Category: مذہب

اللّٰه نے فرمایا ، "اگر تم شکر ادا کرو گے تو میں ضرور تمہیں زیادہ دوں گا ، اور اگر تم ناشکری کرو گے تو میرا”
عذاب سخت ہے۔”

اللہ نے جزا اور سزا کی حدود طے کردی ہیں اور اللہ اپنے بندوں کو بلاوجہ کبھی سزا نہیں دیتا ہے

فرعون اللہ کا دشمن تھا اور بنی اسرائیل مومن تھا لیکن اللہ نے فرعون کو طاقت دی اور بنی اسرائیل کو مغلوب کردیا کیونکہ انہوں نے اللہ کی نافرمانی شروع کردی تھی اور پھر اللہ نے انہیں فرعون سے سزا دی۔ اور جب انہوں نے حضرت موسیؑ کی پیروی کرنا شروع کی تو اللہ ان پر رحم فرمایا

اللہ اپنے دشمن کو بااختیار بناتا ہے جب اس کے ماننے والے اس کی نافرمانی کرنا شروع کرتے ہیں اور اپنے مومنین کو اس کے دشمنوں سے سزا دیتا ہے

اب ہم کیوں رو رہے ہیں؟ جب ہم اللہ کی نافرمانی کرتے ہیں۔ اللہ نے امت کی قرآن ، حدیث اور تاریخ میں مثالوں کا ذکر کیا ہے تو ہمیں لازمی طور پر رونا چھوڑنا چاہئے ،اور ہمیں اپنے آپ کو درست کرنا ہوگا ، ورنہ اللہ کفر کو زیادہ سے زیادہ طاقت بخشے گا اور پھر کفار ہم پر (مسلم) مزید ظلم کریں گے اور یہ ہماری نافرمانی کی سزا ہے

اب ہمیں کیا کرنا چاہئے؟

آئیے توحید کے ساتھ آغاز کریں ، ختم نبوت پر پختہ یقین کریں ، قرآن ، سنت رسول اللہ صلی اللہ علیہ وسلم ، سنت خلفائے راشدین ، ​​صحابہ کے اعمال و اجماع امت اور ریاست میں خلفائے راشدین کا نظام قائم کریں

اللّٰه اپنے بندوں کو اسی وقت سزا سے دوچار کرتا ہے جب وہ راہ سے بھٹک جائیں اس لیے اج بلکہ ابھی خود کو بدلیں آپ پر آئی ہر مصیبت ٹل جائے گی

@undefined0d0

غریدہ فاروقی کو عیدِ قربان پہ جانوروں سے پیار جاگا ہے اور جانوروں کی قربانی سے انہیں تکلیف ہو رہی یے حالانکہ مرغی کا کاروبار انکے خاصم خاص شہباز شریف کے بیٹے حمزہ کا تھا اس وقت مرغی پہ ظلم نظر نہیں تھا آتا آپکو؟ تب تو چکن بریانی کے اسٹیٹس لگائے جاتے تھے۔

خیر غریدہ صاحبہ آگے بڑھنے سے پہلے ایک بات اور بھی آپکو بتاتا چلوں کہ جانوروں سے محبت اور انکا احساس قابلِ تعریف عمل ہے لیکن جو آپ نے اپنی ایک مظلوم اور معصوم ملازمہ بچی کے ساتھ کیا تھا وہ ظلم نہیں تھا؟ خیر بات کرتے جانوروں کی میں آج آپکو کچھ حیرت انگیز حقائق بتاوں گا، مجھے یقین ہے کہ قربانی کے علاوہ آپ نے کبھی کسی لبرل کو ان جانوروں کی محبت میں ہلکان ہوتے نہیں دیکھا ہوگا، نہ ہی کبھی انہوں نے جانوروں کے حوالے سے کبھی بات کی ہوگی۔

گوشت کے حصول کے لیے پوری دنیا میں کل ملا کر ہر روز 200 ملین سے ذیادہ جانور ذبح کیے جاتے ہیں جن میں گائے، چکن، بطخ، بیل، بھیڑ، غیرمسلم ممالک میں خنزیر وغیرہ شامل ہیں، اگر ان میں جنگلی جانوروں، پرندوں اور سمندری مخلوق جیسا کہ مچھلی، جھینگے وغیرہ بھی شامل کر لیے جائیں تو انکی تعداد قریباً 3 ارب ایک دن کی بنتی ہے سالانہ کا حساب خود کر لیں۔

