ملک بھر کی طرح ضلع نارووال میں بھی یوم استحصال کشمیر بھرپور طریقے سےمنایا گیا ہے، ضلعی ہیڈ کوارٹرز کی سطح پر یوم استحصال کشمیر کی مرکزی تقریب کا انعقاد کیا گیا ہے، یوم استحصال کے لیے کشمیری بھائیوں کے ساتھ اظہار یکجہتی کے حوالے سے ایک بہت بڑی ریلی نکالی گئی ہے، ریلی ڈپٹی کمشنر آفس سے نکالی گئی ہے، ڈپٹی کمشنرنبیلہ عرفان نے ریلی کی قیادت کی ایڈیشنل ڈپٹی کمشنرزمحمد حنیف،عائشہ غضنفر،اسسٹنٹ کمشنر عثمان سکندرکے علاوہ تمام محکموں کے افسران بھی ریلی میں شریک ہوئے ہیں، استحصال کشمیر ریلی میں راہنماپی ٹی آئی کرنل (ر) جاوید صفدر، حافظ ذوالفقار مہیس سمیت سیاسی، سماجی، وکلاء اور صحافتی نمائندگان نے بھرپور شرکت کی ہے،

استحصال کشمیر ریلی سے ڈپٹی کمشنرنبیلہ عرفان، کرنل جاوید صفدر اور حافظ ذوالفقار مہیس نے خطاب کیا ہے، اظہار یکجہتی کشمیر ریلی میں شرکاء نے فلیکسز اور بینرز اٹھارکھے تھے، جس پر کشمیری بھائیوں کے حق میں نعرے درج تھے کشمیر پر بھارت کا ناجائز قبضہ کسی صورت بھی برداشت نہیں کشمیری بھائیوں کی جدوجہد عنقریب رنگ لے کر آئیں گئی کشمیری بھائیوں کی ہرطریقے سےحمایت جاری رکھیں گے۔بھارت اپنے اوچھے ہتھکنڈوں سے باز آجائے بھارتی تسلط کے خلاف ہر محاز پر آواز بلند رکھی جائے گی۔ ڈپٹی کمشنر نبیلہ عرفان، جاوید صفدر اور حافظ ذوالفقارمہیس نے ریلی میں کرونا سے بچاو کے لیے فیس ماسک بھی تقسیم کیے۔

محمد عارف راشد باغی ٹی وی نارووال

ڈھلی نہر تلونڈی بھنڈراں کے مقام پر دو نوجوان نہاتے ہوئے ڈوب گئے ہیں، ایک کو مقامی افراد نے اپنی مدد آپ کے تحت بچا لیا ہے، دوسرے کو پانی کی تیز لہریں بہا کر لے گئیں، ریسکیو 1122 نے ڈوبنے والے لڑکے کی تلاش کے لئے آپریشن شروع کر دیا ہے، ڈسٹرکٹ ایمرجنسی آفیسر انجینئر عدنان چوہدری ریسکیو آپریشن کی نگرانی خود کر رہے ہیں.

ایم آر لنک ڈھلی نہر میں موضع داتے وال کا رہائشی عدنان اور جسو والی کا رہائشی عمر میسج نہانے کے پانی میں اترے اور دنوں ہیں تیز پانی میں ڈوب گئے ہیں، قریب کھڑے لوگوں نے پانی میں کود کر ندیم میسج کو بچا لیا ہے، جبکہ بدقسمت عدنان تیز پانی کے بہاؤ میں ڈوب گیا ہے، جس کی تلاش کے لئے ریسکیو آپریشن جاری ہے، ریسکیو 1122 کے جوانوں نے ڈسٹرکٹ ایمرجنسی آفیسر انجنئیر عدنان نواز کی زیر نگرانی لڑکے کی تلاش شروع کر دی ہے.

