Baaghi TV

Blog

  • کسی شخص کی آزادی اس کا قیمتی حق ہے: عدالت نے یہ بات کس فیصلہ میں کہی؟

    کسی شخص کی آزادی اس کا قیمتی حق ہے: عدالت نے یہ بات کس فیصلہ میں کہی؟

    جج کو کرسی مارنے والے وکیل کی سزا معطلی سے متعلق ہائیکورٹ نے تحریری فیصلہ جاری کر دیا

    باغی ٹی وی کی رپورٹ کے مطابق جج کو کرسی مارنے والے وکیل کی سزا معطلی سے متعلق ہائیکورٹ نے تحریری فیصلہ جاری کر دیا ،جسٹس مظاہرعلی اکبرنقوی کی سربراہی میں 2 رکنی بنچ نےفیصلہ جاری کیا، تحریری حکم نامہ میں کہا گیا کہ کسی شخص کی آزادی اس کاقیمتی حق ہے جسے آئین تحفظ دیتاہے،ہائیکورٹ ٹرائل عدالت کی جانب سےملزم کی سزا معطل کرتی ہے،ملزم 2لاکھ روپےکا ضمانتی مچلکہ جمع کرائے.

    واضح رہے کہ انسداد دہشت گردی کی عدالت نے ایڈ وکیٹ عمران منج کو 18 سال 6 ماہ قید اور ڈھائی لاکھ روپے جرمانہ کی سزا سنائی تھی۔ عمران منج نے جڑانوالہ کی مقامی عدالت میں دوران بحث معمولی تلخ کلامی پر کرسی مار کر سینئر سول جج خالد محمود وڑائچ کا سر پھاڑ دیا تھا

  • یورپی یونین کے نمائندہ کا مطفرگڑھ میں مختیارمائی گرلز سکول کادورہ

    یورپی یونین کے سفیر جین فرینکوئیس کاؤٹین نے مظفرگڑھ میں مختار مائی گرلز سکول اور فاؤنڈیشن کا دورہ کیا اور سکول کی کمپیوٹر لیب کے لیے یورپی یونین کی جانب سے لیپ ٹاپس،کمپیوٹرز اور دیگر آئی ٹی آلات فراہم کیے.یورپی یونین کے اسلام آباد میں سفیر جین فرینکوئس کاؤٹین نے اپنی اہلیہ سونیا کاؤیئن اور بیٹے کے ہمراہ مظفرگڑھ کی تحصیل جتوئی کے نواحی علاقے میروالا میں مختار مائی ویلفیئر فاونڈیشن اور تنظیم کے تحت چلنے والے گرلز ماڈل سیکنڈری سکول کا دورہ کیا.یورپی یونین کے سفیر نے مختار مائی گرلز ماڈل سیکنڈری سکول کی لیب کے لیے یورپی یونین کی جانب سے لیپ ٹاپس،کمپیوٹرز سمیت دیگر آئی ٹی کے آلات تقسیم کیے.یورپی یونین کے سفیر جین فرینکوئیس کاؤٹین کو مختار مائی ویلفیئر فاؤنڈیشن کے حوالے سے بریفنگ بھی دی گئی.اس موقع پر مختار مائی گرلز سکول میں منعقدہ تقریب سے خطاب کرتے ہوئے یورپی یونین کے اسلام آباد میں سفیر جین فرینکوئس کاؤٹین اور انکی اہلیہ سونیا کاؤیئن کا کہنا تھا کہ خواتین کو خود مختار بنانا یورپی یونین کی پالیسی ہے.علاقے کی بچیوں کو مفت تعلیم دینے کے حوالے سے مختار مائی کی کاوشیں قابل تحسین ہیں.ان کا کہنا تھا کہ مختار مائی خواتین کی خودمختاری کی سب سے بڑی مثال ہیں.تقریب میں مختار مائی گرلز سیکنڈری کے بچوں نے ٹیبلوز اور ملی نغموں بھی پیش کیے.

