Category: پنجاب

مسلم لیگ ن کےمرکزی سیکرٹریٹ میں پارٹی کااجلاس منعقدکیاگیا،پنجاب کے تنظیمی اجلاس میں میاں نوازشریف کو پارٹی صدر بنانے کے حق میں متفقہ قرارداد منظورکرلی گئی۔قراردادکےمطابق مسلم لیگ نون کے قائد میاں نواز شریف کی قیادت پر مکمل اعتماد کا اظہار کرتےہیں، میاں نواز شریف کو 2017 میں ایک سازش کے تحت نااہل کیا گیا،سابق وزیراعظم کو پاکستان مسلم لیگ نون کی صدارت سے جبری طور پر محروم کیا گیا آج جبکہ سازشی آرڈرز اور جعلی سزائیں اپنے انجام کو پہنچ چکی ہیں۔
قراردادمیں مزیدکہاگیاکہ اللہ تعالیٰ نے قائد میاں نواز شریف کو سرخرو کر دیا ہے، مسلم لیگ نون اپنے قائد میاں نواز شریف سے استدعا کرتی وہ پارٹی کی قیادت سنبھالیں، پارٹی انکی ولولہ انگیز قیادت میں عوامی مقبولیت کی نئی جہتیں طے کر سکے۔قراردادمیں کہاگیاکہ ضمنی انتخابات میں پارٹی کی بھرپور کامیابی پر پنجاب کی تنظیم بالخصوص پارٹی قیادت کو مبارکباد پیش کرتے ہیں، پاکستان مسلم لیگ ن کی قیادت کا فلسطین پر صہونی مظالم کی پرزور مذامت کرنے پر ان کی بھرپور حمایت کرتے ہیں،پارٹی قیادت فلسطین کے معصوم بچوں اور عورتوں پر ہونے والے مظالم ختم کروانے اور جنگ بندی کے لیے مزید کاوشیں کرے۔

صدرمسلم لیگ ن پنجاب راناثنااللہ خان نےکہاہے ،کہ نوازشریف کا ہی ہمیشہ بیانیہ رہا خواہ وہ مزاحمت کا ہو یا مفاہمت کا۔جبکہ بانی پی ٹی آئی کی ہٹ دھرمی اورغیرسیاسی رویہ کی وجہ سےملک کوسیاسی نقصان اٹھاناپڑرہاہے۔ مسلم لیگ ن پنجاب کےصدر رانا ثنااللہ خان نےپارٹی رہنماؤں کےہمراہ پریس کانفرنس میں کہناتھا
کہ ن لیگ میں کوئی پارٹی گروپ بندی نہیں اور کوئی ایسا فیصلہ نہیں جو نوازشریف کی مشاورت کےبغیر کیا گیا ہو، مسلم لیگ ن کی مزید عہدے میں بھی تبدیلی کئےجائیں گے۔ جس کی وجہ موجود عہدے داران کی حکومتی معاملات میں مصروفیات ہیں اتحادی حکومت کا اپنا ایجنڈا ہوتا ہے وہ ن لیگ کے منشور کی پابند نہیں۔رانا ثنااللہ خان کاکہناتھاکہ بانی پی ٹی آئی عدالتوں کے ذریعے ہی جیل سے باہر آ سکتے ہیں ان کی ہٹ دھرمی اور غیر سیاسی رویہ کی وجہ سے ملک کو سیاسی نقصان اٹھانا پڑ رہا ہے۔صدرمسلم لیگ ن نےکہاکہ علی امین گنڈا پور کا بیان قابل مذمت قابل اعتراض ہے ،ن لیگ کیُ حکومت پنجاب میں مریم نواز کی زیر صدارت عوام کو ریلیف دے رہی ہے اور پارٹی وفاق و پنجاب میں ساتھ کھڑی ہے۔ ان کاکہناتھاکہ پارٹی میں صدارت کے علاوہ بھی دیگر سیٹوں پر تبدیلی کی جا سکتی ہے۔

پنجاب کے محکمہ جنگلی حیات کے خصوصی اسکواڈ نے صوبے میں کامبنگ آپریشن کیا ہے۔ جانوروں اور پرندوں کا غیر قانونی کاروبار کرنے والوں کے خلاف کارروائیاں کی گئی ہیں۔ سرگودھا سے لاہور اسمگل ہونے والے پانچ ہزار سے زائد جنگلی پرندے برآمد کرلیے گئے ہیں۔یہ کومبنگ آپریشن ڈائریکٹر جنرل وائلڈ لائف کی نگرانی میں کیا جارہا ہے۔ خصوصی اسکواڈ نے گزشتہ شب شاہدرہ موڑ پر بڑی کارروائی کی گئی جس میں اسمگل کیے جانے والے جنگلی پرندوں کی بہت بڑی کھیپ پکڑی گئی۔ پانچ ہزار سے زائد جنگلی پرندے سرگودھا سے لاہور بھیجے جارہے تھے۔ضبط کیے جانے والے پرندوں میں زرد اور بھورے ممولے بھی شامل ہیں۔ ان جنگلی پرندوں کو پنجروں میں بند کرکے اسمگل کیا جارہا تھا۔

