پشاور کی عدالت نے شوہر کے قتل کے مقدمے میں ملوث خاتون اور اس کے ساتھی کو سزائے موت سنا دی۔ عدالت نے دونوں مجرموں کو جرم ثابت ہونے پر سخت سزا سناتے ہوئے مقتول کے اہل خانہ کو ایک ملین روپے بطور معاوضہ ادا کرنے کا بھی حکم دیا۔
استغاثہ کے مطابق ملزمان نے منصوبہ بندی کے تحت خاتون کے شوہر کو قتل کیا تھا۔ مقدمے کی سماعت کے دوران عدالت کے سامنے پیش کیے گئے شواہد اور گواہوں کے بیانات کی بنیاد پر جرم ثابت ہونے پر فیصلہ سنایا گیا۔
عدالت نے اپنے فیصلے میں کہا کہ قتل جیسے سنگین جرم میں ملوث افراد کو قانون کے مطابق سخت سزا دینا ضروری ہے تاکہ معاشرے میں ایسے جرائم کی روک تھام ممکن ہو سکے۔
Blog
-
پشاور میں شوہر کے قتل کیس میں خاتون اور ساتھی کو سزائے موت
-
عرب ممالک کو گوشت کی برآمدات بند، پاکستان میں قیمتوں میں کمی کا امکان
عرب ممالک کی فضائی حدود اور سمندری راستوں کی بندش کے باعث پاکستان سے مٹن اور بیف کی برآمدات مکمل طور پر معطل ہوگئی ہیں جس کے نتیجے میں مقامی مارکیٹ میں گوشت کی قیمتوں میں کمی کا امکان ظاہر کیا جا رہا ہے۔
تفصیلات کے مطابق عرب ممالک کی فضائی اور بحری راستوں کی بندش کو پانچواں روز ہو گیا ہے جس کے باعث پاکستان سے گوشت کی بیرون ملک ترسیل رک گئی ہے۔ برآمدات معطل ہونے سے گوشت کے بڑے تاجروں کو مالی نقصان کا سامنا ہے جبکہ مقامی صارفین کے لیے قیمتوں میں کمی کی امید پیدا ہوگئی ہے۔
مارکیٹ ذرائع کے مطابق عرب ممالک کو سپلائی بند ہونے سے مقامی منڈیوں میں گوشت کی مقدار بڑھ جائے گی جس کے باعث مٹن کی قیمت میں تقریباً 800 روپے اور بیف کی قیمت میں 500 روپے فی کلو تک کمی کا امکان ہے۔ واضح رہے کہ افغانستان کو گوشت کی فراہمی پہلے ہی بند ہو چکی ہے۔
دوسری جانب لاہور اور کراچی کے بعض ہول سیل ڈیلرز نے اس صورتحال سے فائدہ اٹھاتے ہوئے مقامی مارکیٹ میں قیمتیں بڑھانا شروع کر دی ہیں۔ انتظامیہ کی جانب سے مؤثر کارروائی نہ ہونے کے باعث قیمتیں قابو سے باہر ہوتی جا رہی ہیں۔
اس وقت اوپن مارکیٹ میں بکرے کا گوشت 2600 سے 3000 روپے فی کلو جبکہ گائے کا گوشت 1200 سے 1600 روپے فی کلو تک فروخت ہو رہا ہے۔ گوشت کے برآمد کنندگان کا کہنا ہے کہ راستوں کی بندش کے باعث تیار مال خراب ہونے کا خدشہ ہے جس سے تاجروں کے ساتھ ساتھ ملکی زرمبادلہ کو بھی نقصان پہنچ سکتا ہے۔ -
پیٹرولیم مصنوعات کی قیمتوں کیلئے کورونا دور کا فارمولا واپس لانے کی تجویز
