Category: پنجاب

چودھری شجاعت حسین کی عیادت کیلئے مولانا فضل الرحمن، اسد قیصر کے فون، جہانگیر ترین، فیصل سبزواری کی بھی آمد
چودھری پرویزالٰہی، وجاہت حسین، مونس الٰہی، سالک حسین، شافع حسین، حسین الٰہی سے آنے والوں کا نیک خواہشات کا اظہار، قاری حنیف جالندھری نے خصوصی دعا کروائی
آنے اور ٹیلیفون کرنے والوں میں راجہ پرویزاشرف، ڈاکٹر بابر اعوان، طارق بشیر چیمہ، راجہ بشارت، ڈاکٹر یاسمین راشد بھی شامل ہیں

تفصیلات کے مطابق پاکستان مسلم لیگ کے صدر و سابق وزیر اعظم چودھری شجاعت حسین کی سروسز ہسپتال میں عیادت کیلئے مختلف سیاسی جماعتوں کے اہم رہنماؤں اور سماجی شخصیات کی آمد کا سلسلہ جاری ہے جبکہ متعدد سیاسی رہنماؤں نے ٹیلیفون پر ان کی عیادت کی جن میں جے یو آئی و پی ڈی ایم کے سربراہ مولانا فضل الرحمن، سپیکر قومی اسمبلی اسد قیصر، سابق وزیراعظم راجہ پرویزاشرف، وزیراعظم کے معاون خصوصی ڈاکٹر بابر اعوان شامل ہیں۔ ہسپتال آنے والی شخصیات نے وہاں موجود سپیکر پنجاب اسمبلی چودھری پرویزالٰہی، چودھری وجاہت حسین، مونس الٰہی، چودھری شافع حسین، چودھری سالک حسین اور حسین الٰہی سے چودھری شجاعت حسین کی صحت کے بارے میں دریافت کیا اور ان کی جلد صحت یابی کیلئے نیک تمناؤں کا اظہار کیا۔

وفاق المدارس العربیہ پاکستان کے سیکرٹری جنرل قاری حنیف جالندھری نے خصوصی دعا کروائی۔ ہسپتال آنے والوں میں جہانگیر خان ترین، ان کے صاحبزادے علی ترین، وفاقی وزیر ہاؤسنگ طارق بشیر چیمہ، ایم کیو ایم پاکستان کے فیصل سبزواری، اسحاق خان خاکوانی، صوبائی وزراء محمد بشارت راجہ اور ڈاکٹر یاسمین راشد شامل ہیں۔ ڈاکٹر یاسمین راشد نے میڈیا کو بتایا کہ چودھری شجاعت حسین کی صحت ماشاء اللہ بہتر ہو رہی ہے، ان کے علاج معالجہ پر مامور بہترین ڈاکٹروں کی ٹیم تن دہی سے کام کر رہی ہے۔

ایل ڈی اے کے زیر اہتمام گستاخانہ خاکوں کے خلاف احتجاجی ریلی۔ریلی کا انعقاد ” ہفتہ عشق رسولﷺ“کے سلسلے میں کیا گیا۔گستاخانہ خاکوں کے خلاف ریلی کی قیادت وائس چیئرمین ایس ایم عمران نے کی۔ڈائریکٹر جنرل احمد عزیز تارڑ بھی گستاخانہ خاکوں کے خلاف احتجاجی ریلی میں شریک۔

گورننگ باڈی کے ممبر انجینئر عامر ریاض قریشی،ریلی میں ایڈیشنل ڈائریکٹر جنرلز فارقلیط میر،راناٹکاخان اور قدیر احمد باجوہ،چیف انجینئر ٹیپا عبد الرزاق چوہان ،چیف میٹروپولیٹن پلانر سید ندیم اختر زیدی،چیف ٹاﺅن پلانر طارق محمود کی شرکت۔ ریلی میںایل ڈی اے افسران او رملازمین کی کثیر تعداد شریک ہوئی ۔گستاخانہ خاکوں کے خلاف احتجاجی ریلی ایل ڈی اے آفس جوہرٹاﺅن سے cشروع ہوئی اور ،شادے وال چوک ۔۔پر اختتام پذیر ہوئی۔

وائس چیئرمین ایس ایم عمران نے کہا انبی کریم کی ناموس سے زیادہ مسلمانوں کوکوئی چیز عزیز نہیں ہے۔ آزادی اظہار رائے کی آڑ میں بین الاقوامی سطح پرنبی کریم کی توہین کا سلسلہ بند کیاجائے۔مسلم ممالک گستاخانہ خاکوں کی روک تھام کے لئے مشترکہ کوششیں کریں۔

