Blog

ایران نے دعویٰ کیا ہے کہ اس نے ایک امریکی جنگی جہاز کو نشانہ بنایا اور اسے واپس ہٹنے پر مجبور کر دیا۔

ایران کے سرکاری میڈیا ایجنسی فارس نیوز کے مطابق، ایل ایچ اے-7 ہیلی کاپٹر کیریئر اور امفی بیئس اسالٹ شپ یعنی یو ایس ایس ٹرپولی پر "بجلی کی رفتار والے ایرانی میزائل” سے حملہ کیا گیا۔ حملے کے بعد امریکی جہاز کو و جنوبی بحر ہند کی گہرائیوں میں واپس ہٹنا پڑا۔حملے کی درست تاریخ اور مقام کے بارے میں معلومات نہیں دی گئیں۔

واضح رہے کہ یو ایس سینٹرل کمانڈ نے اعلان کیا تھا کہ یو ایس ایس ٹرپولی، جس میں تقریباً 3,500 عملہ اور ٹرانسپورٹ و اسٹرائیک فائٹر طیارے موجود ہیں، 27 مارچ کو مشرق وسطیٰ پہنچا تھا۔اب تک امریکہ نے ایرانی دعوے پر کوئی باضابطہ ردعمل نہیں دیا۔

دوسری جانب ایران کی فوج نے اعلان کیا ہے کہ اس نے کویت کے بوبیان جزیرے پر موجود امریکی افواج پر حملے کیے ہیں۔ایرانی فوج کے ترجمان ابراہیم ذوالفقاری نے ایک ویڈیو بیان میں بتایا کہ جزیرے پر قائم امریکی تنصیبات اور فوجی ساز و سامان کو نشانہ بنایا گیا۔ بوبیان جزیرہ اس وقت امریکی افواج کے زیر استعمال ہے، جو بار بار کے ایرانی حملوں کے بعد کویت کے مین لینڈ میں واقع عروفجان کیمپ سے یہاں منتقل ہو چکی ہیں۔بیان کے مطابق، حملے میں سیٹلائٹ آلات اور دیگر ہتھیار ہدف بنے۔پینٹاگون کی جانب سے اس واقعے پر فوری طور پر کوئی ردعمل سامنے نہیں آیا۔یاد رہے کہ بوبیان جزیرہ کویت کے ساحلی جزائر میں سب سے بڑا جزیرہ ہے اور خلیج کی شمال مغربی سمت میں واقع ہے۔یہ واقعہ خطے میں تناؤ میں اضافے اور امریکہ-ایران کشیدگی کے نئے مرحلے کی نشاندہی کرتا ہے۔

متحدہ عرب امارات (یو اے ای) کے ایک اہم ایوی ایشن حب دبئی انٹرنیشنل ایئرپورٹ کے قریب ایک بڑی مقدار میں سیاہ دھواں بلند ہوتا دیکھا گیا ہے،میڈیا رپورٹس کے مطابق دبئی ایئر پورٹ پر حملہ ہوا ہے یا میزائل کے ٹکڑے گرے ہیں

دھوئیں کے حوالے سے مقامی لوگوں نے گواہی دی ہے کہ شدید بادل دکھائی دے رہے ہیں، تاہم حکام کی جانب سے ابھی تک کسی بھی قسم کا سرکاری بیان یا تصدیق جاری نہیں کی گئی۔ متحدہ عرب امارات کے شہروں دبئی اور شارجہ پر میزائل اور ڈرون حملے ہوئے،ٹیلیگرام چینل "نیا” نے اطلاع دی ہے کہ ان حملوں میں دبئی ایئرپورٹ کو نشانہ بنایا گیا،متذکرہ حملوں میں "شارجہ” شہر کو بھی نشانہ بنایا گیا، خبر رساں ذرائع کا کہنا ہے کہ شارجہ پر حملے میں امریکی مفادات کو نشانہ بنایا گیا تاہم ابھی تک یہ واضح نہیں ہے کہ شہر کے کس علاقے کو نشانہ بنایا گیا۔

مارچ کے وسط میں بھی اسی مقام پر دھواں اٹھنے کی ویڈیوز اور تصاویر منظرِ عام پر آئیں تھیں، جب ڈرون حملے کے باعث ایک فیول ٹینکر لگا، جس سے بھڑکتی آگ اور سیاہ دھواں بلند ہوا تھا۔ اسی واقعے کے باعث عارضی طور پر پروازیں معطل یا محدود کردی گئی تھیں۔عالمی میڈیا رپورٹس کے مطابق یو اے ای نے ایرانی میزائلوں اور ڈرونوں کی ایک سلسلے وار کارروائیوں کا سامنا کیا ہے، جس میں متعدد بار فضائی دفاعی نظام نے اہداف کو ناکارہ بنایا، اور اس دوران ملبہ مختلف مقامات پر گِرنے سے دھواں اٹھتا دیکھا گیا۔

نئی دہلی میں پیر کی دوپہر ایک حیران کن سکیورٹی ناکامی سامنے آئی، جب ایک نقاب پوش شخص گاڑی سمیت دہلی اسمبلی کے احاطے میں داخل ہوگیا اور بآسانی فرار ہونے میں کامیاب رہا۔

ذرائع کے مطابق یہ واقعہ تقریباً دوپہر 2 بجے پیش آیا، جب اتر پردیش نمبر پلیٹ والی ایک گاڑی اسمبلی کے گیٹ نمبر 2 کو توڑتے ہوئے اندر داخل ہوئی۔ گاڑی میں سوار نقاب پوش ڈرائیور سیدھا اسمبلی اسپیکر وجیندر گپتا کے دفتر کی جانب بڑھا۔سرکاری حکام کے مطابق ملزم نے اسپیکر کے دفتر کے برآمدے میں پھولوں کا گلدستہ رکھا اور بعد ازاں ان کی گاڑی پر سیاہی پھینک دی، جس کے بعد وہ موقع سے فرار ہوگیا۔

یہ واقعہ حال ہی میں اسمبلی کو موصول ہونے والی بم دھمکیوں کے بعد پیش آیا ہے، جس نے سکیورٹی اداروں کی کارکردگی پر سوالات کھڑے کر دیے ہیں۔واقعے کے فوراً بعد بم ڈسپوزل اسکواڈ کو طلب کر لیا گیا، تاہم ابتدائی تحقیقات کے مطابق گلدستے میں کسی قسم کا دھماکہ خیز مواد یا مشکوک چیز نہیں ملی،حکام نے واقعے کی مکمل تحقیقات شروع کر دی ہیں جبکہ سکیورٹی مزید سخت کرنے کے احکامات جاری کر دیے گئے ہیں۔