ضمنی انتخاباتPP288امیدواروں کوانتخابی نشان الاٹ
ڈیرہ غازیخان. ضمنی انتخاباتPP288امیدواروں کوانتخابی نشان الاٹ کردئے گئے،6امیدوارمیدان میں اترچکے ہیں، پی ٹی آئی اورن لیگ کے امیدواروں کے درمیان کانٹے دارمقابلہ ،تحریک لبیک پاکستان کے امیدوارسے ن لیگ کونقصان ہوگا۔
باغی ٹی وی ،تفصیلات کے مطابق ڈیرہ غازیخان کے صوبائی حلقہ PP288کے ایم پی اے سردارمحسن عطاء کھوسہ کے ڈی سیٹ ہونے کے بعداس حلقہ میں ہونے والے ضمنی انتخابات میں حصہ لینے والے امیدواروں کوالیکشن کمیشن نے انتخابی نشان الاٹ کردئے ہیں، PP288میں کل چھ امیدوار میدان میں اترے ہیں جن میں سے تین آزاد اورتین پارٹی ٹکٹس پرالیکشن میں حصہ لے رہے ہیں، آزادامیدواروں میںاشفاق احمدکو "بیل” اللہ ڈتہ کو "چمچ”اورعلی محمدکو”بکری "کانشان دیاگیاہے،پاکستان تحریک انصاف کے امیدوارسردارسیف الدین خان کھوسہ کو "بلا”،مسلم لیگ ن کے امیدوارسردارعبدالقادرخان کھوسہ کو”شیر”اورتحریک لبیک پاکستان کے امیدوارعرفان اللہ کو”کرین”کانشان دیاگیاہے،اس حلقہ دوسردارزادوں سردارسیف الدین کھوسہ جوکہ پاکستان تحریک انصاف کے امیدوار ہیں ،دوسرے سردارعبدالقادرکھوسہ مسلم لیگ ن کے امیدوار ہیں کے درمیان کانٹے دارمقابلہ متوقع ہے ،جہاں اس حلقہ پی ٹی آئی کاووٹ بنک ہے وہیں اس حلقہ مسلم لیگ ن کا شخصی ووٹ بھی زیادہ ہے ،اس کے علاوہ اس حلقہ میں ٹی ایل پی کاچھ سات ہزارووٹ کا بنک ہے اگرتحریک لبیک کاامیدوارعرفان اللہ میدان میں رہاتو اس کانقصان مسلم لیگ ن کے امیدوارسردارعبدالقادرکھوسہ کوپہنچے گا،دوسری طرف ذرائع کا کہناہے ٹی ایل پی کاامیدوار مسلم لیگ ن کے امیدوارسردارعبدالقادرکھوسہ کے حق میں دستبردار ہوجائے گاجس سے ن لیگ کے امیدوارکی پوزیشن کافی مستحکم ہوجائے گی۔
Category: پنجاب
-
ضمنی انتخاباتPP288امیدواروں کوانتخابی نشان الاٹ
-
پنجاب میں سرکاری افسران کے تقرر و تبادلے
لاہور: پنجاب میں سرکاری افسران کے تقرر و تبادلے کئے گئے-
باغی ٹی وی : عارف عمر عزیز ایڈیشنل کمشنر کنسولیڈیشن گوجرانوالہ تعینات ہوئے ،نعمان حفیظ کی بطورڈائریکٹر ڈیویلپمنٹ اینڈ فنانس گوجرانوالہ میں تعیناتی ہوئی-
وزیراعظم کی زیر صدارت وفاقی کابینہ کا اجلاس آج ہوگا
ذوہیب مشتاق کو محکمہ سروسز رپورٹ کرنے کی ہدایت کی گئی جبکہ عمر فاروق ڈپٹی سیکریٹری ڈیویلپمنٹ ٹرانسپورٹ پنجاب تعینات ہوئے –
گریڈ22کے ریٹائرڈ افسر خالد مسعود 3سال کیلئے ممبر پنجاب پبلک سروس کمیشن تعینات ہوئے جبکہ گریڈ22کے ریٹائرڈ افسر محمد عرفان تارڑ 3سال کیلئے ممبر پنجاب پبلک سروس کمیشن تعینات ہوئے-
بلوچستان کےآئندہ مالی سال کا بجٹ آج پیش کیاجائے گا
گریڈ21کے ریٹائرڈ افسر محمد صالح طاہر 3سال کیلئے ممبر پنجاب پبلک سروس کمیشن تعینات ہوئے علاوہ ازیں گریڈ22کے افسر ڈاکٹر راشد منصور 3سال کیلئے ممبر پنجاب پبلک سروس کمیشن تعینات ہوئے-
-
اسلام آباد سمیت پنجاب بھر میں مارکیٹوں سے متعلق دفعہ 144 کےتحت پابندیوں کا اطلاق
بجلی کی بچت کیلئے وفاقی دارالحکومت اسلام آباد سمیت پنجاب بھر میں مارکیٹوں اور تجارتی مراکز سے متعلق دفعہ 144 کےتحت پابندیوں کا اطلاق ہوگیا ہے جس کا نوٹیفکیشن بھی جاری کردیا گیا ہے۔
باغی ٹی وی :گورنر پنجاب نے کا روباری مراکز جلد بند کرنے کا حکم نامہ جاری کر دیا نوٹیفکیشن کے مطابق تمام ہول سیل اور پرچون کی دکانیں، شاپنگ مالز، بیکریاں، دفاتر، اسٹور رومز، گودام، ویئرہاؤسز رات 9 بجے بند ہوجائیں گے شادی ہالز، شادی کی تقریبات، لائٹنگ 10 بجےتک بند کی جائیں گی-
