Category: ادب و مزاح

ﷲ سبحانہ و تعالی کا روحِ عرض پر ایک اصول رہا ہے کہ جب بھی کوئی قوم اس (ﷲ)کے دئیے ہوئے مہم/راستے پر نہیں چلی اس(ﷲ) نے اس قوم کو تباہ کر دیا یا اس سے اپنی رحمت کے سائے اُٹھا لیے اور ان کو کھلی چھُوٹ دے دی گئی کہ جو کرنا ہے کرو ایک دن میری ہی طرف پلٹ کر آؤ گے۔ چھ سو سال حکومت کی عربوں نے اور بلاآخر ان کی حکومت کا خاتمہ ہوا۔ پھر رحمت کے سائے ترکوں کے حصے میں آئے پھر برصغیر پر پڑے اور ستائیسویں رات یعنی شبِ قدر کو پاکستان ایک تحفہ کی صورت میں نازل ہوا۔ دنیا میں آزادی کی بہت سی تحریکیں چلی، کوئی عرب قومیت پر، کوئی نسل اور رنگ پر لیکن تحریک پاکستان وہ واحد تحریک تھی جو اسلام کے نام پر چلی کہ پاکستان کا مطلب کیا لاالہ الااللہ۔ یہ پاکستان جو اسلام کے نام پر بنا مسلمانوں کی حفاظت کے لیے بنا، آج اسی میں رہنے والے مسلمان صرف نام کے مسلمان ہیں۔ اس ملک کو ﷲ سبحانہ و تعالی نے خاص مقصد کے کیے ہمیں تحفہ میں دیا لاکھوں مسلمانوں کی جدوجہد اور قربانیوں کے بعد ملنے والے ملک میں ہر جگہ دوہرا میعار پایا جاتا ہے۔ یہاں رہنے والا ہر شخص اپنے چند ٹکے کے فائدہ کے لیے اسلام مذہب، دین، ایمان، قانون اور ریاست کا نقصان کرنے کے لیے تیار رہتا ہے۔ یہاں ایک گلی محلے سے لے کر گاؤں شہر اور پھر صوبوں میں بھی نسلی تناسب عام ہے اسلام تو دور انسانیت کی بھی قدر نہیں۔ آج کل ہر جگہ سیاست چل رہی ہے وہ گھر ہو یا رشتہ دار، گاؤں ہو یا شہر، صوبہ ہو یا ملک۔ یہاں ایک پڑھے لکھے انسان کو ہزاروں جتن کرنے پڑتے ہیں ملازمت حاصل کرنے کے لیے لیکن ایک ان پڑھ جاہل چور ڈاکو وزیراعظم تک بن جاتا ہے۔ ہر ایک بندہ خود کو ایک اسلامی مذہبی مان کرکے دوسروں کو کافر یہودی ثابت کرنے کے لیے دن رات ایک کر دیتا ہے۔ عوام ایک پڑھے لکھے یا مذہبی بندے کو ووٹ نہیں دیتی اور چور ڈاکو ، کرپشن سے بھرپور کو وزیر تک بنا دیتی ہے۔ ایک وقت کی روٹی چرانے والے کو مار مار لہولہان کر دیتی ہے اور اربوں چوری کرنے والوں کے نام کے نعرے لگتے ہیں۔ کسی محکمے میں ایک ایماندار آفیسر آنے سے سارے کرپٹ آفسران اس کے خلاف ہوجاتے ہیں۔ دوسروں کا حق تو دور کی بات ہے اپنے ہی گھر کے افراد اور رشتہ داروں کا حق کھانا ہم اپنا فرض سمجھتے ہیں۔ ہر چیز میں ملاوٹ کرنے کی عادت کو دن بدن بڑھاتے ہیں اور الزام اپنے ہی چُنے ہوئے حکمرانوں کو دیتے ہیں۔ اپنی پسند کی چیزیں اقتدار مل جائے تو ٹھیک ورنہ اسلام کیا ریاست کیا ہر ایک کے خلاف کھڑے ہونے کے لیے تیار ہوجاتے ہیں۔ دنیا میں سب سے زیادہ صدقہ خیرات کرنے والے ملک ہونے کے ساتھ ہم بےایمانی میں سب سے اُوپر ہیں۔ اس میں کسی کافر، یہودی اور عیسائیوں کا عمل دخل نہیں بلکہ اپنا ہی دوہرا میعار ہے جو ہم کو ہمارے کردار اور عادات پر پردہ ڈال کر صرف دوسروں کی خامیوں کو دیکھنے اور پرکھنے پر آمادہ کرتا ہے۔ آج کل پاکستان میں رہنے والے پاکستانی اور مسلمان کم پنجابی، سندھی، بلوچی اور پٹھان زیادہ نظر آتے ہیں۔ بشتر افراد سیاسی پارٹیوں کے رحم و کرم پر ہیں۔ کسی بھی ملک و ریاست کی سلامتی، امن و امان میں کلیدی کردار صحافت اور میڈیا کا ہوتا ہے جب کہ آج کل میڈیا بھی سیاست زد میں آیا ہوا ہے۔ یہ نہیں کہ سب ہی ایک طرح کے ہیں بہت سے صحافی آج بھی دن رات محنت کرکے ریاست، اسلام اور عوام کے مفاد کے لیے اپنا کردار ادا کر رہے ہیں۔ اب عوام کو سوچنا کہ ہمیں خود کو ٹھیک کر کے ایک اچھے مسلمان اور پاکستانی بننا ہے تاکہ ہم سے جو ﷲ نے بحثیت قوم کام لینا ہے وہ بھی کر سکیں اور دنیا کے ساتھ ساتھ ہمارے آخرت بھی سنور سکے۔ @SajjadHQamar

