Blog


اسرائیل کے وزیر اعظم بنیامین نیتن یاہو کی موت سے متعلق سوشل میڈیا پر ایک بار پھر مختلف دعوے گردش کر رہے ہیں۔ بعض پوسٹس میں کہا جا رہا ہے کہ وہ اپنے گھر پر ہونے والے حملے میں ہلاک ہو گئے تھے اور یہ خبر گزشتہ چار دنوں سے غیر مصدقہ طور پر پھیل رہی ہے۔
‎ان دعوؤں میں یہ بھی کہا گیا کہ اس مبینہ حملے میں نیتن یاہو کے بھائی اور اسرائیل کے قومی سلامتی کے وزیر ایتامار بن گویر بھی مارے گئے۔ تاہم ان دعوؤں کی اب تک کسی سرکاری ذریعے سے تصدیق نہیں ہو سکی۔
‎اسی دوران اسرائیلی حکومت کی جانب سے ایک ویڈیو جاری کی گئی جس میں نیتن یاہو کو براہ راست ٹی وی پر خطاب کرتے دکھایا گیا ہے۔ سوشل میڈیا پر کچھ صارفین نے اس ویڈیو پر بھی سوالات اٹھائے ہیں اور دعویٰ کیا ہے کہ یہ ویڈیو مصنوعی ذہانت کی مدد سے تیار کی گئی ہو سکتی ہے۔
‎کچھ صارفین نے ویڈیو کے ایک منظر کی نشاندہی کرتے ہوئے کہا کہ نیتن یاہو کے ہاتھ میں چھ انگلیاں نظر آ رہی ہیں جس کے بعد ویڈیو کی حقیقت پر مزید بحث شروع ہو گئی ہے۔
‎تاہم اب تک اسرائیلی حکومت یا کسی معتبر بین الاقوامی ادارے نے نیتن یاہو کی موت یا زخمی ہونے کی کوئی تصدیق نہیں کی۔ صورتحال کے حوالے سے حتمی معلومات سامنے آنے کا انتظار کیا جا رہا ہے۔

تہران: ایران کے دارالحکومت تہران میں آج یومِ القدس کے موقع پر نکالی جانے والی بڑی ریلی کے دوران ہونے والے حملے میں ایک خاتون کی موت ہوئی ہے

ایرانی سرکاری میڈیا کے مطابق ریلی کے قریب متعدد دھماکوں کی آوازیں بھی سنی گئیں جس سے علاقے میں خوف و ہراس پھیل گیا۔ایرانی سرکاری خبر رساں ایجنسی ارنا نے اس مہلک حملے کا الزام امریکہ اور اسرائیل پر عائد کیا ہے۔ اس سے قبل جمعہ کے روز اسرائیل کی جانب سے خبردار کیا گیا تھا کہ وہ تہران میں بعض مقامات کو نشانہ بنا سکتا ہے۔

رپورٹس کے مطابق یہ دھماکے اس وقت ہوئے جب ہزاروں افراد فلسطینیوں سے اظہارِ یکجہتی کے لیے منعقد ہونے والی یومِ القدس ریلی میں شریک تھے۔ دھماکوں کے باوجود بڑی تعداد میں لوگ سڑکوں پر موجود رہے اور ریلی جاری رہی۔

یاد رہے کہ ایران کے نئے سپریم لیڈر آیت اللہ مجتبیٰ خامنہ ای نے جمعرات کو سرکاری ٹیلی وژن پر نشر ہونے والے اپنے پہلے پیغام میں عوام سے یومِ القدس کے اجتماعات میں بھرپور شرکت کی اپیل کی تھی، جس کے بعد ملک بھر سے بڑی تعداد میں لوگ تہران پہنچے۔

ریلی میں ایران کی اہم سیاسی شخصیات نے بھی شرکت کی جن میں صدر مسعود پزشکیان بھی شامل تھے۔ اس موقع پر معروف عالم دین علیرضا اعرافی نے اجتماع سے خطاب کرتے ہوئے کہا کہ حالیہ واقعات کے باعث اس سال کی یومِ القدس ریلی گزشتہ برسوں سے مختلف ہےان کا کہنا تھا کہ “ہم سپریم لیڈر کی اپیل پر لبیک کہتے ہوئے دشمن کو للکارنے والی عوامی موجودگی پر قوم کے شکر گزار ہیں۔”حکام کے مطابق واقعے کی مزید تحقیقات جاری ہیں جبکہ سیکیورٹی فورسز نے ریلی کے اطراف سیکیورٹی مزید سخت کر دی ہے۔

نیٹو نے ایران کے خلاف جنگ کے آغاز کے بعد ترکی کے فضائی حدود میں تیسرے ایرانی میزائل کو ناکارہ بنایا ہے، ترکی کے وزارت دفاع نے جمعہ کو اعلان کیا۔

وزارت دفاع کے بیان میں کہا گیا، "ایران سے داغا گیا ایک بیسٹک میزائل جو ترکی کے فضائی حدود میں داخل ہوا، نیٹو کی مشرقی بحیرہ روم میں تعینات فضائی اور میزائل دفاعی صلاحیتوں کے ذریعے غیر مؤثر بنا دیا گیا۔” اس واقعے میں کسی جانی نقصان کی اطلاع نہیں ملی۔پیر کو میزائل ناکارہ بنانے کے بعد، ترک صدر رجب طیب اردگان نے ایران کو مزید "تحریک انگیز اقدامات” سے باز رہنے کی تنبیہ کی تھی۔ ایران نے بعد میں اس بات کی تردید کی کہ اس نے ترکی کی طرف کوئی میزائل داغا۔

صدراردگان نے اس سے قبل کہا تھا کہ ترکی کی افواج جنگ کے آغاز سے ہی الرٹ ہیں اور ملک کی فضائی حدود کو چوبیس گھنٹے مانیٹر کیا جا رہا ہے، جس میں F-16 لڑاکا طیارے، فضائی پیشگی انتباہی طیارے اور ایندھن فراہم کرنے والے طیارے شامل ہیں۔

سری لنکا کی قومی فضائی کمپنی سری لنکا ایئر لائن کے سابق چیف ایگزیکٹو آفیسر کپیلا چندر سینا کو مبینہ طور پر 20 لاکھ امریکی ڈالر رشوت لینے کے الزام میں گرفتار کر لیا گیا ہے۔

یہ گرفتاری سری لنکا کے انسدادِ بدعنوانی ادارے نے کی، جو ایئربس طیاروں کی خریداری کے معاہدے سے متعلق تحقیقات کر رہا ہے،حکام کے مطابق جمعرات نے روز چندرا سینا کو حراست میں لیا گیا۔ تحقیقات میں یہ الزام سامنے آیا ہے کہ انہوں نے ایئر بس سے طیاروں کی خریداری کے معاہدے کے سلسلے میں مبینہ طور پر 20 لاکھ ڈالر کی رشوت قبول کی۔انسدادِ بدعنوانی کمیشن کا کہنا ہے کہ یہ گرفتاری سری لنکن ایئرلائنز کے لیے ایئربس طیاروں کی خریداری میں مبینہ بے ضابطگیوں اور کرپشن کی تحقیقات کا حصہ ہے۔ حکام کے مطابق اس معاہدے میں ممکنہ بدعنوانی کے مختلف پہلوؤں کا جائزہ لیا جا رہا ہے۔