اسلام آباد میں پیٹرولیم مصنوعات کی قیمتوں کے تعین کے لیے کورونا دور میں استعمال ہونے والا طریقہ کار دوبارہ نافذ کرنے کی تجویز زیرِ غور ہے۔
ذرائع کے مطابق مشرقِ وسطیٰ اور خطے میں بڑھتی ہوئی کشیدگی کے باعث پیٹرولیم مصنوعات کی سپلائی اور قیمتوں میں ممکنہ عدم استحکام سے بچنے کے لیے حکومت مختلف اقدامات پر غور کر رہی ہے۔
اطلاعات کے مطابق پیٹرول اور ڈیزل کی قیمتوں کا تعین اب ماہانہ یا پندرہ روزہ بنیادوں کے بجائے ہفتہ وار بنیادوں پر کرنے کی تجویز سامنے آئی ہے۔ اس اقدام کا مقصد ذخیرہ اندوزی کو روکنا اور مارکیٹ میں مصنوعی قلت پیدا ہونے سے بچانا ہے۔
ذرائع کا کہنا ہے کہ حکومت کو خدشہ ہے کہ قیمتوں میں ممکنہ بڑے اضافے کی خبروں کے بعد ڈیلرز تیل ذخیرہ کر سکتے ہیں جس سے مارکیٹ میں سپلائی متاثر ہو سکتی ہے۔
مشاورت کے دوران کورونا وبا کے دوران اپنائے گئے فارمولے کو دوبارہ نافذ کرنے پر بھی غور کیا جا رہا ہے تاکہ عالمی مارکیٹ میں ہونے والی تبدیلیوں کا اثر فوری طور پر مقامی قیمتوں میں منتقل کیا جا سکے۔
ذرائع کے مطابق اگر خطے میں کشیدگی برقرار رہی تو آنے والے دنوں میں پیٹرول کی قیمت میں تقریباً 20 روپے جبکہ ڈیزل کی قیمت میں 45 روپے فی لیٹر تک اضافے کا امکان ہے۔ -
ایران کا توانائی تنصیبات پر حملوں کا دائرہ وسیع ،اہم تیل پائپ لائن نشانہ
مشرقِ وسطیٰ میں جاری کشیدگی کے دوران ایران نے مبینہ طور پر توانائی کے بنیادی ڈھانچے کو نشانہ بنانے کی حکمت عملی تیز کر دی ہے، جس کے تحت قفقاز کے علاقے میں واقع اہم تیل پائپ لائن Baku‑Tbilisi‑Ceyhan pipeline کو ڈرون حملے کا نشانہ بنایا گیا ہے۔
یہ پائپ لائن آذربائیجان کے خام تیل کو Georgia کے راستے ترکی کی بحیرۂ روم کی بندرگاہ تک پہنچاتی ہے اور عالمی توانائی مارکیٹ میں انتہائی اہمیت رکھتی ہے۔ اس پائپ لائن کے ذریعے جانے والا تیل اسرائیل کی تیل کی ضروریات کا تقریباً 30 فیصد پورا کرتا ہے، جس کے باعث اس حملے کو خطے میں جاری جنگی کشیدگی کے تناظر میں ایک اہم اسٹریٹجک اقدام قرار دیا جا رہا ہے۔
تجزیہ کاروں کا کہنا ہے کہ ایران نے صرف آبنائے ہرمز تک محدود رہنے کے بجائے توانائی کی سپلائی لائنز کو مرحلہ وار نشانہ بنانے کی حکمت عملی اختیار کی ہے۔ اس حکمت عملی کے تحت خلیج فارس سے لے کر قفقاز اور پھر بحیرۂ روم تک ان راستوں کو متاثر کیا جا رہا ہے جن کے ذریعے ایران کے مخالف اتحاد کو توانائی فراہم ہوتی ہے۔ماہرین کے مطابق یہ محض جوابی کارروائی نہیں بلکہ ایک منظم معاشی دباؤ کی حکمت عملی ہے، جس کا مقصد ان ممالک کے لیے جنگ جاری رکھنے کی قیمت بڑھانا ہے جو ایران پر حملوں میں شامل رہے ہیں۔