پنجاب بھر میں مارکیٹیں، بازاررات 9 بجے بند کرنا ہوں گے،حمزہ شہباز
نوٹیفکیشن کے مطابق سینما ہالزاورتھیٹر بھی رات ساڑھے گیارہ بجےکے بعد نہیں کھولے جاسکتے کمرشل اور انڈسٹریل عمارتیں، ریسٹو رنٹس، کلب، تندور، کیفے بھی رات ساڑھے گیارہ بجے بند کرنا ہوں گے۔ سیرو تفریح کے تمام مقامات بھی ساڑھے گیارہ بجے کے بعد نہیں کھولے جاسکتے۔
نوٹیفیکیشن کے مطابق ہفتے کو کاروباری مراکز ساری رات کھولے جاسکیں گے۔ جمعہ یا اتوار میں سے ایک دن کاروبار مکمل بند رکھنا ہوگا ایمبولینس سروس، طبی مراکز، پیٹرول پمپ اور بس اڈے پابندی سےمستثنیٰ ہوں گے، تندور، دودھ دہی کی دکان اور سبزی منڈی کو بھی پابندی سے استثنیٰ حاصل ہوگا۔
دوسر جانب تاجروں نے مارکیٹوں کی جلد بندش کا فیصلہ مسترد کر دیا۔ صدر انجمن تاجران پاکستان خالد پرویز نے کہا کہ دکانیں جلد بند کرنے کا فیصلہ عوام دشمن ہے کاروبار پہلے ہی تباہ حالی کا شکار ہیں، بازارجلد بند کرنے کا فیصلہ عید تک مؤخر کیا جائےعید تک دکانیں رات دیر تک کھولنے کی اجازت دی جائےعید کے بعد جلد دکانیں بند کرنے کے حوالے سے مذاکرات کریں گے۔
نیو جرسی: امریکی پاکستانی نے ڈسٹرکٹ جج کا منصب سنبھال لیا
اس حوالے سے تاجر رہنما اجمل بلوچ نے کہا کہ شام 8 بجے دکانیں بند کرنے کی تجویز کو مسترد کرتے ہیں، تاجر کسی صورت اپنا کاروبار شام 8 بجے بند نہیں کریں گے، حکومت تاجر برادری کیلئے آسانیاں پیدا کرے نہ کہ مشکلات، ہر اس سیکٹر کی بجلی بند کریں جو مفت دی جارہی ہےحکمران اپنے اے سی بند کریں گے تو غریب کا پنکھا چلے گا، حکومت بجلی نہیں دےسکتی تو جنریٹیر چلا کر کام کرنے دے، اتنی شدید گرمی میں دن میں خریدار کا گھر سے نکلنا ممکن ہی نہیں، خریدار شام سے پہلے گھر سے خریداری کیلئے نہیں نکلتا،صبح دکانیں کھولنے کی تجویز بھی نا قابل عمل ہے۔
سیکرٹری جنرل آل پاکستان انجمن تاجران نعیم میر کا کہنا ہے کہ حکومت فیصلے تھوپنے کے بجائے ہم سے مشاورت کرے، حکومت تاجر نمائندوں، پاور ڈسٹری بیوشن کمپنیوں کی مشترکہ کمیٹیاں بنائے، حکومت کےساتھ مشروط تعاون کرنے کو تیار ہیں۔
ملک بھر کے مختلف شہروں میں وقفے وقفے سے تیز بارش،بلوچستان میں سیلابی صورتحال
-
بجلی کی بچت: پنجاب میں بھی رات 9 بجے مارکیٹیں بند کرنے کا فیصلہ
سندھ کے بعد پنجاب میں بھی رات 9 بجے مارکیٹیں بند کردی جائیں گی-
باغی ٹی وی : ذرائع کے مطابق پنجاب میں بھی بجلی بچت پلان پر عمل کرنےکا فیصلہ کیا گیا ہے حکومت نے تاجر تنظیموں اور چیمبرز سے مشاورت مکمل کرلی ہے، اگلے ہفتے سے پنجاب میں بجلی بچت پلان پر عمل کرانےکا فیصلہ کیا گیا ہے۔
سندھ حکومت کے حکم کی خلاف ورزی، کلفٹن میں 4 ریسٹورینٹس سیل
ذرائع کے مطابق پنجاب میں بھی رات 9 بجےمارکیٹیں بندکردی جائیں گی، پہلےمرحلے میں یہ پابندی 2 ماہ کےلیےلگائی جائےگی، ریسٹور ینٹس بھی جلد بندکرنےکی تجویز پر غور جاری ہے۔
صدر لاہور چیمبر نعمان کبیرکا کہنا ہےکہ قومی مفاد کے فیصلوں پر ساتھ ہیں، بچت پلان پر عمل سے بجلی اور پیٹرول کی بچت ہوگی۔
واضح رہےکہ گزشتہ روز محکمہ داخلہ سندھ نے تمام بازار، مارکیٹیں، شاپنگ مال اور دکانیں رات 9 بجے بند کرنےکا نوٹیفکیشن جاری کیا گیا تھا تمام شادی ہال، بینکوئٹ میں شادی اور دیگر تقاریب رات 10:30 بجے بند کرنے کا حکم دیا گیا تھا جبکہ تمام ہوٹل، کافی شاپ اور کیفے را ت 11 بجے بند کرنے کا نوٹیفیکیشن جاری کیا گیا تھا-
