ریجنل پولیس آفیسر ڈیرہ غازیخان محمد عمر شیخ نےرات گئے تھانہ سٹی مظفرگڑھ کا دورہ کیا۔آر پی او ڈیرہ غازی خان نے تھانہ سٹی میں فرنٹ ڈیسک پر جرائم کی صورتحال اور ریکارڈ کی جانچ پڑتال کی۔آر پی او نےپولیس رسیکیو سروس سنٹر15 کا بھی دورہ کیا اورکال ریکارڈز، ریسپانس ٹائم اور قانونی کارروائیوں سے متعلق کارکردگی کو چیک کیا۔ڈی پی او مظفرگڑھ صادق علی ڈوگر بھی آر پی او کے ہمراہ تھے۔
Blog
-
تبدیلی سرکار کا ایجنڈہ خطرناک،عوام ہو جائیں ہوشیار، سعید غنی
پیپلز پارٹی کے رہنما سعید غنی نے کہا ہے کہ بلاول زرداری نے عمران خان کے عزائم بے نقاب کر دیے.
باغی ٹی وی کی رپورٹ کے مطابق سعید غنی نے ایک بیان میں کہا کہ خطرناک ایجنڈے کے تحت تبدیلی سرکار پاکستان کو آئی ایم ایف کے حوالے کر رہی ہے، آئی ایم ایف کے بنائے ہوئے بجٹ سے پاکستانی عوام کا خون نچوڑا جائے گا. سعید غنی نے دعویٰ کیا کہ صرف پیپلز پارٹی کی حکومت میں ہی عوام کو ریلیف ملتا ہے .
واضح رہے کہ حکومت کے آئی ایم ایف سے مذاکرات جاری ہیں.
-
نو ماہ ہو گئے، شیخ رشید نے باتوں کے علاوہ کچھ نہ کیا، ایسا کس نے کہا؟
صوبہ سندھ کے وزیر ٹرانسپورٹ اویس قادر شاہ نے کہا ہے کہ کراچی میں اے سی والی ایک ہزاربسیں چلائی جائیں گی ، رمضان میں پیپلز پارٹی کی طرف سے عوام کیلیے تحفہ دیا جارہا ہے.
باغی ٹی وی کی رپورٹ کے مطابق وزیر ٹرانسپورٹ سندھ اویس قادر شاہ نے پریس کانفرنس کرتے ہوئے کہا ہے کہ جب تک شیخ رشید ریلو ے میں ہیں ریلوے نہیں چل سکتی،وزیر ریلوے شیخ رشید گھنٹوں میں اپنے بیانات بدلتے ہیں، شیخ رشید لال مفلر پہن کر ریلوے چلانے کی باتیں کرتے ہیں ،نو ماہ ہوگئے ہیں ابھی تک شیخ رشید نے باتوں کے علاوہ کچھ نہیں کیا،اویس قادر شاہ نے مزید کہا کہ کراچی میں غیر ملکی ٹرانسپورٹ سروس سے معاہدہ طے پاگیا ہے،کراچی کے چالیس اہم روٹس پر بسیں چلائی جائیں گی .2ماہ کے دوران 200بسیں چلنا شروع ہوجائیں گی.
-
ن لیگیوں کے لئے بری خبر،نواز، شہباز کے بعد اب حمزہ بھی بیمار ہوگیا
شریف خاندان سارے کا سارا ہی بیمار ہو گیا، نواز شریف نے علاج کے لئے چھ ہفتے رہائی پر گزارے اور لندن جانے کی کوشش کی لیکن ناکام ہوئے، شہباز شریف بھی علاج کے سلسلہ میں لندن ہیں اور ان کا پاکستان آنے کا کوئی ارادہ نہیں لگ رہا، اب پنجاب اسمبلی میں اپوزیشن لیڈر حمزہ شہباز بھی بیمار ہو گئے انہو ں نے بھی عدالت سے استثنیٰ مانگ لیا.
