اقوام متحدہ میں پاکستان کی مستقبل مندوب ڈاکٹر ملیحہ لودھی نے سلامتی کونسل کو افغان مذاکراتی عمل میں پاکستانی کردار سے آگاہ کرتے ہوئے کہ کہ افغانستان میں قیام امن کی کوششوں کی کامیابی کے لیے پاکستان پر امید ہے.

باغی ٹی وی رپورٹ کے مطابق اقوام متحدہ میں پاکستان کی مستقبل مندوب ڈاکٹر ملیحہ لودھی نے سلامتی کونسل کو افغان مذاکراتی عمل میں پاکستانی کردار سے آگاہ کرتے ہوئے کہا کہ افغانستان میں قیام امن کی کوششوں کی کامیابی کے لیے پاکستان پر امید ہے.
انہوں نے کہاکہ پاکستان نے ہمیشہ مذاکرات کے ذریعے افغانستان میں امن کے حصول کی حمایت کی ہے.عالمی برادری نے بھی پاکستان کے مثبت کردار کو سراہا ہے.قیام امن کی کوششوں کو درپیش چیلنجز کو نظر انداز نہیں کیا جا سکتا.

ملیحہ لودھی کا مزید کہنا تھا کہ ہم طالبان،افغان حکومت،تمام شراکت داروں کوبذریعہ مذاکرات دیرپاامن قائم کرتےدیکھناچاہتےہیں.افغانستان میں امن اور استحکام پاکستان اور خطے کے وسیع تر مفاد میں ہے.پاکستان نے ہمیشہ کہا ہے کہ افغانستان کے مسائل کا حل فوجی مہم جوئی میں نہیں ہے،

امریکہ نے کہا ہے کہ ایران کے ہاتھوں نشانہ بننے والا امریکی ڈرون بین الاقوامی فضائی حدود میں تھا، ایرانی علاقے میں نہیں تھا ۔اس کے ہمارے پاس دستاویزی ثبوت موجود ہیں۔

ایرانی حکومت نے یہ دعویٰ کیا تھا کہ اس نے اپنی فضائی حدود میں امریکا کے بغیر پائیلٹ جاسوس طیارے کو مار گرایا ہے۔امریکی صدر جمعرات کے روز وائٹ ہاؤس میں کینیڈا کے وزیراعظم جسٹن ٹروڈو سے ملاقات سے قبل میڈیا سے گفتگو کررہے تھے۔ان سے جب صحافیوں نے پوچھا کہ اب امریکا کا کیا ردعمل ہوگا تو وہ یوں گویا ہوئے:’’ آپ یہ ردعمل دیکھیں گے۔‘‘

صدرٹرمپ نے ایران کے اقدام کو ایک بڑی غلطی قرار دیا ہے لیکن ان کا کہنا ہے کہ ایران کے ساتھ بات چیت کا امکان موجود ہے۔انھوں نے یہ بھی کہا کہ ایران نے شاید غلطی سے امریکا کا ڈرون مار گرایا ہے۔

امریکی صدر نے اس معاملے پر کشیدگی کوبڑھاوا دینے کے بجائے صورت حال کو ٹھنڈا کرنے کی کوشش کی ہے اور کہا کہ ’’میں یہ نہیں جان سکاہوں کہ یہ واقعہ ارادی طور پر ہوا ہے‘‘۔ان کا کہنا تھا کہ ’’میں یہ محسوس کرتا ہوں ،یہ ایک غلطی ہے۔یہ جس کسی نے غلطی کی ہے،اس کو ایسا نہیں کرنا چاہیے تھا‘‘۔

اس موقع پر جسٹن ٹروڈو نے گفتگو کرتے ہوئے کہا کہ انھیں ایران کے ساتھ کشیدگی میں اضافے پر تشویش لاحق ہے۔

سعودی وزیر مملکت برئے امور خارجہ عادل الجبیر نے کہا کہ ایران کےساتھ کوئی جنگ نہیں چاہتا.

باغی ٹی وی رپورٹ کے مطابق مشرق وسطی میں حالیہ کشیدگی پر سعودی وزیر مملکت برائے امور خارجہ عادل الجبیر نے کہا کہ ایران کےساتھ کوئی جنگ نہیں چاہتا.
ایران آبنائے ہُرمز کو بند کرتا ہے تو سخت ردعمل کا سامنا کرنا پڑے گا، ایران کے جارحانہ کردار کی وجہ سے صورت حال بہت سنگین ہو چکی ہے۔

عادل الجبیر نے ایران کو مخاطب کرکے کہا:’’ جب آپ بین الاقوامی جہاز رانی میں رخنہ ڈالیں گے تو اس کے توانائی کی سپلائی پر اثرات مرتب ہوں گے ،اس سے عالمی منڈی میں تیل کی قیمتوں پر بھی اثرات ہوں گے، تیل کی بڑی ہوئی قیمتیں عالمی معیشت کو بھی متاثر کریں گی اور یوں اس سے دنیا میں کم وبیش ہر شخص ہی متاثر ہوگا‘‘۔

انھوں نے ایران کے پڑوسی ملک عراق پر اثرات کے حوالے سے کہا کہ سعودی عرب انھیں کم سے کم کرنے کے لیے کام کررہا ہے اور بغداد کے ساتھ اپنے تعلقات کو مضبوط بنا رہا ہے۔