Baaghi TV

Blog

  • دہشت گردی کا خطرہ، الیکشن ملتوی کیے جائیں، خیبرپختونخواہ حکومت کا الیکشن کمیشن کو خط

    دہشت گردی کا خطرہ، الیکشن ملتوی کیے جائیں، خیبرپختونخواہ حکومت کا الیکشن کمیشن کو خط

    پشاور کی صوبائی حکومت نے الیکشن کمیشن کو خط لکھ کر ضم شدہ اضلاع میں الیکشن ملتوی کرنے کا مطالبہ کیا ہے

    باغی ٹی وی کی رہورٹ کے مطابق پشاور کی صوبائی حکومت نے سیکرٹری الیکشن کمیشن کوخط لکھا ہے جس میں کہا گیا ہے کہ پڑوسی ملک افغانستان سےدہشتگردی کی کارروائیوں کاخطرہ ہے، نئےضم شدہ اضلاع میں انتخابات کوسبوتاژکرنےکےخطرات موجود ہیں،سیاسی قیادت کوبھی نشانہ بنانےکےحوالےسےخدشات موجود ہیں. خط کے ذریعے الیکشن کمیشن سے مطالبہ کیا گیا ہے کہ شمالی وزیرستان میں حالیہ واقعات کےباعث بھی انتخابات ملتوی کیےجائیں ضم شدہ اضلاع میں انتخابات 20 دن کے لیے ملتوی کیےجائیں.

    واضح رہے کہ الیکشن کمیشن کے شیڈول کے مطابق 2 جولائی کو ضم شدہ اضلاع میں انتخابات ہونے ہیں. شمالی وزیرستان میں پی ٹی ایم کے اراکین اسمبلی کی جانب سے پاک فوج کی چیک پوسٹ پر حملے کے بعد دہشت گردی کی کاروائیوں میں اضافہ دیکھنے میں آیا ہے،

  • حکومتی ترجمان حاضر ہوں، وزیراعظم نے اچانک اجلاس بلا لیا، بڑی خبر

    حکومتی ترجمان حاضر ہوں، وزیراعظم نے اچانک اجلاس بلا لیا، بڑی خبر

    کام کام اور کام، بانی پاکستان قائداعظم محمد علی جناح کے فرمودات پر عمل کرتے ہوئے وزیراعظم عمران خان نے اتوار کو چھٹی کے دن بھی دو اہم ترین اجلاس طلب کر لئے.

    باغی ٹی وی کی رپورٹ کے مطابق وزیراعظم عمرا ن خان آج بنی گالہ میں دو الگ الگ اجلاسوں کی‌صدارت کریں گے. ایک اجلاس میں پنجاب اور خیبر پختونخواہ کے وزراء اعلیٰ اور وزیر قانون کو دعوت دی گئی ہے. اجلاس میں وفاقی وزیر قانون بھی شریک ہون گے. اجلاس میں ججز کے خلاف ریفرنس کے حوالہ سے اپوزیشن جماعتوں کے احتجاج پر غورو خوض کیا جائے گا.اجلاس میں وکلاء کی جانب سے تحریک کا بھی جائزہ لیا جائے گا. دوسرے اجلاس میں وزیراعظم عمران خان نے تمام حکومتی ترجمانوں کو بلایا ہے، اس اجلاس میں بجٹ کے حوالہ سے اپوزیشن کے ممکنہ احتجاج کے حوالہ سے غوروخوض کیا جائے گا.بجٹ پرایوان میں اپوزیشن کی حکمت عملی کےجواب کامعاملہ بھی اجلاس میں زیرغورآئےگا

    واضح ہے کہ ججز کے خلاف ریفرنس کے حوالہ سے اپوزیشن اور وکلاء نے تحریک چلانے کی دھمکی دی ہے،.وکلاء نے اعلان کیا ہے کہ سڑکوں پر نکلنے کی بجائے عدالتوں کی تالہ بندی کریں گے ،اپوزیشن جماعتوں نے بھی اس پر احتجاج کیا، حکومتی اتحادی رہنما اختر مینگل بھی ججز کے خلاف ریفرنس پر حکومت سے الگ ہوگئے

