بھارت کشمیر میں اپنے نوآبادیاتی ایجنڈے کو آگے بڑھانے کے لئے کوویڈ 19 کی صورتحال کا استعمال کررہاہے: مقررین

:اسلام آباد:اقوام متحدہ کی انسانی حقوق کونسل کے 43 ویں اجلاس کے موقع پر عالمی مسلم کانگریس (ڈبلیو ایم سی) کے تعاون سے کشمیر ٹیٹیوٹ آف انٹرنیشنل ریلیشنز (کےآئی آر) کے زیر اہتمام منعقدہ ایک ویبنار میں مقررین نے کہا ہے کہ نریندر مودی کی زیر قیادت فاشسٹ حکومت نے کشمیریوں کے خلاف اپنے وحشیانہ مظالم کو مزید تیز کرنے کے علاوہ کشمیر میں اپنے غیر قانونی لاک ڈاؤن کو بڑھانے کے بہانے بے شرمی کے ساتھ کوویڈ 19 کی وبائی بیماری کا استعمال کیا ہے۔

اس ویبنار میں برطانوی پارلیمنٹیرین جناب خلیل محمود، برطانیہ کے سائے وزیر جناب سلیمان الیاس خان، جنوبی افریقہ سے انسانی حقوق کی کارکنوں محترمہ کلیئر بڈویل، مسٹر حسن اشرف برطانیہ، لبنان کی تجربہ کار انسانی حقوق کارکن لنڈیا کینن سید فیض نقشبندی اور دیگر مقررین نے خطاب کیا۔ویبینار کے مقررین نے موجودہ غیر یقینی صورتحال کا ذکر کرتے ہوئے کہا کہ گذشتہ کئی مہینوں سے دوہرے لاک ڈاؤن میں پھنسے کشمیریوں کو بھارتی قابض حکام کے ہاتھوں انسانی حقوق کی بدترین پامالی کا سامنا کرنا پڑ رہا ہے، انہوں نے کہا کہ بھارت نے اس وبا کی آڑ میں خطے میں اختلاف رائے کی آواز کو دبانے کی ایک شرمناک کوشش کی جس میں وہ ناکام ہوچکا ہے۔ کورونا ٹیسٹنگ کٹس اور کشمیر کے اسپتالوں میں دیگر ضروری صحت کے آلات کی کمی کے بارے میں انہوں نے کہا کہ اس وبائی بیماری کے دوران ہندوستان نے خطے کے صحت کے شعبے کو مجرمانہ طور پر نظرانداز کیا ہے۔ ایک میڈیا رپورٹ کا حوالہ دیتے ہوئے انہوں نے بتایا کہ وبائی امراض کے دوران اسپتالوں میں ڈاکٹروں، پیرا میڈیکس کے علاوہ صحت کے سامان کی بھی شدید قلت تھی۔ انہوں نے کہا کہ خطے میں تیزی سے پھیلتے ہوئے کورونا وائرس کے باوجود جان بوجھ کر ہوا ہے۔ کشمیر کی آبادیاتی تشکیل کو تبدیل کرنے کے ہندوستان کے مذموم ڈیزائنوں کے بارے میں انہوں نے کہا کہ چوتھے جنیوا کنونشن کے آرٹیکل 49 ذیلی شق 6 میں واضح طور پر کہا گیا ہے کہ قبضہ کرنے والی طاقتیں کشمیر کے علاقے کی حیثیت یا آبادی کو تبدیل نہیں کرسکتی ہیں۔ انہوں نے کہا کہ ہندوستانی حکومت کی اس طرح کی کوئی بھی کوشش چوتھے جنیوا کنونشن کے آرٹیکل 146 اور 147 کے تحت جنگی جرائم کی ہوگی۔

انہوں نے کہا کہ یہ دنیا کی بہت بڑی بدقسمتی ہے کہ بہت ساری عالمی حکومتوں نے خطے کی غیر معمولی صورتحال پر خاموش اور خاموش رہنے کا انتخاب کیا۔ بااثر حکومتوں کی جانب سے یہ مجرمانہ خاموشی انہوں نے کہا کہ IOK میں مودی کے اقدامات کی ایک مکمل حمایت ہے۔

