Baaghi TV

Blog

  • بلاول کو نیب نے سوالنامہ تھما دیا،جواب جمع کروانے کی ہدایت

    بلاول کو نیب نے سوالنامہ تھما دیا،جواب جمع کروانے کی ہدایت

    پیپلز اپارٹی کے چیئرمین بلاول زرداری نیب میں پیشی کے بعد واپس روانہ ہو گئے.

    باغی ٹی وی کی رپورٹ کے مطابق بلاول زرداری نیب اولڈ ہیڈکوارٹرز اسلام آباد سے واپس روانہ ہو گئے، بلاول زرداری سے جوائنٹ وینچر اوپل کیس میں تفتیش کی گئی، دوران تفتیش نیب حکام نے بلاول بھٹو کو32 سوالوں پر مشتمل تحریری سوال نامہ دیا ہے، ڈی جی نیب عرفان منگی نے بلاول بھٹو سے تفتیش کی ہے. بلاول سے نیب ک تحقیقاتی ٹیم نے آدھا گھنٹہ تفتیش کی ہے، سوالنامے کے جواب بلاول کو دس روز کے اندر جمع کروانے ہوں گے .

    واضح رہے کہ بلاول زرداری نیب میں پیش ہونے کے لئے آئے تو ان کے ساتھ کارکنان کی بڑی تعداد موجود تھی، پولیس نے کارکنان کو ڈی چوک پر روکا اس دوران کارکنان کا پولیس کے ساتھ تصادم ہوا تو پولیس نے انہیں منتشر کرنے کے لئے واٹر کینن کا استعمال کیا اور کارکنان کو گرفتار بھی کر لیا. نیب نے بلاول کی پیشی کے موقع پر سیکورٹی کے سخت انتظامات کرنے کی استدعا کی تھی.

  • چنیوٹ لالیاں زمین کے تنازع پر لڑائی۔ ایک شخص زخمی

    چنیوٹ:لالیاں زمین کے تنازع پر دو گروپوں میں لڑائی۔ایک شخص زخمی
    لالیاں:باغی ٹی وی کی رپورٹ کے مطابق گزشتہ رات رانا آبادی نزد علی شہاری دربار دوگروپوں میں لڑائی ہوئی جس میں محمد حیات قوم راجپوت کواکرم قوم شیانہ نے دوستوں سے ملکر شدید زخمی کر دیا۔جس کو زخمی حالت میں تحصیل ہیڈکوارٹر منتقل کر دیا گیا۔میڈیکل رپورٹ کے بعد کاروآئی عمل میں لائی جا رہی ہے۔

  • رمضان شوگر مل کیس، حمزہ شہباز کے بینچ پرعدم اعتماد کے بعد نیا بینچ تشکیل

    رمضان شوگر مل کیس، حمزہ شہباز کے بینچ پرعدم اعتماد کے بعد نیا بینچ تشکیل

    چیف جسٹس لاہور ہائیکورٹ نے حمزہ شہباز کیس کی سماعت کے لئے نیا بیینچ تشکیل دے دیا

    باغی ٹی وی کی رپورٹ کے مطابق حمزہ شہباز کیس کے لئے دو رکنی بینچ تشکیل دیا گیا ہے ،جسٹس مظاہر علی نقوی کی سربراہی میں بننے والے بینچ میں جسٹس وحید بھی شامل ہیں .حمزہ شہباز نے گزشتہ روز سماعت کے دوران بینچ پر عدم اعتماد کا اظہار کیا تھا جس کے بعد عدالت نے سماعت سے معذرت کر لی تھی ،حمزہ شہباز کی درخواست ضمانت پر سماعت جسٹس علی باقر نجفی کی سربراہی میں دو رکنی بینچ نے کی تھی .حمزہ شہباز نے کہا تھا کہ 20سال بعد بیٹی ہوئی جو موت اور زندگی میں مبتلا تھی مجھے عدالت نے حکم دیا تو میں بیٹی کو چھوڑ کر واپس آیا ،حمزہ شہباز نے مزید کہا کہ چیئرمین نیب نے انٹرویو میں کہا اب بنچ تبدیل ہو گیا توضمانت نہیں ملے گی قوم دیکھ رہی ہے چیئرمین نیب اتنے طاقت ور ہیں مرضی کا بنچ بنائیں قوم پوچھے گی چیئرمین نیب حمزہ شہباز کی ضمانت خارج کرا سکتے ہیں، حمزہ شہباز نے عدالت پر عدم اعتماد ظاہر کرتے ہوئے کہا کہ بینچ تبدیل کیا جائے جس پر بینچ نے سماعت سے معذرت کر لی اور کیس چیف جسٹس کو بھجوا دیا تھا، چیف جسٹس نے نیا بینچ تشکیل دے دیا ہے .

