Baaghi TV

Blog

  • اداکارہ میشا شفیع کے خلاف ہتک عزت کا دعویٰ، سماعت ملتوی

    اداکارہ میشا شفیع کے خلاف ہتک عزت کا دعویٰ، سماعت ملتوی

    اداکارہ میشا شفیع کے خلاف ہتک عزت کے درخواست پر سماعت کے د ورا ن علی ظفر وکیل کی درخواست پر عدالت نے سماعت ملتوی کر دی

    باغی ٹی وی کی رپورٹ کے مطابق ایڈیشنل سیشن جج امجد علی شاہ نے گلوکار علی ظفر کی درخواست پر سماعت کی ،علی ظفر کے وکیل نے کہا کہ سپریم کورٹ کے حکم کے مطابق ہم بیان حلفی جمع کروائیں گے ،تمام گواہان کی شہادتوں کو بیان حلفی کی صورت میں جمع کروائیں گے، جس کے بعد فریقین کے وکیل جرح کر سکیں گے . علی ظفر کے وکیل نے مزید کہا کہ ہمارے تین گواہ کراچی میں ہیں،بیان حلفی کراچی میں دستخط ہونے گئے ہیں وقت دیا جائے جس پر عدالت نے علی ظفر کےوکیل کی استدعا منظور کرتے ہوئے سماعت 21 مئی تک ملتوی کردی .عدالت نے آئندہ سماعت پر سپریم کورٹ کا حکم نامہ اور تمام گواہان کے بیان حلفی عدالت میں جمع کرانےکا حکم دے دیا.

  • سرگودھا یونیورسٹی کا کارنامہ سہولت یا پریشانی جانیے اس خبر میں

    سرگودھا یونیورسٹی کا کارنامہ سہولت یا پریشانی جانیے اس خبر میں

    سرگودھا(نمائندہ باغی ٹی وی)سرگودھا یونیورسٹی کا دوسرا سالانہ امتحان 2018 دو ماہ کی تاخیر کے بعد شروع ہو گیا ہے سرگودھا یونیورسٹی نے اس مرتبہ رول نمبر سلپس کے حصول کیلیے آن لائن سسٹم متعارف کروایا ہے مگر ابھی تک آدھے طلباء کی رول نمبر سلپس بھی آن لائن نہیں ہو سکیں جبکہ سوموار کو پہلا پرچہ ہے جس سے طلباء کو شدید پریشانی کا سامنا ہے موجودہ وائس چانسلر نت نئے تجربات میں مصروف ہیں جس سے طلباء کو مشکلات کا سامنا ہے جبکہ انتظامیہ مسائل کے حل کیلیے سست روی کا مظاہرہ کرتی ہے اور طلباء کو چکر لگوائے جاتے ہیں یاد رہے کہ یہ واحد یونیورسٹی ہے جہاں امتحان ہونے کے آٹھ ماہ بعد نتیجہ جاری کیا گیا ستمبر 2018 میں سالانہ امتحان ہوا جبکہ نتیجہ 17 مارچ 2019 کو جاری کیا گیا اسی طرح کے دیگر معاملات بھی تاحیر کا شکار ہیں جنہیں حل کرنے میں موجودہ وائس چانسلر بری طرح ناکام ہیں

