مسلم لیگ ن کے رہنما خواجہ سعید رفیق نے کہا ہے کہ نیب کا بلیک لا پاکستان کی اکانومی کو کھوکھلا کر رہا ہے، پیپلز پارٹی اور مسلم لیگ ن نے اس میں تبدیلی نہیں کی ، آپ کر لیں ورنہ آپ بھی بھگتیں گے، ہم اقتدار میں رہے آ ج ادھر آ گئے، کام کارکردگی پر ختم ہوتا، آپ عدالت اور مدعی دونوں بننا چاہتے ہیں ،ایسا نہیں ہو سکتا ،

باغی ٹی وی کی رپورٹ کے مطابق قومی اسمبلی اجلاس میں خطاب کرتے ہوئے خواجہ سعد رفیق نے کہا کہ مھے معلوم ہے ہمارے پروڈکشن آرڈر جاری نہ کرنے کیلیے کتنا دباؤہوتاہے پروڈکشن آرڈر جاری کرنے پر ہم اسپیکر کے شکرگزار ہیں پانچ سال حکومت کر کے آئے ہیں ،سب معلوم ہے ،یہ نہیں ہوسکتا کہ آمرانہ اقدامات بھی کریں،

خواجہ سعد رفیق نے کہا کہ ایک بار میرے بھائی کو دل کی تکلیف ہوئی تو دل نے کہا بد دعا دوں لیکن نہیں دی،منتخب وزیراعظم این آر او نہیں دے سکتا،

خواجہ سعد رفیق نے کہا کہ اللہ اس آفت سے محفوظ رکھے، یہ نہیں بچے، ہم نہیں بچے ایم کیو ایم والے بھی نہیں بچ سکے اب یہ بھی نہیں بچ سکیں گے،. خواجہ سعد رفیق نے کہا کہ میں نے کیا چوری کی ہے، سات مہینے سے نیب کی کسٹڈی مٰیں ہوں ، چارج شیٹ کیوں‌نہیں کیا جاتا، انہوں نے کہا کہ مجھے پتہ ہے کہ رگڑا کیوں لگ رہا ہے، تقریروں کی وجہ سے رگڑا لگایا جا رہا ہے.

خواجہ سعد رفیق نے کہا کہ بجٹ نے تنخواہ دار طبقے کو کہیں کا نہیں چھوڑا، چھاپوں کا اختیار، گھروں میں گھسنے کا اختیار کیوں دیا جا رہا ہے، بارہ لاکھ ٹیکس کی چھوٹ کو چار لاکھ تک لانا ظالمانہ ہے، تعلیم اور صحت کا بجٹ بڑھانا آپ کی ترجیح تھی لیکن بجٹ کم کیا، ہم سے حساب مانگتے ہیں ہم دے سکتے ہیں، جو قرض آپ نے لیا اس سے صرف کھڈے مارے، لوگوں کو بے روزگار کیا ،

خواجہ سعد رفیق نے مزید کہا کہ ریلوے حادثات پر میرا استعفیٰ مانگا جاتا تھا لیکن میں نے کبھی استعفیٰ نہیں مانگا، دس نئی ٹرین چلائیں جن میں سے سات خسارے میں ہیں، چلتی بوگیوں‌ کی ٹرینیں اتار کر نئی چلا دی گئں، ریلوے کے ملازمین کو تنخواہیں نہیں دی جا رہیں.

وفاقی وزیر سائنس وٹیکنالوجی فواد چودھری نے کہا ہے کہ مسلم لیگ ن اور پیپلزپارٹی ایک دوسرے کو چور کہہ کر ووٹ لیتی رہی، پلوامہ کے بعد اصولی طور پر فوج کے بجٹ میں اضافہ ہونا چاہیے تھا

نہ‌ڈیل ہوگی نہ ڈھیل،اے پی سی کو اہمیت نہیں دیتے، فواد چودھری

اوبر اور کریم پر خواتین کے لئے سفر ہوا غیر محفوظ

باغی ٹی وی کی رپورٹ کے مطابق قومی اسمبلی کا اجلاس سپیکر قومی اسمبلی اسد قیصر کی زیر صدارت جاری ہے، وفاقی وزیر سائنس وٹیکنالوجی فواد چوھدری نے اسمبلی میں خطاب کرتے ہوئے کہا کہ طاقتورنظام،گورننس کیلئے اداروں کو تگڑا کرنا پڑے گا ،حکومت نے سرکاری اخراجات میں50ارب روپے کی کمی کی، فواد چودھری کا مزید کہنا تھا کہ اداروں کو تباہ کرنے کےلیے من پسند بھرتیاں کی گئیں