باغی ٹی وی کی رپورٹ کے مطابق احتساب عدالت لاہور میں آشیانہ اقبال ہاوسنگ اور رمضان شوگر ملز ریفرنس میں شہباز شریف اور حمزہ شہباز دونوں کی جانب سے بیماری کی وجہ سے استثنیٰ کی درخواستیں دائر کی گئیں جو عدالت نے منظور کرلیں .احتساب عدالت کے جج جواد الحسن نے آشیانہ ریفرنس اور رمضان شوگر مل ریفرنس کی سماعت کی۔ احتساب عدالت نے استفسار کیا کہ کیا شہباز شریف اور حمزہ شہباز کمرہ عدالت میں موجود ہیں جس پر شہباز شریف اور حمزہ شہباز کے وکلا نے حاضری سے استشنیٰ کی درخواست دی اور موقف اختیار کیا کہ شہباز شریف علاج کی غرض سے ملک سے باہر ہیں جبکہ حمزہ شہباز کی طبیعت ناساز ہونے کے باعث وہ بھی عدالت میں پیش نہیں ہو سکتے لہذا عدالت سے استدعا ہے کہ حاضری سے استشنیٰ کی درخواست منظور کی جائے۔ احتساب عدالت کے جج جواد الحسن نے ملزمان کے وکلاء سے استفسار کیا کہ شہباز شریف کب تک واپس آئیں گے، کیا وہ دو ہفتوں میں پاکستان آ جائیں گے جس پر وکیل نے کہا کہ سابق وزیر اعلیٰ پنجاب کی میڈیکل رپورٹ عدالت میں جمع کروا دی ہے. ڈاکٹرز نے ان کا علاج کر نا ہے اور ڈاکٹرز کی ہدایات پر ہی وہ پاکستان آئیں گے. جس پر نیب کے وکیل نے کہا کہ شہباز شریف ملزم ہونے کے باوجود بنا اجازت کے بیرون ملک گئے ان کے خلاف قانونی کاروائی کی جائے اور وارنٹ گرفتاری جاری کئے جائیں .عدالت نے سماعت 25 مئی تک ملتوی کرتے ہوئے تمام ملزمان کو طلب کر لیا
-
فیصل آباد، آسمانی بجلی گرنے سے کیا نقصان ہوا، افسوسناک خبر آ گئی
صوبہ پنجاب کے علاقے فیصل آباد میں مختلف مقامات پر آسمانی بجلی گرنے سے دو افراد جاں بحق ،تین زخمی ہو گئے.
باغی ٹی وی کی رپورٹ کے مطابق فیصل آباد کے مختلف علاقوں میں آسمانی بجلی گرنے کے واقعات ہوئے جس کے نتیجہ مین دو افراد جان کی بازی ہار گئے جبکہ تین زخمی ہو گئے جنہیں علاج کے لئے ہسپتال منتقل کیا گیا.ساٹھ سالہ محمد منشا اپنے بیٹے رمیض کے ساتھ باہر جا رہا تھا ، آسمانی بجلی گرنے سے منشا جاں بحق جبکہ بیٹا رمیض زخمی ہو گیا ۔ایک دوسرے واقعہ میں فیصل آباد کے نواحی علاقہ 272 سیم ناگہ میں اختر علی نامی شخص آسمانی بجلی گرنے سے جان کی بازی ہار گیا۔ چک 133 گ ب میں آسمانی بجلی گرنے سے نصرت زخمی ہو گیا جس کو علاج کے لئے ہسپتال منتقل کر دیا گیا۔ چک جھمرہ کے علاقے 25 ج ب میں بھی دس سالہ عاطف بھی بجلی گرنے سے زخمی ہو گیا۔ عاطف کوطبی امداد کے لئے ہسپتال منتقل کر دیا گیا
واضح رہے کہ پنجاب بھر میں موسم خوشگوار ہے اور بادل بنے ہوئے ہیں، کئی شہروں میں بارش بھی ہوئی ہے.
