تنگوانی،باغی ٹی وی (نامہ نگار منصور بلوچ)نامعلوم چوروں نے 11ہزار کے وی کی لائن سے تاریں کاٹ کر چوری کرلیں
تفصیل کے مطابق تنگوانی شہر سے گاؤں ڈیراسرکی ،گاؤں قادر بخش کھوکھر،گاؤں جیئل نوناری کی طرف جانے والی11 ہزار بجلی لائن کے کھمبوں کی تاروں کو نامعلوم چور کاٹ کر لے گئے ہیں .جبکہ سیپکو عملہ کو معلوم نہیں ہے ،گاؤں والے پریشان ،بجلی کے بغیر گرمی میں عوام بے حال ہوچکی ہے ،
واپڈا کے اعلیٰ حکام سے نوٹس لینے کا عوامی مطالبہ
تنگوانی، باغی ٹی وی ( نامہ گار منصور بلوچ) تنگوانی کے قریب انڑ نہر میں 20 فٹ چوڑا شگاف محکمہ انہارکا عملہ غائب
خبر کے مطابق تنگوانی کے قریب گاؤں رسول بخش بھلکانی کے نزدیک انڑ نہر کو 20 فٹ کا شگاف پڑ گیا ہے ،شگاف کی وجہ سے دھان کی فصل تباہ ہوئی ہے اور گاؤں رسول بخش بھلکانی زیر اب آگیا ہے
محکمہ انہارکا عملہ ابھی تک غائب ہے اور انتظامیہ بھی لا علم ہے گاؤں والوں کے مطابق شگاف کو ابھی تک بند نہیں کیا جاسکا اورنہ ہی نہر کو بند کیاگیا ہے،مزید کئی دیہات زیرآب آنے کا خدشہ ہے.
کندھ کوٹ،باغی ٹی وی (نامہ نگارمختیاراعوان ) تنگوانی سے سکھر جانے والے وین کو ڈاکوؤں نے لوٹ لیا
تفصیل کے مطابق انڑ نہر کے قریب ڈاکوؤں نے اسلحہ کے زور پر تنگوانی سے سکھر جانے والے وین کو روک کر مسافروں سے لوٹ مار کی ۔ ڈاکو مسافروں سے موبائل فون نقد یاور دیگر سامان لوٹنے کے بعد فرار ہو گئے
واقعہ کے خلاف متاثرین کا احتجاج،ڈاکوؤں کے خلاف کارروائی کرنے اور ڈکیتی کیا سامان ،نقدی اور موبائل فون واپس کرانے کا مطالبہ
دوسری طرف اطلاع ملنے پر پولیس کی علاقے میں کچے کے داخلی اور خارجی راستوں پر ناکہ بندی ۔
کشمور،باغی ٹی وی(نامہ نگارمختیار احمد اعوان)ڈسٹرکٹ الیکشن کمشنر کشمور ایٹ کندھ کوٹ ستار سردار کی زیر صدارت دفتر ڈسٹرکٹ الیکشن کمشنر میں ڈسٹرکٹ ووٹر ایجوکیشن کمیٹی کا اجلاس ہمراہ ممبران کمیٹی منعقد ہوا، ممبران ووٹر ایجوکیشن کمیٹی کے ساتھ مختلف سماجی تنظیموں اور سوِل سوسائٹی سے تعلق رکھنے والے افراد نے بھی شرکت کی۔
اجلاس کا آغاز باقاعدہ تلاوت کلام پاک سے کیا گیا۔ڈسٹرکٹ الیکشن کمشنر ستار سردار نے تمام شرکاء کو ویلکم کیا اور اجلاس کے اغراض ومقاصد بیان کئے ، شرکاء کی توجہ خاص طور پر ووٹ کے اندراج، درستگی اور اخراج کے طریقہ کار کی طرف مبذول کرائی گئی اور یہ بتایا گیا کے وہ تمام افراد جن کا ووٹ کسی بھی وجہ سے اب تک درج نہ ہو پایا ہے وہ ضرور ہی ووٹ کا اندراج کروائیں۔
اس سلسلہ میں بِلا معاوضہ فارم جات ڈسٹرکٹ الیکشن کمشنر کے دفتر میں میسر ہیں جو کے ضرورتمندافراد اپنے اور اپنے گھرانے کے کسی بھی فرد کے ووٹ کے اندارج کیلئے حاصل کر سکتے ہیں۔
حاضرین سے مخاطب ہوتے ہوئے ڈسٹرکٹ الیکشن کمشنر نے مزید کہا کے ایسے تمام افراد جن کا شناختی کارڈ نادراے جاری ہوچکا ہے، اپنے ووٹ کا اندراج شناختی کارڈ پر درجہ مستقل یا عارضی پتہ کے مطابق یقینی بنانے کیلئے شارٹ میسج سروس SMS (8300) پر اپنے شناختی کارڈ کا نمبر بھیجیں اور اگر انکا ووٹ درجہ نہ ہو تو ڈسٹرکٹ الیکشن کمشنر کے دفترسے رجوع کریں ۔عوام الناس اپنے ووٹ کا اندراج قومی شناختی کارڈ پر موجود مستقل / موجودہ پتے پر یقینی بنائیں۔
