Blog

ایم کیو ایم نے آصف زرداری کے پروڈکشن آرڈر پر پیپلز پارٹی کی حمایت کا اعلان کر دیا ہے۔

باغی ٹی وی کی رپورٹ کے مطابق ایم کیو ایم کے اراکین قومی اسمبلی اسامہ قادری، امین الحق اور ڈپٹی اقبال نے چیئرمین پیپلز پارٹی بلاول بھٹو زرداری سے قومی اسمبلی میں ملاقات کی۔ اس موقع پر ایم کیو ایم رہنما اسامہ قادری نے بلاول بھٹو زرداری کو یقین دلایا کہ وہ پروڈکشن آرڈر کے معاملے پر غیر مشروط طور پر پیپلز پارٹی کے ساتھ ہیں۔

اسامہ قادری نے میڈیا سے بات کرتے ہوئے کہا کہ حکومتی اتحادی ہونے کے باوجود وہ اپنا مؤقف رکھتے ہیں، پروڈکشن آرڈر ہر رکن اسمبلی کا حق ہے جو اسے ملنا چاہیے۔ واضح رہے کہ ڈپٹی اسپیکر قاسم سوری کی زیر صدارت قومی اسمبلی کا اجلاس آج چار بجے شروع ہوا تاہم قومی اسمبلی اجلاس میں بجٹ پر بحث ہونا ہے مگر دو مرتبہ ہنگامہ آرائی کے سبب اجلاس ملتوی کیا جاچکا ہے.

واضح رہے کہ گزشتہ روز بھی قومی اسمبلی کا بجٹ پر بحث کیلئے بلایا گیا اجلاس ہنگامہ آرائی اور شور شرابے کی وجہ سے ایک بار پھر ملتوی کردیا گیا تھا. سوموار کے دن اسپیکر اسد قیصر کی زیر صدارت قومی اسمبلی کا اجلاس شروع ہوا تو اپوزیشن لیڈر نے تقریر سے قبل آصف زرداری، سعد رفیق، علی وزیر اور محسن داوڑ کے پروڈکشن آرڈر جاری کرنے پر اصرار کیا جس پر حکومتی اور اپوزیشن اراکین کی جانب سے شدید نعرے بازی کی اور ایوان مچھلی منڈی بن گیا. آج بھی آصف زرداری کے پروڈکشن آرڈ رجاری کرنے کا مطالبہ کیا گیا ہے. شہبازشریف کے مطالبہ پر اپوزیشن ارکان شور شرابہ کرتے رہے اور ایوان میں پروڈکشن آرڈر جاری کرو کی نعرے بازی کی جاتی رہی. اس موقع پر سپیکر قومی اسمبلی نے کہا کہ وہ آصف زرداری، سعد رفیق کے پروڈکشن آرڈر جاری کرنے کے معاملہ پر قانونی رائے لے رہے ہیں. اسد قیصر نے شہباز شریف سے کہا کہ آپ اپنی تقریر شروع کریں. اسمبلی چلانا حکومت اور اپوزیشن کی مشترکہ ذمےداری ہے. اسپیکر کے بار بار کہنے کے باوجود شہبازشریف کا چاروں کے پروڈکشن آرڈر جاری کرنے پر اصرار کیا جاتا رہا.

اقوام متحدہ جنرل اسمبلی اجلاس میں وزیراعظم پاکستان عمران خان اور وزیر خارجہ شاہ محمود قریشی شرکت کریں گے.

باغی ٹی وی کی رپورٹ کے مطابق وزیر اعظم پاکستان عمران خان کی معاون خصوصی فردوس عاشق اعوان نے کہاکہ نئے پاکستان میں‌ سیون سٹار ہوٹل پر نہیں‌ سفیر کی رہائش پر قیام کیا جائے گا. اقوام متحدہ میں راج کماری اور نواز شریف کی نواسی تک جاتے رہے لیکن یہ نیا پاکستان ہے.