ملک کے بیشترعلاقوں میں بارش اور گرد آلود ہوائیں چلنے کا امکان
میڈیکل اسٹور، اسپتال، پیٹرول پمپ،سی این جی اسٹیشن، بیکریز اور دودھ کی دکانوں کو اس پابندی سے استثنیٰ حاصل ہے نوٹیفکیشن میں کہنا تھا کہ حکومت نےتوانائی بحران سے نمٹنےکے لیے کاروباری اوقات محدود کرنے کا فیصلہ کیا ہے اور نئے کاروباری اوقات کا اطلاق فوری ہوگا جب کہ یہ فیصلہ ایک مہینے کے لیے کیا گیا ہے۔
لانگ مارچ کیس:پی ٹی آئی کے 9 رہنماؤں کی عبوری ضمانتیں منظور
-
پنجاب میں فلورملزمالکان اور ڈیلرز ایسوسی ایشن کی ہڑتال،آٹا سپلائی بند،عوام کو پریشانی کا سامنا
لاہور: پنجاب میں فلور ملز مالکان نے فلور ملوں میں چھاپوں، گرفتاریوں اور گندم پر قبضے کے خلاف ہڑتال کردی-
باغ ٹی وی : ضلعی انتظامیہ کی جانب سے آٹا کی ترسیل کا 30 سالہ ’’آٹا ڈیلرز سپلائی نظام‘‘ ختم کردیا گیا ہے، جس پر فلور ملز مالکان کی ہڑتال کے بعد فلور ڈیلرز ایسوسی ایشن بھی ہڑتال پر چلی گئی۔ اس تعطل کی وجہ سے صوبے میں سستے آٹے کی فراہمی بند ہو گئی۔
ذرائع کے مطابق لاہور، راولپنڈی، فیصل آباد، گوجرانوالہ، ڈی جی خان سمیت صوبے کے تمام بڑے شہروں میں آٹا سپلائی بند ہونے سے عوام کو پریشانی کا سامنا ہے۔فلور ملز مالکان نے راولپنڈی کے 100 سیل پوائنٹ پر سستے آٹے کی فراہمی بند کردی ہے جس کے بعد اب عوام کو 10 کلو آٹا 490 روپے کلو اور 20 کلو آٹے کا تھیلا 980 روپے میں دستیاب نہیں ہو رہا۔ بحران کی وجہ سے مارکیٹ میں 15 کلو کا آٹے کا تھیلا 1200 روپے جب کہ 20 کلو کا تھیلا 1550 روپے میں فروخت ہو رہا ہے۔
فلور ملز مالکان ایسوسی ایشن کے صدر رضا احمد شاہ نے مطالبہ کیا ہے کہ انتظامیہ فلور ملز میں چھاپے اور ہونے والی گرفتاریاں و مقدمات کا سلسلہ بند کرے۔
دوسری جانب فلور ملز ایسوسی ایشن کے چیئرمین عاصم رضا نے حکومتی اقدامات پر تنقید کرتے ہوئے کہا ہے کہ ہر فلور مل کو چور کہنا اور سمجھنا بیورو کریسی اور حکومت کی غلطی ہے۔ انہوں نے کہا کہ پنجاب بھر کی فلور ملز کا اجلاس کل لاہور میں طلب کر لیا گیا ہے، جس میں بڑے فیصلے کریں گے۔ انہوں نے کہا کہ کمشنرز، ڈپٹی کمشنرز اور اسسٹنٹ کمشنرز کے بلاجواز چھاپوں کو روکا جائے۔
علاوہ ازیں سستے آٹے کی فراہمی کے سلسلے میں پیدا ہونے والے بحران پر قابو پانے کے لیے فلور ملز ایسوسی ایشن کی قیادت اور محکمہ خوراک کے سینئر حکام کے درمیان آج ملاقات متوقع ہے-
لاہور میں فلور ملز ایسوسی ایشن کے سابق چئیرمین عاصم رضا کا کہنا ہے کہ فلور ملز میں اے سی یا ڈی سی کا داخلہ قابل قبول نہیں، محکمہ خوراک کا عمل دخل ختم ہونے تک فلور ملز گندم پسائی نہیں کریں گی،حکومت کی سبسڈائزڈ آٹے کی اسکیم بھی نہیں چلائیں گے-
دوسری جانب وفاقی وزیراطلاعات مریم اورنگزیب نے کہا کہ وزیراعظم نے خیبر پختونخوا کے عوام سے سستے آٹے کی فراہمی کا وعدہ پورا کرلیا،خیبرپختونخوا میں شہباز اسپیڈ سے سستے آٹے کی عوام کو فراہمی شروع کر دی گئی ،خیبرپختونخوا میں 40 روپے فی کلو آٹے کی فراہمی کا سلسلہ شروع کر دیا گیا،خیبرپختونخوا میں سستے آٹے کی فراہمی کے لیے 100 موبائل ا سٹورز نے کام شروع کر دیا ،عوام کو سستے آٹے کی فراہمی کے لیے خیبر پختونخوا کو ایبٹ آباد اور پشاور زونز میں تقسیم کیا گیا-
