Category: کشمور

تنگوانی، باغی ٹی وی(نامہ نگار منصور بلوچ ) انڑ پل تھانہ جمال کے حدود میں کندھ کوٹ یو مائیکرو فناس بینک عملے کو مبینہ اغوا کرنے کی کوشش
موبائل فون اور نقد رقم چھین لی گئی چیخ اور پکار کرنے پر ڈاکو فرار

تفصیل کے مطابق کندھ کوٹ یو مائیکرو فناس بینک کےعملے اصغر علی ڈاہانی ، انعام اللہ کوسو ،نصر اللہ بھلکانی،عبد الکریم گولوکے مطابق وہ اپنی ڈیوٹی پر جا رہے تھے کہ اچانک تنگوانی کے قریب انڑ پل تھانہ جمال کہ حدود میں ڈاکو ؤں نے انہیں اغوا کرنے کی کوشش کی اور چیخ پکار کرنے پر ڈاکو فرار ہو گئے جب کہ ان کا سامان موبائل فون نقد رقم ان سے چھین لی گئی ہے

یاد رہے کہ ان چاروں ملازموں کو کچھ عرصہ پہلا کچے کے ڈاکو نے اغوا کر لیا تھا اور یہ لوگ بھنگا اداکرنے کے بعد بازیاب ہوئے تھے اور پھر اپنی ڈیوٹی پر جا رہے تھے کہ ان کے ساتھ دوبارہ یہ واقعہ پیش آیا.

کندھ کوٹ ،باغی ٹی وی (نامہ نگار مختیاراحمداعوان کی رپورٹ)کندھ کوٹ میں پولیس کے مطابق کندھ کوٹ میں بخشاپور تھانہ کی حدود چھنکو پھاٹک کے مقام پر بھنگوار برادری کے 2 گروہوں میں فائرنگ ہوئی۔

پولیس نے بتایا کہ فائرنگ کا واقعہ دیرینہ دشمنی کی وجہ سے پیش آیا اور فائرنگ سے ایک ہی خاندان کے 3 بچوں سمیت 4 افراد موقع پر ہلاک ہو گئے۔

پولیس کے مطابق ہلاک ہونے والوں میں 36سالہ شبیر، ا سکے 3 بیٹے 13سالہ مزمل ، 11سالہ ماجد اور 9سالہ شہزاد شامل ہیں۔

قتل واقعہ کے بعد ملزمان فائرنگ کرتے ہوئے با آسانی فرار ہوگئے ،اطلاع پر تھانہ حدود کی پولیس جائے وقوعہ پر پہنچ گئی، پولیس کی جانب سے ملزمان کی گرفتاری کے لیے علاقے کی ناکابندی کردی گئی ہے۔

پولیس نے لاشوں کو پوسٹ مارٹم کیلئے بخشاپور اسپتال منتقل کردیا،واقعہ بنگوار برادری کے رشتے کے تنازع پر پیش آیا مزید تفتیش کی جارہی ہے،

تنگوانی ،باغی ٹی وی ( نامہ نگار منصوربلوچ)ڈاکوؤں نےتنگوانی کے رہائشی ایک اور مغوی کی تشدد زدہ ویڈیو وائرل کردی

تفصیل کے مطابق تنگوانی کے رہائشی گاؤں خاوند بخش بھلکانی سے دو ماہ قبل اغوا ہونے والے نوجوان کی ڈاکوؤں نے تاوان کے لیے زنجیروں سے جکڑی تشدد زدہ وڈیو وائرل کردی ہے

ڈاکوں نے نوجوان نواب بھلکانی کی بازیابی کیلئے 50 لاکھ تعاوان طلب کر لیا ہے،وڈیو میں دیکھا جاسکتا ہے کہ مغوی زاروقطار کرتے ہوئی کہ رہا کے میری جان بچاؤمجھے ڈاکو مار دینگے،

دوسری جانب ڈاکوؤںنے مغوی کے ورثاکو دھمکی دے رہے ہیں کے اگر چار دن میں ہمیں تاوان کے پیسے نہ دیے گئے تو مغوی کو ماردینگے.