ڈائریکٹر جنرل احمد عزیز تارڑ نے کہا کہ مسلمان کسی بھی صورت میں حضرت محمد کی شان میں گستاخی برداشت نہیں کر سکتے۔اللہ کے نبیﷺسے محبت ہمارا ایمان ہے،ہر مسلمان اس محبت کو جان و دل سے مقدم جانتا ہے ۔

ریلی کے شرکاءنے مختلف بینرز اٹھا رکھے ہیں جن پر فرانسیسی صدراور گستاخانہ خاکے بنانے والوں کے خلاف نعرے درج ہیں۔یورپی ممالک نبی اکرمﷺ کی شان میںگستاخی کاسلسلہ بند کریں ۔ ریلی کے شرکاءکے نعرے،مقررہن نے کہا کہمسلمان جان تو قربان کر سکتا ہے لیکن پیارے نبی ﷺ کی شان اقدس میں گستاخی ہرگز برداشت نہیں کر سکتا

پنجاب پولیس میں تقرر و تبادلے،نوٹیفیکیشن جاری کر دیا گیا تفصیلات کے مطابق ڈی پی او رحیم یار خان منتظر مہدی کو ایس پی موٹر ٹرانسپورٹ لاہور تعینات کردیا گیا ۔ایس پی موٹر ٹرانسپورٹ لاہور اسد سرفراز خان کو ڈی پی او رحیم یار خان تعینات کر دیا گیا ۔ڈی پی او ناروال ذولفقار احمد کو ڈی پی او سرگودھا تعینات کر دیا گیا ۔

ڈی پی او سرگودھا فیصل گلزار کو ڈی پی او راجن پور تعینات کر دیا گیا ، ڈی پی او راجن پور احسن سیف اللہ کو ایس ایس پی آپریشنز لاہور تعینات کردیا گیا ۔کیپٹن ر واحد محمود کو ڈی پی او نارووال تعینات کر دیا گیا ۔

ڈی پی او بھکر کیپٹن ر محمد علی کو ایڈیشنل آئی جی ڈویلپمنٹ پنجاب تعینات کر دیا گیا،ایڈیشنل آئی جی ڈویلپمنٹ پنجاب رانا طاہر رحمان خان کو ڈی پی او بھکر تعینات کر دیا گیا ۔سید عمران کرامت کو ایڈیشنل آئی جی ڈسپلن پنجاب تعینات کر دیا گیا ۔

آفتاب احمد کو ایس پی سروے سپشل برانچ پنجاب تعینات کر دیا گیا ،پی ایس ٹو آئی جی پنجاب حسن مشتاق سکیھرا کو ڈی پی او بہاولنگر تعینات کر دیا گیا ۔ڈی پی او بہاولنگر محمد شعیب اشرف کو پی ایس ٹو آئی جی پنجاب تعینات کر دیا گیا ۔

ایس پی سیکورٹی وزیر اعلی عبداللہ لک کو ایس پی انویسٹیگیشن اوکاڑہ تعینات کر دیا گیا ۔ایس پی انویسٹیگیشن اوکاڑہ شمس الحق کو ایڈیشنل ایس پی انویسٹیگیشن سول لائن لاہور تعینات کردیا گیا ۔

وزیر جیل خانہ جات پنجاب فیاض الحسن چوہان کی زیر صدارت جیل ریفارمز کے حوالے سے اعلٰی سطحی اجلاس, محکمہ جیل خانہ جات کے آئی جی مرزا شاہد سلیم، سپیشل سیکرٹری سلمان غنی، ایڈیشنل سیکرٹری ذیشان شبیر رانا نے شرکت کی ڈپٹی سیکرٹری(پرزنز) نائلہ طیب، ڈائریکٹر پیرول شکیل احمد اور متعلقہ سیکشن افسران کی نے بھی شرکت کی

اجلاس میں وزیر جیل خانہ جات کو قیدیوں کی بہتری اور جیل اصلاحات پر تفصیلی بریفنگ دی گئی۔فیاض الحسن چوہان نے اسیران کی فلاح و بہبود کے لیے مجوزہ قوانین میں ترامیم کے حوالے سے سفارشات طلب کر لیں۔فیاض الحسن چوہان نے اپنے بیان میں کہا کہ پیرول قوانین کو زیادہ سے زیادہ قیدیوں کے لیے کارآمد بنانے کے حوالے سے کام کا آغاز کر دیا گیا ہے۔

محکمہ جیل خانہ جات کو "نفرت انسان سے نہیں جرم سے ہے” کے اصول پر آگے لے کر چلیں گے,انسانیت اور اسلام کے اصولوں کے مطابق قیدیوں کو معاشرے کے کارآمد رکن بنانے پر کام کریں گے۔ کسی بھی جیل میں قیدیوں کے ساتھ غیر انسانی سلوک پر سخت کاروائی کی جائے گی۔

