سیالکوٹ (نمائندہ باغی ٹی وی) محکمہ زراعت کی جعلی زرعی ادویات فروخت کرنے والے سٹورز کے خلاف کاروئی
ڈسکہ میں دو مختلف زرعی ادویات کی دوکانوں پر چھاپہ مار کر جعلی ادویات فروخت کرنے والے دو دکانداروں اور ڈیلروں سے جعلی ادویات پرامد کر لیں دو لاکھ 75 ہزار کی دوائی قبضے میں لے کہ تلف کر دی گئی ملزمان کی جانب سے فروخت کی جانے والی ادویات میں وزن میں کمی کا بھی انکشاف ہوا ہے ملزمان یاسر علی اور شاہد محمود سمیت کمپنی مالکان بھی ایف آئی آر میں نامزد
Blog
-
سیالکوٹ محکمہ زراعت کی جعلی زرعی ادویات فروخت کرنے والے سٹورز کے خلاف کاروئی
-
مالی میں نسلی فسادات میں 38افراد ہلاک
مالی میں دو گروپوں میں تصادم سے 38 افراد ہلاک ہو گئے.
باغی ٹی وی رپورٹ کےمطابق غیر ملکی خبر رساں ادارے کے مطابق سنٹرل مالی کے 2 دیہات گنگافانی اور یورو میں حملوں کے دوران 38 افراد کو ہلاک اور متعدد کو زخمی کر دیاگیا۔ ابھی تک کسی گروہ نے حملوں کی ذمہ داری قبول نہیں کی۔ فریقی ملک مالی کے 2 دیہات میں نسلی فسادات پھوٹ پڑے جس کےنتیجےمیں 38 افراد ہلاک اور متعدد زخمی ہو گئے۔
مالی میں دوگن اور فولانی قومیتیں 2012 سے آپس میں بر سر پیکار ہیں جبکہ گورنمنٹ اقوام متحدہ اور فرانسیسی فوج کی مدد سےامن بحال کرنے کی کوشش کر رہی ہے۔
-
اب ڈرائیونگ لائنسس کا حصول انتہائی آسان بنا دیا گیا
سرگودھا(نمائندہ باغی ٹی وی )ڈسٹرکٹ پولیس آفیسر سرگودھا حسن مشتاق سکھیرا کی ہدایت پر ڈرائیونگ لائسنس کے حصول کے لیے طریقہ کار کو انتہائی آسان بنا کر عوام کو ریلیف دیا جارہا ہے ان خیالات کا اظہار ڈسٹرکٹ آفیسر ٹریفک پولیس سرگودھا محمد اعظم نے ایک ملاقات کے دوران میڈیا کے نمائندوں سےگفتگو کرتے ہوئے کیا انہوں نے بتایا کہ ڈرائیونگ لائسنس کی تجدید اور گمشدگی لائسنس کے بعد اس کی ڈپلیکیٹ کاپی کے حصول کا عمل انتہائی آسان کردیا گیا ہے کسی بھی شہری کو اس سلسلہ میں کوئی پریشانی کا سامنا نہیں کرنا پڑے گا اس عمل کو ون ونڈو آپریشن کے ذریعے ایک ہی جگہ پر کر دیا گیا ہے تاکہ عوام کو ایک ہی جگہ پر سہولت میسر ہو سکے اس ضمن میں ڈسٹرکٹ پولیس آفیسر سرگودھا حسن مشتاق سکھیرا کی ذاتی کاوشِ عوام کے لیے فائدہ مند اور آسان طریقے سے لائسنس کے حصول کو میرٹ پر جاری کرنا ممکن ہوگیا ھے ڈسٹرکٹ آفیسر ٹریفک محمد اعظم نے بتایا کہ آئندہ سے لرنر لائسنس کا پیریڈ مکمل ہونے کے بعد ٹیسٹ کے روز ایک ہی دن میں لائسنس ٹیسٹ کے بعد اس کو آن لائن کرنے کے بھی خصوصی انتظامات کیے گئے ہیں آئندہ ٹیسٹ والے دن ہی تمام امیدواروں کے تمام مراحل کو ایک ہی دن میں مکمل کرکے کے فوٹو بائیومیٹرک کاعمل مکمل ہوگا اور ڈاکخانہ کا عملہ بھی ٹکٹ لے کر پولیس لائن کے گراؤنڈ میں ہی موجود ہوگا یہاں سے امیدوار ٹکٹ خرید کر اسی وقت اپنے فارم پر لگا کر اپنا عمل مکمل کروائیں گے اور تین روز کے اندر کسی بھی شہری کو اس کا لائسنس جاری ہو جائے گا انہوں نے کہا کہ ان تمام اقدامات کا مقصد عوام کو زیادہ سے زیادہ سہولیات کی فراہمی ہے
-
ڈی سی شیخوپورہ کا صوبائی وزیر کے ہمراہ جاری ترقیاتی سکیموں کا دورہ،معیارات چیک کیے.
