Blog

بھارتی وزیر اعظم نریندر مودی نے الیکشن میں کامیابی پر اسے اپنی تاریخی فتح قرار دیا اور کہا ہے کہ ملک میں پہلے بھی الیکشن ہوتے رہے لیکن اس مرتبہ سب سے زیادہ ووٹ‌ پڑے اور ہر دوسرے ہندوستانی نے بی جے پی کو ووٹ دیا ہے.

باغی ٹی وی کی رپورٹ‌کے مطابق سیاسی پنڈتوں کو اپنی پرانی سوچ کو چھوڑنا پڑے گا۔ یہ 21 ویں صدی ہے، اس الیکشن میں میں پہلے دن سے کہہ رہا تھا کہ یہ کوئی پارٹی، لیڈر اور کوئی امیدوارنہیں لڑرہا بلکہ بھارتی عوام لڑ رہے ہیں. یہ نیا ہندوستان ہے. بی جے پی کے کروڑوں کارکنان، ان کی محنتوں اوران کےجدوجہد پرفخرہوتا ہے کہ جس پارٹی میں ہم ہیں، اس میں کتنے دلدارلوگ ہیں۔

نریندر مودی نے کہاکہ میں بھارتی عوام سے کہوں گا کہ آپ نے 2014 میں مجھ پربھروسہ کیا اور 2019 میں مجھے اور زیادہ طاقت دی۔ میں اس کے پیچھے آپ کے جذبات کو سمجھتا ہوں. میری ذمہ داری آپ کے بھروسہ کی وجہ سے مزید بڑھ گئی ہے. میرے جسم کا ایک ایک انگ ملک کی خدمت کے لئے ہے. 2014 سے 2019 تک آتے آتے سیکولرازم کی جماعت نے بولنا بند کردیا۔ اس الیکشن میں ایک بھی سیاسی پارٹی سیکولرازم کا نقاب پہن کرعوام کو گمراہ نہیں کرپائی۔ عوام نے بی جے پی کو فتح دلوا کر ایک نیا نیریٹو دیا ہے.

بھارتی مبصرین کا کہنا ہےکہ مودی نے 2019 میں‌زبردست فتح حاصل کر کے پرونے دور کے چشمے کو توڑ دیا ہے اور ہندوستانی سیاست کی تعریف میں‌شامل ذات پات، ڈیمو گرافی، صنف اور جغرافیائی تقسیم کو ختم کر دیا ہے. بی جے پی کا عارضی ووٹ 48 فیصد بتایا جارہا ہے. اس لحاظ سے ہر دوسرے بھارتی شخص نے بی جے پی کو ووٹ دیا ہے.اس پر بی جے پی کی طرف سے پورے ملک میں جشن منایا جارہا ہے اور مودی نے اپنی پہلی تقریر میں بھی یہ بات کی ہے. بی جے پی کو حکومت بنانے کیلئے باآسانی سادہ اکثریت حاصل ہو گئی ہے. بی جے پی کی قیادت والے اتحاد این ڈی اے نے 354 سیٹیں‌ حاصل کر کے 2014 کے مقابلہ میں بہتر کارکردگی کا مظاہرہ کیا ہے.

فرانس کے شہر پیرس میں واقع ہندوستانی ایئر فورس کے دفتر میں سے مبینہ طور پر اہم راز چرانے کی کوشش کی گئی ہے۔

باغی ٹی وی کی رپورٹ کے مطابق ہندوستانی میڈیا نے دعویٰ کیا ہے کہ انڈین ایئر فورس کے دفتر کے تالے توڑ ے گئے جہاں سے 36رافیل لڑاکا جیٹ طیاروں کی حصولی کے امورکی نگرانی کی جارہی ہے۔ بھارتی میڈیا نے ہندوستانی فوجی ذرائع کے حوالہ سے دعویٰ کیا ہے کہ ایئر انڈیا کے دفتر میں بعض افراد جو غیر متعلقہ تھے، کا ایک گروپ گھسا اور رافیل طیاروں سے متعلق اہم راز چوری کرنے کی کوشش کی گئی.