-
حکومتی خواتین اراکین اسمبلی کو عدالت نے بلا لیا، اہلیت خطرے میں
تحریک انصاف کی خواتین اراکین اسمبلی کی اہلیت خطرے میں، نااہلی کی درخواست عدالت نے سماعت کے لئے مقرر کر دی
باغی ٹی وی کی رپورٹ کے مطابق تحریک انصاف کی خواتین اراکین اسمبلی ملیکہ بخاری، کنول شوذب کی نااہلی کی درخواست پر سماعت اسلام آباد ہائیکورٹ میں ہو گی. جسٹس عامر فاروق سوموار کو درخواست پر سماعت کریں گے. عدالت نے اراکین قومی اسبملی سے دلائل طلب کر رکھے ہیں. درخواست گزار نے عدالت میں موقف اختیار کیا کہ کاغذات نامزدگی کی آخری تاریخ تک ملیکہ بخاری دوہری شہریت رکھتی تھیں، کنول شوذب نے اسلام آباد ہائی کورٹ میں ووٹ تبدیلی پر غلط بیانی کی، عدالت سے استدعا ہے کہ آئین کے آرٹیکل 62 اور 63 کے تحت ممبران کو نااہل کیا جائے۔ ایم این اے تاشفین صفدر کی دوہری شہریت پر نااہلی کیس پر بھی سوموار کو سماعت ہوگی۔ تینوں اراکین اسمبلی کے خلاف مسلم لیگ نے درخواست دائر کی ہے.
-
اب چاند ویب سائٹ پردیکھا جائیگا، فواد چودھری کا دعویٰ
وزیر سائنس و ٹیکنالوجی فواد چودھری نے کہا ہے کہ پندرہویں روزے تک قمری کیلنڈر بن جائے گا ،ویب سائٹ پر کلک کر کے چاند بھی دیکھا جا سکے گا.
باغی ٹی وی کی رپورٹ کے مطابق فواد چوھدری نے کراچی میں میڈیا سے گفتگو کرتے ہوئے کہا کہ شہریوں کو فیصلہ کرنا ہے جدید سمت میں چلنا ہے یا روایتی طریقے پر ،اب ویب سائٹ پر کلک کے چاند دیکھا جا سکے گا، فواد چوھدری نے اپوزیشن کو تنقید کا نشانہ بناتے ہوئے کہا کہ نوازشریف اورآصف زرداری ہیر رانجھا کی داستان کی مانند ہوجائیں گے،انہوں نے مزید کہا کہ مگر مچھ کے آنسو دیکھنے ہوں تو بلاول ،خواجہ آصف کے بیان دیکھیں ،ایسے ٹسوے بہا رہے ہیں کہ جیسے پاکستان کی معیشت سے کوئی تعلق نہیں ،ان میں اخلاقی اقدار ہوتیں تو یہ تین چار سال معیشت پر بات ہی نہ کرتے ،فواد چودھری نے مزید کہا کہ وزیر اعظم تو عمران خان ہی ہیں چاہے کسی کو برالگے یا بھلا،معیشت اوپر نیچے جاتی ہے ،ہمیں معیشت نیچے ملی ہے اوپر لے کر جائیں گے ،انہوں نے کہا کہ آئی ایم ایف سے معاملات طے پانے میں چند دن لگیں گے
-
علی ظفر نے عدالت میں کیا کہہ دیا؟ کہ میشا شفیع کی استدعا مسترد ہو گئی
اداکاروگلوکارعلی ظفر کی جانب سےاداکارہ میشا شفیع کے خلاف ہتک عزت کے دعویٰ پرسماعت ہوئی
باغی ٹی وی کی رپورٹ کے مطابق عدالت میں علی ظفر کے وکیل کی طرف سے ایک گواہ پیش کیا گیا جس پر میشا شفیع کے وکیل نے کہا کہ گواہان کےبیانات قلمبندکروانےکےحوالےسےکیس سپریم کورٹ میں زیرسماعت ہے،عدالت سپریم کورٹ کے حکم کا انتظار کرے، عدالت ہمیں سپریم کورٹ کے حکم تک مہلت فراہم کرے، جس پر علی ظفر کے وکیل نے کہا کہ میں 2 گواہان عدالت میں لے کر آیا ہوں،سیشن جج لاہورنےبھی آج گواہان کے بیانات قلمبندکرنےکا حکم دے رکھا ہے ،عدالت نےمیشا شفیع کےوکیل کی مہلت کی استدعا مسترد کردی اور گواہان کے بیانات قلمبند کرنا شروع کردئیے ،علی ظفر کے وکیل نے کہا کہ میشاء شفیع کے وکلاء کیس کوجان بوجھ کرالتواء کا شکار کر رہے ہیں،میشاء شفیع اب الزامات لگا کرعدالتی کارروائی کاسامنا بھی کرے .عدالت نے کیس کی سماعت 18 مئی تک ملتوی کر دی .
