Baaghi TV

Blog

  • پسماندہ اضلاع میں مصنوعی اعضاء سنٹرز بنائے جائیں گے: ڈاکٹر ثانیہ نشتر

    پسماندہ اضلاع میں مصنوعی اعضاء سنٹرز بنائے جائیں گے: ڈاکٹر ثانیہ نشتر

    احساس پروگرام کی چیئر پرسن ڈاکٹر ثانیہ نشتر نے کہا ہے کہ بیس پسماندہ اضلاع میں معذورفرادکےلیےمصنوعی اعضاء کے سینٹرزبنائےجائیں گے.

    باغی ٹی وی کی رپورٹ کے مطابق ڈاکٹر ثانیہ نشتر نے پی آئی ڈی میں پریس کانفرنس کرتے ہوئے کہا کہ بہت سے اداروں نےرضاکارانہ طورپربجٹ میں کٹوتی کا فیصلہ کیاہے، تمام وزارتوں نے بجٹ میں کٹوتی کا اعلان کیا ہے بجٹ کٹوتی کا فیصلہ فلاحی ریاست کی جانب اہم قدم ہے ،انہوں نے کہا کہ انصاف کارڈ کے ذریعے معذور افراد کو مفت ویل چیئراورسفید چھڑی فراہم کی جائےگی ، معذورافراد کواحساس پروگرام کے تحت کارڈ جاری کرنے کا فیصلہ کیا گیا ہے،معذوری میں نابینا اورسماعت سےمحروم افراد بھی شامل ہیں ،ڈاکٹرثانیہ نے مزید کہا کہ اس تمام عمل کوشفاف بنانےکےلیےعملی اقدامات کیے جا رہے ہیں ،قانون کےتحت سرکاری ملازمتوں معذورافرادکو2فیصدکوٹہ رکھا گیا ہے حکومت نےمعذورافراد کوہرممکن معاونت فراہم کرنےکا فیصلہ کیا ہے،نادرا کےتحت رجسٹرمعذورافرادکوسہولیات فراہم کرنےکافیصلہ کیا گیا

  • اب ٹرین میں تعینات ہوں گے مالشی، سو روپے میں زیتون کے تیل کے ساتھ ہو گی مالش

    اب ٹرین میں تعینات ہوں گے مالشی، سو روپے میں زیتون کے تیل کے ساتھ ہو گی مالش

    اگر آپ سفر پر جا رہے ہیں اور تھک گئے ہیں تو پریشان ہونے کی ضرورت نہیں، اب ٹرین میں مالشئے بھی دستیاب ہوں گے جو آپ کی ڈیمانڈ کے مطابق زیتون کے تیل سے مالش کریں گے

    باغی ٹی وی کی رپورٹ کے مطابق بھارتی ریلوے نے مسافروں کے لئے چلتی ٹرین میں مالش کی سہولت شروع کرنے کا اعلان کیا ہے۔ رتلام ڈویژن نے اندور سے شروع ہونے والی 39 ٹرینوں میں مالش کی سہولت شروع کرنے کا اعلان کیا ہے جن میں مالوہ ایکسپریس، نئی دہلی انٹرسٹی ایکسپریس، اہلیہ نگر ایکسپریس، اونتی ایکسپریس، شکشپرا ایکسپریس، نرمدا ایکسپریس، پینچ ویلی ایکسپریس، اجینی ایکسپریس وغیرہ شامل ہیں۔ اس سلسلہ میں باقاعدہ نوٹفکیشن جاری کیا جا چکا ہے، ہر ٹرین میں تین سے پانچ مالشیے تعینات ہوں گے جو صبح چھ بجے سے رات دس بجے تک مسافروں کی ڈیمانڈ پر ان کی سیٹ پر جا کر ان کی مالش کریں گے. سر اور پیر کی مالش کے لئے گولڈ اسکیم میں سو روپے، ڈیمانڈ اسکیم میں دو سو روپے اور پلیٹینم اسکیم میں تین سے روپے کی قیمت متعین کی گئی ہیں۔ گولڈ اسکیم میں مالش کرنے والا 15 سے 20 منٹ تک زیتون یا کم چپکنے والے تیل سے مالش کرے گا جبکہ ڈیمانڈ اور پلاٹینم اسکیموں میں تیل کے ساتھ کریم اور وائپس کے ساتھ مالش کی جائے گی ۔ٹرین کی ہر بوگی میں مالشیوں کا فون نمبر لکھا ہوا ہو گا.