امریکی صدر ڈونلڈ ٹرمپ کی جانب سے پاکستان اور بھارت کے مابین مسئلہ کشمیر کی ثالثی کی پیش کش کے بارے میں انہوں نے کہا کہ یہ ایک سنہری موقع تھا کہ پرامن حل تلاش کریں لیکن ہندوستان جس کا ہمیشہ سے یہ وطیرہ رہا ہے کہ ہراس اقدام کو روکا جائے جس کا مقصد ایک مسئلہ کشمیر کا حل تلاش کرنا ہے نے ایک بار پھراس پیش کش سے انکار کر دیا۔

For more information, please contact Altaf Wani (+41 77 9876048 / saleeemwani@hotmail.com)

کشمیر کی لہولہان وادی اور انسانیت کا رویہ

صالح عبداللہ جتوئی

گزشتہ سات دہائیوں سے شہ رگ پاکستان پنجہ استبداد میں ہے اور نت نئے طریقوں سے معصوم بچوں نوجوانوں اور بوڑھوں عورتوں پہ ظلم ڈھایا جا رہا ہے اور ان کی نسل کشی کی جا رہی ہے اور وحشیانہ سلوک سے انہیں ذہنی و جسمانی تشدد سے دوچار کیا جا رہا ہے۔

لیکن اس تشدد میں مزید اضافہ تب ہوتا ہے جب وہاں بھارت ناجائز قبضہ قائم کرنے میں ناکام ہوتا ہے اور کشمیریوں کی شہریت تک کو ختم کرنے کے درپے ہو جاتا ہے جس کی وجہ سے ظالم افواج بوکھلاہٹ کا شکار ہو جاتے ہیں اور مقبوضہ کشمیر میں 5 اگست 2019 میں سخت کرفیو لگا دیا جاتا ہے جس کے نتیجے میں نے بس و بے یارومددگار کشمیری گھروں میں محصور ہو کے رہ جاتے ہیں اور انٹرنیٹ سروس تک بند کر دی جاتی ہے تاکہ ان کا پوری دنیا سے رابطہ کٹ جاۓ اور اس نتیجے میں نے چارے کشمیری اپنے رشتہ داروں، دوستوں اور مخلص بہن بھائیوں سے دور ہو جاتے ہیں اور کئی بھوک پیاس سے بلک بلک کے خالق حقیقی سے جا ملے ہوں گے لیکن کوئی ان کا پرسان حال نہیں ہے۔

تب سے لے کر اب تک تقریباً 11 ماہ بیت چکے ہیں لیکن مودی کے کان پہ جوں تک نہیں رینگی اور دنیا کی کسی بھی انسانی حقوق کی تنظیم یا اقوام متحدہ نے اس پہ ٹھوس ایکشن نہیں لیا اور نہ ہی بھارت پہ پابندیاں لگیں اور نہ ہی انہیں کسی دھمکی کا سامنا ہوا کیا کشمیر میں مرنے والے انسان نہیں ہیں یا پھر انسانیت کے دائرے میں صرف کفار آتے ہیں کیونکہ یورپ میں تو جانور بھی مرے تو اس پہ سوگ منایا جاتا اور ہزاروں لیکچرز دئیے جاتے لیکن یہاں تو کبھی پیلٹ گنوں کا استعمال ہوا اور آنکھوں کی بینائیاں چھین لی گئیں بچوں کا قتل عام کیا گیا عورتوں کی عصمت دری کی گئی اور بوڑھوں تک کو پکڑ کے گرفتار اور نظر بند کیا گیا اور آزادی مانگنے پہ ان کے ٹکڑے ٹکڑے کر دئیے گئے لیکن یہاں نہ اقوام متحدہ کا بس چلا اور نہ ہی انسانی حقوق کی تنظیمیں یہاں پہنچ پائیں حالانکہ امریکہ میں نسل پرستی کی وجہ سے ایک کالے کو قتل کر دیا گیا تو پورا امریکہ بند ہو گیا تھا لیکن یہاں تو ظلم و بربریت کے پہاڑ توڑے جا رہے ہیں لیکن ان پہ کسی قسم کی اقتصادی معاشی پابندی نہیں لگی اور جو بھی پابندیاں ہوتی وہ صرف پاکستان کے لیے رہ گئی ہیں جو بلاوجہ ایف اے ٹی ایف کو بنیاد بنا کے لگا دی گئیں اور دہشتگردی کا الزام دیا جاتا رہا حالانکہ اصل دہشتگرد تو گجرات میں مسلمانوں کا قتل عام کرنے والا مودی ہے جو شاید اقوام متحدہ کے ساۓ تلے ہی پل رہا ہے۔