شیخوپورہ(نمائندہ باغی ٹی وی) ڈپٹی کمشنر شیخوپورہ سید طارق محمود بخاری کا صوبائی وزیر برائے ڈیزاسٹرمنیجمنٹ اور ممبر صوبائی اسمبلی خان شیر اکبر کے ہمراہ جاری ترقیاتی سکیموں کا دورہ۔ اس موقع پر انہوں نے ترقیاتی کاموں کے معیار اور کوالٹی کا چیک کیا. ڈپٹی کمشنر اور صوبائی وزیر نے یونائیٹڈ پارک،ہرن مینارروڈ،جناز گاہ نزد ریلوے اسٹیشن اور دیگر ترقیاتی سکیموں کو جلد مکمل کرنے کی ہدایت کی
ڈی سی شیخوپورہ کا کہنا تھا کہ ترقیاتی سکیموں کے مٹیریل اور معیار پر سمجھوتہ نہیں کیا جائے گا۔
صوبائی وزیر میاں خالد محمود کا کہنا تھا کہ حکومت پنجاب عوام کی فلاح و بہبود کے لیے شیخوپورہ میں مزید ترقیاتی سکیمیں شروع کر رہی ہے۔
-
صدر مرسی کا غائبانہ نماز جنازہ گجرات میں ادا
گجرات(نمائندہ باغی ٹی وی)جماعت اسلامی گجرات سٹی کے زیراہتمام مصرکے پہلے منتخب صدر ڈاکٹرمحمد مرسی کی غائبانہ نمازجنازہ کااہتمام عنایت پارک فوارہ چوک میں کیاگیاجماعت اسلامی پنجاب کے امیرڈاکٹرطارق سلیم نے غائبانہ نمازجنازہ پڑھائی ،غائبانہ نمازجنازہ میں جماعت اسلامی گجرات سٹی کے رہنماﺅں ساتھیوں کارکنان سمیت عام شہریوں نے بڑی تعداد میں شرکت کی غائبانہ نمازجنازہ کے لئے انتظامات سٹی امیریاسرسروش نے جنرل سیکرٹری چوہدری افتخار سرور،حاجی جاوید اقبال بٹ ،ڈاکٹراسحاق، چوہدری صفدروڑائچ ،راجہ نعیم خاورودیگرکے ہمراہ کیے تھے۔نمازجنازہ میں سینکڑوں شہری موجود تھے خطاب کرتے ہوئے جماعت اسلامی پنجاب کے امیرڈاکٹرطارق سلیم نے کہاکہ مصرکے پہلے منتخب صدر کی آمرانہ قید میں موت حقیقت میں شہادت ہے اوران کی موت جمہوریت انصاف اورانسانی حقوق کی چیمپین عالمی طاقتوں کی موت ہے جنرل سیسی مصر میں فرعون وقت بن گئے ہیں اورعالمی طاغوتی ایجنڈا پورا کررہے ہیں عرب حکمران پہلے منتخب مصری صدرکے قاتل ہیں جنہوں نے اقتدارپرقبضہ کرنے والے درندے جرنیل اوراس کے ٹولے کی حمایت کی ڈاکٹرطارق سلیم نے جماعت اسلامی گجرات سٹی کے رہنماﺅں کی کارکردگی کو سراہاہے غائبانہ نمازجنازہ کے موقع پرراجہ ساجد شریف، قاری مختاراطہر،احمد سلطان غزالی سکول، قاری میاں احمد،محمد آصف سمیت جماعت اسلامی کے مقامی رہنما بھی موجودتھے۔
-
ہانگ کانگ میں لاکھوں مظاہرین کا پر ان مظاہرہ مثال قائم کر دی
ہانگ کانگ میں لاکھوں افراد نے پارلیمنٹ جانے والے راستوں پر احتجاج کیا اور کئی روز تک وہیں قیام کیا،سڑکیں صاف کر کے بہترین مثال قائم کر دی
تفصیلات کے مطابق ہانگ کانگ میں ملزمان کی حوالگی سے متعلق پیش کیے جانے والے بل کے خلاف لاکھوں افراد نے پارلیمنٹ جانے والے راستوں پر احتجاج کیا اور کئی روز تک وہیں قیام کیا، مظاہرے کے دوران اور اختتام پر شریک افراد نے کئی اعلیٰ مثالیں بھی قائم کیں۔ہانک کانگ میں ہونے والے یہ مظاہرے اور ان میں شامل مظاہرین کا پُرامن رویہ عالمی خبروں کی زینت بنا رہا۔
لاکھوں کی تعداد میں مظاہرین نے احتجاج کے اختتام پر سڑکوں کی صفائی کر کے انہیں اپنی اصل حالت میں لاکر نئی مثال قائم کردی۔