  • ناقص کارکردگی پر ایس ایچ اوز کے تبادلے

    ناقص کارکردگی پر ایس ایچ اوز کے تبادلے

    سرگودہا(نمائندہ باغی ٹی وی )سرگودھا ڈسٹرکٹ پولیس آفیسرحسن مشتاق سکھیرا،
    نےناقص کارکردگی پرچار تھانوں کے ایس ایچ اوزکو لائن حاضرکردیا
    نئےایس ایچ اوزتعینات
    سرگودھا لائن حاضرہونے والوں میں ایس ایچ او تھانہ سٹی ملک دوست محمد”
    ایس ایچ اوتھانہ بھلوال صدر ملک عظمت جوئیہ”
    ایس ایچ اوشاہ نکڈرسمیع اللہ خان ”
    ایس ایچ اوبھیرہ محمدنواز لالی شامل ہیں” ”
    سرگودھاانسپکٹرملک محمد طارق کوایس ایچ او تھانہ سٹی سرگودھا”
    سب انسپکٹر عارف حسین چیمہ کوایس ایچ اوتھانہ شاہ پورصدر”
    سب انسپکٹر ذیشان احمدکو ایس ایچ اوتھانہ بھیرہ”
    سب انسپکٹراسداویس کو ایس ایچ اوتھانہ اربن ایریا” اورانسپیکٹر ملک عنایت اللہ کلیانہ کوانچارج شکایات سیل ڈی پی او آفس تعینات کردیا گیا

  • آرمی چیف نے کیا عمرہ ادا، سعودی حکومت نے ایسا کام کیا کہ جان کر ہر پاکستانی خوش ہو جائے

    آرمی چیف نے کیا عمرہ ادا، سعودی حکومت نے ایسا کام کیا کہ جان کر ہر پاکستانی خوش ہو جائے

    پاکستان کے آرمی چیف جنرل قمر جاوید باجوہ نے عمرہ کی سعادت حاصل کر لی

    باغی ٹی وی کی رپورٹ کے مطابق آرمی چیف جنرل قمر جاوید باجوہ سعودی عرب پہنچے جہاں انہوں نے عمرہ ادا کیا. آرمی چیف جنرل قمر جاوید باجوہ کیلیے خصوصی طور پر خانہ کعبہ کا دروازہ کھولا گیا.آرمی چیف جنرل قمر جاوید باجوہ نے پاکستان کی ترقی ،خوشحالی ،استحکام اورامن کیلیے خصوصی دعائیں کیں.

    واضح رہے کہ پاکستان کے وزیراعظم عمران خان نے بھی رمضان المبارک کے دوران عمرہ ادا کیا تھا انہوں نے او آئی سی کے اجلاس میں بھی شرکت کی تھی .اور خطاب کیا تھا جس میں انہوں نے حرمت رسول صلی اللہ علیہ وسلم کا مسئلہ خصوصی طور پر اٹھایا تھا

  • لاہور پہنچنے کے بعد شہباز شریف اب کہاں جائیں گے؟ بڑی خبر آ گئی

    لاہور پہنچنے کے بعد شہباز شریف اب کہاں جائیں گے؟ بڑی خبر آ گئی

    قومی اسمبلی میں قائد حزب اختلاف کل پیر کو اسلام آباد جائیں گے اور قومی اسمبلی کے اجلاس میں شرکت کریں گے

    باغی ٹی وی کی رپورٹ کے مطابق شہباز شریف قومی اسمبلی اجلاس میں شرکت سے قبل پارٹی اجلاس کی صدارت کریں گے ،پارٹی کی تنظیم نو کے بعد شہباز شریف پہلے اجلاس کی صدارت کریں گے.شہبازشریف کوان کی عدم موجودگی میں ہوئےمعاملات پربریفنگ دی جائےگی،ن لیگ کےمشاورتی اجلاس میں آیندہ کےلائحہ عمل پرغورکیاجائےگا، قومی اسمبلی میں قائد حزب اختلاف بجٹ اجلاس میں بھی بھر پور کردار ادا کریں گے. وہ حکومت کی طرف سے ججز کے خلاف ریفرنس کے حوالہ سے بھی پالیسی بیان دیں گے ،اسلام آباد جانے سے قبل شہباز شریف کوٹ لکھپت جیل میں قید اپنے بھائی نواز شریف سے بھی ملاقات کی کوشش کریں گے.