ہمارے معزز وزیر اعظم عمران خان صاحب نے بھی سفارتی سطح پہ بہت سی ناکام کوششیں کیں اور پاکستان میں موجود کشمیریوں کے نمائندوں کو پابند سلاسل کر کے یہ منطق دی کہ ہم کشمیر کو آزاد کروائیں گے حالانکہ یہ کشمیر کے حوالے سے تنزلی کی طرف پہلا قدم تھا خیر اس کے بعد انہوں نے پاکستانیوں کو گانے چلا چلا کے دھوپ میں بھی کھڑا کیا اور کانفرنسز بھی منعقد کیں اور جنرل اسمبلی میں بھرپور انداز میں تقریر بھی کی اور اس میں بھارت کو ایکسپوز بھی کیا اور بھارت کو ان ہی کی زبان میں جواب دینے کا بھی عندیہ دیا اور اس موقع پہ نام نہاد اقوام متحدہ نے یقین دلایا کہ وہ پاکستان کے ساتھ ہیں اور بھارت کو ناکوں چنے چبوا دیں گے لیکن ایسا کچھ نہ ہوا اور نہ ہی مودی کو اس سے فرق پڑا بلکہ ہو سکتا ہے اس کے ساتھ کئی ممالک کے سفارتی و تجارتی تعلقات بڑھ گئے ہوں اور اس کا ظلم کم ہونے کی بجاۓ مزید بڑھ گیا اور اس نے کئی نہتے کشمیریوں کو خون سے رنگ دیا اور تو اور بھارتی ظالم فوج نے ایک معصوم بچے کے سامنے اس کے دادا کو شہید کر دیا جو کہ دودھ لینے جا رہے تھے اب یہ دنیا کو نظر نہیں آیا کہ ایک بچے کے سامنے یوں گولیاں چلیں گی اور اس کے اپنوں کو قتل کیا جاۓ گا تو اس کے ننھے دماغ پہ کیا بیتے گی کیا کوئی بھی مذہب اس کی اجازت دیتا ہے اور آج کی دنیا میں کون ہے جو مغلوب ہو کے زندگی گزارے گا کیا کشمیری مسلمانوں کے حقوق نہیں ہیں کیا یہ آزاد نہیں رہنا چاہتے کیا یہ انسان نہیں ہیں؟

یہی بچہ بڑا ہو کے بندوق اٹھانے پہ مجبور ہو گا لیکن پھر اس کو دہشت گرد کہنے والے سرٹیفائڈ درندے جو بھارتی وردیوں میں ملبوس ہیں سامنے آ جائیں گے اور پوری دنیا ان کے تماشے دیکھ کے مظلوم کو ہی ظالم کہہ گی کہ انہوں نے ریاست کے خلاف بندوق اٹھائی ہے۔

بھارت سے اگر کشمیر لینا ہے تو ہمیں بھی چین کی پالیسی اپنانا ہو گی کیونکہ مذاکرات سے کبھی بھی یہ معاملہ حل نہیں ہو گا اور مذمتوں سے کچھ بھی حاصل نہیں ہو گا چاہے نغمے بناۓ جائیں یا سالہا سال دھوپ میں ہی کیوں نہ کھڑے رہیں ایسے کشمیر آزاد نہیں ہو گا اور نہ ہی اس معاملے میں دوسرے ممالک پہ امید لگانی ہو گی کیونکہ بھارت کے ساتھ کئی مسلم دشمن ممالک کا اشتراک ہے اور یہ لوگ مسلمانوں کے ختم کرنے کے درپے ہیں اس لیے وہ کبھی بھی مسلمانوں کے حق میں آواز نہیں اٹھائیں گے کیونکہ وہ کبھی بھی مسلمانوں کو ترقی کرتا اور آگے بڑھتا نہیں دیکھ سکتے اس لیے کافروں کی تعداد سے گھبرانے کی بجاۓ اللہ کی نصرت پہ یقین بڑھے گا تب ہی سرخروئی عطا ہو گی وگرنہ ہم ہر سطح پہ ناکام و نامراد لوٹیں گے اور غلامی ہمارا مقدر بنے گی۔