  • چیئرمین نیب کے خلاف درخواست، عدالت کی سماعت سے معذرت

    چیئرمین نیب کے خلاف درخواست، عدالت کی سماعت سے معذرت

    چیئرمین نیب کی تقرری کے خلاف دائر درخواست پر لاہور ہائیکورٹ کے بینچ نے سماعت سے معزرت کر لی

    باغی ٹی وی کی رپورٹ کے مطابق چیئرمین نیب جسٹس ر جاوید اقبال کی تقرری کے خلاف درخواست میں درخواستگزار نے موقف اختیار کیا کہ چیئرمین نیب کی تعیناتی میرٹ پرنہیں کی گئی، دوران سماعت چیئرمین نیب کی تقرری کیخلاف درخواست پر بنچ نے سماعت سے معذرت کرلی اور درخواست جسٹس مظاہرعلی اکبرنقوی کوبھجوا دی گئی،عدالت نے کہا کہ جسٹس مظاہرعلی نقوی اسی نوعیت کی درخواست پرسماعت کررہے ہیں، مناسب ہے اس درخواست پربھی وہ سماعت کریں۔ درخواست اے کے ڈوگر ایڈوکیٹ کی جانب سے دائر کی گئی تھی.

    واضح‌رہے کہ چیئرمین نیب کے خلاف مسلم لیگ ن نے پارلیمانی کمیٹی بنانے کا اعلان کیا ہے

    چیئرمین نیب کی کردار کشی کرنیوالے سائبر کرائم کے ماہر، انڈیا اور افغانستان میں رابطے، حیران کن انکشافات

  • بلاول نیب میں پیش، ڈی چوک میں پی پی کے کارکنان گرفتار

    بلاول نیب میں پیش، ڈی چوک میں پی پی کے کارکنان گرفتار

    پیپلز پارٹی کے چیئرمین بلاول زرداری نیب دفتر پہنچ گئے، اس دوران پیپلز پارٹی کے کارکنان کو پولیس نے گرفتار کر لیا ہے

    باغی ٹی وی کی رپورٹ کے مطابق بلاول زرداری نیب دفتر پہنچ گئے ہیں، آصفہ زرداری ، مرتضیٰ وہاب اورنیّر بخاری بھی بلاول بھٹو کے ہمراہ ہیں ،نیب ہیڈکوارٹرزکے باہر پیپلز پارٹی کے کارکنان موجود ہیں جنہوں نے شدید نعرے بازی کی ،پولیس نے پی پی کے کارکنان کو ڈی چوک پر روکا جہاں کارکنان نے پولیس والوں کے ساتھ ہاتھا پائی کی ،پولیس نے متعدد کارکنان کو گرفتار کر لیا ہے. پولیس نے جیالوں کو منتشر کرنے کے لئے واٹر کینن کا بھی استعمال کیا ہے

    واضح رہے کہ نیب راولپنڈی نے سابق صدرآصف زرداری کو 29 مئی کودوبارہ طلب کیا ہے .پیپلز پارٹی کے شریک چیئرمین آصف زرداری کو پاورپروجیکٹ،غیرقانونی ٹھیکوں کے کیس میں نیب نے طلب کیا ہے، زرداری کو نیب نے 29 مئی کو اولڈ نیب ہیڈکوارٹر پیش ہونے کی ہدایت کی ہے تاہم زرداری نے پیش ہونے سے معذرت کر لی . اسی روز پیپلز پارٹی کے چیئرمین بلاول زرداری کو بھی جے وی اوپل کیس میں طلب کر رکھا ہے .بلاول کو نیب نے 24 مئی کو بلایا تھا لیکن بلاول پیش نہ ہوئے اب نیب نے بلاول کو بھی 29 مئی کو ہی طلب کیا ہوا ہے. بلاول نیب میں پیش ہو چکے ہیں.