توانائی مارکیٹ کے تجزیہ کار اور کمپنی FGE کے مشرقِ وسطیٰ کے منیجنگ ڈائریکٹر نے خبردار کیا ہے کہ اگر تیل کے پیداواری میدانوں اور پائپ لائنوں پر حملے جاری رہے تو عالمی منڈی میں تیل کی قیمتیں 90 سے 100 ڈالر فی بیرل تک پہنچ سکتی ہیں۔ان کے مطابق ابھی تک صورتحال اپنی انتہا تک نہیں پہنچی اور آئندہ دنوں میں مزید سنگین پیش رفت کا امکان موجود ہے۔تجزیہ کاروں کے مطابق ایران مستقبل میں خطے کی دیگر اہم توانائی تنصیبات کو بھی نشانہ بنا سکتا ہے،
-
سونے اور چاندی کی قیمتوں میں کمی
ملک میں سونے کی فی تولہ قیمت میں تیزی سے کمی کا سلسلہ جاری ہے۔
آل پاکستان جیمز اینڈ جیولرز ایسوسی ایشن کے مطابق سونے کی فی تولہ قیمت 2800 روپے کم ہوئی ہے جس کے بعد ملک میں ایک تولہ سونا 5لاکھ 37ہزار 162روپے کا ہوگیا ہے 10 گرام سونے کی قدر2 ہزار 401روپے گھٹ کر 4لاکھ 60ہزار 529روپے ہوگئی ہے،بین الاقوامی بلین مارکیٹ میں آج جمعرات کے روز فی اونس سونے کی قیمت 28ڈالر کی کمی سے 5ہزار 144ڈالر کی سطح پر آگئی ۔
مقامی مارکیٹ میں آج فی تولہ چاندی کی قیمت 194 روپے کی کمی سے 8ہزار 810 روپے کی سطح پر آگئی جب کہ فی 10 گرام چاندی کی قیمت بھی 166روپے کی کمی سے 7ہزار 553روپے کی سطح پر آگئی۔
بی ایل اے کا اہم کمانڈرافغانستان میں ہلاک
بھارت اور کینیڈا کے درمیان یورینیم فراہمی اور جوہری ٹیکنالوجی تعاون پر پاکستان کا تشویش کا اظہار
ایران کےخلاف جنگ :اسرائیلی معیشت کو ایک ہفتے میں 9 ارب شیکل سے زائد نقصان
-
بی ایل اے کا اہم کمانڈرافغانستان میں ہلاک
کالعدم تنظیم بلوچستان لبریشن آرمی(بی ایل اے) سے وابستہ ایک اہم کمانڈر افغانستان کے صوبہ قندھار میں ایک کارروائی کے دوران ہلاک ہو گیا ہے۔
سیکیورٹی حکام کے مطابق ہلاک ہونے والے کالعدم بی ایل اے کمانڈر کی شناخت نعیم کے نام سے ہوئی ہے جو ’ڈاکٹر‘ کے نام سے بھی جانا جاتا تھا اور اسے تنظیم کے اہم ترین کمانڈروں میں شمار کیا جاتا تھا اور وہ بلوچ یکجہتی کمیٹی کے رکن ماہ رنگ بلوچ کا قریبی رشتہ بھی ہے۔ تاہم اس حوالے سے مذکورہ کارکن یا ان کے نمائندوں کی جانب سے فوری طور پر کوئی ردعمل سامنے نہیں آیا۔
نعیم عرف ڈاکٹر طویل عرصے سے دہشتگردی کی سرگرمیوں میں ملوث تھا اور تنظیم کے عسکری نیٹ ورک میں ایک اہم کردار ادا کر رہا تھاوہ تنظیم کے ایک فعال دھڑے کالعدم ’مجید بریگیڈ‘ سے بھی وابستہ رہا ہے جو حالیہ برسوں میں کئی دہشتگردانہ حملوں کی ذمہ داری قبول کرتا رہا ہے۔