میں باقی دنیا کی بات نہیں کرتا، صرف لبرل بریگیڈ،امریکہ کی بات کرتا ہوں کہ امریکہ میں ہر دو منٹ میں قریب ایک لاکھ جانور ذبح ہوتے ہیں،اس وقت جب میں یہ تحریر لکھ رہا ہوں اس وقت یکم جنوری 2021 سے 21 جولائی 2021 شام 6:30 تک صرف امریکہ میں ہر قسم کے 30,647,010,072 جاندار ذبح ہوچکے ہیں اور یہ تعداد ہر دو منٹ میں ایک لاکھ کے حساب سے بڑھ رہی ہے جبکہ یہاں لبرل ٹولے کو بقرہ عید پہ قربانی پہ اعتراض ہے، وہ قربانی جس کا بہت بڑا حصہ غرباء و فقراء کو جاتا ہے۔
گزشتہ سال 2020 امریکہ میں ہر قسم کے تقریباً 55 ارب سے زائد جاندار خوراک کی نذر ہو گئے تھے، ان جانوروں کے گوشت کو خود امریکیوں نے مختلف مصنوعات اور خوراکوں کا حصہ بنا کر کھایا جبکہ بڑی مقدار میں دوسرے ممالک کو ایکسپورٹ کیا گیا اور بھاری زرِمبادلہ کمایا گیا اور یہی گوشت لبرل بریگیڈ مہنگے داموں میں کے ایف سی جیسے مقامات پر جا کر کھاتے ہیں۔

سال 2020 میں امریکہ میں خوراک کی نذر ہونے والے کل جاندار:

پورا سال: 55,429,141,000
ہر روز: 151,888,000
ہر گھنٹہ: 6,328,000
ہر منٹ: 105,480
ہر سکینڈ: 1,758

چلیں اب بات کرتے ہیں گائے، بیل کی قربانی کی میں نے بہت کوشش کی موجودہ کوئی روپوٹ ملے لیکن سال 2020 میں شائع ہونے والی 2018 کی ایک رپورٹ ہے کہ دنیا بھر میں ایک سال میں سب سے ذیادہ گائے یا بیل ذبح کرنے والے پہلے پانچ ممالک میں باوجود عیدِ قربان پہ لاکھوں جانور ذبح کرنے کے ایک بھی مسلمان ملک شامل نہیں ہے۔
سرفہرست ممالک میں:

برازیل میں: 39,602,000
چین میں: 39,577,320
امریکہ: 33,703,400
ارجنٹائن: 13,452,831
انڈیا: 9,202,631

برازیل پہلے، چین دوسرے، امریکہ تیسرے، ارجنٹائن چوتھے اور بھارت پانچویں نمبر پہ براجمان ہے یعنی 2018 میں ان 5 ممالک میں مذکورہ تعداد میں گائے اور بیل ذبح ہوئے اور اب 2021 میں یہ تعداد اس سے کہیں ذیادہ ہوچکی ہے۔اس گوشت کو نہ صرف یہ ممالک خود کھاتے ہیں بلکہ دوسرے ملکوں کو بیچ کر کثیر زرمبادلہ بھی کماتے ہیں، اگر ان میں دیگر جانوروں اور سمندری مخلوق کی تعداد بھی شامل کر لی جائے تو پوری دنیا میں خوراک کے لیے مارے جانے والے جانداروں کی تعداد کھربوں تک جا پہنچتی ہے.

دل تو میرا بڑا چاہ رہا ہے کہ انہیں ساری دنیا کا حساب نکال کے دوں لیکن تحریر سے کتاب بن جائے گی۔ بھارت اور امریکہ میں سب سے ذیادہ جانور ذبح ہونے کے باوجود بھی لبرلز کو اس بات کی تکلیف ہے کہ عید قربان پہ جانوروں کی ذبح کیوں کیا جاتا ہے، اسکے علاوہ کبھی پڑھا کسی لبرل کا ٹویٹ؟

ان لبرلز کو لگتا ہے کہ شاید اس طرح یہ خود کو ذیادہ مغرب زدہ ظاہر کر پائیں گے لیکن درحقیقت اللّه انکی بدنیتی پر مبنی قربانی چاہتا ہی نہیں، سنتِ ابراہیمی سے انکار کے سبب اللّه پاک نے ان مردودوں سے قربانی کی توفیق ہی چھین لی ہے اور اس سے بڑی بدقسمتی کیا ہوگی کہ اللہ پاک ایک اہم فریضے کو سرانجام دینے کی توفیق ہی چھین لے.
اللّه پاک انکو ہدایت دے اور مسلمانوں کو سنت ابراہیمی پر عمل کرنے پر دین اور دنیا میں آسانیاں پیدا فرمائے آمین.

