نارووال میں ریسکیو 1122 کے آفس میں جشن یوم آزادی پاکستان جوش و جذبہ اور پرعزم طریقے سے منایا گیا ہے، اس حوالے سے ریسکیو اسٹیشن نارووال میں ایک شاندار تقریب کا اہتمام کیا گیا ہے، ریسکیو 1122 کے دستے نے سبزہلالی پرچم کو سلامی پیش کی ہے، اس موقع پر پاکستان کی تعمیرو ترقی، خوشحالی، سلامتی اور استحکام سمیت کشمیریوں کی آزادی کے لئے دعائیں مانگی گئی ہیں، پرچم کشائی کی تقریب کے بعد کیک کاٹا گیا ہے.

ڈسٹرکٹ ایمرجنسی آفیسر انجنئیر عدنان نواز نے سیمینار سے خطاب کرتے ہوئے کہا کہ پاکستان ہمارے لیے الله کی بہت بڑی نعمت ہے، ہمارے بزرگوں نے پاکستان بہت بڑی قربانیوں کے بعد حاصل کیا ہے، یہ دن ہمارے لئے تجدید عہد کا دن ہے ہم سب نے مل کر پاکستان کی ترقی اور استحکام میں حصہ ڈالنا ہے.

ڈی ای او نارووال نےمزید کہا کہ ریسکیو 1122 کے جوان عوام کی خدمت میں ہمیشہ پیش پیش رہتے ہیں، الله تعالیٰ نے ریسکیو کے شعبے کو بڑی عزت سے نوازا ہے ریسکیورز بر وقت پہنچ کرعوام کی خدمت کرتے ہیں.

تقریب کے اختتام پر فضا پاکستان زندہ آباد کے فلک شگاف نعروں سے گونج اٹھی.

محمد عارف راشد باغی ٹی وی نارووال

ڈپٹی کمشنر نبیلہ عرفان نے کہا ہے کہ آزادی ایک انمول نعمت ہے، یہ اللہ کا بڑا فضل و انعام ہے کہ آج ہم آزاد فضاؤں میں سانس لے رہے ہیں، علامہ محمد اقبال کے خواب کی تعبیر میں آزاد وطن کے حصول کیلئے قائد اعظم محمد علی جناح کی قیادت میں مسلمانان برصغیر نے بے شمارقربانیاں پیش کیں ہیں، جس کے نتیجے میں دنیا کے نقشے پر پاکستان معرض وجود میں آیا ہے، اب ہمارا یہ فرض ہے کہ اس وطن کی آزادی کی حفاظت کریں اور اس کی ترقی و خوشحالی کیلئے خلوص نیت سے اپنے حصے کا کردار ادا کریں.

ڈپٹی کمشنر نبیلہ عرفان نے مزید کہا کہ آج ہم بانی پاکستان حضرت قائد اعظمؒ‘، مصور پاکستان حضرت علامہ اقبالؒ اور تحریک پاکستان کے دیگر اکابر رہنماؤں اورکارکنوں کی عظیم جدوجہد اور اس مادر وطن کے حصول کیلئے اپنی جانوں کا نذرانہ پیش کرنے والوں کو خراج عقیدت اورسلام پیش کرتے ہوئے اس عزم کی تجدید کرتے ہیں کہ فرائض کی ایمانداری سے ادائیگی کے ذریعہ اس ملک کو حقیقی اسلامی فلاحی ریاست بنانے میں اپنا کرداراداکریں گے.

پی ٹی آئی رہنما کرنل (ر) جاوید صفدر اور حافظ ذوالفقار مہیس نے ڈپٹی کمشنر آفس میں میں 74 ویں جشن آزادی کے سلسلہ میں پرچم کشائی کی گئی ہے، ڈی پی او سید اکبر علی شاہ، ایڈیشنل ڈپٹی کمشنرزمحمد حنیف، عائشہ غضنفر، عمر فاروق وڑائچ، اسسٹنٹ کمشنرزعثمان اکرم، عثمان سکندر، محمد اکرم، ڈسٹرکٹ سول ڈیفنس آفیسر عاصم ریاض واہلہ، ڈی او ایمر جنسی عدنان نوازاس موقع پر موجود تھے.

محمد عارف راشد باغی ٹی وی نارووال

صوبائی صدر انصاف ویلفیئر ونگ سنٹرل پنجاب چوہدری سجاد مہیس کی زیر نگرانی 14 اگست جشن یوم آزادی کے حوالے سے (ڈیرہ سجاد مہیس) میں تقریب منعقد ہوئی ہے، جس میں ٹائیگرفورس کے نوجوان اور پاکستان تحریک انصاف کے پارٹی ورکرز نے شرکت کی ہے، تقریب میں ٹائیگرفورس کے نوجوانوں نے قومی ترانہ، ملی نغمے اور تقاریر کے ذریعے آزادی کے دن کی اہمیت کو اجاگر کیا ہے، پی ٹی آئی رہنما حافظ ذوالفقار مہیس نے ورکز کے ساتھ جشن آزادی کا کیک کاٹا اور شرکاء کو آزادی کی مبارکباد دی ہے.