ہواوے مصنوعات استعمال کرنے والوں کے لیےسیکیورٹی الرٹ جاری
حکام کے مطابق یہ بریگیڈ تنظیم کے سب سے زیادہ فعال اور خطرناک آپریشنل ونگز میں شمار کی جاتی ہے اس یونٹ کو اکثر خودکش حملوں، دھماکوں اور سیکیورٹی فورسز سمیت اہم سرکاری اور اسٹریٹجک تنصیبات کو نشانہ بنانے والی کارروائیوں سے منسلک کیا جاتا رہا ہے۔
سیکیورٹی ذرائع کا کہنا ہے کہ نعیم عرف ڈاکٹر کو تنظیم کے اندر ایک اہم کمانڈر کی حیثیت حاصل تھی اور وہ مختلف حملوں کی منصوبہ بندی اور نیٹ ورک کی سرگرمیوں میں مرکزی کردار ادا کرتا رہا ہے وہ اس وقت ہلاک ہوا جب افغانستان کے صوبہ قندھار میں دہشتگردوں کے ٹھکانوں کو نشانہ بناتے ہوئے ایک کارروائی کی گئی، تاہم حکام کی جانب سے اس آپریشن کی مزید تفصیلات فوری طور پر جاری نہیں کی گئیں-
ہم افغان طالبان کے ساتھ تعمیری انگیجمنٹ چاہتے ہیں،پاکستان
دوسری جانب حکام کا کہنا ہے کہ کالعدم تنظیم سے وابستہ نیٹ ورکس کی نگرانی اور ان کے خلاف کارروائیاں بدستور جاری ہیں ملک میں امن و استحکام کو نقصان پہنچانے والے عناصر کے خلاف کارروائیوں کا سلسلہ جاری رکھا جائے گا اور ایسے نیٹ ورکس کو ختم کرنے کے لیے تمام ضروری اقدامات کیے جا رہے ہیں انہوں نے اس عزم کا اظہار کیا کہ ملک کی سلامتی کو درپیش خطرات سے نمٹنے کیلئے سیکیورٹی ادارے ہر ممکن اقدامات جاری رکھیں گے۔
-
ہواوے مصنوعات استعمال کرنے والوں کے لیےسیکیورٹی الرٹ جاری
سعودی قومی سائبر سیکیورٹی اتھارٹی کے تحت قائم قومی رہنمائی مرکز برائے سائبر سیکیورٹی نے ہواوے مصنوعات استعمال کرنے والوں کے لیے انتہائی سنگین نوعیت کا سیکیورٹی الرٹ جاری کردیا۔
مرکز برائے سائبر سیکیورٹی نے صارفین کو فوری طور پر اپنے آلات کو تازہ ترین سیکیورٹی اپڈیٹ پر منتقل کرنے کی ہدایت کی ہے تاکہ پرانے ورژنز میں موجود ممکنہ سائبر خطرات اور کمزوریوں سے بچا جا سکے، ہواوے نے ان خامیوں کے تدارک سے متعلق تفصیلی وضاحت اپنی سرکاری ویب سائٹ پر جاری کر دی ہے جبکہ صار فین پر زور دیا گیا ہے کہ وہ فوری سیکیورٹی اپڈیٹس نصب کریں تاکہ نظام، ڈیٹا اور ذاتی معلومات کا تحفظ یقینی بنایا جا سکے۔
بھارت اور کینیڈا کے درمیان یورینیم فراہمی اور جوہری ٹیکنالوجی تعاون پر پاکستان کا تشویش کا اظہار
ایران کےخلاف جنگ :اسرائیلی معیشت کو ایک ہفتے میں 9 ارب شیکل سے زائد نقصان
-
بھارت اور کینیڈا کے درمیان یورینیم فراہمی اور جوہری ٹیکنالوجی تعاون پر پاکستان کا تشویش کا اظہار