  • ایک ہفتے بعد پاکستانی تاجروں کے لئے خوشخبری، ڈالر کی قیمت میں کمی

    ایک ہفتے بعد پاکستانی تاجروں کے لئے خوشخبری، ڈالر کی قیمت میں کمی

    عید کے بعد سے ڈالر کی قیمت میں مسلسل اضافے کے بعد آج ڈالر کی قیمت میں معمولی کمی دیکھنے میں آئی ہے.

    باغی ٹی وی کی رپورٹ کے مطابق انٹربینک میں ڈالرکی قیمت میں 46 پیسے کی کمی ہوئی ہے، منگل کی صبح ڈالر کی قیمت میں کمی کی وجہ سے انٹربینک میں کاروبار کے دوران ڈالر 156.50روپے کا ہو گیا .

    واضح رہے کہ گزشتہ روز ڈالر انٹر بینک مارکیٹ میں ایک روپے اضافے کے بعد 156 روپے 85 پیسے پر فروخت ہوا،ایک ہفتے کے دوران ڈالر کی قیمت میں 8 روپے 25 پیسے اضافہ ہوا تھا، ڈالر مہنگا ہونے کی وجہ سے پاکستان کے بیرونی قرضوں میں 820 ارب کا اضافہ ہواتھا، آج منگل کی صبح ڈالر کی قیمت میں معمولی کمی دیکھنے میں آئی ،

  • اسرئیل کی ٹرمپ کے نام پر نئی یہودی بستی

    اسرئیل کی ٹرمپ کے نام پر نئی یہودی بستی

    اسرائیل نے فلسطین کے مقبوضہ علاقے پر امریکی صدر ترمپ کے نام سےبستی بسا دی

    تفصیلات کے مطابق .اسرائیل نے فلسطین کے مقبوضہ علاقے پر امریکی صدر ترمپ کے نام سےبستی بسا دی
    اسرائیل کے زیر قبضہ شام کے اس علاقے میں امریکی صدر ڈونلڈ ٹرمپ کے نام پر یہ ’سیٹلمنٹ‘ تعمیر کی جارہی ہے اس کا نام ان ہی کے نام پر ٹرمپ ہائٹس ( ٹرمپ رامات) رکھا گیا ہے۔

    واضح رہے کہ امریک صدر ٹرمپ نے تب کہا تھا کہ’’ گولان پر اسرائیلی خود مختاری کو مکمل طور پر تسلیم کرنے کا اب وقت آگیا ہے‘‘۔نیتن یاہو گذشتہ کئی ماہ سے امریکی صدر پر گولان کی چوٹیوں پر اسرائیل کی خود مختاری تسلیم کرنے کے لیے زور دے رہے تھے۔صدر ٹرمپ نے اس سے پہلے ایک ٹویٹ میں کہا تھا کہ گولان کی چوٹیوں پر اسرائیل کے باون سال سے کنٹرول کے بعداب امریکا کو کوئی اقدام کرنا چاہیے اوراس کی اس علاقے پر خود مختاری تسلیم کر لینی چاہیے۔

    یاد رہے کہ اسرائیل نے شام کے اس علاقے پر 1967ء کی مشرقِ اوسط کی چھے روزہ جنگ کے دوران میں قبضہ کیا تھا اور 1980ء کے اوائل میں اس کو غاصبانہ طور پر صہیونی ریاست میں ضم کر لیا تھا مگر اقوام متحدہ سمیت عالمی برادری نے اس کے اس اقدام کو کبھی تسلیم نہیں کیا اور امریکا کے سوا دنیا کے تمام ممالک گولان کو ایک مقبوضہ علاقہ ہی سمجھتے ہیں۔

  • لودھراں : منشیات فروشوں کے خلاف کاروائی جاری

    لودھراں (نمائندہ باغی ٹی وی) کے نواحی علاقے تھانہ قریشی والا کی حدود میں منشیات فروش کو ایس ایچ او کوثر شاہ نے کاروائی کرتے ہوئے گرفتار کر لیا ہے گرفتار ہونے والا شخص کافی عرصہ سے یہ مکروہ دھندہ کر رہا تھا گزشتہ روز کامیاب مخبری پر مقامی تھانہ قریشی والا کے ایس ایچ او نے چھاپہ مار کر منشیات فروش کو موقع پر گرفتار کر لیا جس کے قبضے سے ایک کلو گرام سے زائد چرس برآمد کر کے پرچہ درج کر لیا گیا ہے