  • مظفرگڑھ میں تجاوزات کے خلاف آپریشن،کروڑوں روپے مالیت کی اراضی واگزار

    مظفر گڑھ میں میں اسسٹنٹ کمشنر،پولیس اور ضلع کونسل نے مشترکہ کارروائی کرتے ہوئے سرکاری اراضی پر غیرقانونی طور پر تعمیر شدہ متعدد گھر گرادئیے .اسسٹنٹ کمشنر مظفرگڑھ ظہور بھٹہ کیمطابق کاروائی کے دوران ضلع کونسل کی کروڑوں روپے مالیت کی 14 کنال اراضی واگزار کروالی گئی.مظفرگڑھ کے علاقے بستی غریب آباد میں سرکاری اراضی پر غیرقانونی طور پر تعمیر کیے گئے متعدد گھر گرادئیے گئے.ناجائز قابضین کیخلاف آپریشن اسسٹنٹ کمشنر مظفرگڑھ ظہور بھٹہ کی قیادت میں ضلع کونسل کے عملے اور پولیس کی بھاری نفری کے ہمراہ شروع کیاگیا.کاروائی کے دوران بھاری مشینری کے ذریعے ناجائز تعمیرات مسمار کردی گئیں.اسسٹنٹ کمشنر ظہور بھٹہ کیمطابق ناجائز قابضین نے ضلع کونسل کی 14 کنال سے زائد اراضی پر غیرقانونی طور پر قبضہ کیا ہوا تھا،جس پر گھر،مویشیوں کے بھانے اور دیگر غیرقانونی تعمیرات قائم کی گئی تھیں.اسسٹنٹ کمشنر کا کہنا تھا کہ کروڑوں روپے مالیت کی اراضی ناجائز قابضین سے واگزار کرواکر ضلع کونسل کے حوالے کردی گی ہے.

  • سابق چیئرمین بی ڈی اے انورسادات کا فرنٹ مین گرفتار

    سابق چیئرمین بی ڈی اے انورسادات کا فرنٹ مین گرفتار

    نیب نے بڑی کاروائی کرتے ہوئے سابق چیئرمین بی ڈی اے انورسادات کے فرنٹ مین کو گرفتارکر لیا ہے

    باغی ٹی وی کی رپورٹ کے مطابق نیب کے ترجمان نے کہا کہ ملزم کوخضدارسےگرفتارکیاگیا،ملزم سابق چیئرمین کی کروڑوں روپےمالیت کی جائیدادوں کا بےنامی دارتھا،نیب نےملزم کا4روزہ ریمانڈ حاصل کرلیا ہے .ڈی جی نیب بلوچستان نے تمام مفرورملزمان کی گرفتاری کیلئےکوششیں تیزکرنےکی ہدایات دی ہیں. نیب انٹیلی جنس نےملزمان کی گرفتاری کیلئےلائحہ عمل تیارکرلیا ہے.

  • دبئی میں سیاحوں کی بس کے حادثے میں دو پاکستانی بھی جاں بحق

    دبئی میں سیاحوں کی بس کے حادثے میں دو پاکستانی بھی جاں بحق

    دبئی میں سیاحوں کی بس کے حادثے میں دو پاکستانی بھی جاں بحق ہو گئے ہیں

    باغی ٹی وی کی رپورٹ کے مطابق پاکستان کے دفتر خارجہ کے ترجمان نے تصدیق کرتے ہوئے کہا کہ گذشتہ رات دبئی میں ٹورسٹ بس کو حادثہ پیش آیا ۔ حادثے میں سترہ افراد جاں بحق جبکہ انیس زخمی ہوئے ،اس حادثے میں دو پاکستانی شہری بھی جاں بحق ہوئے، دبئی میں پاکستانی قونصلیٹ حکام کا اسپتال اور انتظامیہ سے رابطہ بھی کیا جا رہا ہے ۔ میتوں کی جلد واپسی کے لئے اقدامات کئے جا رہے ہیں.