  • نوجوان کو تیل چھڑک کر آگ کیوں لگائی گئی اہم خبر سامنے آ گئی

    نوجوان کو تیل چھڑک کر آگ کیوں لگائی گئی اہم خبر سامنے آ گئی

    گجرات(طار ق محمود سے)بہن کے اغواءکے مقدمہ کی پیروی کرنے پرملزمان نے نوجوان پرتیل چھڑک کرآگ لگادی، تفصیلات کے مطابق اکیس سالہ نوجوان سکندرعباس صادق آبادمیں جی ٹی روڈ پرجارہاتھاکہ ظفر،شان علی پسران عاشق علی،عامرولدمحمدنذیر،علی ولدمحمداشرف نے سکندرعباس پرمٹی کاتیل چھڑک کرآگ لگادی جس سے سکندرعباس جھلس گیا،جسے عزیزبھٹی شہیدہسپتال گجرات داخل کرادیاگیاہے، صدر پولیس لالہ موسیٰ نے مضروب سکندرعباس کے والدمحمدرفیع سکنہ منڈی بہاﺅالدین کی رپورٹ پر ظفر،شان علی پسران عاشق علی،عامرولد محمد نذیر ،علی ولدمحمداشرف ،گڈی زوجہ خوشی محمد،محمداشرف سکنہ منڈی بہاﺅالدین کیخلاف مقدمہ درج کرلیاہے،وجہ عنادیہ ہے کہ مدعی مقدمہ کی بیٹی کے اغواءکومقدمہ 2017میں ملزمان کیخلا ف تھانہ رحمانیہ میں درج ہواتھاجس کاملزمان کورنج تھا۔

  • نواز شریف کی بریت کے خلاف درخواست کی سماعت 21 مئی کو ہو گی

    نواز شریف کی بریت کے خلاف درخواست کی سماعت 21 مئی کو ہو گی

    سابق وزیر اعظم نواز شریف کی بریت کے خلاف نیب کی دائر درخواست پر سماعت 21 مئی کو ہو گی

    باغی ٹی وی کی رپورٹ کے مطابق اسلام آباد ہائیکورٹ نے اگلے ہفتے کی کاز لسٹ جاری کی ہے جس کے مطابق سابق وزیر اعظم مسلم لیگ ن کے رہنما نواز شریف کی فلیگ شپ ریفرنس میں بریت کے خلاف نیب کی جانب سے دائر اپیل پر سماعت ہو گی. اسلام آباد ہائیکورٹ کے جج جسٹس عامر فاروق اور جسٹس محسن اختر کیانی نواز شریف کے خلاف اپیل کی سماعت کریں گے.

     

    نواز شریف کے جیل جانے میں کس کا کردار، مراد سعید نے بتا دیا

     

    نواز شریف کے جیل جانے میں کس کا کردار، مراد سعید نے بتا دیا

     

    نواز شریف نے جیل میں مریم نواز کو کیا پیغام دیا؟ بڑی خبرآ گئی

     

    نواز شریف کی ضمانت کی درخواست مسترد، مریم نواز خاموش نہ رہی

     

    نواز شریف اور مریم نواز پر ایک اور "جمعہ” بھاری رہا

     

    نو مہینے ہو گئے مگر ایک بھی اچھی خبر نہیں آئی، مریم نواز

    واضح رہے کہ احتساب عدالت نے فلیگ شپ ریفرنس میں نوازشریف کو بری کر دیا تھا.جبکہ العزیزیہ میں سات سال قید کی سزا سنائی گئی تھی، نواز شریف کو کمرہ عدالت سے ہی گرفتار کیا گیا تھا.

  • عید سے قبل ن لیگ کیا کرنے جا رہی ہےِ؟ سیکرٹری جنرل نے ہدایات دے دیں

    عید سے قبل ن لیگ کیا کرنے جا رہی ہےِ؟ سیکرٹری جنرل نے ہدایات دے دیں

    نواز شریف کے جیل جانے کے بعد مسلم لیگ ن کی اضلاع کی سطح پر تنظیم نو کا فیصلہ کر لیا گیا

    باغی ٹی وی کی رپورٹ کے مطابق مسلم لیگ ن کے سیکرٹری جنرل احسن اقبال نے کہا ہے کہ عید سے پہلے مسلم لیگ ن کی صوبائی، ڈویژنل اور ونگز کی تنظیم نو کو مشاورت سےمکمل کیا جائے گا، اس حوالہ سے احسن اقبال نے تمام صوبائی تنطیموں کو ہدایات دے دی ہیں. احسن اقبال کا مزید کہا ہے کہ مسلم لیگ ن کے بیانیے کو گلی گلی ، محلہ محلہ پہنچانے کے لئے ضلعی تنظیموں کی کارکردگی کا جائزہ لیا جائے اور اورغیر فعال غیرموثر عہدیداروں کی جگہ نئے بندے سامنے لائے جائیں گے . احسن اقبال نے مزید کہا کہ نوجوانوں اور خواتین کی تنظیموں کو موثر بنایا جائے گا. انہوں نے کہا کہ عید کے فوری بعد ڈویژنل کنونشن کے پروگرامز کوفوری تشکیل دیا جائے گا جس میں مسلم لیگ ن کی مرکزی قیادت بھی شریک ہوگی .

