Baaghi TV

Blog

  • اسلام آباد ایئر پورٹ پر ایسا کیا ہوا کہ طیارے کو رن وے سے واپس بلانا پڑ گیا؟ بڑی خبر آ گئی

    اسلام آباد ایئر پورٹ پر ایسا کیا ہوا کہ طیارے کو رن وے سے واپس بلانا پڑ گیا؟ بڑی خبر آ گئی

    وفاقی دارالحکومت اسلام آباد سے کراچی جانے والی پرواز بعض‌ مسافروں‌ کی ہنگامی آرائی کے سبب تاخیر کا شکار ہو گئی جس پر طیارے کو رن وے سے واپس بلانا پڑ گیا.

    باغی ٹی وی کی رپورٹ‌ کے مطابق نجی ایئر لائن کی پرواز نو بج کر تیس منٹ پر روانہ ہو نی تھی لیکن اس طیارہ میں ایک ہی خاندان کے افراد بڑی تعداد میں سوار تھے جنہوں نے ہنگامہ آرائی شروع کر دی جس سے پرواز تاخیر کا شکار ہوئی. بتایا گیا ہے کہ جن مسافروں کی جانب سے ہنگامہ آرائی کی گئی یہ فیملی پینتیس افراد پر مشتمل تھی.

    یہ پرواز اسلام آباد سے کراچی جار رہی تھی. اطلاعات کے مطابق ہنگامہ آرائی کئے جانے پر اے ایس ایف کے اہلکار طیارے کے اندر داخل ہوگئے اور ہنگامہ آرائی کرنیوالے خاندان کے سات افراد کو طیارے سے نیچے اتار لیا ۔ واضح رہے کہ ہنگامی آرائی کے سبب طیارے کو رن وے سے واپس بلانا پڑا. اس واقعہ کی تحقیقات شروع کر دی گئی ہیں.

  • امریکہ، فرانس کے بعد ایک اور ملک نے ایران کی بڑی فضائی کمپنی پر پابندی عائد کر دی، اہم خبر آ گئی

    امریکہ، فرانس کے بعد ایک اور ملک نے ایران کی بڑی فضائی کمپنی پر پابندی عائد کر دی، اہم خبر آ گئی

    جرمنی کے شہر لونبرگ میں مقامی انتظامی عدالت نے ایرانی فضائی کمپنی ماہان ایئر کے جرمنی کی فضاؤں میں سفر پر پابندی سے متعلق سابقہ عدالتی فیصلے کی تائید کر دی ہے اور یہ بھی قرار دیا گیا ہے کہ اس فیصلے کے خلاف اپیل نہیں کی جا سکے گی۔

    باغی ٹی وی کی رپورٹ‌ کے مطابق ایرانی فضائی کمپنی ماہان ایئر جس پر پابندی لگائی گئی ہے یہ ایران کی دوسری بڑی فضائی کمپنی ہے اور 1992 میں ایران کی پہلی نجی فضائی کمپنی کے طور پر اس کا قیام عمل میں‌ لایا گیا تھا. یہ وہ کمپنی ہے جس کے پاس ایران میں طیاروں‌کا سب سے بڑا بیڑا ہے. امریکہ نے دس سال قبل 2011 میں مذکورہ فضائی کمپنی ماہان ایئر پر پابندیاں عائد کیی تھیں اور یہ الزام عائد کیا گیا تھا کہ ماہان ایئر نے ایرانی پاسداران انقلاب کی مالی مدد کے علاوہ دیگر صورتوں میں بھی معاونت فراہم کی تھی۔

    امریکہ کی جانب سے پابندیوں‌ کے بعد دیگر مغربی ملکوں سے بھی کہا گیا تھا کہ وہ ماہان ایئر پر پابندیاں‌ لگائیں. جس کے بعد پہلے فرانس نے پابندی لگائی تھی اور اب جرمنی کی طرف سے یہ اقدام سامنے آیا ہے. جرمنی میں کئے جانے والے عدالتی فیصلے کی تفصیلات میں کہا گیا ہے کہ پابندی کی وجوہات کا تعلق خارجہ اور سیکورٹی پالیسی سے ہے۔ جرمن وزارت خارجہ نے ماہان ایئر پر الزام عائد کیا تھا کہ اس نے عسکری ساز و سامان اور عسکریت پسندوں کو شام منتقل کیا ہے.