@M_Waqas_786

ایک وقت تھا کہ چہار دانگ عالم میں اسلام کی گونج تھی، اللہ اور رسول اللہ صلی اللہ علیہ وسلم کے نام لیواؤں کا ڈنکا تھا، یہود و ہنود انکے سامنے بندر، بندریوں کی طرح ایک ہی حکم کے منتظر ہوتے تھے لیکن آج وہی مسلمان سوائے معدود چند کے ہر طرف ظلم و ستم کی چکی میں پستا ہوا نظر آ رہا ہے خواہ وہ ہندوستان کے مظلوم مسلمان ہوں یا فلسطین و شام و سیریا کے بے کس و بے بس مسلمان، کبھی تو انکو سرپسند تنظیموں کے ہاتھوں مآب لنچنگ کے ذریعہ شہید کیا جا رہا ہے تو کبھی ان پر بمباری کرکے ملبے کے ڈھیروں تلے دفن کیا جا رہا ہے۔ الغرض آج مسلمان ہرطرف ظلم و زیادتی اور نفرت بھری نگاہوں کا شکار ہیں تو اسکی کیا وجہ ہے؟ اور ہمیں اسکے لئے کیا لائحہ عمل تیار کرنا چاہئے ؟

اسکا سادا سا جواب یہ ہے کہ اللہ تعالیٰ نے اس عالم ناسور میں حضرت آدم علیہ السلام کو پیدا فرما کر خلافت ارضی انکو عطا فرمائ اور انکی ذریت میں کم و بیش سوا لاکھ انبیاء کرام مبعوث فرمائے جن سے اس عالم فانی میں خیر کے سلسلے مسلسل جاری و ساری ہیں لیکن اسکے برخلاف لعین و مردود شیطان کو پیدا فرمایا جس نے اللہ تعالیٰ سے وعدہ کیا ہے کہ میں تیرے بندوں کو جہنم کا ایندھن بناؤنگا اور اسکی ذریت میں بہت سے خلفاء فرعون، ہامان، شداد، نمرود، بخت نصر، بلعم باعورا، مسیلمہ کذاب، ابو جہل، عبداللہ بن ابی اور غلام قادیانی جیسے بے شمار جن و انس ہیں خصوصاً یہود و ہنود جو ہمہ وقت اسلام کو نقصان پہنچانے کی تاک میں ہیں اور شیطان مردود کے اللہ تعالیٰ سے کئے گئے وعدے کو پورا کرنے کے لئے رات دن ایک کئے ہوئے ہیں کہ کیسے امت مسلمہ کو دوزخ کی طرف دھکیل کر، شیطان لعین کے کئے گئے وعدے کو پورا کرکے اپنے جھوٹے معبودوں کی خوشی تلاش کی جائے تو ایسے وقت میں ہمیں یہود و ہنود کے شرور و فتن سے اور آپسی اختلافات سے بچنے کے لئے قرآن و سنت پر کاربند ہونا ہوگا اور اپنے ان اکابرین کی قیادت کرنا ہوگی جنکا ایک بھی عمل قرآن و سنت کے خلاف نہیں جاتا کیونکہ قرآن کریم کا ارشاد پاک ہے ” وَلَا تَهِنُوا۟ وَلَا تَحۡزَنُوا۟ وَأَنتُمُ ٱلۡأَعۡلَوۡنَ إِن كُنتُم مُّؤۡمِنِینَ ” تمھیں غمگین و افسردہ ہونے کی ضرورت ہے اور نا ہی مایوس ہونے کی اگر تم ایمان پر مکمل طور پر کار بند رہو۔ لہذا معلوم ہوا کہ ہمارے اوپر جو مصائب و پریشانیاں آ رہی ہیں انکی اصل وجہ ہماری بزدلی، کمزوری، رات دن کے گناہ اور یہود و ہنود کی پیروی ہے اسلئے اللہ تعالیٰ سے دعا کریں کہ اللہ تعالیٰ اس مسلم نسل نو کو ایمانی حلاوت سے محظوظ فرمائے آمین یا ربّ العالمین.