مریم اورنگزیب نے کہا کہ ایبٹ آباد اور پشاور زون میں 50 ہزار سے زیادہ آٹے کے تھیلے فروخت کیے گئے ،ایبٹ آباد اور پشاور زونز میں الگ الگ موبائل ا سٹورز کے ذریعے سستا آٹا فراہم کیا جا رہا ہے،ایبٹ آباد میں دو روز کے دوران 22 ہزار 70 سستے آٹے کے تھیلے فروخت کیے گئے ،پشاور زون میں دو روز میں 23 ہزار 400 سے زائد سستے آٹے کے تھیلے عوام کو فروخت کیے گئے-
9جون تک خیبرپختونخوا میں آٹے کی فروخت کے عارضی سیل پوائنٹس بھی کام شروع کر دیں گے ،17جون تک خیبر پختونخوا میں ان عارضی سیل پوائنٹس کی تعداد بڑھا کر 500 کر دی جائے گی ،خیبرپختونخوا میں سستے آٹے کی فروخت کے 993 مقامات کی تعداد 2000 سے زائد کی جائے گی خیبرپختونخوا کو 40 روپے کلو آٹے کی فراہمی کے لیے 13 جون تک موبائل اسٹورز کی تعداد 200 کر دی جائے گی –
-
صوبہ پنجاب میں کابینہ کی تشکیل، پہلے مرحلے میں 8 وزرا حلف اٹھا لیا
لاہور:پنجاب کی 8 رُکنی صوبائی کابینہ نے آج پہلے مرحلے میں گورنر ہائوس لاہور میں اپنے عہدے کا حلف اٹھا لیا تشکیل دی جانے والی صوبائی کابینہ سے گورنر پنجاب بلیغ الرحمان نے حلف لیا-
باغی ٹی وی : باخبر ذرائع کے مطابق پہلے مرحلے میں کابینہ میں شامل کیے جانے والے صوبائی وزرا سےحلف لیا اٹھا لیا چیف سیکرٹری پنجاب کامران علی افضل نے تقرری سے متعلق نوٹیفکیشن پڑھ کر سنایا۔
لاہور پولیس کا یاسمین راشد کی وزیرداخلہ و دیگرحکام کیخلاف مقدمے کی درخواست لینے سے انکار
ذرائع کے مطابق پنجاب کے صوبائی کابینہ کے پہلے مرحلے میں8 وزرا حلف اٹھایا جن میں سردار اویس لغاری اور ملک احمد خان شامل ہیں پہلے ہی مرحلے میں خواجہ سلمان رفیق اور حسن مرتضیٰ نے بھی حلف اٹھایا پی پی سے تعلق رکھنے والے حسن مرتضیٰ کابینہ میں سینئر وزیر کی حیثیت سے شامل کیے گئے اس کے علاوہ رانا محمد اقبال،عطاء اللہ تارڑ، چوہدری بلال اصغر اور علی حیدر گیلانی بھی حلف اٹھانے والوں میں شامل ہیں۔
واضح رہے کہ پنجاب کے گورنر کی حیثیت سے بلیغ الرحمان نے کچھ دیر قبل ہی حلف اٹھایا ہے۔ ان سے چیف جسٹس لاہور ہائی کورٹ نے حلف لیا ہے
صوبہ پنجاب کے نامزد گورنر بلیغ الرحمان نے اپنے عہدے کا حلف اٹھا لیا
قبل ازیں وزیراعظم میاں شہباز شریف کے معاون خصوصی برائے سیاسی امور اور پاکستان مسلم لیگ (ن) کے صوبائی صدر انجینئر امیر مقام نے کہا تھا کہ صوبہ خیبرپختونخوا کے وزیراعلیٰ محمود خان کا فورس استعمال کرنے سے متعلق بیان خانہ جنگی کے اعلان کے مترادف ہے۔
انجینئر امیر مقام نے سپریم کورٹ آف پاکستان سے اپیل کی تھی کہ وہ وزیراعلیٰ کے پی کے اعلان کا نوٹس لےانہوں نے کہا تھا کہ ثابت ہو گیا ہے کہ عمران نیازی پاکستان میں فساد کرانے کی تیاری کر رہے ہیں، وفاقی حکومت وزیر اعلیٰ محمود خان کے اعلان جنگ کا نوٹس لے کر کارروائی کرے خانہ جنگی کرانے کی سازش کو ناکام بنانے کیلئے خیبرپختونخوا میں گورنر راج لگایا جائے فورس سرکاری خزانے سے تنخواہیں لیتی ہے اور قانون کی پابند ہے۔
پاکستان ویسٹ انڈیز ون ڈے سیریز کے لئے میچ آفیشلز کا اعلان
-
لانگ مارچ کے باعث شہریوں کو شدید مشکلات کا سامنا رہا
پی ٹی آئی کے حکومت مخالف لانگ مارچ کی وجہ سے شہری کئی مسائل سے دوچار ہیں-
باغی ٹی وی : پی ٹی آئی لانگ مارچ کے باعث جڑواں شہروں راولپنڈی و اسلام آباد میں معمولات زندگی بری طرح متاثر رہی، سرکاری دفاتر میں افسران و ملازمین کی حاضری، کاروباری مراکز میں خریداروں کی آمد نہ ہونے کے برابر تھی۔