آگاہی مہم کے لئے سول سوسائٹی اور مختلف اسٹیک ہولڈرز کو چاہیے کہ وہ اس قومی فریضے میں الیکشن کمِشن آف پاکستان کا ساتھ دیں۔ تمام شرکاء اپنے اپنے علاقوں میں مہم چلائیں تاکہ ہر فرد تک یہ اہم پیغام پہنچ سکے ،شرکت کرنے والے تمام اسٹیک ہولڈرز اور سول سوسائٹی کے نمائندگان نے الیکشن کمیشن کی مہم کو کامیاب بنانے کیلئے شانہ بشانہ ساتھ دینے کا عہد کیا۔
اجلاس کے اختتام پر ڈسٹرکٹ الیکشن کمشنر نے شرکاء کا شکریہ ادا کیا جبکہ ڈسٹرکٹ ووٹر ایجوکیشن کمیٹی کے ممبران کی طرف سے بھرپور تعاون کو جاری رکھنے کا عہد کیا گیا۔
کشمور،باغی ٹی وی (نامہ نگارمختیاراعوان )کشمور میں زمین کے تنازعہ پر 2 گروپوں میں تصادم ہوا ہے ،فائرنگ سےایک ہلاک ہوگیا ہے
پولیس ذرائع کا کہنا ہے کہ تھانہ کشمور کی حدود نواحی علاقہ گاؤں قاضی کلواڑ میں کلواڑ برادری کے دو گروپوں میں زمین کے تنازعہ پرتصادم ہوا،اس تصادم کے نتیجے میں میں دونوں گروپوں کی ایک دوسرے پر جدید ہتھیاروں سے فائرنگ،فائرنگ کے نتیجے میں گولیاں لگنے سے ایک شخص عیدن کلواڑ جاں بحق،
مقتول کے بھائی شعبان کلواڑ کا کہنا ہے کہ کشمور پولیس کی نااہلی کے وجہ سے نوجوان قتل ہوا، رات گئے کشمور پولیس کو اطلاع دی گئی، پولیس کے ایکشن نہ لینے کی وجہ سے یہ اندوہناک وقوعہ رونما ہوا
دوسری طرف پولیس نے موقع پر پہنچ کرجاں بحق ہونے والے شخص کی لاش کو کشمور ہسپتال منتقل کردیا ہےجبکہ دونوں گروپوں میں کشیدگی برقرار ہے ،اس کشیدگی کی وجہ سے علاقے میں خوف و ہراس کی فضاء قائم ہوچکی ہے.
کندھ کوٹ،باغی ٹی وی (نامہ نگارمختیاراعوان)کچے کے بےرحم ڈاکووٴں کے ہاتھوں تاوان نہ ملنے پر مغوی کی تشدد زدہ لاش برآمد
کندھ کوٹ کے تھانہ کچو کیٹی کے حدود بی ایس فیڈر کے مقام پر لاوارث لاش برآمدہوئی ہے ، لاش کے کپڑوں کی جیب میں شناخت کارڈ ملا جس کے مطابق خیبر بختون خواہ وزیر ستان کا رہائشی ہے
اہل علاقہ نے لاش کو دیکھ پولیس ک کواطلاع دی ، پولیس نے لاش کو اپنے تحویل میں لیکر تفشیش شروع کردیا،
ذرائع کا کہنا ہے کہ کشمور کے کچے کے ڈاکوؤں کے پاس سیکنڑوں مغوی قید ہیں،اس افسوس ناک واقعہ کے بعد مغویوں کے ورثا ء خوف کاشکار ہوگئے ہیں
کندھ کوٹ،باغی ٹی وی(مختیار احمد اعوان)صوبائی محتسب اعلی محمد سہیل راجپوت کے حکم پر ڈسٹرکٹ اکاؤنٹس آفس ،کشمور ایٹ کندھ کوٹ میں عوام کی فلاح و بہبود کے لیے ریجنل ڈائریکٹر محتسب اعلی زاہد حسین برڑو کی سربراہی میں ایک کھلی کچهیری کا انعقاد کیا گیا جس میں سرکاری ملازمین کی پنشن ، ریٹائرمنٹ اور دیگر مسائل پر فوری حل کرنے پر غور کیا گیا۔
تفصیلات کے مطابق ریجنل ڈائریکٹر محتسب اعلی زاہد حسین برڑو صوبائی محتسب اعلی کے احکامات پر ڈسٹرکٹ اکاؤنٹس آفس میں پہنچے۔ اس موقع پر لوگوں نے ڈائریکٹر محتسب اعلی کو پینشن ، ریٹائرمینٹ اور درستگی کی نشاندہی کروائیں ۔
اس موقع پر خطاب کرتے ہوئے ڈائریکٹر محتسب اعلی نے کہا کہ صوبائی محتسب اعلی کے احکامات پر ہم آج ڈسٹرکٹ اکاؤنٹس آفس کشمور ایٹ کندھ کوٹ پہنچے ہیں تاکہ لوگوں کے مسائل کو ان کے دروازے پر حل کیا جا سکے ۔