    واضح‌ رہے کہ تیل بردار جہازوں پر حملوں کے بعد ایران کے خلاف مزید سخت اقدامات کئے جارہے ہیں.

  • فیصل آباد، انتہائی خطرناک دہشتگرد پولیس مقابلے میں ہلاک

    فیصل آباد میں انتہائی خطرناک دہشتگرد سلمان رندھاوا پولیس مقابلے میں اپنے ساتھیوں کی فائرنگ سے ہلاک ہوگیا۔ ایس ایچ او تھانہ غلام محمد آباد ملزم کو برآمدگی کے لئے لے جا رہا تھا۔ گھونہ میں کار اور موٹرسائیکل سوار ملزمان کی سلمان رندھاوا کو چھڑوانے کی کوشش کی اوت اس موقع حملہ آوروں نے پولیس پر فائرنگ کی اور مزم کی ساتھیوں کی فائرنگ سے سلمان رندھاوا مارا گیا۔ پولیس اور حملہ آوروں کے درمیان فائرنگ کا تبادلہ جاری ، مزید نفری طلب کر لی گئی ہے۔ ایچ او ملت ٹاون ارم رضا شاہ بھی نفری کے ساتھ جائے وقوعہ پہنچ گئے ہیں۔

  • پی ٹی آئی کی سوشل میڈیا ٹیم نے شوکت یوسفزئی کو بلی بنا دیا، بھارتی میڈیا بھی مذاق اڑاتا رہا

    پی ٹی آئی کی سوشل میڈیا ٹیم نے شوکت یوسفزئی کو بلی بنا دیا، بھارتی میڈیا بھی مذاق اڑاتا رہا

    پاکستان تحریک انصاف کی سوشل میڈیا ٹیم نے براہ راست پریس کانفرنس کے دوران وزیر اطلاعات خیبر پختونخوا شوکت یوسفزئی اور سرکاری افسر پر بلی والا فلٹر لگا دیا جس پر سوشل میڈیا پر مضحکہ خیز تبصرے کئے جاتے رہے. بھارتی میڈیا کی جانب سے بھی اس خبرکو نمایاں‌ طور پر شائع اور نشر کرتے ہوئے مذاق اڑایا گیا ہے.

    باغی ٹی وی کی رپورٹ کے مطابق خیبر پختونخواہ کے وزیر اطلاعات شوکت یوسفزئی نے پشاور میں پریس کانفرنس کی تو تحریک انصاف کی سوشل میڈیا ٹیم نے براہ راست پریس کانفرنس کے دوران شوکت یوسفزئی اور ساتھ بیٹھے سرکاری افسر پر کیٹ فلٹر لگا دیا جو کافی دیر تک دونوں کے سروں‌ پر لہراتا رہا۔ اس دوران جب یہ تصاویر سوشل میڈیا پر وائرل ہوئیں‌ تو مضحکہ خیز تبصرے کئے جانے لگے جبکہ سوشل میڈیا صارفین کی بڑی تعداد نے کمنٹس کر کے کیٹ فلٹر ہٹانے پر توجہ مبذول کرائی جس کے بعد دونوں شخصیات پر سے کیٹ فلٹر ہٹا دیا گیا۔

    اس واقعہ کے بعد جہاں‌ سوشل میڈیا پر دلچسپ تبصرے کئے جاتے رہے وہیں ہندوستانی میڈیا نے بھی اس خبر کو نمایاں‌ انداز میں‌ شائع اور نشر کیا. پی ٹی آئی کی جانب سے کہا گیا ہے کہ تحریک انصاف کی سوشل میڈیا ٹیم کے انچار ج نے غفلت کے مرتکب اہلکار کو معطل بھی کر دیا ہے.

    شوکت یوسف زئی کی بلی بنے ہوئے تصاویر سوشل میڈیا پر تیزی سے وائرل ہوئی ہیں اور اس پر تبصروں‌ کا سلسلہ تاحال جاری ہے.