رہی بات یہ کہ ہم مختلف فرقوں میں بٹ کر ایک دوسرے کو کچوکے لگانے میں مصروف ہیں اور ابھی تک اس بات کو نہیں سمجھ پائے کہ کونسا مسلک و مشرب راہ راست پر ہے تو ایسے وقت میں ہم کس مسلک و مشرب کو اختیار کرتے ہوئے اس پر عمل پیرا ہوں تو اسکا صاف جواب یہ ہے کہ جو بھی مسلک آپ کو ” ما انا علیه و اصحابی ” کی روشنی میں چلتا ہوا نظر آئے اندھ بھکتی سے بچتے ہوئے اسی کو اختیار کرلیں ان شاءاللہ کامیابی و کامرانی ہمارے قدم چومے گی۔۔۔ اللہ تعالیٰ مجھے لکھنے سے زیادہ عمل کرنے کی توفیق نصیب فرمائے آمین یا رب العالمین.

‎@sabirmasood_

انسان اسلام کا جتنے غور سے مطالعہ کرے تو یہ بات انسان پر واضح ہوتی ہے کہ اسلام صرف مسلمانوں کا ہی نہیں بلکہ پوری انسانیت کا دین ہے۔اگر ہم یوں کہ دیں تو غلط نہیں ہوگا کہ اسلام انسانیت کا مذہب ہے اور اسلام کے ہر حکم میں انسانیت کا ہی فائدہ ہے۔

اسلام اور انسانیت لازم و ملزوم ہیں جہاں اسلام ہوگا وہاں انسانیت ہوگی اگر کوئی انسان مسلمان ہونے کے باوجود بھی انسانیت کے خلاف جا رہا ہے تو اس کا مطلب یہ نہیں ہے کہ اسلام میں خرابی ہے بلکہ اس کا مطلب یہ ہے کہ وہ انسان اسلام کا مجرم ہے

یوں تو اس کرہٗ ارض پر اللّہ تعالیٰ کی تخلیق کردہ بے شمار مخلوقات ہیں اور اس زمین پر حاکم ومحکوم ہیں۔اگر انسانوں میں سے اخلاقیات کی بنیاد یعنی انسانیت کو نکال دیا جائے تو انسان کسی حیوان سے کم نہیں ہے۔

اسلام ایک مکمل ضابطہ حیات ہے جو کہ زندگانی اور انسانیت کے تمام تر تقاضوں پر پورا اُترتا ہے۔ قرآن و حدیث میں اللّہ اور اسکے رسول ﷺ نے جو بھی احکامات اور ہدایات دی وہ محض انسانیت سکھاتے ہیں اور انسانوں سے اچھے تعلقات رکھنے کی تلقین کرتے ہیں۔

کچھ عرصہ پہلے مجھے شوق ہوا کہ میں قرآن و حدیث کا مطالعه کروں جیسے جیسے میں پڑھتی گئی تو معلوم ہوتا گیا کہ بحیثیت سائنس کی طالبہ،جو چیز آج سائنس ثابت کر رہی ہے کہ اس چیز میں انسان کا نقصان ہے وہ اسلام ہمیں چودہ سو سال پہلے منع ہونے کا حکم دے کہ بتا چکا ہے۔دینِ اسلام میں ایسا کوئی حکم نہیں جس میں انسان کا نقصان ہو۔اسی طرح اسلام اپنے پیروکاروں کو بھی انسانیت کا ہی درس دیتاہے۔

اسلام مىں کوئی بھی ایسی دلیل نہیں کی اسلام نے اپنے پیروکاروں کو دوسروں پر ظلم کرنے کا حکم دیا ہو،یا کسی مقام پر غیر انسانی فعل کرنے کا حکم دیا ہو۔حتیٰ کی اسلام انتقام لینے کا حکم بھی صرف اس وقت دیتا ہے جب ظلم حد سے بڑھ جائے۔بلکہ اسلام تو انتقام لینے کی بھی غیر محدود اجازت نہیں دیتا بلکہ یہ شرائط عائد کرتا ہے کہ انتقام ظلم کے مماثل ہو، اس سے متجاوز نا ہو۔