ہانک کانگ سے تعلق رکھنے والے مصنف کانگ تسانگ-گین نے اس حوالے سے ٹویٹ کیا اور لکھا کہ یہاں 20 لاکھ لوگ جمع تھے، تمام لوگ رات بھر یہاں صفائی میں مصروف رہے اور اب یہاں سڑک پر کچرے کا نشان بھی نہیں ہے۔
-
ہلال احمر جیسے فلاحی ادارے میں گوسٹ بھرتیوں اور کرپشن کا انکشاف
سرگودہا(نمائندہ باغی ٹی وی)سرگودہا این اے 90 شہر سے پی ٹی آئی کی شکست خوردہ امیدوار ڈاکٹر نادیہ کو اور کچھ نہ ملا تو حکومتی سفارش سے ہلال احمر کی سیکرٹری بن گیئں اس ادارے کا چئیر مین متعلقہ ضلع کا ڈی سی او ہوتا ہے جبکہ سرگودہا میں اس ادارے کی چئیرمین ڈی سی سرگودہا سلوت سعید ہیں ڈاکٹر نادیہ عزیز نے اپنے ڈیرے کے تمام ملازمین ہلال احمر میں بھرتی کر رکھے ہیں اس کے علاوہ اپنے قرابت داروں کو نوازنے کیلیے گوسٹ ملازمین بھرتی کیے ہیں جو کام نہیں کرتے اور تنخواہیں ادارے سے لے کر بوجھ ہیں ہلال احمر کی شہر میں تین ڈسپنسریاں بھی موجود ہیں جن میں ادویات کی خریداری بھی ڈاکٹر نادیہ عزیز کرتی ہیں ادویات کے بل مہنگی کمپنیز کے بنا کر سستی ادویات خریدی جاتی ہیں اور آڈٹ میں ادارے پر لاکھوں کا بوجھ ڈالا جاتا ہے کمال کی بات یہ ہے کہ ڈاکٹر نادیہ عزیز اپنے پبلک سیکریٹیریٹ اور ملازمین کا خرچہ اس ادارے سے چلا رہی ہیں ڈی سی سرگودہا کو بارہا شکایت کرنے پر بھی کوئی کاروائی عمل میں نہیں لائی گئی خلقے کے لوگوں نے وزیر اعلی پنجاب سے نوٹس لینے کا مطالبہ کر دیا
-
چیئرمین نیب اورخاتون والی ویڈیو پر کمیشن بنایا جائے: شہباز شریف کا ایوان میں مطالبہ
شہباز شریف نے کہا ہے کہ چیئرمین نیب اور خاتون والی ویڈیو پر کمیشن بنایا جائے، لوگوں کونشانہ بنا کراحتساب کا عمل ختم کیا جائے،بلا امتیاز احتساب کرنا ہے توایک ہی طرح سےکرنا ہوگا
چیئرمین نیب کی کردار کشی کرنیوالی طیبہ گل عدالت پیش، عدالت نے بڑا حکم دے دیا
خاوند کی رہائی کیلئے چیئرمین نیب نے…..ویڈیو بنانے والی خاتون نے کیا کہا؟
باغی ٹی وی کی رپورٹ کے مطابق قومی اسمبلی اجلاس میں شہباز شریف نے مطالبہ کیا کہ چیئرمین نیب اور خاتون والی ویڈیو پر کمیشن بنایا جائے، بجٹ میں ترمیم نہ کی گئی تو ہم حکومت نہیں چلنے دیں گے، مزدور کی کم از کم تنخواہ 20ہزار کی جائے. گھی اورخوردنی تیل پرعائدٹیکس فی الفورواپس لیاجائے،ایک لاکھ روپےماہانہ تنخواہ سےٹیکس ختم کیاجائے،بجلی اور گیس کے نرض 31 مئی 2018 کی سطح پر واپس لائے جائیں.
چیئرمین نیب کی ویڈیو لیک کرنیوالوں کے خلاف ریفرنس دائر
چیئرمین نیب کے خلاف خبر پر پیمرا ان ایکشن، نیوز ون کو نوٹس جاری، جواب مانگ لیا
واضح رہے کہ نیوز ون چینل نے ایسی ویڈیو اور آڈیو نشر کی جس میں مبینہ طور پر چیئرمین نیب جسٹس (ر) جاوید اقبال کو ایک خاتون سے نازیبا گفتگو کرتے ہوئے سنا جا سکتا ہے۔ قومی احتساب بیورو کے ترجمان نے چیئرمین نیب جسٹس ریٹائرڈ جاوید اقبال کے خلاف چلنے والی خبر کی تردید کردی۔ترجمان نیب کی جانب سے جاری ہونے والے اعلامیے میں بتایا گیا ہے کہ نیوز ون پر چیئرمین نیب کے حوالے سے حقائق کے منافی، من گھڑت ، بے بنیاد اور جھوٹی خبر چلائی گئی جس کا مقصد جسٹس (ر) جاوید اقبال کی ساکھ کو مجروح کرنا ہے .