وزیراعظم شہباز شریف اور اسحاق ڈار نے مسلم لیگ (ن)کے رہنما رانا ثنا اللہ اور خواجہ سعد رفیق کو حکومت میں شامل ہونے کی پیشکش کردی۔ذرائع کے مطابق وزیر اعظم کی اس پیشکش پر راناثنااللہ نے کہا کہ حکومت سے باہر رہ کر سیاست اور سیاسی بیانیہ بنانے دیں، جس پر شہبازشریف نے کہا حکومت میں رہ کر سیاسی بیانیہ بنائیں باہر رہ کر بات کرینگے تو ہماری مخالفت لگے گی۔ذرائع نے کہا ہے کہ خواجہ سعد رفیق نے بھی راناثنااللہ کی رائے کی حمایت کی ہے، دونوں رہنماں نے کہا کہ مستقبل پر نظر رکھ کر وہ بیانیہ بناناہے جسے عوام پسند کرے دونوں رہنماں کی رائے کے بعد وزیراعظم نے کہا تو پھر یہ فیصلہ نواز شریف پر چھوڑتے ہیں، راناثنااللہ نے کہا نوازشریف کہیں گے تو حکومت میں آجائیں گے۔ذرائع کا مزید کہنا تھا کہ نواز شریف اپنے موجودہ دورہ چین سے واپسی کے بعد اس معاملے پر فیصلہ کریں گے۔

مسلم لیگ نون کے قائد نواز شریف چین میں موجود ہیں ۔ اجلاس میں تنظیمی امور اور نواز شریف کی صدارت کے حوالے سے معاملات زیرغور لائے جائیں گے۔ذرائع کے مطابق مسلم لیگ ن کےپارٹی معاملات میں وفاقی اور پنجاب کابینہ میں ممکنہ توسیع بھی ایجنڈے میں۔نوازشریف نے راناثنااللہ کو پارٹی کو عوامی سطح پرمتحرک کرنے کیلئے ہدایات جاری کریڈےنواز شریف نے پنجاب میں تنظیمی عہدوں اور حکومتی عہدوں کی رپورٹ بھی لینے کی ہدایت کی۔

وزیر اطلاعات پنجاب عظمیٰ بخاری نے مطالبہ کیا ہے کہ پنجاب پولیس فوری لیگی کارکن محمد یوسف کے قاتلوں کو گرفتار کرے۔اپنے ایک بیان میں عظمی بخاری نے نارووال میں تحریک انصاف کے غنڈوں کے تشدد سے لیگی کارکن کی ہلاکت پر اظہار تعزیت کرتے ہوئے کہا کہ پی ٹی آئی کے غنڈوں نے حسب روایت اپنی غنڈہ گردی کا مظاہرہ کیا ہے۔انہوں نے کہا کہ پی ٹی آئی غنڈہ گردی سے الیکشن نہیں جیت سکتی، محمد یوسف کا خون رائیگاں نہیں جائے گا، قاتلوں کو قانون کی گرفت میں لائیں گے۔ پی ٹی آئی کے لوگوں نے ہمارے نہتے کارکن کو قتل کیا ہے، مخالفین اپنی غنڈہ گردی کے اوچھے ہتھکنڈوں پر اتر آئے ہیں۔انہوں نے کہا کہ شکست کے خوف سے یہ باولے ہوگئے ہیں، پنجاب پولیس فوری لیگی کارکن محمد یوسف کے قاتلوں کو گرفتار کرے، ابھی پولنگ شروع ہوئے چند گھنٹے ہوئے ہیں فتنہ پارٹی نے رونا دھونا پہلے شروع کر دیا۔عظمیٰ بخاری کا مزید کہنا تھا کہ ان لوگوں کو بار بار جیت کا چسکا لگا تھا کیونکہ یہ ہمیشہ دھاندلی سے جیتے تھے، اب ان کو دھاندلی کے لئے سہولت کاری میسر نہیں اس لئے غنڈہ گردی اور قتل و غارت گری پر اتر آئے ہیں۔

وزیرِ اعلیٰ پنجاب مریم نواز نے امید ظاہر کی ہے کہ ضمنی انتخابات میں مسلم لیگ ن کے تمام امیدوار واضح اکثریت سے کامیاب ہوں گے۔ مریم نواز نے کہا کہ مسلم لیگ ن کا ووٹر باہر نکل رہا ہے جو خوش آئند ہے، چند دنوں میں پنجاب کے عوام کو ریلیف دیا۔ میرا مشن نواز شریف کے ویژن کو آگے بڑھاناہے۔مریم نواز کا کہنا ہے کہ پنجاب میں جلد لیپ ٹاپ اور آئی پیڈ اسکیم متعارف کروائیں گے، انہوں نے کہا کہ نواز شریف کی قیادت میں مسلم لیگ ن عوامی مسائل کے حل کے لیے کوشاں ہے۔واضح رہے کہ ملک کے مختلف علاقوں میں ضمنی انتخابات کے لیے پولنگ کا عمل جاری ہے، قومی اسمبلی کی 5 اور صوبائی اسمبلی کی 16 نشستوں پر ووٹنگ کا عمل شام 5 بجے تک جاری رہے گا۔قومی اسمبلی کے جن حلقوں میں ضمنی انتخاب ہورہا ہے ان میں پنجاب کے 2، خیبر پختونخوا کے 2 اور سندھ کا 1 حلقہ شامل ہے۔صوبائی اسمبلیوں کی جن نشستوں پر ضمنی الیکشن ہو رہا ہے ان میں پنجاب اسمبلی کی 12، بلوچستان اور سندھ کی 2، 2 نشستیں شامل ہیں۔