Blog

حکومت کی جانب سے سپریم کورٹ کے ججز کے خلاف ریفرنس دائر کرنے پر وکلاء میدان میں آ گئے، کہا اگر اچھے ججز کو فارغ کیا گیا تو 2007 سے بھی بڑی تحریک چلائیں گے.

یہ بھی پڑھیں
حکومت نے سپریم کورٹ‌ کے سینئر جسٹس قاضی فائز عیسیٰ کیخلاف سپریم جوڈیشل کونسل میں ریفرنس دائر کر دیا
جسٹس قاضی فائز عیسیٰ بھی میدان میں‌ آگئے، ریفرنس کی خبروں‌ پر صدرمملکت کوخط لکھ کر اہم مطالبہ کر دیا

باغی ٹی وی کی رپورٹ کے مطابق سندھ ہائیکورٹ بارایسوسی ایشن کی جانب سے ہنگامی اجلاس ہوا ہے جس سے سابق صدرسپریم کورٹ باررشید رضوی اور دیگر وکلا نے خطاب کیا، وکلا نے ججز کے خلاف ریفرنس دائر کرنے کی سخت الفاظ میں مذمت کی، رشید اے رضوی ایڈوکیٹ نے کہا کہ جوسازش کل ہوئی ہے وہ اکتوبرمیں شروع ہوئی تھی،جسٹس قاضی فائزعیسیٰ کے خلاف درخواست سماعت کے لیے منظورکی گئی ،اگراچھے ججزکوفارغ کردیا گیا توعدلیہ کا برا حال ہوجائے گا،انہوں نے کہا کہ اگراچھے ججز کو فارغ کیا گیا تو 2007 سے بھی بڑی تحریک چلائیں گے،صدرسندھ ہائیکورٹ بار نے مطالبہ کیا کہ ریفرنس فوری واپس لیا جائے ورنہ ملک گیر تحریک چلائیں گے،سندھ ہائیکورٹ بار نے جسٹس قاضی فائزعیسیٰ کیخلاف ریفرنس دائر کرنے پر قرارداد مذمت منظور کر لی. قرارداد کے متن میں کہا گیا کہ قاضی فائزعیسیٰ ایک ایماندار اور سچے انسان ہیں،قاضی فائزعیسیٰ کیخلاف ریفرنس سانحہ کوئٹہ اور فیض آباد دھرنے کا کاؤنٹر بلاسٹ ہے ،ایڈیشنل اٹارنی جنرل زاہد ایف ابراہیم نے احتجاجاً استعفا دے دیا،ججز کے خلاف ریفرنس آزاد عدلیہ پر حملہ ہے.

پیپلز پارٹی کے رہنما،سپیکر سندھ اسمبلی آغا سراج درانی کے خلاف نیب نے ریفرنس دائر کر دیا، عدالت نے کیس کی سماعت ملتوی کر دی

باغی ٹی وی کی رپورٹ کے مطابق سپیکرسندھ اسمبلی آغاسراج درانی کو احتساب عدالت میں پیش کیا گیا ،نیب نے آغا سراج درانی کیخلاف ریفرنس دائر کر دیا جس کے مطابق آغا سراج درانی کی اہلیہ،بیٹا، 4 بیٹیاں، بھائی، ملازم سمیت 20 ملزمان شامل ہیں ۔نیب ریفرنس میں کہا گیا ہے کہ آغاسراج درانی نے ایک ارب 61 کروڑروپے کے اثاثے بنائے،انہوں نے کچھ جائیدادیں فروخت بھی کردیں،غیرقانونی اثاثوں میں گھر اور 35 گاڑیاں شامل ہیں، ریفرنس میں مزید کہا گیا ہے کہ آغا سراج درانی کے لاکرسے ساڑھے 300 تولہ سونا ملا،آغاسراج درانی اور ان کے اہلخانہ سے 11 کروڑکی قیمتی گھڑیاں بھی ملیں ،سراج درانی کے وکیل نے کہا کہ ہماری ایک اوردرخواست ابھی تک زیرالتواہے،یہ ریفرنس قابل سماعت نہیں ،ریفرنس سے پہلے ہماری درخواست سنی جائے، سراج درانی کے وکیل کی درخواست پر عدالت نے کہا کہ ریفرنس قابل سماعت ہے یانہیں اس کافیصلہ ہم نے کرناہے،عدالت نے کیس کی سماعت 17 جون تک ملتوی کر دی۔

نیب نے اسپیکر سندھ اسمبلی آغا سراج درانی کو لاہور سے گرفتار کیا تھا، انہیں حراست میں لے کر کراچی منتقل کیا گیا تھا، سراج درانی کیخلاف اختیارات کے ناجائز استعمال اور آمدن سے زائد اثاثوں کے الزامات ہیں۔آمدن سے زائد اثاثوں کے کیس میں گرفتار اسپیکر سندھ اسمبلی آغا سراج درانی کے گھر پر نیب نے چھاپے کے دوران نیب افسران نے ان کے گھر سے اہم فائلیں‌ قبضے میں‌ لی تھیں، ان کے سیکیورٹی اہلکاروں نے نیب حکام سے بدتمیزی بھی کی تھی ۔