  • ٹیم پر کوئی دباؤ نہیں، پاکستان کے خلاف میچ بھی عام میچوں‌ کی طرح کھیلیں‌ گے، ویرات کوہلی

    ٹیم پر کوئی دباؤ نہیں، پاکستان کے خلاف میچ بھی عام میچوں‌ کی طرح کھیلیں‌ گے، ویرات کوہلی

    بھارتی کرکٹ ٹیم کے کپتان ویرات کوہلی نے پاکستان سے کل کھیلے جانے والے میچ سے متعلق تبصرہ کرتے ہوئے کہا ہے کہ ورلڈ کپ میں‌ہونے والے اس میچ کے حوالہ سے ان کی ٹیم پر کوئی دباؤ نہیں‌ ہے اور ان کی ٹیم کی توجہ صرف اپنی کارکردگی پر ہے۔

    باغی ٹی وی کی رپورٹ کے مطابق کل ہونے والے میچ سے متعلق پریس کانفرنس کرتے ہوئے انہوں‌ نے پاک بھارت میچ سے متعلق بننے والے جذباتی ماحول کو مسترد کرتے ہوئے کہا ہے کہ ہمیں‌ یہ نہیں‌ سوچنا کہ یہ میچ پاکستان اور بھارت کے درمیان ہے بلکہ ہمیں اس میچ کو بھی عام میچ سمجھنا ہے. ہمیں صرف اس میں اپنی کارکردگی کو ذہن میں رکھنا ہے۔ دوسری ٹیم کیا کر رہی ہے، ہم اس کے بارے میں کچھ نہیں سوچ رہے۔

    ویرات کوہلی کا کہنا تھا کہ حالات اور موسم کے مطابق ہم اپنی ٹیم کا انتخاب کریں‌گے. پچاس اوور کا میچ ہو تا اچھا ہے لیکن اگر کم اوور کا میچ ہوا تو اس کیلئے بھی ہم تیار ہیں. ان کا کہنا تھا کہ ہم پیشہ وارانہ انداز میں‌ اس میچ کو لے رہے ہیں. کھلاڑی کسی دباؤ میں نہیں‌ آئیں گے اور اپنے کھیل پر توجہ دیں گے.

    واضح رہے کہ کل پاکستان اور انڈیا کی ٹیموں کے مابین ورلڈ‌کپ کا انتہائی اہم میچ کھیلا جارہا ہے جبکہ محکمہ موسمیات نے پیش گوئی ہے کہ بارش سے میچ متاثر ہو سکتا ہے.

  • راولپنڈی احاطہ مٹھو خان غلط پارکنگ ٹریفک جام رہنا معمول بن گیا

    راولپنڈی احاطہ مٹھو خان غلط پارکنگ ٹریفک جام رہنا معمول بن گیا

    راولپنڈی :صدر کے علاقے احاطہ مٹھو خان میں ناجائز تجاوزات کی بھرمار, غلط پارکنگ ٹریفک جام رہنا معمول بن گیا. باغی ٹی وی کے سروے کے مطابق صدر کے علاقے احاطہ مٹھو خان میں کار ورکشاپس روڈ پر غلط پارکنگ اور تجاوزات کی وجہ سے ٹریفک جام ہونے لگی موٹر سائیکل اور پیدل سواروں کا گزرنا محال ہوگیا باغی ٹی وی کو راہگیر نے بتایا کہ لوگ یہاں پر آرام سے گاڑی کھڑی کرکرکے چلے جاتے ہیں جس کی وجہ سے پورا روڈ بند ہوجاتا ہے سٹی ٹریفک پولیس اور انتظامیہ توجہ دے.

    احاطہ مٹھو خان میں تجاوزات

    ٹریفک جام کا منظر

    غلط پارکنگ

  • پاکستان اور انڈیا میں سے کس کی جیت کے امکانات زیادہ ہیں؟ سابق کرکٹر محمد یوسف نے بتا دیا

    پاکستان اور انڈیا میں سے کس کی جیت کے امکانات زیادہ ہیں؟ سابق کرکٹر محمد یوسف نے بتا دیا

    پاکستان کے نامور سابق قومی کرکٹر محمد یوسف نے کہاہے کہ بھارتی بلے باز کوہلی اور دھونی جلد آﺅٹ ہوجائیں تو پاکستان میچ جیت سکتا ہے. جو ٹیم اچھی باؤلنگ کرے گی اس کی فتح کے امکانات زیادہ ہوں گے. ان کا کہنا تھا کہ دونوں‌ ٹیموں‌ کی جیت کے امکانات ففٹی ففٹی ہیں۔

    باغی ٹی وی کی رپورٹ کے مطابق سابق کرکٹر محمد یوسف نے گفتگو کرتے ہوئے کہا کہ اس وقت صورتحال یہ ہے کہ پاکستانی ٹیم کے کپتان سرفراز احمد کے ساتھ کوئی دوسرا سینئر کھلاڑی نہیں‌ ہے. سینئر کھلاڑی وہ ہوتا ہے جس نے اچھا پرفارم کیا ہو. میں سمجھتاہوں‌کہ اگر پاکستان میچ میں اچھا کھیل گیا تو ضرور جیت سکتا ہے.

