سنیئر گائنا کالوجسٹ و ڈسٹرکٹ سرجن ڈاکٹر آمنہ شاھد نے ڈی ایچ کیو ہسپتال نارووال میں 32 سالہ خاتون کے پیٹ سے تقریبا دو گھنٹے کے پیچیدہ آپریشن کے بعد تقریبا ساڑھے 6 کلو وزنی رسولی نکال لی ہے.

شکرگڑھ کی رہائشی عابدہ زوجہ عرفان کا کہنا ہے کہ تقریبا سات سال سے اولاد جیسی رحمت سے محروم تھے، بہت سے ڈاکٹروں کو چیک کروایا لیکن کوئی آپریشن کرنے کو تیار نہ تھا.

ڈسٹرکٹ سرجن و گائنا کالوجسٹ ڈاکٹر آمنہ شاھد نے بتایا کہ مریضہ کے پیٹ کے اندر خطرناک جان لیوا رسولی ہے، اللہ تعالی کے خاص کرم سے دو گھنٹے کے پیچیدہ آپریشن کے بعد مریضہ کے پیٹ سے تقریبا ساڑھے 6 کلو وزنی رسولی نکالی ہے، ایسے پیچیدہ آپریشن میں اللہ کا نام لیکر ایک چیلنج سمجھ کر کرتی ہوں، ضلع بھر کے غریب نادار مریضوں کے لئے وہ 24 گھنٹے کام کرتی ہیں.

مریضہ کے شوہر کا کہنا تھا کہ ڈاکٹر آمنہ شاھد پورے ضلع کے لئے باعث رحمت ہیں، جنہوں نے اپنی قابلیت اور تجربے سے میری بیوی کو نئی زندگی دی ہے ان شاءاللہ اب ہم اولاد جیسی نعمت سے بھی محروم نہیں رهیں گے.

محمد عارف راشد باغی ٹی وی نارووال

صوبائی وزیراوقاف و مذہبی امور پیرسعید الحسن شاہ کی زیر صدارت محرم الحرام کے امن و امان کا جائزہ لیا گیا ہے، اس اجلاس میں انہوں نے کہا ہے کہ قیام امن کے لیے تمام مکاتب فکر کے علماء کرام نے ہمیشہ کلیدی کردار ادا کیا ہے، محرم الحرام کے مقدس مہینے میں بھی بھائی چارے اور رواداری کی فضاء کو پروان چڑھانے میں علماء کرام اپنا بھرپور تعاون جاری رکھیں، محرم الحرام کے موقع پرضلعی انتظامیہ، پولیس تمام سرکاری اداروں اور ضلعی و تحصیل امن کمیٹیوں سے مل کر تمام انتظامات قبل از وقت مکمل کرے، صوبائی وزیر اوقاف کا محرم الحرام کے دوران امن و امان برقرار رکھنے، مجالس اور جلوسوں کی فول پروف سکیورٹی، راستوں میں روشنی، صفائی، نکاسی آب سمیت دیگر انتظامات کے بارے میں ہدایت جاری کی ہیں.

اجلاس میں ڈپٹی کمشنرنبیلہ عرفان، ڈی پی او سید اکبرعلی شاہ کے علاوہ ایڈیشنل ڈپٹی کمشنر محمد حنیف، عائشہ غضنفر، اسسٹنٹ کمشنرزعثمان سکندر، عرفان مارٹن، عثمان اکرم، سی ای او ڈاکٹر خالد جاوید، ڈی او ڈاکٹرمحمد طارق، ڈی ایس پی ٹریفک فوزیہ، سی ڈی او عاصم ریاض، سی اوز میونسپل کمیٹیزو دیگر محکموں  کے افسران نےاجلاس میں شریک کی ہے.

ڈپٹی کمشنر نبیلہ عرفان نے صوبائی وزیر اوقاف کو بتایا کہ  ضلع کی سطح پر مسلسل مانیٹرنگ  کیلئے ڈی سی آفس میں کنٹرول روم  قائم  کیا گیا ہے، جہاں سے حساسں  جلوسوں، مجالس  کی بذریعہ سی سی ٹی وی کیمروں سے لائیو مانیٹرنگ کی جائے گی، ڈی سی آفس میں کنٹروم روم بنا دیا گیا ہے، اس کے علاوہ جلوس کی گزرگاہوں میں صفائی ستھرائی اور بجلی کی لٹکتی تاروں کے لیے ضروری ہدایات جاری کردی گئی ہیں۔

ڈی پی او سید اکبر علی شاہ نے بھی صوبائی وزیر اوقاف کو ضلع بھر میں منعقدہ جلوس اور مجالس کی سیکورٹی کے لیے کیے جانے والے اقدامات سے آگاہ کیا ہے.