    واضح رہے کہ شہباز شریف آج اتوار کی صبح لاہور پہنچے ہیں. وہ لندن علاج کی غرض سے گئے ہوئے تھے.

  • خاتون نے جہاز میں ایسا کیا کر دیا کہ 37 مسافروں کو آف لوڈ کر دیا گیا

    خاتون نے جہاز میں ایسا کیا کر دیا کہ 37 مسافروں کو آف لوڈ کر دیا گیا

    خاتون کی غلطی نے طیارے سے 37 مسافروں کو اتروا دیا

    باغی ٹی وی کی رپورٹ کے مطابق مانچسٹر کے ائرپورٹ پر پی آئی اے طیارے میں بیٹھی خاتون نے واش روم کا دروازہ سمجھ کر جہاز کا ایمرجنسی دروازہ کھول دیا جس سے طیارے کی سلائزنگ کھل گئی، سیٹ نمبر ایل 5پر بیٹھی خاتون نے طیارے کا ایمرجنسی دروزہ اچانک کھولا جس کے باعث 37 مسافروں کو آف لوڈ کرنا پڑا کیونکہ جس دروازے کی سلائڈنگ کھلے اس ایریا کو خالی رکھنا لازمی ہوتا ہے۔۔پی آئی اے کا مذکورہ طیارہ اسلام آباد سے مانچسٹر پہنچا تھا، مانچسٹر سے پرواز کی روانگی میں 7گھنٹے سے زائد کی تاخیر ہوئی۔ خاتون نے تب ایمرجنسی دروزاہ کھولا جب طیارہ پارکنگ میں تھا اور اگر ایسا فضا میں ہوتا تو تمام مسافروں کی جان کو خطرہ ہو سکتا تھا

  • پاک فوج کے ریٹائرڈ 35 لاکھ افسران و جوان کیا کرنیوالے ہیں؟ سن کر انڈیا میں صف ماتم بچھ جائے

    پاک فوج کے ریٹائرڈ 35 لاکھ افسران و جوان کیا کرنیوالے ہیں؟ سن کر انڈیا میں صف ماتم بچھ جائے

    پاک فوج کے ریٹائرڈ آفیسرز اور جوانوں نے اعلان کیا ہے کہ دشمن سن لے، جنگ مسلط کی گئی تو 35 لاکھ ریٹائرڈ فوجی پاک فوج کے شانہ بشانہ اگلے مورچوں پر ہوں گے