محمد عارف راشد باغی ٹی وی نارووال

ڈسٹرکٹ پاپولیشن ویلفیئر آفیسر چوہدری سجاد احمد نے کہا ہے کہ پودا لگانا صدقہ جاریہ ہے، سنت نبوی بھی ہے، جس نے ایک پودا لگایا اس نے جنت میں پودا لگایا، اس کے علاوہ پودے انسانی زندگی کو آکسیجن فراہم کرنے کے ساتھ ساتھ ماحول کو خوشگوار بنانے میں بھرپور مدد فراہم کرتے ہیں، وزیراعلی پنجاب کے پروگرام خدمت آپکی دہلیزپروگرام کے تحت ڈپٹی کمشنر نبیلہ عرفان کی زیرنگرانی دیگر محکموں کی طرح محکمہ بہبود آبادی بھی اس مہم کو کامیاب بنانے کے لیے بڑھ چڑھ کر حصہ لے رہا ہے، وزیر اعلی پنجاب کے خواب کو ہرصورت شرمندہ تعبیر کیا جائے گا، اس حوالے سے محکمہ بہبود آبادی کے فیلڈ دفاتر میں سینکڑوں کی تعداد میں پودے لگائے جارہے ہیں، احمد، عبدالستار،عبد المجید ودیگر اس موقع پرموجود تھے۔

محمد عارف راشد باغی ٹی وی نارووال

سینئر ممبر بورڈ آف ریونیو پنجاب بابر حیات تارڑ نے ڈی سی آفس نارووال میں ریونیو عوامی خدمت سینٹر کا دورہ کیا اورعوام کو فراہم کی جانے والی سروسز کا جائزہ لیا ہے، اس موقع پر گفتگو کرتے ھوئے انہوں نے کہا کہ عوام کی فلاح وبہبود موجودہ حکومت کی اولین ترجیحات میں شامل ہے، وزیر اعلی عثمان بزدار کی زیر صدارت پنجاب بھر میں جہاں دوسرے محکمے عوامی خدمات کے لئے بر سر پیکار ہیں وہاں ریونیو ڈیپارٹمنٹ بھی عوام کی خدمات کے لئے شب و روز نت نئی سروسز کے ساتھ میدان عمل میں موجود ھے، وزیراعلٰی پنجاب عثمان بزدار کی ہدایت پر ہر مہینے کے پہلے دفتری دن تحصیل کی سطح پر ریونیو عوامی خدمت کھلی کچہری کا انعقاد کیا جارھا ہے، جہاں ڈپٹی کمشنر، ڈپٹی کلکٹر ایڈیشنل ڈپٹی کمشنر، اسسٹنٹ کمشنر، تحصیل دار، سب رجسٹرار، قانونگو، پٹواری سمیت اراضی ریکارڈ سینٹر کا عملہ موقع پر موجود ھوتا ھے، ریونیو عوامی خدمت کھلی کچہری پروگرام کے تحت عوام کے مسائل ان کی دہلیز پر حل کئے جارہے ھیں.

ڈپٹی کمشنر نہ صرف سائلین کی درخواستیں سن کر موقع پر ان کے مسائل کے حل کےلئے احکامات جاری کر رھے ھیں، بلکہ اس کے ساتھ ساتھ گذشتہ درخواستوں کی جانچ بھی کی جارھی ھے، ان ریونیو عوامی خدمت سینٹرز پر لوگوں کو ریکارڈ کی درستگی، فرد کا اجرا، انتقالات کا اجرا، رجسٹری، انکم سرٹیفکیٹ، معائنہ ریکارڈ اور ڈومیسائل کے اجراء سمیت ریونیو کے متعلق کئی ایک سروسز مہیا کی جارھی ہیں، ریونیو سینٹرز پر عوامی مسائل موقع پر حل کرنے کی روایت شروع کردی ھے، ڈپٹی کمشنر نارووال نبیلہ عرفان، ڈی جی پی آر پنجاب ثمن رائے اور محکمہ ریونیو کے علاوہ اے ڈی سی آرعائشہ غضنفر سمیت غلام مصطفی انصاری، محمد ارشد، شہزاد قیصرودیگر اس موقع پر موجود تھے۔

محمد عارف راشد باغی ٹی وی نارووال