  • ڈرتے ہیں تبدیلی والے، بلاول کی حکومت پر تنقید

    ڈرتے ہیں تبدیلی والے، بلاول کی حکومت پر تنقید

    پیپلز پارٹی کے چیئرمین بلاول زرداری نے حکومت کی جانب سے پیپلز پارٹی کے کارکنوں کی وفاقی دارالحکومت اسلام آباد میں پی پی کے کارکنان کو روکنے پر شدید تنقید کا نشانہ بنایا اور کہا کہ ڈرتے ہیں تبدیلی والے.

    باغی ٹی وی کی رپورٹ کے مطابق بلاول کو آج نیب نے طلب کیا ہوا ہے، بلاول کی پیشی سے قبل حکومت نے اسلام آباد میں پیپلز پارٹی کے کارکنان کے داخلے پر پابندی لگا دی ہے جس پر سماجی رابطے کی ویب سائٹ ٹویٹر پر بلاول زرداری نے حکومت کی جانب سے پابندی کا نوٹفکیشن شیئر کیا اور کہا کہ حمایت کیلئے پیغامات بھیجنے والوں کا شکریہ اداکرتا ہوں ،کچھ دیر میں نیب راولپنڈی کیلئے روانہ ہوں گا،بلاول نے کہا کہ احتجاج کی کوئی کال نہیں دی تھی پھربھی پارٹی ورکرزاسلام آباد پہنچنا شروع ہوگئے ،نوٹیفکیشن پیپلز پارٹی کے کارکنوں کوہراساں کرنے کےلئے جاری کیا گیا، جمہوری حقوق کی خلاف ورزی کرتے ہوئے رات گئے نوٹیفکیشن جاری کیا گیا۔بلاول نے مزید کہا کہ ڈرتے ہیں تبدیلی والے، سابق چیف جسٹس ثاقب نثار نے کہا تھا میں بے قصور ہوں،سابق چیف جسٹس کے بیان بھی حکومت کو تنقید برداشت نہیں۔

  • بلاول کی نیب میں پیشی، جیالوں کوروک دیا گیا

    بلاول کی نیب میں پیشی، جیالوں کوروک دیا گیا

    پیپلز پارٹی کے چیئرمین بلاول بھٹو آج نیب میں پیش ہوں گے جبکہ شریک چیئرمین آصف زرداری نے آج نیب پیش ہونے سے معذرت کر لی. بلاول بھٹوکےہمراہ نیب آفس آنے والےسینکڑوں جیالوں کوایوب چوک پرروک دیا گیا

    باغی ٹی وی کی رپورٹ کے مطابق بلاول زرداری آج نیب میں پیش ہوں گے ،بلاول کو پارک لین کمپنی کی انکوائری میں نیب راولپنڈی کی مشترکہ تحقیقاتی ٹیم کے سامنے پیش ہو کر بیان ریکارڈ کروانے کے لئے طب کیا گیا ہے۔ بلاول بھٹو کارکنوں کے ہمراہ قافلے کی صورت میں نیب دفتر جا رہے تھے کہ کارکنان کو ایوب چوک پر روک دیا گیا ، نیب نے آئی جی اسلام آباد سے سیکورٹی سخت کرنے کے انتظامات کے لئے خط لکھا تھا، وفاقی پولیس کے ساڑھے تین سو ماتحت پولیس افسران و اہلکار تعینات کئے ہیں۔ اس موقع پر کسی کارکن کو نیب بلڈنگ میں داخلہ کی اجازت نہیں دی جائے گی. دوسری جانب آصف علی زرداری نے نیب راولپنڈی میں آج پیش ہونے سے معذرت کرلی۔ آصف زرداری کے وکیل فاروق ایچ نائیک نے نیب کو درخواست دے دی ہے جس میں کہا گیا ہے کہ آج ہائی کورٹ میں کیس ہے، پیش نہیں ہو سکتا، عید کے بعد کی کوئی تاریخ دے دیں پیش ہو جاؤں گا۔

  • نانک پیلس گوردوارہ نہیں‌ حویلی ہے، بھارتی میڈیا پروپیگنڈا بند کرے، مہندرسنگھ پال کا ویڈیو پیغام

    نانک پیلس گوردوارہ نہیں‌ حویلی ہے، بھارتی میڈیا پروپیگنڈا بند کرے، مہندرسنگھ پال کا ویڈیو پیغام

    ایم پی اے و صوبائی پارلیمانی سیکرٹری وزارتِ انسانی حقوق پنجاب مہندرپال سنگھ نے ویڈیو پیغام جاری کیا ہے جس میں‌ ہندوستانی ٹی وی چینلز کی طرف سے پاکستان کے خلاف جاری مذموم پروپیگنڈا پر شدید ردعمل ظاہر کیا ہے.