اللہ ملک پاکستان اور تمام عالم کے مسلمانوں کو اپنے حفظ و امان میں رکھیں اور کشمیر کو جلد از جلد آزادی کی خوشیاں نصیب فرمائیں آمین یا رب العالمین-

کشمیر لہو لہو
تحریر:ام ابیہا صالح جتوئی

میں اپنے غم کی داستاں کہوں تو کس طرح کہوں
مجھے بتا اے آسماں میں کیا کروں میں کیا کروں

پاکستان کی شہہ رگ جو کہ ہندو بنیے کے قبضے میں پچھلی کئی دہائیوں سے ظلم وبربریت کا نشانہ بن رہی ہے لاکھوں بے گناہ کشمیری ان گنت مظالم کا شکار ہورہے ہیں کشمیریوں پر ڈھاۓ جانے والے مظالم کسی سے ڈھکے چھپے نہیں ہیں لیکن انسانی عالمی حقوق کی تنظیمیں خواب خرگوش میں محو ہیں یورپین ممالک بالخصوص غیر مسلم ممالک میں ایک جانور بھی مر جاۓ تو یہ نام نہاد تنظیمیں ہاتھ میں موم بتیاں پکڑ کر سوگ منانے میں مصروف ہوجاتی ہیں لیکن ایک ایسی وادی جو کہ کئی دہائیوں سے ظلم و ستم کا شکار ہورہی ہے وہ کسی کو نظر نہیں آتا یہ تنظیمیں تمام انسانوں کے لئے بنی ہیں یا صرف غیر مسلموں اور جانوروں کے لئے؟؟؟؟؟

معصوم کشمیریوں پر ڈھاۓ جانے والے مظالم بھارت کے جارحانہ حربوں کا منہ بولتا ثبوت ہیں۔
کشمیر جنت نظیر وادی جہاں پاک نفوذ عورتوں کی عصمت دری کی جاتی ہے تو کبھی معصوم بچے موت کی گھاٹ اتار دئیے جاتے ہیں….!!!!
کہیں ماؤں کے لعل خون میں نہاتے ہیں تو کبھی قابل احترام بزرگ اپنی جان کی بازی ہار دیتے ہیں….

"ہم روز بیان کرتے ہیں مصرعوں کے جال میں”
"لفظوں کے ہیر پھیر میں امت کی سسکیاں”

حال ہی میں ایک معصوم بچے کے ساتھ دودھ لینے کی غرض سے گھر سے نکلے ایک بزرگ کق بے دردی سے گولیاں مار کر شہید کردیا گیا ننھے بچے کے سامنے اس کے دادا جان پر خون کی ہولی کھیلی گئی….!!!
کیا گزری ہوگی اس ننھے سے دل پر جب وہ اپنے دادا جان کو ان ظالموں سے بچا نہ پایا ہوگا…!!!!

کیا اگر یہی بچہ جب بڑا ہوکر ظالموں کے ظلم کو روکنے کے لئے بندوق کا سہارا لے گا تو اس کو دہشت گرد قرار دیا جاۓ گا؟؟؟؟؟؟

واہ رے دھوکے باز دنیا کیا یہ ہے تیرا انصاف؟؟؟؟؟

"ہم آہ بھی کرتے ہیں تو ہو جاتے ہیں بدنام
وہ قتل بھی کریں تو چرچا نہیں ہوتا”

کشمیری آج بھی راہیں تک رہے ہیں کسی مسیحا کی…!!!
جو آکر ان ظالموں کے ہاتھ کو روکے گا…!!!
کسی ارطغرل غازی کی….!!!
جو اپنی تلوار سے ظالموں کے ٹکڑے ٹکڑے کردے گا….!!!