انسان ایک اشرف المخلوقات ہے لیکن اس کو اشرف المخلوقات کا اصل مقصد اور مطلب اس کے والدین اور اس کے استاذہ کرام سمجھاتے ہیں، ایک بچہ پیدا ہوتا ہے زندگی کے تین برس گھر میں گزارتا ہے اور اس کے بعد دنیاوی اور دینی تعلیم کے لئے سکول و مدرسہ جاتا ہے یہاں سے اس کا استاذہ کرام سے سیکھنے کا عمل شروع ہوتا ہے سکول میں اس کے بہت سے اساتذہ کرام تبدیل ہوتے ہیں جیسے کہ پرائمری سکول کے الگ استاد ہوتے ہیں مڈل کے الگ اور میٹرک کے الگ ایسے ہی یہ سلسلہ چلتا رہتا ہے پرائمری میں بچے کو دنیاوی تعلیم کے ساتھ ساتھ سکھایا جاتا ہے کیا اس نے اپنے استاذہ اور والدین کا کیسے احترام کرنا ہے اور بڑوں سے کیسے بات کرنی ہے اس کے بعد مڈل اور میٹرک میں بچوں کو سکھایا جاتا ہے کہ وہ معاشرے میں اپنی زندگی کیسے گزار سکتا ہے اور کامیاب انسان بننے کے لئے اس پر سب کا احترام لازم ہے۔ یہ سلسلہ کالجز اور یونیورسٹیز میں چلتا رہتا ہے لیکن جب بچہ یونیورسٹی میں جاتا ہے تو اس کو دنیا کے اصل رنگ دکھائے جاتے ہیں ان رنگوں میں ایک رنگ یہ بھی ہوتا ہے آپ کے ساتھ ساری زندگی کوئی نہیں چلے گا سوائے آپ کے والدین کے اور ساتھ ہی ساتھ استاذہ کرام پریکٹیکل کر کے دکھاتے ہیں کہ آپ نے اپنی زندگی کیسے گزارنی ہے اس کے بعد جب وہ بچہ ایک اعلی درجے کا افسر بن جاتا ہے تو اس کے پیچھے اس کے استاذہ کرام کی دعائیں اور محنتوں کا صلہ ہوتا ہے اگر استاذہ کرام اس پر اپنا وقت اور محنت نہ لگاتے شاید وہ بچہ ایک اچھے مقام تک نہ پہنچ سکتا آج استاذہ کرام کو برا بھلا کہا جاتا ہے کہ آپ نے ہمارے بچے پر ہاتھ کیوں اٹھایا اگرچہ دیکھا جائے تو آپ کے بچے کی بہتری کے لئے ہی ہوتا ہے، کل کو وہ بچہ جب ایک کامیاب انسان بن جاتا ہے تو استاد کو بھی کبھی بھی داد نہیں دیتا کہ آپ نے ہمارے بچے پر اتنی محنت کی کہ آج وہ اتنا اچھے مقام پر پہنچ گیا ہے حالانکہ استاد اس بچے کو دیکھ کر بے حد خوش ہوتا ہے کہ یہ بچہ ہم سے پڑھ کر گیا ہے اور آج اتنے اچھے مقام پر بیٹھا ہے، ایک استاد کے ہاتھ سے پڑھے ہوئے بچے سیاست دان، جج، وکیل، ڈپٹی کمشنر اور بہت بڑے بڑے انسان بنتے ہیں۔ لیکن افسوس اپنی کامیابی کے بعد ہم اپنے استاد اکرام کو بھول جاتے ہیں ایک دفعہ ایک استاد کا ٹریفک پولیس افسر نے چلان کاٹ دیا استاد کی مصروفیات کی وجہ سے پورا مہینہ چلان نہ بھروا سکے جب استاذہ کرام کو جج کے سامنے پیش کیا گیا اور پوچھا گیا کہ آپ نے چلان کیوں نہیں جمع کروایا تو انہوں نے کہا میں استاد ہوں مصروفیات کی وجہ سے میں چالان جمع نہ کروا سکا جب جج نے یہ سنا تو وہ اٹھ کھڑے ہوئے تو ان کے ساتھ ساتھ سب اٹھ کھڑے ہوئے ان کے احترام میں تو جج صاحب نے کہا آپ جیسے استاذہ کرام کی وجہ سے آج ہم جج بنے ہیں یہ کہہ کر جج صاحب نے چلان پھاڑ دیا اور استاد صاحب کو باعزت طریقے سے ان کی مصروفیات کی طرف روانہ کیا۔ یہ تو صرف ایک مثال ہے ایسی بے تحاشہ مثالیں پائی جاتی ہیں آج ہم جو بھی ہیں اپنے اساتذہ کرام کی وجہ سے ہیں ان کی دعاؤں کی وجہ سے ہیں اس لیے کسی بھی ملک میں سب سے زیادہ اہم مقام پر فائز ایک استاد ہی ہوتا ہے کیونکہ وہ باشعور قومیں بناتے ہیں وہی قومیں کل کو ملک کے لیے دن دگنی رات چگنی محنت کرتے ہیں لیکن یہ سفر یہی پر ختم نہیں ہوتا جب ایک انسان ایک اعلیٰ عہدے پر فائز ہو جاتا ہے اور اپنے ملک کے لیے کام کرنا شروع کر دیتا ہے تو اس کو اس وقت بھی ایک استاد کی ضرورت ہوتی ہے جو اس کی رہنمائی کر سکے کہ آپ نے اپنے عہدے پر رہتے ہوئے کیسے لوگوں کی خدمت کرنی ہے اور یہ عمل مرتے دم تک جاری رہتا ہے