چوہدری سجاد مہیس نے اس موقع پر کہا کہ حضرت قائداعظم محمد علی جناح کا پاکستان حقیقی معنوں میں علامہ اقبال کے خواب کی تکمیل ہے، لہذا حصول پاکستان کے مقاصد حاصل کرنے کیلئے پیارے وطن کے ساتھ اپنی وابستگی کو بے حد مضبوط کرنے کی ضرورت ہے، خوشحال پاکستان کی منزل حاصل کرنے کیلئے ہمیں متحد ہوکر مزید آگے بڑھنے کی ضرورت ہے، اسی ویژن کو وزیراعظم پاکستان عمران آگے بڑھا رہے ہیں، یہ دن ہمیں بزرگوں کی قربانیوں کی یاد دلاتا ہے، جن کی قربانیوں کی قدرکرنی چاہیے.

حافظ ذوالفقار مہیس نے کہا کہ ملک کی ترقی وخوشحالی کے لیے ہم سب کو حکومت کے ہاتھ مضبوط کرنا ہوں گے، بالخصوص شجرکاری کے حوالے سے وزیر اعظم پاکستان کے پروگرام کو کامیاب بنا کر ان کے خواب کو شرمندہ تعبیر کرنا ہوگا.

محمد عارف راشد باغی ٹی وی نارووال

ڈپٹی کمشنر نبیلہ عرفان نے تمام مجسٹریٹس کو سختی سے ہدایت کی ہے کہ وہ عوام کو زیادہ سے زیادہ ریلیف فراہم کرنے کرنے کے لیے اپنی تمام تر توانائیاں صرف کریں، معیاری صاف ستھری اور ملاوٹ سے پاک اشیاء کی ترسیل کو بلا تعطل یقینی بنایا جائے، پیاز لہسن اور ٹماٹر کی قیمتوں پر کڑی نظر رکھی جائے، مارکیٹ کمیٹی کے حکام اپنا مؤثر کردار ادا کریں، شہریوں کو بنیادی اشیاء کی سستے داموں فراہمی انتظامیہ کی ذمہ داری ہے.

افسران ذمہ داریاں احسن انداز سے پوری کریں، کسی بھی شخص کو ناجائز منافع خوری کی اجازت نہ دی جائے، اے ڈی سی آرعائشہ غضنفر، اسسٹنٹ کمشنرزعرفان مارٹن، عثمان اکرم، ڈی او انڈسٹریز ذیشان نیاز، ایس این اے علی شیر کے علاوہ دیگر پرائس مجسٹریٹس نے اجلاس میں شرکت کی ہے.

ڈپٹی کمشنر نبیلہ نے مزید کہا کہ پرائس میکنیزیم پر عمل درآمد ہرصورت یقینی بنایا جائے گا، اجلاس میں ڈپٹی کمشنر نارووال نے چیف سیکرٹری پنجاب کی طرف سے پرائسز کے حوالے سے جاری احکامات کی روشنی میں عوام کو زیادہ سے زیادہ ریلیف کی فراہمی کو یقینی بنانے اور اس کے طریقہ کار کے سلسلہ میں ہدایات جاری کیں، ہدایت کی کہ پرائس کنٹرول ایکٹ کی خلاف ورزی کے مرتکب افراد کےخلاف مقدمات کا اندراج کروا کر موقع پر گرفتار کروایا جائے.

محمد عارف راشد باغی ٹی وی نارووال

پسند کی شادی کرنے والا خوفزدہ جوڑا 1 سال سے در در کی ٹھوکریں کھانے پر مجبور ہے، سندھ کی زویا بی بی نے ویڈیو پیغام میں عمران خان سے انصاف کی اپیل کردی ہے.

زویا بی بی کا کہنا ہے کہ میں نے 1 سال قبل اپنی اور والدہ کی مرضی سے شادی کی ہے، پسند کی شادی کے بعد میرے سسرال والوں پر اغواء کا جھوٹا مقدمہ درج کرا دیا گیا ہے، میرے 2 دیور کو سندھ پولیس اٹھا کر لے گئی ہے، جنکی جان کو خطرہ ہے، میری والدہ کو بھی ذبردستی سندھ پولیس اٹھا کر لے گئی ہے، میرے گھر والے میری شادی جبراً ایک شادی شدہ شخص سے کرانا چاہتے تھے.

زویا بی بی کی عمران خان سے اپیل کرتے ہوئے کہا کہ ہمیں تحفظ اور انصاف فراہم کیا جائے، میرے سسرال والوں کے خلاف جھوٹا مقدمہ خارج کیا جائے، جھوٹے مقدمے میں گرفتار کئے گئے دیوروں کو رہائی دلائی جائے.