فواد چودھری کے تھپڑ پر وزیراعظم کا سمیع ابراہیم کو فون، کیا بات ہوئی جان کر فواد چودھری پریشان ہو جائے

صحافیوں کے احتجاج میں‌ ڈبو مردہ باد کے نعرے، فواد چوہدری نے تھپڑ کیوں‌ مارا؟ سمیع ابراہیم نے بتا دیا

فواد چودھری نے مزید کہا کہ بجٹ میں سائنس اور ٹیکنالوجی کےلیے43ارب روپے رکھے گئے ،ملک کی ترقی کےلیے ضروری ہے اداروں کو مضبوط کیا جائے، فواد چودھری کا اسمبلی اجلاس میں مزید کہنا تھا کہ مسلم لیگ ن اور پیپلزپارٹی ایک دوسرے کو چور کہہ کر ووٹ لیتی رہی،مسلم لیگ اسمبلی میں "ش”،لاہور میں "ن "اور کراچی میں "م "ہوجاتی ہے
1947سے2008تک پاکستان کا قرض6ہزار ارب تھا،عمران خان نے کہا تھا رلاوَں گا، رلادیا،کہا تھا پکڑوں گا،پکڑلیا،پاکستان میں کرپشن کیخلاف بیانیہ بنا ہے تو وہ عمران خان اور پی ٹی آئی کا ہے، فواد چودھری نے مزید کہا کہ میثاق معیشت پر شہبازشریف کو انکی پارٹی سپورٹ نہیں کرتی تو ہماری سپورٹ لے لیں

شہباز شریف نے قومی اسمبلی میں کی نواز شریف کی مخالفت، اہم خبر

وزیراعظم سے این آر او دن کو یا رات کو اور کس نے مانگا، بتایا جائے، شہباز شریف

حکومت کی جانب سے مساجد کو مفت بجلی دینے کا منصوبہ خطرے میں پڑ گیا، وزارت توانائی نے مساجد کو مفت بجلی دینے کے حوالے سے سینیٹ کی قائمہ کمیٹی برائے توانائی کی تجویزپرعمل کرنا ناممکن قراردے دیا،

باغی ٹی وی کی رپورٹ کے مطابق سینیٹ کی قائمہ کمیٹی برائے توانائی کااجلاس چئیرمین سینٹر فدا محمد کی سربراہی میں اولڈ پیپس ہال میں ہوا۔اجلاس میں مولوی فیض محمد،آغاشاہ زیب درانی ،محمداکرم اور وزارت توانائی کے حکام نے شرکت کی۔وزارت توانائی کے حکام نے کمیٹی کوبتایا کہ مساجد کو مفت بجلی دینے کے حوالے سے سینیٹ کی قائمہ کمیٹی برائے توانائی کی تجویزپرعمل کرنا نا ممکن ہے، تمام بجلی کی ترسیل کارکمپنیاں خسارے میں ہیں اس سے ان کمپنیوں پر مزید بوجھ پڑے گا۔

سینیٹ کی قائمہ کمیٹی توانائی نے کوہاٹ کے علاقے میں خصوصی پروگرام کے تحت 80فیصد مکمل ہونے والے منصوبے کو20فیصد فنڈزجاری کرنے کے حوالے سے معاملے کوسینیٹ کی قائمہ کمیٹی منصوبہ بندی کوبھیجتے ہوئے سفارش کی کہ اگر 80فیصد کام ہوگیا ہے تو منصوبے کے لیے فنڈزجاری کئے جائیں۔

سیکرٹری وزارت توانائی نے کمیٹی کوبتایا کہ پانی ضرورت کے مطابق دینا چاہیے مگر ماضی میں فنڈز سیاسی طور پر یکساں دیا جاتا تھا جس سے جہاں ضرورت نہیں ہوتی وہاں فنڈز ضائع ہوجاتے تھے بجلی کے لیے بھی ضرورت کے مطابق فنڈز ہونے چاہیے پی ایس ڈی پی وزارت توانائی کو کم فنڈز دیئے جاتے ہیں حکومت فنڈز نہیں دیتی ہے ماضی میں سیاسی طور پر بجلی کی ترسیل کا نظام بنتا رہا۔پشاور الیکٹرک سپلائی کمپنی ( پیسکو) اورکوئٹہ الیکٹرک سپلائی کمپنی (کیسکو) میں فنڈز کے مسائل ہیں. پیسکو کے پاس ٹرانسفارمر کی مرمت کے پیسے نہیں تھے ٹیسکو میں بھی فنڈز کی ضرورت ہے ٹیسکو کا نظام اتنا خراب ہوچکاہے کہ دس گھنٹے سے زیادہ بجلی نہیں دے سکتے ہیں.بلوچستان میں بجلی دینے کے لیے حکومت کو فنڈز دینے ہوں گے مکران کا پورا سسٹم اپڈیٹ ہورہاہے. جب تک نظام ٹھیک نہیں کریں گے فنڈز ضائع ہوجائیں گے۔