الیکشن کا فیصلہ حکومت اور اتحادیوں کا ہے،وہ جب مرضی تاریخ کا اعلان کریں، وفاقی وزیر
سرکاری و پرائیویٹ تعلیمی اداروں میں چھٹی رہی،مریضوں کو سڑکوں پر کھڑی گئی رکاوٹوں کے باعث اسپتالوں تک پہنچنے کے میں مشکلات کا سامنا رہا سڑکوں پر جگہ جگہ کھڑی کی گئی رکاوٹوں کے باعث گاڑیاں سڑکوں پر نہ آسکیں اور شہری پیدل اور موٹر سائیکلوں پر سفر کرنے پر مجبور رہے، رکاوٹوں کیلیے کھڑے کیے گے کنٹینروں کے نیچے سے شہری گزرتے رہے۔
دوسری جانب ٹرانسپورٹیشن بند ہونے سے دیگر شہروں میں جانے والے مسافرشدید پریشانی کا شکار ہیں گزشتہ 2 روز سے لاہور سے دوسرے شہروں کو جانے والی ٹرانسپورٹ لانگ مارچ کی وجہ سے بند ہے جس کی وجہ سےمسافر رل گئے ہیں۔
ریاست کی رٹ یقینی بنانے کیلئےفتنہ پرور ٹولےکو اسلام آباد سے باہر نکالنے کے احکامات دیئے، وزیر داخلہ
مسافروں کا کہنا تھا کہ وہ 12 گھنٹے سے بس اڈوں پر اِدھر اُدھر بھاگ رہے ہیں مگر انہیں ٹرانسپورٹ نہیں مل رہی۔ بعض مسافروں نےبس اڈوں میں بینچوں پر ہی بستربچھا لیے جب کہ اس صورتحال میں کئی مسافروں نے سامان چوری ہونے کی بھی شکایات کیں-
دوسری جانب ٹرانسپورٹرز کا کہنا ہے کہ2 روز سے بسیں نہیں چل رہیں، کاروبار بند ہونے کی وجہ سے شدید نقصان ہو رہا ہے۔
پی ٹی آئی لانگ مارچ:کارکنان ریڈ زون میں امریکی سفارتخانے کے قریب پہنچ گئے
-
لاہور میں بھی منکی پو کس کے دو کیسز رپورٹ
لاہور: پاکستان میں بھی منکی پاکس کے دو کیسز سامنے آگئے ہیں-
باغی ٹی وی :پاکستان میں نیشنل انسٹی ٹیوٹ آف ہیلتھ (این آئی ایچ) نے منکی پوکس کے پھیلاؤ کے خدشے کے پیش نظر ہیلتھ الرٹ جاری کیا ہے-
باخبر ذرائع کے مطابق لاہور میں منکی پوکس کے دو کیسز رپورٹ ہوئے ہیں جو جناح ہسپتال میں زیر علاج ہیں متاثرہ افراد کو فی الحال الگ تھلگ کر دیا گیا ہے اور اور فی الحال ہسپتال کے آئسولیشن وارڈ میں زیر علاج ہیں-
منکی پاکس یورپ کے بعد امریکا پہنچ گئی،پہلا کیس رپورٹ
واضح رہے کہ قبل ازیں پاکستان میں نیشنل انسٹی ٹیوٹ آف ہیلتھ (این آئی ایچ) نے ہدایت کی تھی کہ صحت عامہ سے منسلک تمام قومی و صوبائی حکام منکی پوکس کے مشتبہ متاثرین کی جانچ کے لیے ہائی الرٹ پر رہیں۔ جبکہ ایئرپورٹس سمیت داخلی راستوں پر مسافروں کی نگرانی کا مطالبہ کیا گیا تھا ۔
جاری کردہ الرٹ میں کہا گیا تھا کہ حفاظتی اقدامات کے لیے وقت پر تشخیص اہم ہے لہذا تمام سرکاری و نجی ہسپتال متاثرین کے علاج اور آئسولیشن (مریض کو تنہائی میں رکھنے) کے انتظامات کریں۔ این آئی ایچ نے یہ بھی وضاحت کی ہے فی الحال پاکستان میں منکی پوکس کا کوئی مصدقہ کیس موجود نہیں ہے۔
دوسری طرف وزیراعلیٰ پنجاب حمزہ شہباز نے صوبے میں ’منکی پوکس کے پھیلاؤ کے خدشے‘ کے پیش نظر محکمہ صحت کو چوکس رہنے کا حکم دیا تھا انہوں نے کہا تھاکہ ‘منکی پوکس کے مرض سے بچاؤ کے لیے ضروری احتیاطی تدابیر فی الفور اختیار کی جائیں۔ ائیر پورٹس پر مسافروں کی سکریننگ کا موثر میکنزم وضع کیا جائے۔
آئندہ دنوں میں مختلف ممالک میں منکی پاکس کے مزید کیسز بھی سامنے آسکتے ہیں،ڈبلیو ایچ او
اس حوالے سے عالمی ادارہ صحت (ڈبلیو ایچ او) کا کہنا تھا کہ افریقہ کے باہر منکی پوکس کے پھیلاؤ پر قابو پایا جاسکتا ہے اور عام طور پر افریقہ میں اس کے متاثرین کی تشخیص نہیں کی جاتی۔ برطانیہ میں اب تک منکی پوکس کے 56 متاثرین سامنے آئے ہیں جن کی جلد پر دانے نکلتے ہیں اور انھیں بخار کی شکایت ہوتی ہے۔ یورپ، امریکہ اور آسٹریلیا میں اس کے متاثرین کی تشخیص ہوئی ہے۔