    ان کا کہنا تھاکہ ماضی میں یہ تھا کہ انڈیا کی بیٹنگ تو اچھی تھی لیکن باؤلنگ کمزور ہوتی تھی تاہم اس وقت صورتحال یہ ہے کہ بھارت کی ٹیم ایک متوازن ٹیم ہے جس کے پاس نہ صرف اچھے بیٹسمین ہیں‌ بلکہ اچھے باؤلرز بھی موجود ہیں. ان کا کہنا تھا کہ پاکستان اور بھارت کی جیت کے امکانات برابر ہیں . دونوں میں سے جو ٹیم بہتے کھیلے گی جیت جائے گی. یاد رہے کہ کل پاکستان اور انڈیا کا میچ ہو گا جبکہ اس موقع پر بارش کی پیش گوئی بھی کی گئی ہے.

  • مشیر برائے تجارت عبدالرزاق داؤد ملک سے باہر، ان کے استعفیٰ کی خبر بے بنیاد ہے، منسٹری آف کامرس

    مشیر برائے تجارت عبدالرزاق داؤد ملک سے باہر، ان کے استعفیٰ کی خبر بے بنیاد ہے، منسٹری آف کامرس

    وفاقی حکومت کی جانب سے مقامی اخبار میں‌ شائع ہونے والی اس خبر کی سختی سے تردید کی گئی ہے جس میں‌ کہا گیا ہے کہ وزیر اعظم عمران خان کے مشیر برائے تجارت، ٹیکسٹائل، پیداوار و سرمایہ کاری عبدالرزاق داؤد نے استعفیٰ دے دیا ہے.

    باغی ٹی وی کی رپورٹ‌ کے مطابق منسٹری آف کامرس کی طرف سے جاری کردہ اعلامیہ میں‌ کہا گیا ہے کہ یہ خبر محض افواہوں پر مبنی ہے. حقیقت یہ ہے کہ عبدالرزاق داؤد بعض‌ ذاتی وجوہات کی بناد پر ملک سے باہر ہیں اور وہ سوموار 17 جون سے اپنی فرائض کی انجام دہی دوبارہ شروع کریں گے.

    منسٹری آف کامرس کی جانب سے کہا گیا ہے کہ کسی خبر کی اشاعت سے پہلے اس کی مکمل تحقیقات کر لینی چاہئیں. منسٹری آف کامرس کی جانب سے مذکورہ اخبار کو اس خبر کی تردید شائع کرنے کیلئے بھی کہا گیا ہے.

  • میری اور بلاول کی ملاقات کس کی اجازت سے ہو رہی ہے؟ مریم نواز نے بتا دیا

    میری اور بلاول کی ملاقات کس کی اجازت سے ہو رہی ہے؟ مریم نواز نے بتا دیا

    پاکستان مسلم لیگ (ن) کی نائب صدر مریم نواز نے واضح طور پر کہا ہے کہ میری اور بلاول کی ملاقات میاں نواز شریف اور شہباز شریف کی اجازت سے ہورہی ہے. پارٹی کے تمام فیصلے نواز شریف اور شہباز شریف سمیت پارٹی کے لوگوں سے مشاورت سے کیے جاتے ہیں اور پارٹی کےاصول اورقواعد و ضوابط کی پاسداری دوسروں کی طرح مجھ پر بھی لازم ہے۔