-
گجرات کے اہم مقامات پر خیمے کیوں لگا دئیے گئے؟ اہم خبر سامنے آ گئی
گجرات(نمائندہ باغی ٹی وی)ڈپٹی کمشنر ڈاکٹر خرم شہزاد کے حکم پر ایڈمنسٹر ڈاکٹر رانی حفصہ کنول کی ہدایات پر چیف آفیسر چوہدری اخلاق وڑائچ نے شہر کے مختلف چوکوں میں فلڈ کنٹرول روم قائم کر دئیے ہیں تفصیلات کے مطابق میونسپل کارپوریشن گجرات کی جانب سے مختلف جگہوں پر فلڈ کنٹرول روم کے خیمے لگا دئیے گئے ہیں جو جیل چوک ،ایدھی سنٹر ،میونسپل کارپوریشن گجرات و دیگر چوکوں میں خیمے لگائے گئے ہیں جس پر چیف آفیسر چوہدری اخلاق وڑائچ نے کہا کہ فلڈ کنٹرول روم قائم ہو نے سے لوگوں کو سہولیات میسر ہو سکیں گی تاکہ لوگ فلڈ کنٹرول روم سے رابطہ کر سکتے ہیں جبکہ میونسپل کارپورےشن گجرات میں بھی شکایات سیل قائم کر دئیے گئے ہیں اور اس کے ساتھ ساتھ مختلف جگہوں پر فلڈ کنٹرول روم میں عوام الناس کی سہولیات کےلئے شکایات کا ازالہ کیا جائے گا
-
شہباز شریف کی لمبی تقریر، فواد چودھری میدان میں آ گئے
قومی اسمبلی میں اپوزیشن لیڈر شہبازشریف کی لمبی تقریرسے تنگ حکومتی ارکان نے اسمبلی رولز میں ترمیم کرنے کی تجویز دے دی،
شہباز شریف نے قومی اسمبلی میں کی نواز شریف کی مخالفت، اہم خبر
وزیراعظم سے این آر او دن کو یا رات کو اور کس نے مانگا، بتایا جائے، شہباز شریف
باغی ٹی وی کی رپورٹ کے مطابق حکومتی اراکین نے ااسمبلی رولز میں ترمیم کی تجویز دیتے وہوئے کہا کہ اپوزیشن لیڈر کی تقریر کے لیے وقت لامحدود سے 45منٹ کیاجائے ،وفاقی وزیرسائنس اینڈ ٹیکنالوجی فواد چوہدری نے تجویز دی ہے ۔بدھ کووفاقی وزیرسائنس اینڈ ٹیکنالوجی فواد چوہدری نے سماجی رابطے کی ویب سائٹ ٹویٹر پر لکھا کہ میں نے آج اسمبلی رولز میں ترمیم تجویز کی ہے کہ اپوزیشن لیڈر کو تقریر کیلئے unlimited وقت دینا ٹیکس کے پیسے اور اسمبلی کے وقت کے ضیاع کے مترادف ہے لہذا وقت کی limit مقرر کی جائے 45 منٹ کا وقت ہونا چاہئے۔ شہبازشریف صبح سے تقریر کر رہے ہیں ان کی تقریر چرب زبانی کے سوا کچھ بھی نہیں۔
میں نے آج اسمبلی رولز میں ترمیم تجویز کی ہے کہ اپوزیشن لیڈر کو تقریر کیلئے unlimited وقت دینا ٹیکس کے پیسے اور اسمبلی کے وقت کے ضیاع کے مترادف ہے لہذاࣿ وقت کی limit مقرر کی جائے 45 منٹ کا وقت ہونا چاہئے۔ شہبازشریف صبح سے تقریر کر رہے ہیں ان کی تقریر چرب زبانی کے سوا کچھ بھی نہیں
— Ch Fawad Hussain (@fawadchaudhry) June 19, 2019
واضح رہے کہ شہپباز شریف آج اسمبلی اجلاس میں بجٹ پر بحث کر رہے ہیں، شہباز شریف نے اجلاس میں وقفے سے پہلے بھی خطاب کیا .
سپیکر قومی اسمبلی نے شہباز شریف کی ایسی بات مان لی جو حکومت رد کر چکی
سرمنڈاتے ہی اولے پڑ گئے، شہباز شریف کا قومی اسمبلی میں خطاب
محمد اویس