ان کا کہنا تھا کہ وزیراعظم نے اپنے اخراجات کم کیے ہیں‌ اور کفایت شعاری مہم کا آغاز اپنی ذات سے کیا ہے. ان کا کہنا تھا کہ قوم کو اصلاح کا درس دینے والے عوام کے ٹیکس کا پیسا خرچ کرتے رہے، انہوں نے کہاکہ اقوام متحدہ میں راج کماری اور نواز شریف کی نواسی تک جاتے رہے، وزیر اعظم عمران خان نے کفایت شعاری مہم اپنی ذات سے شروع کی.

فردوس عاشق اعوان کا کہنا تھا کہ وزیراعظم چاہتے ہیں قوم مشکل وقت میں ساتھ دے. واضح رہے کہ ماضی کے وزیراعظم نے 15-2014 میں 88 کروڑ کا بجٹ استعمال کیا. قوم کو اصلاح‌ کا درس دینے والے عوام کے ٹیکسوں‌ کا پیسہ خرچ کرتے رہے. واضح رہے کہ حالیہ دنوں‌ میں‌ سیاسی ماحول بہت گرم ہے اور حکومتی اور اپوزیشن لیڈروں کی جانب سےا یک دوسرے کے خلاف سخت بیان بازی کی جارہی ہے.

ڈپٹی اسپیکر قاسم سوری کی زیر صدارت قومی اسمبلی کے اجلاس کا آغاز ہو گیا ہے. یہ اجلاس 4 بجے شروع ہونا تھا تاہم یہ سوا گھنٹہ تاخیر سے شروع ہوا ہے جبکہ اپوزیشن لیڈر شہباز شریف نے اپنے خطاب کا آغاز کر دیا ہے.

باغی ٹی وی کی رپورٹ‌ کے مطابق قومی اسمبلی اجلاس میں ن لیگ اور پیپلز پارٹی سمیت اپوزیشن ارکان بھی موجود ہیں. قومی اسمبلی اجلاس میں بجٹ پر بحث ہونا ہے تاہم دو مرتبہ ہنگامہ آرائی کے سبب اجلاس ملتوی کیا جاچکا ہے.

واضح رہے کہ گزشتہ روز بھی قومی اسمبلی کا بجٹ پر بحث کیلئے بلایا گیا اجلاس ہنگامہ آرائی اور شور شرابے کی وجہ سے ایک بار پھر ملتوی کردیا گیا تھا. سوموار کے دن اسپیکر اسد قیصر کی زیر صدارت قومی اسمبلی کا اجلاس شروع ہوا تو اپوزیشن لیڈر نے تقریر سے قبل آصف زرداری، سعد رفیق، علی وزیر اور محسن داوڑ کے پروڈکشن آرڈر جاری کرنے پر اصرار کیا جس پر حکومتی اور اپوزیشن اراکین کی جانب سے شدید نعرے بازی کی اور ایوان مچھلی منڈی بن گیا. شہبازشریف کے مطالبہ پر اپوزیشن ارکان شور شرابہ کرتے رہے اور ایوان میں پروڈکشن آرڈر جاری کرو کی نعرے بازی کی جاتی رہی. اس موقع پر سپیکر قومی اسمبلی نے کہا کہ وہ آصف زرداری، سعد رفیق کے پروڈکشن آرڈر جاری کرنے کے معاملہ پر قانونی رائے لے رہے ہیں. اسد قیصر نے شہباز شریف سے کہا کہ آپ اپنی تقریر شروع کریں. اسمبلی چلانا حکومت اور اپوزیشن کی مشترکہ ذمےداری ہے. اسپیکر کے بار بار کہنے کے باوجود شہبازشریف کا چاروں کے پروڈکشن آرڈر جاری کرنے پر اصرار کیا جاتا رہا.

شہباز شریف کا کہنا تھا کہ یہ بجٹ سیشن ہے، ہر رکن اسمبلی کا حق ہے وہ اپنے حلقے کے عوام کی نمایندگی کریں، اگر ان ممبران کو ہاؤس میں نہیں بلائیں گےتو کیسے بات ہو سکے گی.آپ بلا تاخیر چاروں ارکان کے پروڈکشن آرڈرجاری کریں، قومی اسمبلی کا آج ہونے والا اجلاس بھی ہنگامہ آرائی کی وجہ سے ملتوی کر دیا گیا ہے.