Category: پنجاب

سیکرٹری ہاﺅسنگ جنوبی پنجاب لیاقت علی چٹھہ کا تونسہ کا اچانک دورہ 15 جاری ترقیاتی سکیموں کا جائزہ لیا ہے، ترقیاتی کاموں میں تاخیر پر برہمی کا اظہار کرتے ہوئے سب انجینئر مظہر کو معطل کر دیا ہے، اس کے ساتھ ساتھ فرائض سے غفلت برتنے پر ایکسئین لیتے ہوئے خالد گجر اور ایس ڈی او خالد لغاری کو بھی غیر تسلی بخش کارکردگی پر شوکاز نوٹس جاری کر دیا ہے، 30 ستمبر تک مکمل کرنے کے احکامات جاری کر دیئے ہیں.

اُنھوں نے منگرٹھہ ، شرقی ، غربی اور دیگر علاقوں کے دورہ کے موقع پر کہا کہ ترقیاتی کاموں کے معیار پر کوئی رعائیت نہیں برتی جائے گی، ٹف ٹائلز، سیوریج اور صاف پانی کی سکیموں پر رواں مالی سال میں جلد از جلد ٹینڈرز لگانے کے احکامات جاری کر دیئے ہیں، فرائض سے غفلت برداشت نہیں کی جائے گی، تمام آفیسران فیلڈ وزٹس کو یقینی بنائیں، جنوبی پنجاب کے عوام کو بنیادی سہولیات کی فراہمی اولین ترجیحات میں شامل ہیں جس پر دن رات محنت کر رہے ہیں، تونسہ میں بیوٹیفکیشن ، سیوریج، ٹف ٹائلز، سٹریٹس لائیٹس اور پارکوں پر ترقیاتی کام تیزی سے جاری ہے اور ان کو جلد از جلد مکمل کرنے کی کوشش کریں گے.

ڈسٹر کٹ ایڈوا ئزری و ڈسٹرکٹ ٹاسک فورس کے اجلاس کی صدارت کر تے ہو ئے ایڈیشنل ڈپٹی کمشنرمحمد حنیف نے کہا ہے کہ شعبہ زراعت کو مضبو ط اور مستحکم بنانے کے لیے کا شتکا روں کے ہا تھ مضبو ط کرنا ہو ں گے، کیونکہ شعبہ زراعت ملکی معیشت میں ریڑھ کی ہڈی کی مانند ہے، شعبہ زراعت کی ترقی میں کا شتکا روں کے کردار کو فراموش نہیں کیا جاسکتا ہے، اس سلسلہ میں پنجاب حکومت کا شتکاروں کے ہاتھ مضبوط کرنے کے لیے عملی اقدامات کررہی ہے.

اجلاس میں ڈپٹی ڈا ئریکٹر زراعت (توسیع) چوہدری محمد عارف، اسسٹنٹ ڈا ئریکٹر تنویراحمد تتلہ، احسان الحق پنوں، ڈپٹی ڈائریکٹراصلاح آبپاشی محمد اکرم چوہدری، ایڈیشنل ڈائریکٹرلائیوسٹاک ڈاکٹرمحمد عرفان، اے ڈی فشریز محمد نواز، اے ایف سی حاجی محمد سرفراز، پرا سیکیو ٹر تحمینہ کوثر، کھا د ڈیلرزاور نمائندہ کا شتکاران نے اجلاس میں شرکت کی ہے، اجلاس میں ڈسٹرکٹ ایڈ وا ئرزی اور ڈسٹرکٹ ٹاسک فورس کے حوا لے سے محکمہ زراعت کی طرف سے کی جانے والی کاروائیوں اورکا شتکاروں کے مسائل کے حوالے سے ڈپٹی ڈا ئریکٹر زراعت (توسیع) نے اے ڈی سی جی محمد حنیف کو بتایا کہ محکمہ زراعت ضلع بھرمیں جعلی کھاد اور ادویات خرید و فروخت اور کسانو ں کو درپیش مسائل کے لیے اپنے تما م وسا ئل بروئے کارلا رہا ہے شعبہ زراعت کے فروغ اور زیا دہ سے زیا دہ آگاہی فراہم کرنے کے لیے کا شتکا روں میں فارمر ڈے کا انعقاد کیا جارہا ہے، اجلاس میں محکمہ اصلا ح آبپا شی، فشریزاورلائیو سٹا ک کے افسران نے اے ڈی سی جی کو بھی بریفنگ دی ہے.