    مریم نواز کی مشکلات میں دن بدن اضافہ ہونے لگا

    واضح رہے کہ چند روز قبل مسلم لیگ ن کی تنظیم نو مرکزی سطح پر کی گئی جس میں احسن اقبال کو سیکرٹری جنرل جبکہ مریم نواز کو نائب صدر بنایا گیا، شاہد خاقان عباسی کو سینئر نائب صدر بنایا گیا تھا.

  • درختوں نے شہریوں کی زندگیوں کو کیسے اجیرن کر دیا؟

    درختوں نے شہریوں کی زندگیوں کو کیسے اجیرن کر دیا؟

    گجرات(نمائندہ باغی ٹی وی)گجرات شہر کی حدود میں لگے صنوبر اور سنبل کے درخت شہریوں کےلئے وبال جان بن گئے ہیں تیز آندھی اور ہوا چلنے کی صورت میں درختوں سے گرنے والی روئی(اجزائ) سے آنکھوں اور سانس کے مسائل پیدا ہورہے ہیں ماحول کو آلودہ کررہے ہیں شہریوں نے محکمہ جنگلات ماحولیات سے مطالبہ کیا ہے کہ وہ اسکا تدارک کریں علاوہ ازیں ڈی سی گجرات سے بھی اپیل کی گئی ہے کہ وہ شہر کی حدود میں لگے ہوئے ان درختوں کو کاٹ دیں تاکہ شہری سکھ کا سانس لے سکیں۔

  • سندھ کے بعد پنجاب میں ایڈز، 54 افراد کی ہلاکت کے بعد پنجاب حکومت کو ہوش آ گیا

    سندھ کے بعد پنجاب میں ایڈز، 54 افراد کی ہلاکت کے بعد پنجاب حکومت کو ہوش آ گیا

    سندھ کے بعد پنجاب میں ایڈز کے مریض سامنے آنے لگے ،ضلع چنیوٹ کے ایک گاوں کے تمام رہائشی افراد کی اسکریننگ کرنے کا حکومت نے فیصلہ کر لیا ہے.

    باغی ٹی وی کی رپورٹ کے مطابق پنجاب کے ضلع چنیوٹ میں بھی ایڈز کے مریض سامنے آ رہے ہیں، گزشتہ تین برسوں میں چنیوٹ کے ایک گاوں بھٹی والا میں 54 افراد کی ایڈز کے باعث ہلاکت ہو چکی ہے. چند دن قبل محکمہ صحت کے حکام کی غفلت اور وقت پر علاج نہ ہونے کے باعث 20 برس کی ممتاز بی بی ایڈز میں مبتلا ہونے کے باعث دم توڑ گئی. اس واقعہ کے بعد حکومت کو ہوش آیا اور حکومت نے پورے علاقہ کی اسکریننگ کروانے کا فیصلہ کیا ہے. ایڈز کی چنیوٹ میں بڑھتے وائرس پر مقامی شہری خوف و ہراس کا شکار ہیں. ڈی ایچ کیو ہسپتال میں قائم ایڈز سنٹر کو غیر فعال کر دینے کی وجہ سے مریضوں کا علاج نہیں ہو سکا. گاوں بھٹی والا میں ایک ڈسپنسری ہے جو کئی برسوں سے بند ہے.

     

    لاڑکانہ میں ایڈز، بلاول نے اجلاس بلا لیا، سیکرٹری صحت پر برہم

     

    نیب متحرک، ایڈزکنٹرول پروگرام کے مالی امور،فنڈنگ کی تفصیلات طلب

     

    واضح رہے کہ سندھ میں بھی ایڈز کے مریضوں میں اضافہ ہو رہا ہے، لاڑکانہ ،رتوڈیرو میں سینکڑوں جبکہ سندھ میں ہزاروں ایڈز کے مریض رجسٹرڈ ہیں.