صوبائی وزیر اوقاف پنجاب نے کہا کہ محرم الحرام میں غیرملکی امن دشمن قوتیں فرقہ وارایت کی آگ بھڑکانے کے مذموم ایجنڈا کی تکمیل کیلئے متحرک ہوجاتی ہیں، ایسی قوتوں کے خلاف ہمیں اپنی صفوں میں مکمل اور مثالی اتحاد پیدا کرتے ہوئے مسلسل چوکنا رہنا ہوگا، بالخصوص ہمسایہ ملک افغانستان میں موجودہ حالات کے تناظر میں تخریبی سرگرمیوں سے نمٹنے کے لیے سوشل میڈیا اور امن دشمن عناصر پر کڑی نظر رکھنا ہوگی، تمام مسالک کے جید علماء کرام مکمل ہم آہنگی اور بھائی چارے کے ساتھ قیام امن کی حکومتی کوششوں کو کامیاب بنائیں، کسی بھی شرانگیزی، فرقہ واریت اورمذہبی منافرت کو ہرگز برداشت نہیں کیا جائے گا، سوشل میڈیا کو  بالخصوص ملکی قوانین کے تابع بنانے کیلئے مزید ٹھوس اقدامات کی ضرورت ہے، نفرت انگیز پوسٹ، مواد اپ  لوڈ کرنے والوں کے خلاف بلا تفریق  فوری ایکشن سے بہتر نتائج حاصل ہوں گے، آل رسول ؐ کی  محبت ہمارے ایمان کا لازمی جزو ہے، جس کا پہرہ دینا ہمارا اولین فرض ہے، تمام مسالک کے علماء مل کرایسی تمام قوتوں کے مکروہ عزائم کو ناکام بنائیں گے، جو امت مسلمہ کی صفوں میں انتشار اور تفرقہ پیدا کرنا چاہتے  ہیں.

صوبائی وزیر اوقاف نے متعلقہ کو ہدایت کی کہ وہ مجالس اور جلوس کے روٹس پر پیچ ورک اور لائٹس کا کام جلد مکمل کریں تا کہ عزا داروں کو پریشانی کا سامنا نہ کرنا پڑے، تمام مجالس میں کورونا ایس او پیز کو بھی سختی سے ملحوظ خاطر رکھا جائے، سماجی فاصلہ اور ماسک کا استعمال لازمی ہوگا، کسی بھی عزادار کو ماسک کے بغیر جلوسوں یا مجالس میں شرکت کی اجازت نہیں دی جائے گی، کورونا ویکسی نیشن بھی ضروری ہوگی، سی اوزمیونسپل کمیٹیز کو مزید ہدایت کی کہ وہ جلوسوں اور مجالس کے راستوں سے تجاوزات کا خاتمہ بھی کروائیں، تمام تحصیلوں کے اسسٹنٹ کمشنرز بھی اپنی اپنی تحصیلوں میں عاشورہ محرم الحرام کے انتظامات کومکمل کریں، تجاوزات، لائٹس اور پیچ ورک کا کام جلد مکمل کروائیں.

محمد عارف راشد باغی ٹی وی نارووال

بورےوالا کے نواحی گاؤں 513 ای بی میں اشفاق نامی شخص کا نو مولود بچہ وفات پا گیا تھا، جس کی گزشتہ روز عصر کے ٹائم نماز جنازہ ادا کردی گئ تھی، صبح سویرے والدین قبر پر فاتحہ خوانی کے لئے پہنچے تو قبر کھود کر نعش نکال کر قبر کھلی چھوڑی ہوئی تھی، میت نکالنے والے قبر کو پہلی حالت میں بنا کر اس پر ڈالنے کے لئے پھولوں کی پتیاں بھی اپنے ساتھ لائے تھے، تاکہ کسی کو شک نہ گزرے کہ قبر سے میت نکالی گئی ہے.