    واضح رہے کہ دبئی میں بس حادثے میں سترہ افراد جاں بحق ہوئے تھے. بس میں 31 مسافر سوار تھے جو مختلف ممالک سے تعلق رکھتے تھے اور عید الفطر کی چھٹیاں منانے کے بعد اومان سے واپس آرہے تھے۔ حادثہ دبئی کی مصروف ترین شاہراہ شیخ محمد بن زید پر پیش آیا جہاں تیز رفتار بس ڈرائیور سے بے قابو ہوکر ٹریفک سگنل پر لگے سائن بورڈ سے جا ٹکرائی۔

  • ووٹ کو عزت دو،عدلیہ بحالی تحریک چلاو، نواز شریف کی مریم کو ہدایات

    ووٹ کو عزت دو،عدلیہ بحالی تحریک چلاو، نواز شریف کی مریم کو ہدایات

    سابق وزیراعظم نواز شریف سے کوٹ لکھپت جیل میں مریم نواز نے ملاقات کی، اس موقع پر نواز شریف نے مریم نواز کو ہدایت کی کہ ووٹ کوعزت دواورعدلیہ بحالی کے لیے تحریک بڑھائی جائے.

    باغی ٹی وی کی رپورٹ کے مطابق مریم نواز کی سابق وزیراعظم نوازشریف سے ملاقات کوٹ لکھپت جیل میں ڈھائی گھنٹے جاری رہی ،مریم نوازشریف اپنے والد کے لیے گھر کا کھانا بھی لے کر آئیں سابق وزیراعظم نواز شریف نے اہل خانہ کے ساتھ کھانا کھایا،اس موقع پر نواز شریف نے کہا کہ مریم نواز اپوزیشن جماعتوں کی اے پی سی میں شریک ہوں ،اب ووٹ کوعزت سے بڑھ کرن لیگ کا کوئی اورنعرہ نہیں. نواز شریف نے مزید کہا کہ وزیرستان میں پاک آرمی کے جوانوں کی شہادت افسوسناک ہے ،دہشت گردی کےمکمل خاتمےتک جنگ جاری رہےگی، نواز شریف کا مزید کہنا تھا کہ عوام کومہنگائی کی چکی میں پستانہیں دیکھ سکتا،اس کےخلاف کھڑا ہونا ہوگا،جوکہتےتھےشہبازشریف واپس نہیں آئیں گے،اب وہ منہ چھپاتے پھررہے ہیں.صحت کی فکرنہیں،ملک کی معاشی صورتحال دیکھ کردل خون کےآنسوروتا ہے .

  • بھارت، گوا ائیر پورٹ پر جنگی جہاز کے ساتھ ایسا کیا ہوا کہ آگ بھڑک اٹھی

    بھارت، گوا ائیر پورٹ پر جنگی جہاز کے ساتھ ایسا کیا ہوا کہ آگ بھڑک اٹھی

    بھارتی نیوی کے جنگی جہاز کا فیول ٹینک گوا ائیرپورٹ پر گرنے سے آگ بھڑک اٹھی جس کے بعد ائیرپورٹ کو مکمل طور پر بند کر دیا گیا

    باغی ٹی وی کی رپورٹ کے مطابق انڈین ایوی ایشن اتھارٹی کے ترجمان کا کہنا ہے کہ گوا کے بین الاقوامی ائیر پورٹ پر رتمام پروازیں معطل کی گئی ہیں. کیونکہ بھارتی نیوی کے جنگی جہاز MIG-29k کا ٹینک رن وے کے قریب گرا جس کی وجہ سے آگ بھڑک اٹھی. بھارتی نیوی کے ترجمان ڈی ڈی شرما کا کہنا ہے کہ لینڈنگ کے دوران تیل کی ٹینکی گرنے سے آ گ لگی، جس کے بعد حکام نے ائیرپورٹ کو دو گھنٹوں کے لئے بند کر دیا، گوا کے ایرپورٹ سے چار بجے کے بعد فلائٹ آپریشن بحال ہونے کا امکان ظاہر کیا جا رہا ہے.