  • وزیراعظم عمران خان آج افطاری کہاں کریں گے؟ اہم خبر آ گئی

    وزیراعظم عمران خان آج افطاری کہاں کریں گے؟ اہم خبر آ گئی

    وزیر اعظم عمران خان آج ہفتہ کو خیبر پختونخواہ کےد ورے پر جائیں گے

    باغی ٹی وی کی رپورٹ کے مطابق وزیر اعظم عمران خان آج ہشاور جائیں گے اور شوکت خاتم ہسپتال کی فنڈ ریزنگ کے سلسلہ میں منعقدہ افطار ڈنر کی تقریب میں شر کت کریں گے، وزیر اعظم عمران خان پشاور میں صوبائی کابینہ کے اراکین سے بھی ملاقات کریں گے. ملاقات میں خیبر پختونخوا اورضم اضلاع کی مجموعی صورتحال پر غورہوگا .

    واضح رہے کہ قومی اسمبلی سے فاٹا کی نشستوں میں اضافے کے بعد وزیر اعظم عمران کان کا خیبر پختونخواہ کا پہلا دورہ ہو گا.

  • پلوامہ، بھارتی فوج نے مزید دو کشمیریوں کو شہید کر دیا

    پلوامہ، بھارتی فوج نے مزید دو کشمیریوں کو شہید کر دیا

    بھارتی فوج نے مقبوضہ کشمیر میں‌ سرچ آپریشن کے نام پر ہفتہ کو مزید دو کشمیریوں کو شہید کر دیا

    باغی ٹی وی کی رپورٹ کے مطابق مقبوضہ کشمیر کے علاقے پلوامہ میں سرچ آپریشن کےد وران بھارتی فوج نے مزید دو کشمیریوں کو شہید کر دیا، بھارتی فوج نےسرچ آپریشن کے دوران چادر و چاردیواری کے تقدس کو بھی پامال کیا، اس موقع پر احتجاج کرنے والے کشمیریوں پر پیلٹ اور آنسو گیس کے شیل فائر کئے گئے. بھارتی فوج کی فائیرنگ سے دو کشمیری شہید ہو گئے .

     

    بھارتی فوج کے تشدد سے زخمی نوجوان ہسپتال میں چل بسا

     

    بھارتی فوج نے پانچ کشمیری شہید کر دئیے

  • سود خور گینگ کون سا خطرناک کام کرتے ہوئے گرفتار ہوا

    سود خور گینگ کون سا خطرناک کام کرتے ہوئے گرفتار ہوا

    گجرات(نمائندہ باغی ٹی وی)سود خور گینگ کی مزدور نوجوان کو گھر میں گھس کر اغواءکرنے کی کوشش، پولیس تھانہ سٹی نے بروقت کارروائی کر کے سود خور گینگ کو گرفتار کر کے مقدمہ درج کر لیا۔ تفصیلات کے مطابق محلہ فاروق پارک کے رہائشی فخر زمان کے والد قمر زمان نے چار سال قبل کریم داد کے رہائشی سید فضل حسین شاہ سے 2لاکھ روپے لئے، فخر زمان کے مطابق اس کے والد نے اپنی وفات سے قبل مختلف اوقات میں ساڑھے تین لاکھ روپے سید فضل حسین شاہ کو واپس کر دیئے اس کے باوجود سید فضل حسین شاہ اس سے فون پر 18لاکھ روپے کا تقاضا کرتا رہا ہے اور 18لاکھ روپے کا اقرار نامہ لکھ کر نہ دینے پر قتل کی دھمکیاں دیتا ہے۔ گزشتہ روز سید فضل حسین شاہ نے اپنے ساتھیوں سمیت اسے محلہ فاروق پارک میں واقع اس کی رہائش گاہ سے اغواءکرنے کی کوشش کی اور زبردستی کار میں ساتھ لے جانے کی کوشش کی۔ پولیس کی بروقت کارروائی سے یہ کوشش ناکام ہو گئی۔ پولیس تھانہ سٹی نے سید فضل حسین ، سجاد علی راولپنڈی، محمد شبیر پھالیہ، اور سید شاہسوار کریم داد کے خلاف مقدمہ درج کر کے تفتیش شروع کر دی ہے۔