جبکہ مغوی کی تشدد زدہ وڈیو دیکھ کر ورثاءغم سے نڈھال ہوگئے ہیں اورانہوں نے ایس ایس پی کشمور سے مغوی کی بازیابی کا مطالبہ کیاہے

تنگوانی ،باغی ٹی وی ( نامہ نگار منصور بلوچ ) حدود تھانہ جمال، چوری کے معاملہ پر جھگڑا ،ایک جاں بحق ،خاتون سمیت 2 زخمی

تنگوانی کے قریب حدود تھانہ جمال کے گاؤں میرحسن جعفری میں چوری کے معاملے پر جعفری اور نندوانی برادری کے دو گروپوں میں تصادم ہوا ہے ،اس تصادم کے نتیجے میں جعفری قبیلے کاایک شخص سلیمان جعفری ہلاک ہوگیا ہے

جبکہ ایک خاتون سمیت 2 زخمی ہوگئے ہیں زخمیوں میں شفیع جعفری اور ایک عورت گولیاں لگنے سےشدید زخمی ہوگئے ہیں جنہیں ورثاء نےعلاج کے لئے ہسپتال منتقل کردیا ہے

علاقہ میں ماحول کشیدہ ہے،ابھی تک پولیس کی طرف سے کسی قانونی کارروائی کی کوئی اطلاع نہیں ہے

کندھ کوٹ ،باغی ٹی وی (نامہ نگار مختیار احمد اعوان)ایس ایس پی کشمور بشیر احمد بروہی کی ہدایت پر ضلع کشمورو کندھ کوٹ اور دیگر قریبی علاقوں میں اغوا کی وارداتوں کو روکنے کے لیے پولیس کا قومی شاہراہ پر مسافر گاڑیوں کو روک کر مسافروں کو ڈاکوؤں سے متعلق اہم ہدایت

کندھ کوٹ کے ایس ایس پی کشمور بشیر احمد بروہی کے حکم پر اے ایس پی عتیق الرحمان کی ٹیم اینٹی کڈنیپ سیل اے ایس آئی منیر احمد بنگوار عمل درآمد کرتے ہوئے قومی شاہراہ پر مسافر گاڑیوں کو روک کر مسافروں کو خصوصی ہدایت جاری کرتے ہوئے کہا کہ ضلع کشمور کچے کے ڈاکو، سستی گاڑی،خواتین کی آواز ملازمت، شادی اور دیگر جھانسےدے کر بلا کر اغوا کرلیتے ہیں

ایسے ڈاکوؤں کے جھانسوں سے اغوا ہونے سے بچیں کوئی بھی اگر ایسے کسی جھانسے کی طرف جا رہا ہے تو وہ ایسی واردات سے بچیں ان کے گاؤں جانے سے گریز کریں

اینٹی کنڈنیپ سیل اے ایس آئی منیر احمد بنگوار نے مزید کہا کہ ایس ایس پی بشیر احمد بروہی کی خصوصی ہدایات پر آج ہم آگاہی مہم کا آغاز کیا ہے ہم آگاہی مہم چلا کر مسافروں کو اغوا ہونے سے بچانے کی کوشش کر رہے ہیں۔

تنگوانی ،باغی ٹی وی (نامہ نگار منصوربلوچٰ) کشمور پولیس کی کارروائی ،04 مغوی بازیاب کرالئے گئے،
پولیس کے دعویٰ کے برعکس ذرائع کا کہنا ہے مغویوں کی بازیابی کیلئے ورثاء نے تاوان کی رقم ادا کی ہے

پولیس کی پریس ریلیز کے مطابق ایس ایس پی کشمور بشیر احمد بروہی ہ کی سربراہی میں کشمور پولیس کا تھانہ تنگوانی، دیراسرکی، شبیر آباد ،جمال اور حاجی خان شر کی حدود کچے میں جاری آپریشن میں بڑی کامیابی مل گئی۔ چار مغویوں کو بازیاب کرالیا۔