ان مظالم کو روکنے کے لئے بہت سے نوجوانوں نے اپنی زندگیاں قربان کیں اور کتابیں قلم چھوڑ کر معسکر کا رخ کیا تاکہ بھارتی وحشیوں کے مظالم کو روک سکیں بہت سے پی ایچ ڈی اسکالرز بھی اس مقدس جدوجہد میں شہادت کے رتبے کو پاگئے اور بہت سے ایسے ہیں جو اسکو پایہ تکمیل تک پہنچانے کے لئے دن رات تگ و دو میں ہیں۔

بطور پاکستان کی شہہ رگ کے پاکستان کی زمہ داری ہے مظلوموں کی آواز کو سن کر خاموش نہ بن جاۓ بلکہ ان کے مظالم کم کرنے کے لئے انٹرنیشنل لیول تک کاوشوں کو تیز تر کرے تاکہ معصوم کشمیریوں کا بہتا لہو رک سکے اور ظالم درندوں سے کشمیریوں کو چھٹکارا مل سکے۔

کشمیر کی آزادی کے لئے بہایا گیا خون کا ایک ایک قطرہ رنگ لاۓ گا اور شہداء کی قربانیوں کا ثمر کشمیر کی آزادی کی صورت میں ملے گا۔
ان شاءاللہ عزوجل

اللہ سبحانہ و تعالیٰ ہمارا حامی و ناصر ہو آمین ثم آمین یا رب العالمین

کشمیر کی وادی خون رنگ

از قلم۔۔۔مشی حیات

‏میرے الہی رحم کرنا میرے کشمیر کی حالت پر۔۔!!
کفار کے گھیرے میں کشمیر کی وادی پر۔۔!!
ماؤں کی ممتا پر،باپ کی شفقت پر۔۔۔۔!!
کر فرشتے نازل جو بھیجے تھے مقام بدر پر۔۔!!
جو تقدیر بدل دیں فتح کے اجالوں سے۔۔!!
کچھ ایسی رحمت کر کشمیر کی وادی پر۔۔۔!!

بہت عام الفاظ بن چکے ہیں کہ جنت نظیر وادی 72 سالوں سے دشمنوں کی ظلم و سربریت کا شکار ہے۔۔۔۔
چھوٹے سے بچے سے بھی پوچھ لیا جائے وہ بھی بتا سکتا ہے کشمیر کیا ہے۔۔۔؟وہاں ہو کیا رہا ہے۔۔۔۔!!میں اس مظلوم وادی کے لیے اپنے جذبات لکھ رہی ہوں کہ جہاں الفاظ تو کم پڑھ سکتے ہیں مگر اس وادی کا حال بیان نہیں ہو سکتا۔۔۔۔!!
ناظرین۔۔!!
کب تک۔۔!!آخر کب تک کشمیری قربانیاں دیتے رہے مائیں بیٹوں کو پیش کرتی رہیں اور بچے یتیم ہوتے رہیں۔۔۔۔!!
سوشل میڈیا کا جدید دور ہے کیا چیز آنکھوں کے سامنے سے نہیں گزرتی ہمارا ایمان ختم ہو چکا ہے۔۔۔ہم ایک کافر دشمن جو رہا ہی ازل سے جہنم کا پتلا کچھ دن پہلے حرام موت کے گھاٹ اترا تو مسلمانوں کے جذبات دیکھنے کے قابل تھے۔۔۔کوئی کہہ رہا تھا خدا اسے سکون دے تو کوئی کہہ رہا تھا اسے جنت میں جگہ ملے۔۔۔۔!!
ارے ہم کہاں کے مسلم۔۔۔کہاں کے مومن ہیں۔۔۔!!
کچھ دن پہلے شوپیاں کشمیر کے علاقے میں جاری ظلم اور اس میں شہید ہونے والے امت مسلم کے جگر گوشے ان کے لیے تو کسی مسلم کا دل نہیں پگھلا سوائے چند احباب کے۔۔۔!!
کیا ہم بھول گئے اپنی تاریخ کو۔۔۔!!
ارے ہمارے آباواجداد نے جانیں پیش کی تھی۔۔۔اپنی گردنیں کٹائی تھی اس ملک کی کے لیے۔۔!!
ہمیں تو ان کے نقش پہ چلنا تھا مگر ہم نے اگر راہ اپنائی تو صرف کفار کی۔۔۔غیر مسلم کی۔۔۔کوئی عملی اقدام نہیں۔۔۔!!
اگر کچھ تنظیمیں کشمیر کے لیے اپنی ذمہ داریاں سر انجام دے رہی تھی انہیں پابند سلاسل کردیا گیا۔۔۔!!
کوئی دن ایسا نہیں جب مظلوم کشمیریوں نے جنازے نہ اٹھائے ہوں۔۔۔حد سے زیادہ ظلم کیا جارہا۔۔۔۔
کون سے ہیرے جو ہم نے نہیں کھوئے۔۔۔!!
ہم نے برہان جیسا ہیرو کھویاجو دشمنوں کی آنکھوں میں آج بھی کھٹکتا ہے۔۔۔!!