    باغی ٹی وی کی رپورٹ کے مطابق پاکستان ایکس سروس مین سوسائٹی کی ایگزیکٹو باڈی کا اجلاس مقامی ہوٹل میں ہوا جس کی صدارت سوسائٹی کے مرکزی صدر لیفٹیننٹ جنرل(ر) امجد شعیب نے کی. اجلاس میں مرکزی عہدیداران ‘کرنل ظفر ، کرنل ممتاز، جنرل اعجاز اعوان اکوال ، کرنل نجم الحسن ، کرنل غلام حیدر راجہ صدر چکوال نے بھی شرکت کی اجلاس کا آغاز تلاوت کلام پاک سے ہوا جس کی سعادت قاری عبدالرحمان نے حاصل کی، اور نعت قاری عمر نے پڑھی. جنرل ر امجد شعیب نے ملکی موجودہ صورت حال پر تمام ممبران کو اعتماد میں لیتے ہوئے کہا کہ وقت کا تقاضا ہے کہ پاکستان کے 35 لاکھ سابق فوجی فوری طور پر ملکی اندرونی اور بیرونی جارحیت کا مقابلہ کرنے کےلئے تیار ہو جائیں- ھم نے پاکستان کی سالمیت اور حفاظت کےلئے جو حلف اٹھایا تھا وہ مرتے دم تک قائم رہے گااور اب اسی حلف کی پاسداری کا وقت آگیا ہے- انہوں نے کہا کہ اگر دشمن نے پاکستان پر جنگ مسلط کرنے کی کوشش کی تو ھم 35 لاکھ سابق فوجی اپنی پاک افواج کے شانہ بشانہ دشمن کو منہ توڑ جواب دیں گے- انہوں نے تمام عہدیداران کو کہا کہ پاکستان کے تمام سابق فوجیوں کو مرکز سے لے کر یونین کونسل کی سطح پر فعال کرنے کا کام فوری طور پر شروع کردیا جائے- جنرل ر امجد شعیب نے مزید کہا کہ ھمیں اپنے تمام اسلامی ممالک کے ساتھ دوستانہ تعلقات بحال رکھنے چاہئیں- او- آئ- سی کو چاہیئے کہ کشمیر ‘ فلسطین اور روہنگیا کے مسلمانوں پر بڑھتے ہوئے ظلم کے خلاف اقدامات اٹھائے- پلواما کا ذکر کرتے ہوئے انہوں نے کہا کہ انڈیا نے پلواما ڈرامہ رچا کے پاکستان کو بدنام کرنے کی ناکام کوشش کی جب اس میں وہ بری طرح ناکام ہوگیا تو پاکسان کی حدود میں داخل ہو کر جارحیت کی کوشش کی تو وھاں بھی منہ کی کھانی پڑی اور اپنے جہازوں کی تباہی کے ساتھ ساتھ ھماری افواج نے ان کے پائلٹ کو بھی گرفتار کر لیا اور انڈیا دنیا بھر میں رسوا ہوا لیکن پاکستان نے خطے میں امن کی خاطر پائلٹ کو بحفاظت انڈیا کے حوالے کردیا- جبکہ انڈیا نے اسی پائلٹ کو انڈیا پہنچنے پر پاکستان کے خلاف بیان نہ دینے پر فوری تمام مراعات دے کر ریٹائرڈ بھی کردیا ہے- انہوں نے مزید کہا کہ ھم انڈیا کو باور کرانا چاہتے ہیں کہ پائلٹ کو واپس بھیجنا پاکستان کی کمزوری نہ سمجھا جائےاور اگر دوبارہ ایسی حرکت کی تو پاک افواج کے ساتھ ساتھ پاکستان کے 35 لاکھ سابق فوجی اور پاکستان کا ہر شہری اپنی افواج کے شانہ بشانہ اںڈیا کے سامنے سیسہ پلائی ہوئی دیوار بن جائے گا- اس پروگرام میں سردار منصور حیات ٹمن ، کرنل سلطان سرخرو اعوان ، میجر طاہر اقبال ،چوہدری شیر علی ، ملک سلیم بلال ، ملک اکرم منارہ ، میجر یعقوب سیفی ، سمیت تلہ گنگ اور گردونواح سے سابق ریٹایرڈ فوجیوں نے بڑی تعداد میں شرکت کی، شرکاء پاک فوج زندہ باز، پاکستان زندہ باد کے نعرے لگاتے رہے.

  • ملتان : رشتے سے انکار نے کئی افراد کی جان لے لی

    ملتان (نمائندہ باغی ٹی وی) جلالپور پیر والا اسلام پورہ کالونی میں رشتہ کی تنازعہ پر فائرنگ 5 افراد جاں بحق 3 زخمی ہو گئے ہیں