  • بنگلہ دیش کے خلاف انگلینڈ کی بیٹنگ جاری، آٹھ اوورز میں 50 رنز بنا لئے

    بنگلہ دیش کے خلاف انگلینڈ کی بیٹنگ جاری، آٹھ اوورز میں 50 رنز بنا لئے

    کرکٹ ورلڈ کپ میں بنگلہ دیش نے ٹاس جیت کر باولنگ کا فیصلہ کیا ہے، انگلینڈ کی ٹیم بیٹنگ کررہی ہے ، آٹھ اوورز میں انگلینڈ نے پچاس رنز بنا لئے ہیں

    باغی ٹی وی کی رپورٹ کے مطابق آئی سی سی ورلڈکپ کے بارہویں میچ میں انگلینڈ کی بنگلہ دیش کیخلاف بیٹنگ جاری ہے۔بنگلہ دیشی ٹیم کی قیادت مشرفی مرتضی کر رہے ہیں جبکہ دیگر کھلاڑیوں میں تمیم اقبال، سومیا سرکار، شکیب الحسن، مشفیق الرحیم، محمد مٹھون، محمود اللہ، مصدق حسین، محمد سیف الدین، مہدی حسن، مشرفی مرتضی اور مستفیض الرحمان شامل ہیں .انگلینڈ کی ٹیم کی قیادت این مورگن کر رہے ہیں جبکہ دیگر کھلاڑیوں میں جیسن روئے، جونی بیرسٹو، جو روٹ، بین سٹوکس، جوس بٹلر، کرس ووکس، جوفرا آرچر، عادل راشد، لائم پلنکٹ اور مارک ووڈ شامل ہیں۔ میزبان ٹیم انگلینڈ نے پہلے میچ میں جنوبی افریقہ کو ہرایا تھا جبکہ دوسرے میچ میں اسے پاکستان کے ہاتھوں 14 رنز سے شکست ہوئی تھی۔

  • مولانا فضل الرحمان اپنی زمینوں کی حفاظت کریں، شیخ رشید نے ایسا کیوں کہا؟

    مولانا فضل الرحمان اپنی زمینوں کی حفاظت کریں، شیخ رشید نے ایسا کیوں کہا؟

    وفاقی وزیر ریلوے شیخ رشید احمد نے کہا ہے کہ عمران خان کی مخالفت میں تمام لٹیرے اکٹھے ہو گئے ہیں، مولانا فضل الرحمان ڈیرہ اسماعیل خان میں اپنی زمینوں کی حفاظت کریں

    باغی ٹی وی کی رپورٹ کے مطابق شیخ رشید احمد نے میڈیا سے گفتگو کرتے ہوئے کہا کہ سیاسی اسکرین پر بڑی تبدیلی نہیں دیکھ رہا بہت سے وزیرتبدیل ہوگئے لیکن کسی کو پتہ نہیں چلا ،شیخ رشید احمد نے مزید کہا کہ اسوقت ملک میں سب کچھ ہو سکتا ہے نواز شریف اور زرداری کی حکومت نہیں ہو سکتی، شہباز شریف کو چیئرمین پی اے سی بنانا ہماری بڑی غلطی تھی، عمران خان کی مخالفت میں تمام لٹیرے اکٹھے ہو گئے ہیں، شیخ رشید احمد نے مزید کہا کہ میں نمبر ون سے دوستی اور دشمنی کرتا ہوں. میں اسد عمر کو وزیر دیکھنا چاہتا ہوں. اسد عمر کے گھر مٹھائی بھیجی تھی پتہ چلا کہ گھر خالی ہو گیا ہے.