انسان کو اللہ رب العزت نے اشرف المخلوقات بنایا ہے. اچھائی اور برائی کی تمیز، رہن سہن کے طور طریقے سکھاے ہیں. زندگی کو راہ راست پر رکھنے اور بقا کے لئے گاہے بگاہے مختلف ادوار میں مختلف انبیاء کرام علیہم السلام بھیجے ہیں. جن کا سلسلہ ہمارے پیارے نبی کریم ختم النبیںن محمد صلی اللہ علیہ وسلم پر آکر ختم ہوا ہے. یہ سب انسان کو راہ راست کی تلقین اور رب کے بندوں کا رب سے تعلق قائم رکھنے کے لیے کیا گیا. شیطان چونکہ جب سے جنت سے نکالا گیا تب سے نوع انسانی کو راہ رب العالمین سے متنفر کرنے کا کام کرتا چلا آیا ہے. اسی سے محفوظ رکھنے کے لیے بنی نوع انسان کے لیے انبیاء کرام علیہم السلام کے نزول کا سلسلہ چلتا رہا. نبی کریم خاتم النبیںن محمد صلی اللہ علیہ وسلم کے بعد اللہ رب العزت نے یہ زمہ داری امت کو سونپی کہ اچھائی کا حکم دے اور برائی سے روکے. انسان کی سب سے بڑی کمزوری جو کہ شیطان کا سب سے کارآمد ہتھیار بھی ہے وہ انسان کے اندر موجود اس کا نفس ہے. جسے شیطان دنیا کی طلب میں الجھاے رکھتا ہے. اگر انسان اس طلب کو کنٹرول نہ کرے تو یہی طلب بڑھتے بڑھتے ہوس کے درجے کو جا پہنچتی ہے. یہی وہ مرحلہ ہے جہاں سے انسان کا تباہی کا سفر شروع ہوتا ہے. انسان ہوس کے حصول کے لیے اچھائی اور برائی کی تمیز چھوڑ دیتا ہے. یہاں ہوس سے مراد ہر وہ خواہش کی شدت ہے جو اگر اعتدال میں رہے تو ضرورت کے درجے میں ہوتی ہے. اگر اعتدال کے دائرے سے باہر ہو جاے تو ہوس بن جاتی ہے.
اگر انسان کو سفر کے لیے گاڑی کی ضرورت ہے تو یہ اس کی ضرورت ہے اگر مالی لحاز سے یہ فی الوقت اس کی پہنچ سے دور ہے تو اسے صبر کرنا چاہیے محنت کرے حلال اور حرام کی تمیز رکھے اور اپنے ضمیر کو شیطان کی ہتھے چڑھ کر اس ضرورت کو ہوس بننے سے محفوظ رکھے. ہوس اسی کو کہتے ہیں جس میں کسی طلب کا اپنی اصلی حیثیت سے اس قدر بڑھ جانا کہ اس کے حصول کے لیے انسان حلال اور حرام کا فرق نا رکھے اور اسے حاصل کرنے کے لیے ہر برائی اور گناہ جیسے رشوت، چوری جھوٹ فریب حق تلفی الغرض انسان کا اس کی ضرورت کی تکمیل کے لیے ہر حد سے گزر جانا یہی ہوس ہے.