    تفصیلات کے مطابق جلالپور پیر والہ رشتہ نہ دینے کے مسئلے پر محمد عتیق الرحمان نامی شخص نے محمد رفیق آڑھتی کے گھر گھس کر اندھا دھند فائرنگ کر دی ملزم محمد رفیق کی بیٹی سے شادی کرنا چاہتا تھا انکار پر گھر میں گھس کر فائرنگ کی جس کے نتیجے میں محمد آصف، محمد رفیق، نسیم مائی اور ثنا بی بی بعمر 6/7 سال موقع پر جاں بحق ہوگئے جبکہ ندیم ،نسیم اور ان کی ماں شمیم زوجہ رفیق شدید زخمی ہوئے ہیں۔ملزم عتیق الرحمان نے تمام افراد کو قتل کرنے کے بعد خود کو بھی گولی مار کر خودکشی کرلی واقعے کی اطلاع پر پولیس کی بھاری نفری موقع پر پہنچ گئی ہے اور لاشوں اور زخمیوں کو THQ جلالپور پیر والہ منتقل کرکے تفتیش میں مصروف ہے۔ یاد رہے یہ جلالپور پیر والہ میں اس ہفتے کے دوران فائرنگ کا تیسرا بڑا واقعہ ہے

  • بابر اعوان نے ایسا مطالبہ کر دیا کہ شہباز شریف ہو سکتا ہے دوبارہ لندن چلا جائے

    بابر اعوان نے ایسا مطالبہ کر دیا کہ شہباز شریف ہو سکتا ہے دوبارہ لندن چلا جائے

    تحریک انصاف کے رہنما بابر اعوان نے مطالبہ کیا ہے کہ قومی اسمبلی میں اپوزیشن لیڈر شہباز شریف کی میڈیکل رپورٹس عدالت کے سامنے پیش کی جائیں

    باغی ٹی وی کی رپورٹ کے مطابق تحریک انصاف کے رہنما بابر اعوان نے کہا کہ شہباز شریف کی میڈیکل رپورٹ عدالت میں جمع کروائی جائیں تا کہ عوام اور عدالت کو معلوم ہو سکے کہ شہباز شریف نے کس چیز کا علاج کروایا، انہوں نے یہ بھی مطالبہ کیا کہ سپیکر قومی اسمبلی شہباز شریف کو پاکستان مین علاج کروانے کا پابند کریں جن اسپتالوں پر20کروڑ لوگ اعتبار کرتے ہیں،شریف خاندان ان سے بھاگنے کی وجہ بتائیں، بابر اعوان کا مزید کہنا تھا کہ شہبازشریف کے استقبال کےلیے ڈیڑھ درجن کارکنوں کا سمندرآیا، کارکنوں کا ہجوم دیکھ کر شہبازشریف تحریک سے توبہ کریں.

    واضح رہے کہ شہباز شریف آج ہفتہ کی صبح لاہور پہنچے جہاں ائیر پورٹ پر مسلم لیگ ن کے کارکنان اور پارٹی قائدین نے ان کا استقبال کیا.

  • ملتان میں رشتے کے تنازع پر گولیاں چل گئیں، تین افراد جاں بحق،چھ زخمی

    ملتان میں رشتے کے تنازع پر گولیاں چل گئیں، تین افراد جاں بحق،چھ زخمی

    پنجاب کے ضلع ملتان کے علاقہ میں گولیاں چل گئیں ، تین افراد جاں بحق اور چھ زخمی ہو گئے

    باغی ٹی وی کی رپورٹ کے مطابق ملتان کے علاقے جلال پور پیروالا میں رشتے کے تنازع پر لڑائی ہوئی ، اس دوران فائرنگ سے 3 افراد جاں بحق ہو گئے. جلال پور پیر والا کی اسلام پورہ کالونی میں ملزم نے گھر میں گھس کر فائرنگ کی جس کے نتیجے میں تین افراد موقع پر جاں بحق اور پانچ زخمی ہوئے جنہیں طبی امداد کے لئے ہسپتال منتقل کیا گیا، واقعہ کی اطلاع ملتے ہی پولیس فوری پہنچ گئی، پولیس کا کہنا ہے کہ ملزم نے اپنے آپ کو بھی گولی مار کر زخمی کر لیا ہے. پولیس نے ملزم کو بھی ہسپتال منتقل کر دیا ہے.پولیس کے مطابق رشتے کے تنازع پر ملزم نے فائرنگ کی.