ہم نے اشفاق جیسا سائنس دان کھویا جو اس ملک کا مستقبل تھا۔۔۔!!

ہم نے ماجد زرگرجیسا 66 گھنٹے تک لڑنے والا بہادر کھویا

ہم نے بشیر جیسا اٹیکر اور صدام جیسا عظیم جنگجو کھویا

ہم نے منان کی شکل میں قلم کھویا

ڈاکٹر ذیشان کی صورت میں PhD سکالر اور ڈاکٹر عثمان کی شکل میں باپ کھویا

ہم نے سمیر ٹائیگر کی شکل میں شیر کھویا

ہم نے نوید جٹ کی صورت میں اعلی فلائنگ جٹ کھویا

ہم نے مدثر کی صورت میں 14 سال کا ننھا مجاھد کھویا

ہم نے 8 سال محاذ پر لڑھنے والا ابو القاسم پاکستان کا لال کھویا

اقوام کو سمجھنا ہوگا ہم نے کیاکھویا کیا پایا۔۔۔!!
ظلم کی اور کیاحد ہو سکتی ہے کہ ایک ننھےاور معصوم پھول کے سامنے اس کے دادا جان کو گولیوں سے چھلنی کر دیا جائے۔۔۔!!
تصورکریں۔۔۔خدانخواستہ آپ کے سامنے آپ کے ساتھ یہ مناظر ہوں آپ کی کیا حالت ہوگی۔۔!!
تھوڑا نہیں پورا سوچنا ہوگا۔۔!!
ناظرین۔۔۔!!
ہم نے بہت مہنگے ہیرے کھو دیے وہ تو جنت کے بالاخانوں میں ہیں ان شآءاللہ لیکن کیا ہم نے اپنا فرض نبھایا۔۔۔!!
اس وقت سب سے پہلے قوم کے حاکم کو چاہیے کہ عملی نوٹس بنائے صرف باتوں سے آزادیاں نہیں ملتی۔۔۔!!
تقریر سے ہو گا نہ تحریر سے ہوگا
کشمیر تیرا فیصلہ شمشیرسے ہوگا
خدارا۔۔۔!!
محترم عمران خان صاحب ہم آپ کی تہہ دل سے عزت کرتے ہیں لیکن آپ کو کشمیر پر مکمل سوچنا ہو گا۔۔۔۔اب تاخیر نہیں کرنی ہوگی۔۔!!
کشمیر 72 سال سے آزادی کی جنگ لڑ رہا ہے۔۔۔اس کے خواب کو تعبیر صرف اللہ رب العزت کی ذات کے بعد قوم کا حکمران دے سکتا۔۔۔!!
اللہ کے لیے مدینہ کی ریاست میں عمر فاروق جیسا کارنامہ سرانجام دے دیا جائے۔۔۔
ظالموں کے ہاتھوں سے شہہ رگ پاکستان کو چھڑا لیا جائے۔۔۔!!
میرے پاس الفاظ تو بہت ہیں۔۔۔ جذبات بھی بہت ہیں مگر کشمیریوں کی اس بے انتہاء محبت اور قربانیوں کے آگے قلم سے صرف آنسو اور لہو ہی نکلتا ہے۔۔۔۔!!
آخر کب تک اور کتنا ظلم میرے کشمیر کے مقدر میں ہوگا۔۔۔۔!!