چوبیس گھنٹوں میں کشمور پولیس نے کامیاب انٹیلیجینس بیسڈ آپریشن کے ذریعے چار مغویوں کو بازیاب کرالیا۔ مغویوں کی تفصیل مندرجہ ذیل ہے۔
01- مختیار احمد پٹھان
پانچ ماہ قبل نوکری کے جھانسے کچے کے علاقے سے اغوا ہوا تھا اور حاجی خان شر تھانہ کی حدود سے بازیاب۔

02- فائق علی ملک
دسویں کلاس کا طالبعلم تھانہ تنگوانی کی حدود سے موؤرخہ 07/05/2024 کو اغوا ہوا تھا اور کشمور پولیس نے تھانہ تنگوانی دیراسر کی شبیر آباد جمال کی حدود میں جاری آپریشن میں بازیاب کرالیا۔

03- محمد عباس کھرل
04، راشد احمد راحمانی
یہ پٹرول پمپ کے ملازمین تھے جو کہ موؤرخہ 11/05/2024 کو تھانہ دیراسرکی کی حدود سے اغوا ہوئے تھے۔ کشمور پولیس نے تھانہ تنگوانی دیراسرکی شبیر آباد جمال کی حدود میں جاری آپریشن میں بازیاب کرالیا

خفیہ اطلاع پر کشمور پولیس نے کچے کے علاقے میں کارروائی کی۔ کامیاب کارروائی کے دوران چار مغویوں کو بازیاب کرالیا۔ کشمور پولیس کا علاقہ میں ناکہ بندی، سرچ آپریشن کا سلسلہ جاری۔ مغویوں کو بحفاظت کشمور پولیس نے ورثاء لے حوالے کردیا۔

یادرہے کہ مغویان کی ڈاکوؤں نے تشدد کی ویڈیو زبھی وائرل کر دی تھی ،

دوسری جانب ذرائع سے معلوم ہوا ہے کہ مغویوں کی بازیابی تاوان کی رقم ادا کرنے کےبعد ہوئی ہے ،جبکہ پولیس ان مغویوں کی بازیابی کے لیے انٹیلیجینس بیسڈ آپریشن میں بازیاب کر انے کا دعوی کیا ہے

کندھ کوٹ،باغی ٹی وی (نامہ نگار مختیاراعوان کی رپورٹ)مسلح افراد کا صحافی کے گھر پر حملہ ،فائرنگ سے دو افراد زخمی

کندھ کوٹ کے علاقہ خیر شاہ گاؤں امام بخش بنگوار میں پریس کلب کے صدر پیر بخش بنگوار کے گھر پر مسلح افراد نے اندھ دھندہ فائرنگ کر دی ، گولیاں لگنے سے بجار اور مہردل بنگوار شدید زخمی ہوگئے ۔

اطلاع ملنے پر پولیس نے موقع پر پہنچ کر زخمیوں کو ہسپتال منتقل کر دیا ، زخمیوں کی حالت تشویش ناک ہونے پر انہیں سکھر ہسپتال ریفر کر دیا گیا

تنگوانی ،باغی ٹی وی (نامہ نگار منصوربلوچ )پولیس چوکی اور گاؤں پر ڈاکوؤں کا حملہ،ایک نوجوان جاں بحق، مقابلہ میں ڈاکوہلاک،ایک اہلکااغواء

کندھ کوٹ کے تھانہ سی سیکشن کی حدود میں باہو پولیس چوکی پر ڈاکوؤں کا حملہ ، پولیس اور ڈاکو میں شدید فائرنگ ہوئی ، ڈاکو سی ڈی ٹی اہلکار نویدجکھرو کو زخمی حالت میں اغوا کر کے کچے طرف لے گئے،

اسی طرح غوث پور کے قریب گاؤں عبدالغفور ڈاہانی میں ڈاکوؤں کا حملہ شدید فائرنگ ایک نوجوان جاں بحق ہوگیا جبکہ ایک آدمی زخمی ہوا ہے
ذرائع کے مطابق جاں بحق ہونے والےشخص کی شناخت علی نواز ڈاہانی کے نام سے ہوئی ہے جبکہ دلیل ڈاہانی شدید زخمی بتایا جا رہا ہے