وزیر اعظم عمران خان کے جذبہ انسانی ہمدردی کے تحت قیدیوں اور ان کے خاندانوں کی ویلفیئر پر خصوصی توجہ دی جائے گی۔

رہنما تحریک انصاف و مشیر سمندر پار پاکستانی زلفی بخاری کی سروسز ہسپتال آمد۔ تفصیلات کے مطابق ،زلفی بخاری نےا سپیکر پنجاب اسمبلی چوہدری پرویز الٰہی سے ملاقات کی ۔ملاقات میں زلفی بخاری نے چودھری شجاعت حسین کی عیادت کی اور جلد صحتیابی کیلیے دعا کی ۔ اس موقع پر مونس الہی ۔ چودھری سالک حسین ۔ چودھری شافع حسین ۔ وجاہت حسین سمیت دیگر بھی موجود تھے،

لاہور : معاون خصوصی وزیراعظم زلفی بخاری کی لاہور میں سروسز ہسپتال میں چوہدری شجاعت صاحب کی عیادت کے لیے آمد@sayedzbukhari @PTIofficial pic.twitter.com/c4JUfmRXIW

— Ministry of Overseas Pakistanis & HRD (@mophrd) November 6, 2020

چوہدری شجاعت حسین طبیعت کی ناسازی کے باعث سروسز ہسپتال میں زیر علاج ہیں انہیں آج ہی ہسپتال داخل کیا گیا ہے ،آج صبح وزیر اعلی پنجاب عثمان بزدار اور وزیر صحت ڈاکٹر یاسمین راشد نے بھی سروسز اسپتال کا دودہ کیا اور چوہدری شجاعت حسین کی خیریت دریافت کی ،

چوہدری شجاعت حسین مسلم لیگ ق کے سینئر رہنما اور سیاستدان ہیں، اپنے دور سیاست میں انہوں نے بے پناہ ترقیاتی کام کروائے ،پنجاب میں ان کا ایک خاص مقام ہے جس کی وجہ سے حلقہ سیاست میں بھی وہ الگ درجہ رکھتے ہیں ،عوامی حلقوں میں بھی ان کی صحتیابی کیلیے خصوصی دعائیں کی جا رہی ہیں

تازہ اطلاعات کے مطابق وزیر اطلاعات پنجاب فیاض الحسن چوہان کو عہدے سے ہٹا دیا گیا
ڈاکٹر فردوس عاشق اعوان کو وزیراعلیٰ پنجاب سردار عثمان بزدار کی معاون خصوصی برائے اطلاعات تعینات
واضح رہے کہ فیاض الحسن چوہان کو دوسری بار عہدے سے ہٹایا گیا ہے
فردوس عاشق اعوان سپیشل اسٹنٹ برائے انفارمیشن وزیر اعلیٰ پنجاب تعینات
فیاض الحسن چوہان کے پاس وزارت کالونیز کا قلمدان رہے گا

راجن پور: (باغی ٹی وی ) سی ٹی ڈی اور حساس اداروں نے راجن پور کے قریب بڑی کارروائی کرتے ہوئے کالعدم تنظیم القاعدہ کے پانچ دہشتگردوں کو گرفتار کر لیا
باغی ٹی وی ذرائع کے مطابق کالعدم تنظیم کے ارکان کیخلاف یہ کارروائی خفیہ اطلاعات پر کی گئی۔ کارروائی کے دوران کالعدم تنظیم کے کچھ رکن فرار ہونے میں کامیاب ہو گئے جن کی تلاش کا عمل تیز کر دیا گیا ہے۔ کارروائی کے دوران اسلحہ اور بارود بھی برآمد ہوا ہے۔

انٹیلی جنس ذرائع کے مطابق دہشتگردوں کے قبضے سے کلاشنکوف، ہینڈ گرنیڈ، خود کش جیکٹس اور دیگر بارودی سامان برآمد کیا گیا۔ دہشگرد اپنا نیٹ ورک بلوچستان سے راجن پور منتقل کر رہے تھے۔

سی ٹی ڈی حکام نے بتایا ہے کہ دہشتگرد جنوبی پنجاب میں دہشتگردی کا منصوبہ بنا رہے تھے۔ دہشتگردوں کی پہچان اعجاز علی خان، سگیر احتشام، جابر احتشام، انور خان اور کامران زاہد کے نام سے ہوئی ہے۔ دہشتگردوں سے مزید تفتیش بھی جاری ہے