ماہرین کو ڈر ہے کہ اس کے متاثرین کی تعداد بڑھ سکتی ہے لیکن وسیع پیمانے پر آبادی کو درپیش خطرہ کم بتایا گیا ہے مرکزی اور مغربی افریقہ کے دوردراز علاقوں میں یہ وائرس عام ہے۔
ڈبلیو ایچ او نے کہا تھا کہ اب تک 12 ایسےممالک میں منکی پاکس کے کیسز سامنے آچکے ہیں جہاں اس سے پہلےیہ وائرس موجود نہیں تھارپورٹ ہونے والے کیسزمیں 92 مصدقہ اور 28 مشتبہ کیسز شامل ہیں خدشہ ہے کہ یہ وائرس دوسرے ممالک میں بھی پھیل سکتا ہے۔اس خدشے کے پیش نظر ان ممالک کی نگرانی بھی بڑھا دی گئی ہے جہاں ابھی تک یہ بیماری رپورٹ نہیں ہوئی اب تک کی معلومات کے مطابق یہ وائرس انسانوں سے دوسرے انسانوں کو قریبی جسمانی رابطے کے باعث لاحق ہو رہا ہے۔
متعدی بیماریوں کے ماہر ڈبلیو ایچ او کے اہلکار ڈیوڈ ہیمن نے کہا تھا کہ اب یہ جنسی طور پر منتقل ہونے والے انفیکشن کی طرح پھیل رہا ہے اور دنیا بھر میں اس کی منتقلی کا خطرہ بڑھ گیا ہے انسانوں کا قریبی رابطہ اس وائرس کی منتقلی کا ذریعہ ہے۔ کیونکہ اس بیماری کے بعد پیدا ہونے والے مخصوص گھاؤ متعدی ہوتے ہیں بیمار بچوں کی دیکھ بھال کرنے والے والدین اور طبی عملے کے افراد خطرے میں ہیں۔
بہت سے کیسز کی نشاندہی جنسی صحت کے کلینکس میں کی گئی ہے ورلڈ ہیلتھ آرگنائزیشن نے کہا تھا کہ وہ آئندہ دنوں میں منکی پاکس کے پھیلاؤ کو روکنے سے متعلق رہنمائی اور مشورے بھی فراہم کریں گے۔
یہ بیماری منکی پوکس نامی وائرس کی وجہ سے ہوتی ہے، جو چیچک جیسے وائرس کی شاخ میں سے ہے یہ زیادہ تر وسطی اور مغربی افریقی ممالک کے دور دراز علاقوں میں، ٹراپیکل بارش کے جنگلات کے قریب پایا جاتا ہےاس وائرس کی دو اہم اقسام، مغربی افریقی اور وسطی افریقی ہیں –
موسمیاتی تبدیلیوں کے باعث درجہ حرارت میں اضافہ،لوگوں کی ننید کا دورانیہ کم ہو گیا
ابتدائی علامات میں بخار، سر درد، سوجن، کمر میں درد، پٹھوں میں درد اور عام طور کسی بھی چیز کا دل نہ چاہنا شامل ہیں ایک بار جب بخار جاتا رہتا ہے تو جسم پر دانے آ سکتے ہیں جو اکثر چہرے پر شروع ہوتے ہیں، پھر جسم کے دوسرے حصوں، عام طور پر ہاتھوں کی ہتھیلیوں اور پاؤں کے تلوے تک پھیل جاتے ہیں دانے انتہائی خارش یا تکلیف دہ ہو سکتے ہیں۔ دانے میں بدلنے سے قبل یہ مختلف مراحل سے گزرتے ہیں اور بعد میں یہ دانے سوکھ کر گر جاتے ہیں لیکن بعد میں زخموں سے داغ پڑ سکتے ہیں انفیکشن عام طور پر خود ہی ختم ہو جاتا ہے اور 14 سے 21 دنوں کے درمیان رہتا ہے۔
جب کوئی متاثرہ شخص کے ساتھ قریبی رابطے میں ہوتا ہے تو اس میں منکی پوکس پھیل سکتا ہے۔ یہ وائرس ٹوٹی اور پھٹی ہوئی جلد،سانس کی نالی یا آنکھوں، ناک یا منہ کے ذریعے جسم میں داخل ہو سکتا ہےاسے پہلے جنسی طور پر منتقل ہونے والے انفیکشن کے طور پر بیان نہیں کیا گیا تھا، لیکن یہ جنسی تعلقات کے دوران براہ راست رابطے سے منتقل ہو سکتا ہے یہ بندروں، چوہوں اور گلہریوں جیسے متاثرہ جانوروں کے رابطے میں آنے سے بھی پھیل سکتا ہے یا وائرس سے آلودہ اشیاء، جیسے بستر اور کپڑوں سے بھی پھیل سکتا ہے۔