کیسکو میں سب سے بڑا مسئلہ ٹیوب ویل ہیں قلعہ سیف اللہ ، پشین اورخضدار میں چوری ختم کرنے کی کوشش کی بلوچستان میں12سو غیر قانونی ٹیوب ویلز ہیں۔بلوچستان کے حوالے سے سبسڈی نہیں دیتے ہیں وفاقی حکومت دے دیتی ہے مگر صوبائی حکومت نہیں دیتی ہے.پیسکو کو پاوں پر کھڑا ہونے کے لیے ایک سال کا عرصہ درکا ہے۔ایران سے سو میگا واٹ بجلی کا معاہدہ دوبارہ کیا.اب 70میگا واٹ کم ازکم بجلی ایران دے گا۔چوری کے روک تھام پر کافی کام ہورہاہے. مئی کے مہینے تک پچھلے سال کے مقابلے میں خسارہ کم کیا ہے اور ریکوری بھی زیادہ کی ہے۔

سینیٹ کی قائمہ کمیٹی برائے توانائی کی ذیلی کمیٹی نے ملک بھر میں بجلی کی چوری روکنے کے لیے تجویز دی تھی کہ جو مسجد بجلی چوری کیخلاف فتویٰ دے گی اس کو ماہانہ 400 یونٹس مفت فراہم کیے جائیں گے۔
محمد اویس

بجلی چوروں کے خلاف مہم کے دوران پاکستان میں 31ہزار2سو13ایف آئی آر درج کرکے 4887 ملزمان کوگرفتار کیا گیا جن پر 2ارب سے زائد کے واجبات تھے. اس مہم کے دوران 1ارب7کروڑ97لاکھ روپے وصول کئے گئے۔سب سے زیادہ 14ہزاربجلی چوروںپر لاہور الیکٹرک سپلائی نے ایف آئی آردرج کئے گئے۔

باغی ٹی وی کو ملنے والی سرکاری دستاویزات کے مطابق ملک بھرمیں بجلی چوری کے خلاف مہم جو کہ اکتوبر 2018سے اب تک 31ہزار2 سو13ایف آئی آر درج کی 4887 کوگرفتار کیا گیا جن پر 2ارب سے زائد کے واجبات تھے اس مہم کے دوران 1 ارب7کروڑ97 لاکھ روپے وصول کئے گئے۔سب سے زیادہ 14ہزاربجلی چوروں پر لاہور الیکٹرک سپلائی نے ایف آئی آردرج کئے گئے 11269بجلی چور گرفتار ہوئیے جو 1730میگا کلوواٹ بجلی چوری ہوئی 44کروڑ35لاکھ روپے وصول کئے۔ گوجرانوانہ الیکٹرک سپلائی کمپنی میں 4632بجلی چوروں پر ایف آئی آردرج کیں۔

3612بجلی چور گرفتار ہوئے،27کروڑ12لاکھ روپے وصول کئے۔ فیصل آباد الیکٹرک سپلائی کمپنی 2957بجلی چوروں پر ایف آئی آردرج کیں۔2359بجلی چور گرفتار ہوئے28کروڑ30لاکھ روپے،اسلام آباد الیکٹرک سپلائی کمپنی 1745بجلی چوروں پر ایف آئی آردرج کیں۔808بجلی چور گرفتار ہوئے34کروڑ26لاکھ روپے ،ملتان الیکٹرک سپلائی کمپنی15407بجلی چوروں پر ایف آئی آردرج کیں۔12257بجلی چور گرفتار ہوئے57کروڑ6لاکھ روپے ،پشاور الیکٹرک سپلائی کمپنی965بجلی چوروں پر ایف آئی آردرج کیں۔

817بجلی چور گرفتار ہوئے3کروڑ33لاکھ روپے ،حیدآباد الیکٹرک سپلائی کمپنی404بجلی چوروں پر ایف آئی آردرج کیں۔30بجلی چور گرفتار ہوئے1کروڑ65لاکھ روپے ،سکھر الیکٹرک سپلائی کمپنی98بجلی چوروں پر ایف آئی آردرج کیں۔23بجلی چور گرفتار ہوئے2کروڑ17لاکھ روپے ،کوئٹہ الیکٹرک سپلائی کمپنی 1233بجلی چوروں پر ایف آئی آردرج کیں۔38بجلی چور گرفتار ہوئے 2کروڑ88لاکھ سے زائد کے روپے وصول کئے .

محمد اویس