وزارت خارجہ کے ترجمان نے بھارت اور کینیڈا کے درمیان یورینیم کی طویل المدتی فراہمی کے معاہدے اور جوہری ری ایکٹروں کی جدید ٹیکنالوجی میں ممکنہ تعاون پر تشویش کا اظہار کیا ہے۔
ترجمان کے مطابق یہ انتظام سول جوہری شعبے میں ایک ملک کے لیے متعصبانہ استثنیٰ کی مثال ہے بھارت نے 1974 میں جوہری تجربہ اس پلوٹونیم سے کیا تھا جو کینیڈا نے پرامن مقاصد کے لیے فراہم کیا تھا، اور یہ تجربہ جوہری فراہم کنندگان کے گروپ کے قیام کا سبب بنا تھا اب وہی ریاست تر جیحی رسائی حاصل کر رہی ہے۔
وزارت خارجہ نے بتایا کہ بھارت نے اپنی تمام سول جوہری تنصیبات کو بین الاقوامی جوہری توانائی ایجنسی کے حفاظتی نظام کے تحت نہیں رکھا اور نہ ہی ایسا کرنے کا پابند عہد کیا ہے، متعدد تنصیبات اب بھی بین الاقوامی معائنہ کے دائرۂ کار سے باہر ہیں ساتھ ہی یہ بھی واضح نہیں کہ اس معاہدے کے ساتھ جوہری عدم پھیلاؤ کی کوئی ضمانت منسلک ہے یا نہیں۔
اکاؤنٹ آفس قصور میں لوگوں کو سخت ترین مشکلات کا سامنا ،نوٹس کی اپیل
ترجمان نے کہا کہ اس انتظام کے تزویراتی مضمرات بھی تشویش ناک ہیں، کیونکہ بیرونی ذرائع سے یورینیم کی دستیابی بھارت کے داخلی ذخائر کو عسکری مقاصد کے لیے دستیاب بنا سکتی ہے، جس کے نتیجے میں قابل انشطار مواد میں اضافہ، جوہری ہتھیاروں کے ذخائر میں تیزی سے توسیع، اور جنوبی ایشیا میں پہلے سے موجود تزویراتی عدم توازن میں مزید اضافہ ہو سکتا ہے۔
ہم افغان طالبان کے ساتھ تعمیری انگیجمنٹ چاہتے ہیں،پاکستان
پاکستان نے دوہرایا کہ سول جوہری تعاون کو غیر امتیازی اور معیاری طریقہ کار کے تحت ہونا چاہیے، جو ان تمام ریاستوں پر یکساں طور پر نافذ ہو جو جوہری عدم پھیلاؤ کے معاہدے کی فریق نہیں ہیں،متعصبانہ استثنائی انتظامات عالمی عدم پھیلاؤ کے نظام کی ساکھ کو مجروح کرتے ہیں اور خطے میں مزید عدم استحکام کا خطرہ پیدا کر سکتے ہیں۔
آذربائیجان کے نخچیوان ائیرپورٹ پر ایرانی ڈرون حملہ، 2 افراد زخمی
-
اکاؤنٹ آفس قصور میں لوگوں کو سخت ترین مشکلات کا سامنا ،نوٹس کی اپیل
ایڈیٹر اکاؤنٹ آفس قصور غلام مصطفیٰ کے رویے اور غیر قانونی طرزِ عمل سے عوام پریشان
ایڈیٹر صاحب سائلین کے جائز کام بھی بلاوجہ تاخیر کا شکار کرتے ہیں اور دفتر آنے والے افراد کو بار بار چکر لگواتے ہیں نیز کام نمٹانے سے گریز کرتے ہیں
موصوف کی جانب سے سرکاری اوقات کار کے دوران غیر سنجیدہ رویہ اختیار کیا جاتا ہے جس سے عوام کو شدید پریشانی کا سامنا ہے ایڈیٹر صاحب نے مختلف کاموں کے مختلف ریٹ مقرر کر رکھے ہیں