برطانیہ کی نیشنل ہیلتھ سروس کے مطابق یہ ایک نایاب وائرل انفیکشن ہے جو اثرات کے اعتبار سے عام طور پر ہلکا ہوتا ہے اور اس سے زیادہ تر لوگ چند ہفتوں میں ٹھیک ہو جاتے ہیں وائرس لوگوں کے درمیان آسانی سے نہیں پھیلتا اور اس لیے اس کا بڑے پیمانے پر پھیلاؤ کے حوالے سے خطرہ بہت کم بتایا جاتا ہے منکی پوکس کے لیے کوئی مخصوص ویکسین موجود نہیں ہے، لیکن چیچک کا ٹیکہ 85 فیصد تحفظ فراہم کرتا ہے کیونکہ دونوں وائرس کافی ایک جیسے ہیں۔
-
پی ٹی آئی کارکنان اور قیادت کے گھروں پرچھاپے،عمران خان کا ردعمل
چیئرمین تحریک انصاف عمران خان نے کہا ہے کہ پی ٹی آئی کارکنوں اور قیادت کے گھروں پر چھاپوں سے ن لیگ نے پھر وہی دکھایا ہے جس سے ہم واقف ہیں-
باغی ٹی وی : سماجی رابطوں کی ویب سائٹ ٹوئٹر پر بیان جاری کرتے ہوئے عمران خان نے کہاکہ پرامن احتجاج ہمارےشہریوں کاحق ہے۔ پنجاب اور اسلام آباد میں پی ٹی آئی کارکنان اوررہنماؤں کیخلاف ظالمانہ چھاپوں نے ایک مرتبہ پھرہمیں وہی کچھ دکھایاہےجس سےہم واقف ہیں کہ جب بھی اقتدار ہاتھ لگتاہے نون لیگ فسطائیت پراترتی ہے –
بریکنگ نیوز، پولیس حماد اظہر کو گرفتار کرنے ان کے گھر پہنچ گئی
پرامن احتجاج ہمارےشہریوں کاحق ہے۔ پنجاب+ اسلام آباد میںPTI کارکنان+رہنماؤں کیخلاف ظالمانہ چھاپوں نے ایک مرتبہ پھرہمیں وہی کچھ دکھایاہےجس سےہم واقف ہیں کہ جب بھی اقتدار ہاتھ لگتاہے نون لیگ فسطائیت پراترتی ہے۔یہ کریک ڈاؤن(کٹھ پتلیوں کی) ڈوریاں تھامنے والوں پربھی سنجیدہ
— Imran Khan (@ImranKhanPTI) May 23, 2022
عمران خان نے کہا کہ یہ کریک ڈاؤن(کٹھ پتلیوں کی) ڈوریاں تھامنےوالوں پربھی سنجیدہ سوالات اٹھارہاہےمعیشت پہلےہی تباہی کے گڑھے میں اتر چکی ہے۔ ڈاکوؤں اور ان کے آقاؤں کومیں خبردار کرنا چاہتا ہوں کہ یہ غیر جمہوری اور سفاکانہ اقدامات معاشی صورتحال میں مزید ابتری کے موجب بنیں گے اور ملک کو طوائف الملوکی کی جانب دھکیلیں گے۔سوالات اٹھارہاہے۔معیشت پہلےہی تباہی کے گڑھے میں اتر چکی ہے۔ ڈاکوؤں اور ان کے آقاؤں کو میں خبردار کرنا چاہتا ہوں کہ یہ غیر جمہوری اور سفاکانہ اقدامات معاشی صورتحال میں مزید ابتری کے موجب بنیں گے اور ملک کو طوائف الملوکی کی جانب دھکیلیں گے۔
— Imran Khan (@ImranKhanPTI) May 23, 2022
انہوں نے کہا کہ ہماری حکومت کیخلاف پیپلزپارٹی، مسلم لیگ نواز اور جمعیت علمائے اسلام کے جلوسوں کو روکا گیا نہ ہی ہم نے ان کے کارکنان کے خلاف کسی قسم کی چھاپہ مار کاروائیاں کیں جب کہ ہمارے کارکنوں کے گھروں پر کریک ڈاؤن ان کے ہینڈلرز سے متعلق بھی سنجیدہ سوالات اٹھا رہا ہے ڈیموکریٹس اور کلپٹوکریٹس میں یہی تو فرق ہوتا ہے۔پاکستان تحریک انصاف نے حکومت کے خلاف 25 مئی کو اسلام آباد لانگ مارچ کا اعلان کر رکھا ہے لانگ مارچ کے اعلان کے بعد پولیس لا ہور سمیت پنجاب کے مختلف علاقوں میں پی ٹی آئی رہنماؤں اور کارکنوں کے گھروں پر چھاپے مار رہی ہے۔
ذرائع کے مطابق پولیس کی بھاری نفری نے گارڈن ٹاؤن لاہور میں پی ٹی آئی کے رہنما حماد اظہر کے گھر پر چھاپا مارا تو وہاں یاسمین راشد سمیت دیگر رہنما موجود تھے ڈاکٹر یاسمین راشد نےگرفتاری سے بچنے کے لیے زمین پر بیٹھ کر دھرنا دے دیا تاہم پولیس حماد اظہر کی رہائش گاہ سے کسی پی ٹی آئی رہنما کو گرفتار کرنے میں کامیاب نہیں ہوسکی۔
اس کے علاوہ پولیس کی جانب سے پی ٹی آئی رہنما عثمان ڈار، ڈاکٹر فردوس عاشق اعوان ، یاسر گیلانی، سابق صوبائی وزیر چودھری اخلاق ،سعدیہ سہیل،پی ٹی آئی کےسابق سیکرٹری اطلاعات فرخ جاویدمون ،گوجرانوالہ میں پی ٹی آئی کے سینیررہنما صدیق مہر سمیت کئی دیگر رہنماوں کے گھروں پر بھی چھاپے مارے گئے-