‏اک وقت مقرر ہے فرعون کے ظلموں کا۔۔۔۔!!
دجال کے آنے کا آفتوں کے بڑھانے کا۔۔۔۔!!
ازل سے ہی کافر دشمن رہا دیں کا۔۔۔!!
نہ گھبرانا کشمیر میرے اک وقت ابھی آنا ہے۔!!
ظلمت کے اندھیروں کو جب جھڑ سے مٹانا ہے۔!!
جہاد کے شعلوں سے وادی کو چھڑانا ہے۔۔!!
ان شآءاللہ۔۔
================

داستانِ الم، بھارتی ڈرامہ اور حقوق انسانی
تحریر سفیر اقبال

یہ ہے نصف صدی پر محیط ظلم و جبر کی وہ ساری داستاں جو صرف چار تصاویر تصاویر میں نظر آ رہی ہے.

حملہ کیسے شروع ہوا کہاں سے شروع ہوا نہیں معلوم. بے بنیاد الزام آتنک وادیوں پر لگ گیا بہرحال تصاویر کے مطابق ایک بیگناہ کشمیری شہید ہو گیا جس کا تین چار سال کا پوتا چلتی گولیوں کے درمیان اس کے سینے پر بیٹھا رہا کہ دادا جان ابھی شاید نیند سے بیدار ہو جائے اور مجھے واپس گھر لے جائے.

اگلی تصویر میں بے یار و مددگار دادا کی لاش پڑی ہے اور اس کے ساتھ فوجی اس انداز میں کھڑے ہیں جیسے یہ انسان کی نہیں کسی جانور کی لاش ہو…. (کچھ انسانی رمق باقی ہو تو جانور کی لاش کے پاس بھی اس انداز میں بے فکری سے کھڑے ہونا مشکل ترین کام ہوتا ہے )

اس سے اگلی تصویر میں بچے کو اٹھا کر پیار کیا جا رہا ہے اور اس سے اگلی تصویر میں اس کو ٹافیاں عنایت کر دی گئیں.

یہ ہے کہانی ہر اس کاشمیری نوجوان کی جو بچپن میں اپنے باپ دادا، چاچو، ماموں کو بے قصور مرتا دیکھتا ہے اور اپنے دل میں انتقام پالنا شروع کر لیتا ہے. یہ مناظر بھولنے والے نہیں. یہ زخم کسی مرہم سے ٹھیک ہونے والے نہیں.

برہمن آبادی کا تناسب تبدیل کرنے کے لیے نہ تو سارے مسلمانوں کو قتل کر سکتا ہے اور نہ ہی انہیں ان کی زمین سے نکال سکتا ہے. صرف ایک ہی طریقہ پے اس کے پاس کہ کسی طرح ان کا دل جیتا جائے لیکن دل جیتنے کا طریقہ بے قصور باپ کو قتل کرنے کے بعد بیٹے کو ٹافیاں دینا کبھی نہیں ہو سکتا. جس زمین پر آگ بوئی جائے وہ پھول پیدا نہیں کر سکتی.

نوجوان وقتی طور پر خاموش ہو بھی جائیں لیکن باپ یا دادا کے قاتل کبھی نہیں بھلائے جا سکتے…..! ظالم بنیا اپنی تدبیریں کرتا ہے مگر کچھ تدبیریں اللہ رب العزت کرتا ہے اور اسی کی تدبیر سب سے کارگر ہے.

آرمی کے غنڈے لاکھ دنیا کو دکھاتے رہیں کہ ہم کشمیری بچوں سے محبت کرتے ہیں مگر کشمیری شہداء کے چھینٹوں سے تر اپنے سرخ دامن نہیں چھپا سکتے. انتقام کی آگ بہت اذیت ناک ہوتی ہے جو دلوں میں اگر ایک بار بھڑک اٹھے تو چند ٹافیاں اس آگ کو کبھی نہیں بجھا سکتیں.