محمد عارف راشد باغی ٹی وی نارووال

ڈسٹرکٹ اینڈ سیشن جج صادق مسعود صابرنے مجسٹریٹ درجہ اول نوید احمد گھمن کے ہمراہ ڈسٹرکٹ جیل کا دورہ کیا ہے، ڈسٹرکٹ جیل نارووال میں موجود تمام بیرکس خصوصاَ کچن، ڈسپنسری، پی سی او روم، خواتین وارڈ اور بچوں کے وارڈ کا بھی تفصیلی معائنہ کیا ہے، وہاں پر قیدیوں کو دی جانے والی تمام سہولیات کا بھی جائزہ لیا گیا ہے.

ڈسٹرکٹ اینڈ سیشن جج نےسپرنٹنڈنٹ جیل نارووال کومہلک وبا کورونا وائرس کی تیسری لہر سے بچنے کے لیے گورنمنٹ کی جاری کردہ ہدایات پر سختی سے عمل در آمد کرنے کی تاکید کی ہے، جس پرسپرنٹنڈنٹ ڈسٹرکٹ جیل نے یقین دہانی کروائی کہ ڈسٹرکٹ جیل میں گورنمنٹ کی جاری کردہ ہدایات پر سختی سے عمل درآمد کروایا جا رہا ہے، ڈسٹرکٹ جیل میں مختلف اقسام کے پودے لگائے جائیں کیونکہ درخت لگانا صدقہ جاریہ بھی ہے اور درخت ماحول کو خوشگوار کرنے میں بھی مددگار ثابت ہوتے ہیں، ڈسپنسری میں موجود ڈاکٹر کو ہدایت کی کہ وہ جیل میں موجود بیمار قیدیوں خصوصاَ عمر رسیدہ قیدیوں کا خصوصی معائنہ کیا کریں اور اُن کو ہرممکن طبی سہولت فراہم کریں، جیل حکام کی موجودگی میں وہاں پر موجود قیدیوں کی شکایات سنی اورانکے حل کے لیے سپرنٹنڈنٹ ڈسٹرکٹ جیل نارووال و متعلقہ کورٹس کو احکامات صادر کیے ہیں.

ڈسٹرکٹ اینڈ سیشن جج نے اس موقع پر معمولی نوعیت کے مقدمہ میں ملوث ایک ملزمہ کو ذاتی مچلکہ پر رہا کرنے کا بھی حکم صادرکیا ہے، جیل انتظامیہ کی طرف سے قیدیوں کو دی جانے والی طبی سہولیات اورکھانے کے انتظامات اور جیل کی صفائی پر اظہار اطمینان کرتے ہوئے سپرنٹنڈنٹ ڈسٹرکٹ جیل نارووال کو مزید بہتر ی کے لئے کوششیں جاری رکھنے کی ہدایت کی ہے.

محمد عارف راشد باغی ٹی وی نارووال

ڈپٹی کمشنر نبیلہ عرفان نے گورنمنٹ گرلزہائی سکول بہبل والی اور گورنمنٹ غلام فاطمہ گرلزہائی سکول کا دورہ کیا ہے، سکولز انتظامیہ کی طرف سے کیے جانے والے کرونا ایس او پیزودیگر اقدامات کا جائزہ لیا ہے، ایک ماہ کی تعطیلات کے بعد کھلنے والے سکولزمیں آنے والے بچوں کا استقبال کرتے ہوئے بچیوں کو ویلکم کیا ہے، بچے ڈپئی کمشنر نارووال کو اپنے درمیان پا کر بہت خوش ہوئے، ان کی طرف سے اظہار مسرت، ڈپٹی کمشنر نارووال کی موجودگی میں سکول آنے والی بچیوں کا ٹمپریچرچیک کیا گیا اور ڈپٹی کمشنر نارووال نے اس موقع پرطالبات میں فیس ماسک بھی تقسیم کیے.

سی ای اوایجوکیشن میاں محمد جمیل، ڈپٹی ڈی او(زنانہ) صدف طاہرہ، اے ای او فضا ثناء اللہ خاں، سینئر ہیڈ مسٹریس راحیلہ ارشاد اورطاہرہ جاوید اس موقع پر موجود تھیں.