  • ایران کی عالمی تنظیم کو دھمکی

    ایران کی عالمی تنظیم کو دھمکی

    ایران کی جوہری اسلحہ کے عدم پھیلاؤ معاہدے (NPT) سے علیحدگی کی دھمکی دے دی

    تفصیلات کے مطابق ایران نے دھمکی دی ہے کہ جوہری معاہدے کے فریق ممالک نے ایران کی خواہش کے مطابق اقدامات نہ اٹھائے تو یہ جوہری اسلحہ کے عدم پھیلاؤ معاہدے (NPT) سے کنارہ کشی کو ایجنڈے میں لائے گا۔

    انہوں نے بتایا کہ یہ مہلت 8 جولائی کو پوری ہو رہی ہے اگر اس سے قبل تک مطلوبہ اقدامات نہ اٹھائے گئے تو پھر این پی ٹی کی نگرانی کی اجازت دینے والے اضافی پروٹوکول کو التوا میں ڈال دیا جائیگا اور عالمی اٹامک انرجی ایجنسی کے ساتھ جاری تعاون پر نظرِ ثانی کرتے ہوئے این پی ٹی سے علیحدگی اختیار کرنے کے معاملے کو ایجنڈے میں لایا جائیگا۔

    یورپی یونین کی امریکہ کے ساتھ 900 ارب ڈالر کی تجارت ہونے کا ذکر کرتے ہوئے مجتبیٰ زُننور کا کہنا تھا کہ "یورپ کسی بھی صورت 900 ارب ڈالر کی 20 ارب ڈالر کے لیے قربانی نہیں دے گا، نکلیئر معاہدہ یورپی یونین کے مفاد میں ہے تا ہم یہ اس کے لیے کسی قسم کا ہرجانہ ادا نہیں کرے گی۔”

  • اللہ اکبر تحریک کے بانی ڈاکٹر احسان باری کو بڑا صدمہ

    اللہ اکبر تحریک کے بانی ڈاکٹر احسان باری کو بڑا صدمہ

    عام انتخابات 2018 میں پاکستان کی سیاست میں ہلچل مچانے والی سیاسی جماعت اللہ اکبر تحریک کے بانی ڈاکٹر میاں احسان باری کی اہلیہ وفات پا گئیں

    باغی ٹی وی کی رپورٹ کے مطابق اللہ اکبر تحریک کے بانی و صدر ڈاکٹر میاں احسان باری کی اہلیہ پروین باری وفات پا گئیں، جن کی نماز جنازہ آج منگل کو مغرب کی نماز کے بعد مرکزی عید گاہ ہارون آباد میں ادا کی جائے گی. ملی مسلم لیگ کے صدر سیف اللہ خالد، محمد یعقوب شیخ، حافظ خالد ولید و دیگر نے میاں احسان باری کی اہلیہ پر تعزیت کا اظہار کرتے ہوئے مرحومہ کے لئے دعائے مغفرت کی ہے’.

    واضح رہے کہ اللہ اکبر تحریک نے عام انتخابات 2018 میں الیکشن میں 313 امیدور کھڑے کئے تھے تا ہم کسی ایک امیدوار کو بھیی کامیابی نہیں ملی، اللہ اکبر تحریک کی ملی مسلم لیگ نے بھی حمایت کی تھی، ملی مسلم لیگ کی بھر پور الیکشن مہم کی وجہ سے سیاسی جماعتیں الیکشن کے دنوں‌میں خائف نظر آئیں اور انہیں اپنے امیدواروں کے لئے بھرپور مہم چلانی پڑی. اللہ اکبر تحریک کے پلیٹ فارم سے ملی مسلم لیگ نے تحریک انصاف کے چیئرمین عمران خان، سابق وزیراعظم نواز شریف کی بیٹی مریم نواز، سابق وزیراعظم شاہد خاقان عباسی کے مقابلے میں بھی اپنے امیدوار کھڑے کئے تھے . اللہ اکبر تحریک کے پلیٹ فارم سے 14 اعلیٰ تعلیم یافتہ اور سیاسی تجربہ کار خواتین انتخابات نے بھی الیکشن میں حصہ لیا تھا جن میں پی ٹی آئی اور پیپلز پارٹی شعبہ خواتین کی سابقہ سرگرم عہدیداران بھی شامل رہین.