اس موقع پر اسسٹنٹ رجسٹرار کاشف ضیاء سومرو اور صوبائی محتسب اعلیٰ کے افسران، ڈسٹرکٹ اکاؤنٹس آفیسر عبدالرسول ابڑو، اکاؤنٹنٹ شمیم غلام مرتضیٰ سیٹھار سید واجد شاہ، عبدالواحد اور اور اکاونٹس افسران موجود تھے۔ دیگر آفیسر موجود تھے۔
کندھ کوٹ،باغی ٹی وی (نامہ نگارمختیاراعوان ) ایک ہفتہ قبل کوکاری نندوانی اور جعفری برادری کے درمیان جگھڑے کے دوران زخمی ہونے والے 5 افراد میں سےجعفری برادری کے زخمی اللہ داد جعفری سکھر کے ہسپتال میں دم توڑ گئے
متاثرین نے ٹھل کندھ کوٹ انڈس ہائی وے روڈ پر لاش رکھ کر دھرنا دے دیا ،دھرنے کے باعث ٹریفک کی آمد رفت بند اورمسافروں کو پریشان کا سامنا کرنا پڑا۔
جعفری برادری کے افراد کاکہناتھا کہ نندوانی برادری ہمیں بھتہ وصول کرنا چاہتے ہیں ،ملزمان کے فائرنگ سے اب تک ہمارے تیں افراد قتل ہو چکے ہیں اورپولیس ملزمان سے ملی ہوئی ہے،
پولیس نے کامیاب مذکرات کر کے دھرنا ختم کرایا اور ٹریفک کی روانی بحال کرائی
جبکہ دونوں گروپوں کے جگھڑے کے دوران قتل ہونے والے افراد کی تعداد 4 ہوگئی جن میں ایک کا تعلق نندوانی کوکاری اور 3 کا تعلق جعفری برادری سے ہے
دوسری جانب دونوں گروپوں میں کشیدگی برقرار ہے دونوں گروپ اپنے دفاع کے لیے مورچہ زن ہیں، دونوں گروپوں میں ہونے والی کشیدگی پر علاقہ مکین ڈرخوف اور پریشانی میں مبتلا ہوچکے ہیں ،شہری نے پولیس کے اعلیٰ حکام سے اس معاملہ پر فوری نوٹس لینے کامطالبہ کیا ہے.
تنگوانی، باغی ٹی وی (نامہ نگار منصور بلوچ )دوہرےقتل کی ایف آئی آر درج نہ کرنے پر پولیس کے خلاف لاشیں رکھ کر انڈس ہائی وے پر دھرنا
تنگوانی کے قریب تھانہ جمال کے حدود میں کوکاری گینگ کے ہاتھوں قتل ہونے والے دو سگے بھائیوں انور علی ،تاج محمد جعفری کے قتل میں ملوث ملزمان کی گرفتاری کے لے ورثاء تنگوانی کے قریب انڈس ہائی وے ٹھل روڈ پر لاشوں کو رکھ کر احتجاجی دھرنا
دونوں اطراف روڈ بند ہونے سے سندھ پنجاب بلوچستان کی ٹریفک کی روانی معطل ہوگئی،دونوں اطراف گاڑیوں کی لمبی لائیں لگ گئیں،مسافر وں کوسخت پریشانی کا سامنا کرپڑا
دھرنے میں ورثاءنے کہا کہ کوکاری گینگ نے ہمارے نوجوانوں کو بلا جواز حملہ کرکے قتل کردیااور ہمارے دونوجوانوں کے قتل کی ایف آئی آر پولیس نے ابھی تک درج نہیں کی ہے.
تنگوانی ،باغی ٹی وی (نامہ نگار منصور بلوچ )تنگوانی کے قریب تھانہ شبیر آباد کے حدود میں جعفری اور نندوانی قبائل میں تصادم کے نتیجہ میں3 افراد قتل جبکہ 8 زخمی ہوگئے
خبر کے مطابق تنگوانی کے قریب تھانہ شبیر آباد کے حدود گاؤں اللہ داد جعفری میں جعفری اور نندوانی قبائل میں پرانے تنازعہ کی وجہ سے تصادم ہوا ہے دونوں اطراف سے جدید اسلحہ سے فائرنگ کی گئی
دونوں قبائل کے تین افراد قتل آٹھ زخمی ہوئے ہیں، قتل ہونے والے میں محراب عرف کھنڈوانی نندوانی ،حافظ انور جعفری ، تاج محمد جعفری جب کہ زخمیوں میں منصب بشیر اور قربان سمیت اٹھ افراد زخمی ہوئے ہیں
آخری اطلاعات تک اس علاقے میں فائرنگ کا سلسلہ جاری تھااور پولیس ابھی اس علاقے میں نہیں پہنچی سکی تھی