشان نظر آتے تھے میلسی تھانہ سٹی کے ایس ایچ او نے اہل محلہ کی شکایت پر چھاپہ مار کر دھندے میں ملوث تین لڑکیوں اور دو لڑکوں کو گرفتار کر لیا میلسی کے اس فحاشی کے اڈے سے لڑکیاں کرائے پر بھی مہیا کی جاتی تھی اہل محلہ نے پولیس کی اس کاروائی کو سراہتے ہوئے کہا ہے کہ دھندے میں ملوث افراد کو سخت ترین سزا دی جائے اور اس برائی کو یہاں سے ہمیشہ کے لئے ختم کیا جائے

  • بلاول بھٹو نے پارلیمنٹ‌ کو غیر مستحکم کرنے کی مخالفت کر دی، کہا جمہوری اقدام اٹھانا چاہیے

    بلاول بھٹو نے پارلیمنٹ‌ کو غیر مستحکم کرنے کی مخالفت کر دی، کہا جمہوری اقدام اٹھانا چاہیے

    پاکستان پیپلز پارٹی کے چیئرمین بلاول بھٹو زرداری نے پارلیمنٹ کو غیر مستحکم کرنے کی مخالفت کر دی اور کہا ہے کہ جو ابھی اقدام کیا جائے جمہوری انداز میں ہونا چاہیے،

    باغی ٹی وی کی رپورٹ کےمطابق بلاول بھٹو نے کہاکہ عام انتخابات میں دھاندلی کرتے ہوئے بے شرمی کے سارے رکارڈ توڑے گئے. عام انتخابات میں بدترین دھاندلی کی گئی، جب 2008 میں پی پی اقتدار میں آئی تو سادہ اکثریت دھاندلی سے چھینی گئی. ان انتخابات کے نتائج بھی ہم نے احتجاجاً قبول کیے.

    انہوں نے کہاکہ جو بھی اقدام کیا جائے جمہوری انداز میں ہونا چاہیے. پیپلزپارٹی جمہوری سسٹم میں رہتے ہوئے جدوجہد کرنا چاہتی ہے.

    واضح‌ رہے کہ اے پی سی میں مولانا فضل الرحمن کی جانب سے اسمبلیوں‌ سے استعفوں‌ کی تجویز پیش کی گئی تھی تاہم مسلم لیگ ن اور پیپلز پارٹی کی طرف سے اس کی مخالفت کی گئی. اے پی سی کا اعلامیہ جاری کر دیا گیا ہے اور حکومت مخالف تحریک کے حوالہ سے کوئی بڑا فیصلہ نہیں‌ کیا جاسکا.

  • اے پی سی ناکام رہی، یہ ذاتی مفادات اور لوٹ مار کو تحفظ دینے کی بیٹھک تھی، وزیر اعلیٰ‌ پنجاب

    اے پی سی ناکام رہی، یہ ذاتی مفادات اور لوٹ مار کو تحفظ دینے کی بیٹھک تھی، وزیر اعلیٰ‌ پنجاب

    وزیراعلیٰ پنجاب سردارعثمان بزدار نے مولانا فضل الرحمن کی زیر صدارت اسلام آباد میں‌ ہونے والی اے پی سی پر سخت تنقید کرتے ہوئے کہا ہے کہ یہ اے پی سی ذاتی مفادات اور لوٹ مار کی دولت کو تحفظ دینے کی بیٹھک کے سوا کچھ نہیں ہے۔

    باغی ٹی وی کی رپورٹ‌ کے مطابق وزیر اعلیٰ‌ پنجاب نے کہاکہ اپوزیشن جماعتیں اسلام آباد میں عوام کے لئے بلکہ اپنی کرسی بچانے کیلئے جمع ہوئی ہیں. آج کی اے پی سی بھی ناکام رہی ہے. اپوزیشن جماعتوں‌ کو پہلے کی طرح ناکامی کا سامنا کرنا پڑے گا. ان کے پاس کوئی ایجنڈا نہیں‌ ہے.

    انہوں نے کہاکہ ملکی مفادات پر ذاتی مفادات کو ترجیح دینا عوام کے ساتھ مذاق کے مترادف ہے۔ جو لوگ پاکستان کی ترقی و عوام کی خوشحالی کا سفرکھوٹا کرنا چاہتے ہیں‌ان کی جانب سے آج اے پی سی کا انعقاد کیا گیا۔

    واضح رہے کہ اے پی سی میں اپوزیشن جماعتیں‌ استعفوں پر اختلاف کے سبب حکومت مخالف تحریک کے حوالہ سے کوئی بڑا فیصلہ نہیں‌کر سکی ہیں.