ذرائع کے مطابق پی ٹی آئی کے مرکزی رہنماگھر پر موجود نہیں تھے اس لیے ان کی گرفتاری نہ ہوسکی پی ٹی آئی ذرائع کا کہنا ہے کہ پولیس نے لاہور سے اب تک 73 کارکنان کو حراست میں لے لیا ہے۔
-
گجرات میں پاکستانی نژاد ہسپانوی بہنوں کے قتل میں ملوث ملزمان گرفتار
گجرات میں اسپین سے آئی 2 بہنوں کے قتل میں ملوث تمام ملزمان کو 48 گھنٹوں کے اندر گرفتار کر لیا گیا۔
باغی ٹی وی :پولیس کا کہنا ہے کہ قتل کے ماسٹر مائنڈ سمیت تمام ملزمان کو گرفتار کر لیا گیا ہے اور ملزمان نے جرم کا اعتراف بھی کر لیا ہے گرفتار ملزمان میں مرکزی ملزم شہریار،لڑکیوں کا چچا حنیف بھی شامل ہے دیگر ملزمان قاصد، عتیق، حسن اور اسفندیار کو بھی گرفتار کر لیا گیا ہے۔
رشتے کا تنازعہ، اسپین پلٹ دو پاکستانی بہنوں کو چچا نےقتل کر دیا
ڈی پی او گجرات عطاء الرحمان نے بھی دو بہنوں کے قتل میں ملوث ملزمان کو گرفتار کرنے کی تصدیق کرتے ہوئے بتایا ہے کہ ملزمان نے 2 روز قبل دو بہنوں کو قتل کر دیا تھا، پولیس نے 48گھنٹوں میں چچا اور سگے بھائی سمیت 7 ملزمان کو گرفتار کیا۔
پولیس کے مطابق دونوں بہنیں 24 سالہ انیسہ عباس اور 21 سالہ عروج عباس 19 مئی کو اسپین سے پاکستان آئیں اور 20 مئی کو انہیں قتل کر دیا گیا، دونوں بہنیں اپنے شوہروں سے طلاق لے کر اسپین میں پسند کی شادی کرنا چاہتی تھیں، دونوں کا ایک سال قبل نکاح ہوا تھا مگر وہ اپنے شوہروں کو اسپین لے جانے پر رضا مند نہ تھیں۔
قبل ازیں گجرات پولیس کے ترجمان نعمان حسن نے بتایا تھا کہ مقتولین کے اہلخانہ نے انہیں چند دن کےلیےگجرات آنے پر زبردستی راضی کیاتھاابتدائی تحقیقات سےمعلوم ہوتا ہےکہ قتل غیرت کےنام پرہوا لیکن اس حوالےسےمزید تحقیقات جاری ہیں دونوں بہنوں پران کے پاکستانی شوہروں جو ان کے رشتے میں کزن بھی تھے، دباؤ تھا کہ اسپین میں ان کی آمد کے لیے سفارتی امور جلد از جلد مکمل کیے جائیں۔
آئی جی پنجاب نے گجرات پولیس کو اس افسوسناک واقعہ میں ملوث ملزمان کو جلد از جلد گرفتار کرنے کا حکم دیا ہے۔ ڈی پی او گجرات اس کیس کی خود نگرانی کررہے ہیں۔ ملزمان کو جلد گرفتارکر کے سخت سزا دلوائی جائے گی۔ https://t.co/Od5oO0MPXz
— Punjab Police Official (@OfficialDPRPP) May 21, 2022
پولیس نے بتایا تھا کہ مقتولین کے اہلخانہ کے 7 افراد قتل میں مطلوب ہیں، مذکورہ واقعہ پر مؤقف لینے کے لیے پاکستان میں ہسپانوی سفارتخانے سے ہفتے کو رابطہ نہیں ہوسکا۔سوشل میڈیا پر خواتین کو جعلی ویڈیوز کے ذریعے ہراساں کرنے پر2 ملزمان گرفتار
وزیر اعلی پنجاب حمزہ شہباز نے گجرات کے تھانہ گلیانہ کی حدود میں دو بہنوں کےقتل کے واقعہ کا نوٹس لیتے ہوئے انسپکٹر جنرل پولیس سے رپورٹ طلب کی تھی نہوں نے کہا تھا کہ واقعہ میں ملوث ملزمان کی جلد گرفتاری یقینی بنائی جائے، ملزمان کو قانون کی گرفت میں لا کر مزید کارروائی کی جائے۔
واضح رہے کہ ہیومن رائٹس آف پاکستان کی رپورٹ کے مطابق پاکستان میں گزشتہ برس غیرت کے نام پر 450 افراد کا قتل ہوا، مقتولین میں مرد بھی شامل ہیں لیکن خواتین کی تعداد سب سے زیادہ تھی۔ رپورٹ میں خدشہ ظاہر کیا گیا کہ متعدد قتل کے بارے میں پولیس بھی لاعلم ہوتی ہے۔
باپ نے بیٹی کو غیرت کے نام پر قتل کر دیا