تنگوانی کے قریب تھانہ ڈیرہ سرکی کے حدود میں پولیس اور ڈاکو میں مبینہ مقابلہ کے دوران ایک ڈاکو دلبر عرف دلو ولد لونگ ملک ہلاک ہو گیا فائرنگ کے تبادلے میں 2 ڈاکو زخمی ہوئے ہیں

پولیس حکام کے مطابق کندھ کوٹ ضلع میں گزشتہ 4 ماہ میں 1 پولیس اہلکار سمیت 18 افراد کو اغوا کیا گیا۔دوسری طرف مغوی پولیس اہلکار کا ویڈیو پیغام سامنے آیا ہے، جس میں نوید جکھرو نے خود کو بچانے کی اپیل کی ہے۔

مغوی پولیس اہلکار نے کہا کہ اگر پولیس سبزوئی گینگ کے لوگوں کو رہا کرے گی تو ڈاکو مجھے چھوڑیں گے۔نوید جکھرو نے مزید کہا کہ گرفتار لوگوں کو نہیں چھوڑا گیا تو ڈاکو مجھے قتل کردیں گے۔ میں آئی جی، ڈی آئی جی لاڑکانہ سے اپیل کرتا ہوں کہ مجھے بچایا جائے۔

تنگوانی،باغی ٹی وی (نامہ نگار منصور بلوچ)پٹرول پمپ سے اغواء ہونے والے دو ملازمین کی ڈاکوؤں ویڈیو وائرل کردی

تفصیل کے مطابق تنگوانی میں بجارانی پٹرول پمپ پر کام کرنے والے دو محنت کش مزدوروں کو ڈاکو گذشتہ رات پٹرول پمپ سے اغوا کرکے لے گئے تھے

ان اغواہونے والےفیصل آباد کے رہائشی پٹرول پمپ ملازمین محمد عباس اور راشد علی کی تشدد والی وڈیو ڈاکوؤں نے وائرل کردی ہے

جس میں ڈاکوؤں کی ڈمانڈ بتارہے ہیں کہ پولیس پکے میں اپریشن نہ کرے، نندوانی ڈاکوؤں کے گرفتار بندے چھوڑ دیں اور 50 لاکھ تاوان دیے کر ہمیں چھڑوائیں.

کندھ کوٹ،باغی ٹی وی (نامہ نگارمختیاراحمداعوان کی رپورٹ)ضلع بھر کے حالات بہتر نہ ہو سکے ضلع کشموراغواء انڈسٹری بن گیا ،اغوا ء برائے تاوان کا سلسلہ جاری مزید 2 افراد اغوا ہو گئے، تنگوانی ٹھل روڈ پر ڈاکوؤں کا پٹرول پمپ پر حملہ ، دو ملازم اغوا ء،ڈاکوکچے کی طرف فرار ہوگئے

پٹرول پمپ سے اغواء ہونے والے ملازم محمد عباس اور محمد راشد فیصل آباد کے رہائشی ہیں جو پمپ پر ملازمت کرتے تھے ، واقعے کی اطلاع ملنے پر پولیس ڈاکوؤں کے تعاقب میں روانہ ہوگئی ہے

پٹرول پمپ کے چوکیدار کاکہنا ہے کہ ڈاکوؤں نے مجھے اسلحہ کے زور پر یرغمال بنا کر لوٹ مار کی اور دو پمپ ملازمین کو اغوا کر کے فرار ہوگئے پولیس کاکہنا ہے کہ جمال کے علاقے میں مغویوں کی بازیابی کیلئے کاروائی شروع کردی گئی ہے

آئے روز اغوا برائے تاوان، قتل، ڈکیتی ،لوٹ مار کی وارداتوں کے باعث شہریوں میں شدید تشویش کی لہر برقرار ہے،اس وقت ضلع بھر سے مغویوں کی تعداد 20 سے زائد ہو گئی ہے

کشمور کندھ کوٹ میں بڑھتی ہوئی بدامنی کے باعث متعدد خاندان نقل مکانی کر گئے اور کئی خاندان نقل مکانی کرنے پر مجبور ہوچکے ہیں