    باغی ٹی وی کی رپورٹ‌ کے مطابق حکومت کی جانب سے انکوائری کمیشن بنائے جانے کی خبروں اور اپوزیشن لیڈروں کی گرفتاریوں کے بعد پیپلز پارٹی اور مسلم لیگ ن کے مابین رابطے اور ملاقاتیں‌ تیز ہو گئی ہیں. اسی حوالہ سے مسلم لیگ (ن) کی نائب صدر مریم نواز نے کل جاتی امرا میں ظہرانہ کا اہتمام کیا ہے جس میں چیئرمین پیپلزپارٹی بلاول بھٹو زرداری، مصطفی نواز کھوکھر، قمرالزمانن کائرہ، ایاز صادق، پرویز رشید، رانا ثناء اللہ،حسن مرتضی ، چوہدری منظور اور محمد زبیر مریم نواز سے ملاقات کریں گے۔

    ظہرانہ کے موقع پر ہونے والی ملاقات میں دونوں جماعتوں کی مرکزی سیاسی قیادت کی گرفتاری، ملک کی موجودہ معاشی صورت حال اور حکومت کے خلاف احتجاج کے حوالے سے مشترکہ لائحہ عمل تشکیل دینے کی حکمت عملی طے کی جائے گی.

    سماجی رابطے کی ویب سائٹ ٹویٹر پر صحافی غریدہ فاروقی کی جانب سے پوچھے گئے ایک سوال کے جواب میں مسلم لیگ (ن) کی نائب صدر مریم نواز شریف نے کہا ہے کہ میری اور بلاول کی ملاقات میاں نواز شریف اور شہباز شریف کی اجازت سے ہورہی ہے. پیپلز پارٹی کے چیئرمین بلاول بھٹو کل دوپہر ڈیڑھ بجے جاتی امراء جار ہے ہیں جہاں‌ مذکورہ قائدین کے مابین ملاقاتیں‌ ہوں گی.

    واضح رہے کہ وزیر اعظم نواز شریف کی معاون خصوصی فردوس عاشق اعوان نے بلاول مریم ملاقات سے متعلق کہا ہے کہ یہ صرف انتشار پھیلانے اور نیب سے ریلیف حاصل کرنے کی سازش کا حصہ ہے.

  • سمیع ابراہیم کو تھپڑ، فواد چوہدری ڈٹ گئے، کہا وزارت جاتی ہے تو جائے میں‌ معافی نہیں‌ مانگوں‌ گا

    سمیع ابراہیم کو تھپڑ، فواد چوہدری ڈٹ گئے، کہا وزارت جاتی ہے تو جائے میں‌ معافی نہیں‌ مانگوں‌ گا

    وفاقی وزیر برائے سائنس وٹیکنالوجی فواد چودھری نے سینئر صحافی سمیع ابراہیم کو تھپڑ مارے جانے سے متعلق ردعمل ظاہر کرتے ہوئے کہا ہےکہ وہ اس پر معافی نہیں‌ مانگیں‌ گے. یہ وزارتیں شزارتیں میرے لیے مسئلہ نہیں ہیں۔ یہ وزارت چلی گئی تو پھر آجائے گی ۔ میں پہلی یا آخری مرتبہ وزیر نہیں بنا۔

    باغی ٹی وی کی رپورٹ‌ کے مطابق فواد چوہدری نے میڈیا سے گفتگو کرتے ہوئے سینئر صحافی سمیع ابراہیم کی جانب سے تھانہ فیصل آباد میں درخواست جمع کروانے پر ردعمل دیتے ہوئے کہاکہ گرمی سردی ہو گئی، بات ختم ہو گئی اگر غصہ میں‌ اس موقع پر تھپڑ مار دیا تو اس میں کیا ہے. معذرت والی کوئی بات نہیں ہے. غصہ آہی جاتا ہے انسان کو.

    وفاقی وزیر فواد چودھری کا کہنا تھا کہ بات بڑھی تو ایسا ہو گیا، معذرت والی بات نہیں ہے۔وزارت جاتی ہے تو جائے میں معافی نہیں مانگوں گا. میں‌ دو مرتبہ پہلے وزیر بنا ہوں جبکہ تیسری مرتبہ اب بنا ہوں. یہ وزارت تو آنی جانی چیز ہے.

    واضح رہے کہ سمیع ابراہیم کی جانب سے تھانہ منصور آباد فیصل آباد میں فواد چوہدری کی جانب سے تھپڑ‌مارے جانے کے خلاف درخواست دے دی ہے. ادھر صحافیوں‌ کی جانب سے مختلف شہروں و علاقوں میں‌ فواد چوہدری کی اس نازیبا حرکت کے خلاف شدید احتجاج کا سلسلہ جاری ہے.