واضح رہے کہ میشا شفیع نے عدالت میں جج پر عدم اعتماد کا اظہار کیا تھا جس پر جج تبدیل کر دیاگیا، علی ظفر نے میشا شیفع پر ہتک عزت کا دعویٰ کیا ہوا ہے .
-
پولیو کیسز،لاہور میں انسداد پولیو مہم شروع کرنے کا فیصلہ
محکمہ صحت پنجاب نے لاہور میں انسداد پولیو مہم شروع کرنے کا فیصلہ کیا ہے
باغی ٹی وی کی رپورٹ کے مطابق مہم ان علاقوں میں شروع کی جائے گی جہاں پولیو کا خطرہ ہے، لاہور شہر میں امسال تین پولیو کے کیسز رپورٹ ہو چکے ہیں. محکمہ صحت نے اسی لئے پولیومہم شروع کرنے کا فیصلہ کیا ہے .انسداد پولیومہم لاہورکی 94 یونین کونسلوں میں 13 سے 19 مئی تک جاری رہے گی .
-
امام مساجد کو نوکریاں دی جائیں تو اجارہ داری ختم ہو گی، وزیر سائنس
وفاقی وزیر سائنس و ٹیکنالوجی فواد چودھری نے کہا ہے کہ امام مساجد کو گریڈ 14 سے 16 تک نوکریاں دی جائیں.
باغی ٹی وی کی رپورٹ کے مطابق فواد چوھدری نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ ایک بہت چھوٹے گروپ کیلئے وسائل مختص کرنے کی بجائے ریاست کو چاہئے کہ تمام مساجد میں امام مساجد کو گریڈ 14 تا 16 نوکریاں دے، اس سے مخصوص ٹولے کی اجارہ داری بھی ختم ہو گی اور ایک ڈسپلن بھی آۓ گا، اس سلسلے میں صوبائ وزراء اعلیٰ کو اپنی ذمہ داریاں پوری کرنی چاھئیں۔
ایک بہت چھوٹے گروپ کیلئے وسائل مختص کرنے کی بجائے ریاست کو چاہئے کہ تمام مساجد میں امام مساجد کو گریڈ 14 تا 16 نوکریاں دے، اس سے مخصوص ٹولے کی اجارہ داری بھی ختم ہو گی اور ایک ڈسپلن بھی آۓ گا، اس سلسلے میں صوبائ وزراء اعلیٰ کو اپنی ذمہ داریاں پوری کرنی چاھئیں۔
— Ch Fawad Hussain (@fawadchaudhry) May 11, 2019
واضح رہے کہ فواد چودھری رمضان کے چاند کے مسئلے کو لے کر علماء کرام پر کڑی تنقید کر رہے ہیں،. ان کو وزارت اطلاعات سے ہٹائے جانے کے بعد وزارت سائیس و ٹیکنالوجی دی گئی لیکن مولانا کے بارے میں ان کے جذبات سے لگتا ہے کہ جلد فواد چوھدری کی وزارت تبدیل ہو گی اورانہیں وزیر مذہبی امور بنا دیا جائے گا، فواد چودھری کی جانب سے گزشت چند دنوں میں علماء کرام کے خلاف بیانات پر مزہبی حلقوں میں شدید رد عمل پایا جاتا ہے.