بھارتی میڈیا کے مطابق ایئر انڈیا کی دفتر انتظامیہ کی جانب سے مقامی پولیس کو بھی اس ساری صورتحال سے آگاہ کر دیا گیا جس پر مقامی پولیس نے کہا ہے کہ وہ اس واقعہ کی تحقیقات کر رہی ہے۔ میڈیا رپورٹس میں‌کہا گیا ہے کہ ابتدائی تحقیقات سے پتہ چلا ہے کہ یہاں سے کچھ بھی ڈیٹا یا ہارڈویئر کی چوری نہیں کی گئی۔ بھارتی فضائیہ کا یہ بھی کہنا ہے کہ اس نے واقعہ کی اطلاع ہندوستانی وزارت دفاع کو بھی دے دی ہے۔

باغی ٹی وی کی رپورٹ‌ کے مطابق ہندوستانی میڈیا کا کہنا ہے کہ پیرس میں ہندوستانی سفارتخانہ بھی فرانسیسی حکام کے ساتھ ربط میں ہے۔ آئی اے ایف کا رافیل پراجکٹ مینجمنٹ کا آفس رافیل جیٹ بنانے والی کمپنی ڈسالٹ ایوی ایشن کے کامپلکس میں واقع ہے۔بھارتی میڈیا کے مطابق ہندوستانی وزارت دفاع یا آئی اے ایف کی طرف سے اس واقعہ کے بارے میں سرکاری طور پر کوئی ردعمل ظاہر نہیں کیا گیا ہے۔

یاد رہے کہ رافیل طیاروں‌کا معاملہ اس سے قبل بھی بھارت میں زیر بحث رہا ہے اور مودی حکومت پر اس حوالہ سے کرپشن کے الزامات لگتے رہے ہیں.

مقبوضہ کشمیر میں نیشنل کانفرنس نے لوک سبھا انتخابات کی وادی کشمیر میں تینوں‌ نشستیں‌ جیت لی ہیں. 2014 میں ان نشستوں‌ پر پی ڈی پی نے کامیابی حاصل کی تھی تاہم اب پی ڈی پی کی طرح نیشنل کانفرنس نے کامیابی حاصل کر لی ہے.

باغی ٹی وی کی رپورٹ‌ کے مطابق ڈاکٹر فاروق عبداللہ نے سری نگر سے کامیابی حاصل کی ہے، محمد اکبر لون نے بارہمولہ اور جسٹس (ر) حسنین مسعودی نے اسلام آباد (اننت ناگ) سے کامیابی حاصل کی ہے. محبوبہ مفتی، کانگریس صدر غلام احمد میراور انجینئر عبدالرشید ہار گئے ہیں.

بارہمولہ سے پیپلز کانفرنس کے راجہ اعجاز علی کو مضبوط امیدوار سمجھا جارہا تھا تاہم یہاں‌ سے بھی نیشنل کانفرنس کے محمد ا کبر لون جیت گئے ہیں. سری نگر میں‌ نیشنل کانفرنس کے ہیڈ کوارٹر پر جشن کا سماں‌ ہے اور ایک دوسرے کو مبارکباد دی جارہی ہے.

سری نگر پارلیمانی نشست پر نیشنل کانفرنس کے صدر ڈاکٹر فاروق عبداللہ نے پی ڈی پی کے آغا محسن کو قریب 70 ہزار ووٹوں کے فرق سے ہرایا، ڈاکٹر فاروق نے مجموعی طور پر 1 لاکھ 6 ہزار719 ووٹ حاصل کیے جبکہ آغا محسن نے 36 ہزار 700 ووٹ حاصل کیے پیپلز کانفرنس کے عرفان انصاری 28 ہزار773 ووٹ حاصل کرکے تیسرے نمبر پر رہے۔ جبکہ نوٹا کے حق میں 1 ہزار 566 ووٹ ڈالے گئے۔

اسلام آباد (اننت ناگ) میں نیشنل کانفرنس کے نئے سیاسی لیڈر جسٹس (ر) حسنین مسعودی نے کانگریس کے سینئر سیاسی لیڈر غلام احمد میر کوسات ہزارسے زائد ووٹوں کے فرق سے ہرایا ہے. حسنین مسعودی نے کل 40 ہزار32 ووٹ حاصل کیے جبکہ غلام احمد میر کے کھاتے میں 32 ہزار879 ووٹ آئے اور پی ڈی پی صدر محبوبہ مفتی نے 30 ہزار223 ووٹ حاصل کرکے تیسری پوزیشن حاصل کی.

یاد رہے کہ گذشتہ انتخابات میں سابق کٹھ پتلی وزیر اعلیٰ‌ محبوبہ مفتی نے بھاری ووٹوں سے کامیابی حاصل کی تھی.