    واضح رہے کہ رمضان میں بلاول زرداری نے اپوزیشن جماعتوں کو افطار پارٹی دی تھی جس میں فیصلہ کیا گیا تھا کہ عید کے بعد مولانا فضل الرحمان کی سربراہی میں اپوزیشن کی اے پی سی ہو گی جس میں آئندہ کا لائحہ عمل طے کیا جائے گا، مولانا فضل الرحمان نے متحدہ مجلس عمل کے پلیٹ فارم سے 2018 کا الیکشن لڑا اور ہار گئے، الیکشن کے بعد متحدہ مجلس عمل بھی ٹوٹ چکی ہے.

  • سندھ حکومت نے ایڈز پھیلایا میں ریل پھیلاوں گا، شیخ رشید احمد

    سندھ حکومت نے ایڈز پھیلایا میں ریل پھیلاوں گا، شیخ رشید احمد

    وفاقی وزیر ریلوے شیخ رشید احمد نے کہا ہے کہ نواز شریف اور شہباز شریف کی سیاست مختلف ہے، مجھے اب پتہ چلا کیہ چینی مافیا سبسڈی لے گیا ہے، پاک فوج کے جوانوں نے جانوں کا نذرانہ پیش کر کے ملکی سلامتی کو یقینی بنایا

    باغی ٹی وی کی رپورٹ کے مطابق شیخ رشید احمد نے لاہور میں ہفتہ وار اجلاس کے بعد میڈیا سے گفتگو کرتے ہوئے کہا کہ عمران خان نے جو کیا بہتر کیا، اس وقت دنیا کے نشانے پر پاکستان ہے، ہمیں اپنا راستہ بنانا ہے، لوگ ہماری اکانومی تباہ کر کے گئے ہیں. انہوں نے کہا کہ اسوقت ملک میں سب کچھ ہو سکتا ہے نواز شریف اور زرداری کی حکومت نہیں ہو سکتی، شہباز شریف کو چیئرمین پی اے سی بنانا ہماری بڑی غلطی تھی، عمران خان کی مخالفت میں تمام لٹیرے اکٹھے ہو گئے ہیں، مولانا فضل الرحمان ڈیرہ اسماعیل خان میں اپنی زمینوں کی حفاظت کریں. شیخ رشید احمد نے مزید کہا کہ میں نمبر ون سے دوستی اور دشمنی کرتا ہوں. میں اسد عمر کو وزیر دیکھنا چاہتا ہوں. اسد عمر کے گھر مٹھائی بھیجی تھی پتہ چلا کہ گھر خالی ہو گیا ہے. شیخ رشید احمد نے مزید کہا کہ ریلوے نے عید پر تاریخی ایک ارب روپے کمائے ہیں. ریلوے کےپاس 5 روز کے تیل کا ذخیرہ موجود ہے، شیخ رشید احمد نے مزید کہا کہ اضافی ٹرینیں چلانے کے باوجود ریلوے تاریخی خسارہ کم کرے گا ،لاہور کینٹ،کوٹ لکھپت اور رائیونڈ ریلوے اسٹیشن اپ گریڈ کریں گے ،اسٹیشنز کو اپ گریڈ کرنے کامقصد لاہور ریلوے اسٹیشن پر رش کم کرنا ہے،انہوں نے کہا کہ تھل ایکسپریس میں600کی جگہ تھی لیکن1700افراد سوار ہوئے،میں نہیں چاہتا پاکستان ریلوے بحران کا شکار ہو،شیخ رشید احمد نے مزید کہا کہ 28اگست کو اپنےآپ کو قوم کے سامنے پیش کروں گ اور بتاوَں گا خسارہ کتنا کم کیا ہے ،میں نے 30ٹرینیں چلائیں اور20لاکھ لٹر آئل بچایا.

     

    شیخ رشید کی جانب سے سندھ کو ایڈزستان کہنے پر بلاول نے کیا کام کیا؟

    بلاول کے شہر لاڑکانہ میں مزید 617 افراد میں ایڈز کی تشخیص

    ایڈز سے متاثرہ افراد کو تنہا نہیں چھوڑیں گے، بلاول

     

    نیب متحرک، ایڈزکنٹرول پروگرام کے مالی امور،فنڈنگ کی تفصیلات طلب