ہر انسان کے اندر یہی نفس اس کے لیے منصف کا کام انجام دیتا ہے لیکن کب تک؟ جب تک یہ شیطان کےبہکاوے میں نہیں آتا. جب تک یہ زندہ رہتا ہے تب تک انسان اچھائی اور برائی کا شعور رکھتا ہے.

انسان کا گناہ سے قبل گناہ کو بھانپ لینا اور اس سے بعض رہنا یہ اللہ کی بڑی نعمتوں میں سے ایک ہے. اور نفس کہ زندہ ہونے کی دلیل ہے.

*اسی کو شعور_گناہ کہتے ہیں*
انسان رب کی راہ سے بھٹنے سے بچا رہتا ہے اور اللہ کے فرمانبرداروں میں شامل رہتا ہے.
جب شعور_گناہ ختم ہو جائے تو رب العالمین کی طرف سے مہلت کا سلسلہ شروع ہوتا ہے اور تب تک چلتا ہے جب تک انسان اپنی پوری قوت وقت طاقت لگا کر گناہوں سے اپنے دامن کو داغدار نہیں کر لیتا. رب کی رحمت اس بندے کو ڈھیل دیتی رہتی ہے وہ گناہ حق تلفی اور حقوق اللَّهُ حقوق العباد سب روند دیتا ہے. اور تباہی اس لیے ہوتی ہے کہ اس میں اس گناہ کا شعور ہی ختم ہو جاتاہے. وہ گناہ کر کہ سمجھتا ہے کہ میں ٹھیک راستے پر ہوں. جب انسان اپنی پوری قوت گناہوں پر صرف کر کے مطمئن ہو جاتا ہے اور اسے تب بھی احساس نہیں ہوتا کہ میں گناہ کرتا رہا. جب اسے کے رویے میں فرعونیت آجاتی ہے کہ میرا کوئی کچھ نہیں بگڑ سکتا. تب اس کا احتساب شروع ہو جاتا ہے جسے مکافات کہتے ہیں.
پھر انسان کی سب کاوشیں بے بس ہو جاتی ہیں اور رب کی رحمت اس کا ساتھ چھوڑ دیتی ہے. اور وہ رب کے غضب کا شکار ہونے لگتا ہے.
اس کی مثال ماضی کے ادوار سے ملتی ہے.
حضرت موسی علیہ السلام کے دور میں ایک شخص بہت گنہگار تھا ایک دن حضرت موسیٰ علیہ السلام سے کہنے لگا موسی علیہ السلام میں نہ آج تک کوئی گناہ نہیں چھوڑا تم اپنے رب سے کلام کرنے جا رہے ہو. رب سے میرے بارے سوال کرنا کہ وہ مجھے سزا کیوں نہیں دیتا. جب موسی علیہ السلام نے سوال کیا کہ اے رب العالمین اس کے گناہ کا تو سارا شہر گواہ ہے پھر بھی اس پر خوشحالی ہی خوشحالی ہے اسے سزا کیوں نہیں ملتی؟ جواب آیا موسی علیہ السلام اسے سزا مل چکی اسے گناہ کی طرح سزا کا شعور نہیں ہے پوچھا اللہ کیا سزا دی اسے؟ جواب آیا اس کی آنکھ سے ندامت کے آنسو چھین لیے ہیں یہ چاہے بھی تو میرے سامنے توبہ نہ کر سکے گا.
تو پتہ چلا کہ شعور_گناہ ہو تو ندامت کی توفیق ملتی ہے اور جو رب العالمین کے سامنے اپنے کئے پر نادم ہو جائے رب کریم غفور الرحيم اسے معاف کر کے دوبارہ اپنی رحمت کی آغوش میں لے لیتا ہے. اپنے نفس کو شیطان سے بچائیں اور شعور_گناہ کو قائم رکھیں تا کہ رب العالمین کی رحمت کی آغوش میں رہ سکیں اسی میں دنیا و آخرت بھی بھلائی ہے

@EngrMuddsairH