چوکی تھانہ صدر پولیس نے موقع پرپہنچ کر شواہد اکٹھے کرلئے ہیں، جس سے ملزمان تک پہنچنے میں آسانی پیدا ہوسکے گی، پولیس کا کہنا تھا کہ قبر کھود کر میت نکالنے والوں میں ایک مرد اور ایک عورت شامل ہیں، جن کے پاؤں کے نشان قبر پر موجود ہیں.

ورثاء نے احتجاج کرتے ہوئے بچے کی میت کو جلد بازیاب کرنے کا مطالبہ کیا ہے.

ایڈیشنل ڈپٹی کمشنرریونیوعائشہ غضنفر نے کہا ہے کہ لوگوں کی جان ومال کا تحفظ حکومت کی اولین ترجیح ہے، محرم ہو یا سیلاب انتظامیہ تمام تر ہنگامی صورتحال سے نپٹنے کے لیے پوری طرح چوکس ہیں، ضلعی انتظامیہ کے ماتحت ادارے اپنا موثر کردار ادا کرنے کے لیے پوری تیاری رکھیں، اگر اس حوالے سے کسی محکمہ کو درپیش رکاوٹ ہو تو فی الفور آگاہ کریں، تاکہ بعد میں کسی قسم کی پریشانی کا سامنا نہ کرنا پڑے، محکمہ صحت ایمر جنسی صورتحال میں مریضوں کوعلاج معالجے کی سہولت کا بندوبست کیا جائےاورصرف ضروری مریضوں کولاہور ریفر کیا جائے، سی اوز میونسپل کمیٹیزمحرم الحرام میں نکلنے والی مجالس اور جلوس کی گزرگاہوں پر صفائی ستھرائی کو یقینی بنائیں اور نکاسی آب کیے لیے ضروری انتظامات کریں، تمام محکموں کو ہدایات جاری کیں کہ سیلاب سے نمٹنے کے حوالے سے اپنے انتظامات مکمل رکھیں اور گورنمنٹ کے ایس او پیز پرعملدآمد کرتے ہوئے تمام کاموں کو مقررہ وقت میں مکمل کریں.

ڈسٹرکٹ ایمرجنسی بورڈ اور ڈسٹرکٹ ڈیزاسٹر مینجمنٹ اتھارٹی کے اجلاس میں ڈسٹرکٹ ایمرجنسی آفیسرریسکیو 1122 انجینئر عدنان نواز نے ایڈیشنل ڈپٹی کمشنرکو سیلاب سے نمٹنے کے حوالے سے پی ڈی ایم اے پنجاب کی ہدایات کی روشنی اور موجوہ سیلابی صورتحال سے آگاہ کرنے کے ساتھ ساتھ محرم الحرام میں منعقدہ مجالس اور جلوس کے حوالے سے ریسکیو 1122 کے انتظامات کے بارے میں بتایا گیا ہے.

ڈسٹرکٹ ایمرجنسی آفیسر نے کہا ریسکیو 1122 کسی بھی ہنگامی صورت حال میں فوری مدد پہنچانے کے لئے پوری طرح تیار ہے اس حوالے سے ڈی سی آفس میں کنٹرول روم بھی قائم کیا گیا ہے جہاں پر ممکنہ سیلاب کی صورتحال کے بارے لوگوں کو آگاہی حاصل ہوتی رہے گی.

اجلاس میں ایڈیشنل ڈپٹی کمشنر نے ریسکیو 1122 کی کارکردگی کو سراہا اور تمام محکموں کو کسی بھی ایمرجنسی صورتحال سے نمٹنے کے لیے تیار رہنے کی ہدایت کی۔اجلاس میں ڈسٹرکٹ ایمرجنسی آفیسرریسکیو1122،بلڈنگ، ہائی ویز،واپڈا،پوکیس، ڈائریکٹرلائیو سٹاک، میونسپل کمیٹیزکے علاوہ محکمہ انہار، زراعت، ہیلتھ،پولیس، ٹریفک پولیس،ایجوکیشن ودیگر افسران نے شرکت کی ہے.

محمد عارف راشد باغی ٹی وی نارووال