انہوں نے ایڈیٹر کی سیٹ کو کمائی کا ناجائز ذریع بنایا ہوا ہے
اس کے علاوہ
فائلوں کو بلاوجہ روک کر رکھنا اور دانستہ طور پر تاخیر کرنا،سرکاری قواعد و ضوابط کے مطابق رہنمائی فراہم نہ کرنا،فون کالز اور تحریری درخواستوں کا جواب نہ دینا
دفتر کے اوقات میں غیر حاضری, یا غیر ضروری تاخیر سے آنا ان کا معمول ہے
شہریوں نے اربابِ اختیار سے نوٹس کی اپیل کی ہے -
ایران کےخلاف جنگ :اسرائیلی معیشت کو ایک ہفتے میں 9 ارب شیکل سے زائد نقصان
ایران پر امریکا و اسرائیل کے حملے اور جنگ کے اثرات اسرائیلی معیشت پر بھی پڑنےلگے ہیں۔
اسرائیلی وزارت خزانہ کے مطابق ایران کےخلاف جنگ میں اسرائیل کی معیشت کو پہنچنے والا نقصان ایک ہفتے میں 9 ارب شیکل (تقریباً 3 ارب ڈالر) سے زیادہ ہو سکتا ہے کم پابندیوں والی صورتحال میں بھی اسرائیلی معیشت کو 4.3ارب شیکل نقصان فی ہفتہ ہوسکتاہے۔
دوسری جانب جنگ کے باعث اسرائیل میں اسکول بند ہیں، اجتماعات پر پابندی ہے جب کہ افرادی قوت کی سرگرمیاں ممنوع ہیں اور زیادہ تر ملازمین گھر سے کام کر رہے ہیں۔
ہم افغان طالبان کے ساتھ تعمیری انگیجمنٹ چاہتے ہیں،پاکستان
دوسری جانب ایران کے حملوں کے پہلے 4 دنوں میں امریکی فوجی اثاثوں کو قریباً 2 ارب ڈالر کا نقصان پہنچا ہے، جس میں سیٹلائٹ کمیونیکیشن ٹرمینلز، F-15E اسٹرائیک ایگل طیارے اور ریڈار سسٹمز شامل ہیں۔
میڈیا رپورٹس کے مطابق اہم نقصانات میں شامل ہیں:
AN/FPS-132 ایرلی وارننگ ریڈار، القاعدہ ایئر بیس، قطر: $1.1 بلین
تین F-15E سٹرائیک ایگل کو کویتی فضائی دفاع کی دوستانہ فائر میں نقصان: $282 ملین
2 سیٹلائٹ کمیونیکیشن ٹرمینلز AN/GSC-52Bs، بحرین: $20 ملین
AN/TPY-2 THAAD ریڈار، متحدہ عرب امارات: $500 ملینآذربائیجان کے نخچیوان ائیرپورٹ پر ایرانی ڈرون حملہ، 2 افراد زخمی
ایران نے کم از کم 7 امریکی فوجی مقامات کو نشانہ بنایا، جن میں شامل ہیں: بحرین میں 5ویں بیڑے کا ہیڈکوارٹر، کویت کے کیمپ عریفجان اور کیمپ بیورنگ، عراق میں اربیل بیس، دبئی میں جبل علی پورٹ، اور قطر کا القاعدہ ایئر بیس۔
سعودی عرب، کویت اور متحدہ عرب امارات میں امریکی سفارت خانے بھی حملوں کی زد میں آئے سعودی عرب میں ریاض میں امریکی سفارتخانہ پر 2 ڈرون حملے، کویت سٹی میں امریکی سفارتخانہ پر ڈرون اور میزائل حملے، دبئی میں امریکی قونصل خانہ پر ڈرون سے آگ لگی، تاہم فوری قابو پایا گیا۔