ڈپٹی کشنر نبیلہ عرفان نے اس موقع پر محکمہ تعلیم کے افسران کو ہدایت کی کہ تمام سکولوں میں کرونا ایس او پیز پر عمل درآمد کو ہرصورت یقینی بنائیں، اس سلسلہ میں سکولز انتظامیہ کی طرف سے زراسی کوتاہی بھی برداشت نہیں کی جائے گی، بچے کل کا روشن مستقبل اورقیمتی آثاثہ ہیں، ان کی زندگیوں کو کسی صورت خطرے میں نہیں ڈالا جاسکتا، حکومت اس وائرس کوکنٹرول کرنے کرنے کے اپنے تمام وسائل بروئے کارلارہی ہے، کرونا ایس او پیز پر عمل درآمد بھی اسی سلسلہ کی کڑی ہے، صحت مند معاشرے کی تشکیل کے لیے حکومتی سطح پر کی جانے والی کوششوں کو ہم سب نے مل کامیاب بنانا ہے۔

محمد عارف راشد باغی ٹی وی نارووال

ڈپٹی کمشنرنبیلہ عرفان کی زیرنگرانی ضلع بھرمیں ناقص، غیر معیاری، ملاوٹ شدہ اشیائے کی فروخت اور اوور چارجنگ کے حوالے سے مہم کامیابی سے جاری ہے، اس حوالے سےماہ جولائی کے دوران شہری و دیہی علاقوں میں مجموعی طور پر23528 دوکانوں کی انسپکیشنز کی گئی ہے، جن میں889 دوکاندار خلاف ورزی کے مرتکب پائے گئے، 23 دوکانداروں کے خلاف مقدمات درج کرائے گئے ہیں، جبکہ مجموعی طورپر1314600 روپےجرمانہ کیا گیا ہے.

ڈسٹرکٹ آفیسر انڈسٹریز نے اس حوالے سے بتایا کہ چیف سیکرٹری پنجاب کی واضح ہدایت پر پرائسز مجسٹریٹس کی طرف سے روزانہ کی بنیاد پرکاروائی کے تسلسل کوجاری رکھا جارہاہے اور ڈپٹی کمشنر نارووال مہم کی کڑی نگرانی کررہی ہیں۔

ڈپٹی کمشنرنبیلہ عرفان نے تمام مجسٹریٹس کو سختی سے ہدایت کی کہا ہے کہ وہ عوام کوزیادہ سے زیادہ ریلیف فراہم کرنے کے لیے اپنی تمام تر توانائیاں صرف کریں، معیاری صاف ستھری اور ملاوٹ سے پاک اشیاء کی ترسیل کو بلا تعطل یقینی بنایا جائے، پیاز لہسن اور ٹماٹر کی قیمتوں پر کڑی نظر رکھی جائے، مارکیٹ کمیٹی کے حکام اپنا موئثر کردار کریں، شہریوں کو بنیادی اشیاء کی سستے داموں فراہمی انتظامیہ کی ذمہ داری ہے، افسران ذمہ داریاں احسن انداز سے پوری کریں، کسی بھی شخص کو ناجائز منافع خوری کی اجازت نہ دی جائے۔

کمیٹی روم پرائس مجسٹریٹس کے ہنگامی اجلاس کی صدارت کرتے ہوئے کہا، اے ڈی سی آر عائشہ غضنفر، اسسٹنٹ کمشنرز عرفان مارٹن، عثمان اکرم، ڈی او انڈسٹریز ذیشان نیاز، ایس این اے علی شیر کے علاوہ دیگر پرائس مجسٹریٹس نے اجلاس میں شرکت کی ہے، پرائس میکنیزیم پرعمل درآمد ہرصورت یقینی بنایا جائے.

اجلاس میں ڈپٹی کمشنر نارووال نے چیف سیکرٹری پنجاب کی طرف سے پرائسز کے حوالے سے جاری احکامات کی روشنی میں عوام کو زیادہ سے زیادہ ریلیف کی فراہمی کو یقینی بنانے اور اس کے طریقہ کار کے سلسلہ میں ہدایات جاری کیں، انہوں نے ہدایت کی کہ پرائس کنٹرول ایکٹ کی خلاف ورزی کے مرتکب افراد کےخلاف مقدمات کا اندراج کروا کرموقع پر گرفتار کروایا جائے۔

عارف راشد باغی ٹی وی نارووال