  • حکومتی فیصلوں سے ملکی سلامتی اور خودمختاری کو شدید خطرا ت لاحق ہیں .اے پی سی کا اعلان اسلام آباد

    حکومتی فیصلوں سے ملکی سلامتی اور خودمختاری کو شدید خطرا ت لاحق ہیں .اے پی سی کا اعلان اسلام آباد

    اسلام آباد:اسلام آباد میں حکومت کے خلاف اپوزیشن جماعتوں کا اتحاد حکومتی فیصلوں پر مشترکہ اعلامیہ تو لے آئی لیکن اسمبلیوں سے استعفوں کے معاملے پر اتفاق نہ ہوسکا .اسلام آباد سے آمدہ اطلاعات کے مطابق اپوزیشن کی آل پارٹیز کانفرنس کے اعلامیہ میں کیاگیاہے کہ حکومتی فیصلے ملک کی خودمختاری ، سلامی اور بقاءکیلئے خطرہ بن چکے ہیں ۔اسلام آباد میں مولانا فضل الرحمان کی رہائشگاہ پر اے پی سی میں شہباز شریف، بلاول بھٹو زرداری، یوسف رضا گیلانی، اسفند یار ولی، پشونخوا ملی عوامی پارٹی اور دیگر اپوزیشن جماعتوں کے رہنماوں نے شرکت کی۔آل پارٹیز کانفرنفس کے مشترکہ اعلامیے میں کہا گیا ہے کہ نام نہاد حکمرانوں کو تمام سیاسی جماعتیں مسترد کر چکی ہیں، ملک کا ہر شعبہ زبوں حالی کا شکا رہے اور ملکی معیشت زمین بوس ہو چکی ہے، ملکی حالات بہت بڑا سکیورٹی رسک ہیں، حکومت کے فیصلے ملکی سلامتی،خود مختاری اور بقا کیلئے خطرہ بن چکے ہیں۔ معاشی زبوں حالی، بیرونی ادائیگیوں کا دباو ملکی سلامتی کیلیے بڑا چیلنج بن چکے ہیں اور حکمرانوں کا ایجنڈا ملکی مفادات کی بجائے کسی گھناونی سازش کا حصہ معلوم ہوتا ہے ۔

    اعلامیہ کے مطابق ملک دیوالیہ پن کی حدود کو عبور کرنے کی تیاری کر رہا ہے، حکومتی قیادت کے فیصلوں نے ہمارے شکوک و شبہات کو یقین میں بدل دیا ہے،مہنگائی سے غریب عوام کی کمر ٹوٹ گئی ہے اور بیرونی قرضوں کا سیلاب اور معاشی اداروں کی بد نظمی معیشت کو دیوالیہ کرنے کو ہے، غربت و افلاس کی بڑھتی صورتحال پر تشدد عوامی انقلاب آتا ہوا نظر آرہا ہے ۔اسلام آباد میں حکومت کے خلاف اپوزیشن جماعتوں کے اتحاد کے اعلامیہ سے یہ ظاہر ہوتا ہے کہ اپوزیشن حکومت کے خلاف اعلامیہ تو ظاہر کر سکتی ہے لیکن حکومت کے لیے ٹف ٹائم دینا فی الحال ممکن دکھائی نہیں دیتا. اپوزیشن کے حکومت کے خلاف اس اتحاد پر وزیر اعظم عمران خان نے جوابی وار کرتے ہوئے کہا ہے کہ اپوزیشن جتنے مرضی اکٹھ کرلے لیکن یاد رکھے این آر او نہیں ملے گا

  • ہماری لڑائی عمران خان نہیں اسے سلیکٹ کرنے والوں سے ہے، مریم نواز

    ہماری لڑائی عمران خان نہیں اسے سلیکٹ کرنے والوں سے ہے، مریم نواز

    پاکستان مسلم لیگ ن کی نائب صدر مریم نواز نے کہا ہے کہ ہماری لڑائی عمران خان سے نہیں اسے سلیکٹ کرنے والوں سے ہے. آج اگرصحیح فیصلہ نہ کیاتوقوم ہمیں کبھی معاف نہیں کرے گی. وقت آگیا ہے کہ اس وسیع تر قومی مفاد کی اصطلاح کو تبدیل کریں۔

    باغی ٹی وی کی رپورٹ کےمطابق مریم نواز نے اے پی سی سے خطاب کرتے ہوئے کہاکہ آل پارٹیز کانفرنس میں ٹھوس فیصلے ہونے چاہئیں، ملکی معیشت بدحالی کاشکارہےاورعوام ہماری جانب دیکھ رہےہیں. ایسااقدام اُٹھائیں کہ عمران خان توجائےلیکن ایساکوئی شخص پھرنہ آسکے. ہم کب تک وسیع تر قومی مفاد کے پیچھے چھپتے رہیں گے؟

    انہوں نے کہاکہ یہ سچ ہے اپوزیشن تاریخ کی بدترین دھاندلی کے خلاف موثر آواز نہیں اٹھا سکی، عوام کو اپوزیشن سے بہت توقعات ہیں۔ نیب کی زیر حراست لوگوں کو سیاسی قیدی ڈکلیئر کیا جائے۔ چیئرمین اور ڈپٹی چیئرمین سینیٹ کی تبدیلی پر متفقہ فیصلہ کیا جائے، یہ پہلی اینٹ جب سرکے گی تو جمہوریت کی پیٹھ میں چھراگھونپنے والی حکومت کی بنیادیں ہل جائیں گی۔

    واضح رہے کہ اے پی سی کا اعلامیہ جاری کر دیا گیا ہے اور استعفوں پر اختلافات کے سبب اپوزیشن جماعتیں حکومت مخالف تحریک کے حوالہ سے کوئی بڑا فیصلہ نہیں‌ کر سکی ہیں.