    باغی ٹی وی کی رپورٹ‌ کے مطابق اپنے ویڈیو پیغام میں انہو‌ں نے کہاکہ ہندوستانی میڈیا 2 کنال کی جس عمارت کو گردوارہ بتارہا ہے وہ گوردوارہ نہیں‌ ہے بلکہ اس عمارت کا نام نانک پیلس ہے جو برصغیر کی تقسیم سے قبل نانک سنگھ نامی شخص نے بنائی تھی. انہوں نے بتیا کہ نانک سنگھ تقسیم ہند کے وقت بھارت ہجرت کر گئے تھے.

    ایم پی اے و صوبائی پارلیمانی سیکرٹری وزارتِ انسانی حقوق مہندرپال سنگھ نے اپنے ویڈیو پیغام میں کہا کہ بھارتی ٹی وی چینلز کا پاکستان کے خلاف پروپیگنڈا سراسر جھوٹ پر مبنی ہے جس کی کوئی حقیقت نہیں‌ ہے۔ یاد رہے کہ ہندوستانی میڈیا کی طرف سے پاکستان میں‌ موجود ایک عمارت کے حوالہ سے پروپیگنڈا کیا جارہا تھا کہ پاکستان میں‌ گوردوارے کو نقصان پہنچایا گیا ہے تاہم مہندر سنگھ پال کے ویڈیو پیغام سے ساری حقیقت کھل کر واضح‌ ہو گئی اور ہندوستانی میڈیا کا جھوٹا پروپیگنڈا بے نقاب ہو گیا ہے.

  • خانیوال : مشہور منشیات فروش گرفتار

    خانیوال (نمائندہ باغی ٹی وی) تھانہ کچا کھوہ کے علاقے کے ایس ایچ او نے منشیات فروش کو چرس سمیت گرفتار کر لیا

    تفصیلات کے مطابق تھانہ کچا کھوہ کے ایس ایچ او حسن آفتاب کیانی نے کچا کھوہ کے نواحی گاؤں میں چھاپہ مار کر مشہور چرس فروش فیاض حسین کو گرفتار کر لیا اور موقع پر 4 کلو 600 گرام چرس بھی برآمد کر لی ہے بڑی مقدار میں چرس برآمد ہونے کی وجہ سے مجرم پر دفعہ 9 سی لگا کر پولیس کی مدعیت میں مقدمہ درج کر لیا گیا ہے

    ایس ایچ او تھانہ کچا کھوہ نے میڈیا سے گفتگو کرتے ہوئے کہا کہ میں اپنے علاقے سے منشیات فروشوں کا صفایا کر کے دم لوں گا اس میں کسی قسم کا سیاسی دباؤ آڑے نہیں آنے دو گا منشیات فروش معاشرے کے لئے ناسور بن چکے ہیں ان کا خاتمہ بہت ضروری ہے

  • قتل یا خودکشی؟؟؟ سماجی شخصیت کی موت معمہ بن گئی

    جہانیاں(نمائندہ باغی ٹی وی) کی معروف سیاسی خاندان سے تعلق رکھنے والے مصعب حیدر شاہ گھگہ نے خودکشی کر لی یا ان کو قتل کردیا گیا۔گزستہ روز ان کی لاش ان کے کمرے سے خون میں لت پت حالت میں ملی تھی۔گزستہ رات مصعب حیدر شاہ کی نماز جنازہ ببی ادا کردیگئی ہے۔ذرائع کے مطابق معلوم ہوا کہ مصعب حیدر نے خودکشی خود کو نائن ایم ایم پسٹل سے گولی مار کر اپنے گھر واہنی وال میں کی ہے۔
    یادرہے کہ مصعب حیدر کا ایک کزن سہیل خان کھگہ سندھ کی معروف سیاسی شخصیت پیر پگاڑہ کا داماد ہے اور گزشتہ الیکیشن میں سہیل زمان نے قومی اسمبلی کی نشست پہ الیکشن بھی لڑا تھا ۔
    مصعب حیدر کھگہ سابق ممبر قومی اسمبلی قمرالزمان گکھگہ کا بھتیجا تھا۔