  • چین میں زلزلے نے تباہی مچا دی،تفصیل جانیےرپورٹ میں

    چین میں زلزلے نے تباہی مچا دی،تفصیل جانیےرپورٹ میں

    چین کےصوبے سیچوان میں زلزلےسے 12افراد کی اموات

    باغی ٹی وی رپورٹ کے مطابق چین کےصوبے سیچوان میں زلزلےسے 12افراد کی اموات ہوگئیں اور125زخمی ہیں،بیجنگ:سیچوان میں زلزلہ گزشتہ رات آیا،شدت6.0رکارڈ کی گئی.زلزلےسے سیچوان کے 10گاؤں اورقصبےبری طرح متاثر ہوئے ہیں.
    زلزلےسےعمارات،سڑکیں ،بجلی اورمواصلات کےنظام کونقصان ہواہے.زلزلےسےمتاثرہ مقامات پر امدادی کام،امدادی اشیا کی ترسیل جاری ہے
    یہ ابتدائی اطلاعات ہیں مزید نقصان اور اموات کی امید کی جارہی ہے.

  • حساس ادارے کا ملازم لاپتہ

    حساس ادارے کا ملازم لاپتہ

    ٹھٹھہ صادق آباد(نمائندہ باغی ٹی وی) کے نواحی گاوں چک نمبر 132 دس آر قدیم کے رہائشی سیاسی وسماجی شخصیت خان اسلام دین خان کا بیٹا محمد عادل خان جو کہ نوشہرہ میں حساس ادارے کا ٹرینی ملازم تھا ہفتہ 15 جون کو پل 132سے براستہ ملتان واپس اپنے ٹرینگ سنٹر نوشہرہ جاتے ہوئے لاپتہ ہوگیا۔عادل کا تین روز سے موبائل فون مسلسل بند ہے تلاش کے باوجود تاحال کچھ پتہ نہ چل سکا ہے جس کے باعث لواحقین شدید پریشان ہیں۔یاد رہےکہ کچھ دن قبل پاک آرمی کا جوان بھی اسی علاقے سے لاپتہ ہوا تھا وہ بھی تاحال لاپتہ ہے۔

  • اننت ناگ میں مزید دو کشمیریوں کو شہید کر دیا گیا

    اننت ناگ میں مزید دو کشمیریوں کو شہید کر دیا گیا

    مقبوضہ کشمیر میں بھارتی فوج نے مزید دو کشمیریوں کو شہید کر دیا ،

    باغی ٹی وی کی رپورٹ کے مطابق بھارتی فوج نے مقبوضہ کشمیر کے علاقہ اننت ناگ کے مرہامہ علاقہ میں سرچ آپریشن کیا ، جس کے دوران بھارتی فوج نے دو کشمیریوں کو شہید کر دیا. عسکریت پسندوں کی جانب سے فائرنگ کے دوران ایک بھارتی فوج ہلاک جبکہ دو زخمی ہو گئے ہیں. بھارتی فوج نے سرچ آپریشن کےد وران علاقہ میں انٹرنیٹ اور موبائل سروس بند کی گئی ہے، بھارتی فوج کی جانب سے علاقہ میں تاحال سرچ آپریشن جاری ہے.

    واضح رہے کہ چوبیس گھنٹے قبل اننت ناگ ضلع کے علاقہ اچھہ ہل میں بھی بھارتی فوج نے دو کشمیریون کو شہید کر دیا تھا جبکہ عسکریت پسندوں کی فائرنگ سے بھارتی فوج کے میجر سمیت دو زخمی ہوئے تھے، ایک فوجی اہلکار ہلاک ہوا تھا