ٓآج کل جن حقوق کو ہم نے عالمی انسانی حقوق تسلیم کیا ہے اس سے بہتر انداز میں ہمارے پاس وہ حقوق میثاقِ مدینہ، خطبہ حجۃ الوداع اور دیگر اسلامی تعلیمات میں ملتے ہیں۔ لیکن بد قسمتی یہ ہے کہ سب سے پہلے ہم مسلمان ان تعلیمات کو نہیں پڑھتے اور اگر پڑھ بھی لیں تو عمل نہیں کرتے اور یوں ہم اپنی پسند کے راستے پر چل کر غلطی کرلیتے ہیں بووجہ یہ تمام اُمتِ مسلمہ پر انگلی اٹھانے کا موقع دوسرے مذاہب کو مل جاتا ہے اور نتیجتاً بے سکونی غالب آجاتی ہے۔

اگر ہم مسلمان ہم خود اسلامی تعلیمات پر عمل شروع کریں اور اسلام کے امن پسند اور انسانیت دوست نظریے کو آگے بڑھائیں تو میرے نقطہء نظر سے یہ دنیا خوشحال ہوجائے گی۔

@ZoHaAli_15

پاکستان دنیا کی پہلی ریاست ہے جو ریاست مدینہ کے بعد اسلام کے نام پر معرض وجود میں آئی۔ پاکستان کے قیام کے بعد جب کسی نے بانی پاکستان سے سوال کیا کہ پاکستان کن قوانین کو فالو کرے گا تو قائد نے جواب دیا کہ پاکستان کی قانون سازی آج سے 14 سو سال قبل ہو چکی ہے۔

افسوس اس بات کا ہے کہ بانی پاکستان کی رحلت کے بعد ہم نے ریاست مدینہ کے تصور کو بھلا دیا، گزشتہ سات دھائیوں میں بہت دفعہ آئین کو تبدیل کیا گیا لیکن کسی نے بھی ریاست مدینہ کا ذکر نہیں کیا۔ اگست 2018 میں جب عمران خان وزیراعظم بنے تو انہوں نے پاکستان میں ریاست مدینہ کے اصولوں کو اپنانے کی بات کی لیکن ھمارے ملک میں ایک خاص طبقہ ایسا بھی ھے جسے یورپ کی برہنہ منڈیوں سے اتنی محبت ھے کہ انھیں خان صاحب پاکستان کو مدینہ کی ریاست کے اصولوں کو اپنانے پر شدید تکلیف ھوئی لیکن اس سب سے پہلے کیا ھم خود بطور پاکستانی اس قابل ھیں کہ پاکستان کو ریاست مدینہ بنا سکیں۔۔۔

ہمارے پیارے نبی صلیٰ اللہ علیہ وآلہ وسلم دین اسلام میں انسانیت کا پیغام لے کر آئے اور ایک طویل و صبر آزماء جدوجھد کے بعد اسلامی ریاست کی بنیاد رکھی جس کا منشور محبت، اخوت، انصاف اور مساوات کے ان چار سنہری اصولوں پر منحصر تھا جس پر حضور اکرم صلیٰ اللہ علیہ وآلہ وسلم کے بعد خلفاء راشدین نے من و عن عمل کر کے ریاست مدینہ کو استحکام بخشا۔

جب وزیراعظم پاکستان ریاست مدینہ کا نام لیتے ہیں تو سب سے پہلے ھمیں بطور معاشرہ سوچنا ہو گا کہ کیا ہمارے اعمال اس قابل ہیں کہ ہم خود کو ریاست مدینہ کا ذمہ دار بنا سکتے ہیں۔

ایک چھوٹی سی مثال دیتا ہوں، ہمارے ہاں المیہ یہ ہے کہ جب بچہ پیدا ہوتا ہے تو اس کی تاریخ پیدائش کو چھپایا جاتا ہے اسکا اندراج کوئی 3 سے 5 سال بعد کروایا جاتا ہے تاکہ مستقبل میں نوکری کے لیے عمر کا مسئلہ نا بنے لیکن ہم یہ نہیں سوچتے کہ جب ہم بچے کی بنیاد ہی جھوٹ پر رکھ رہے ہیں تو پھر کیسے ممکن ہے کہ ہم بہترین انداز میں انسان سازی کر رہے ہیں۔

تاجر کو ملاوٹ سے پاک مناسب قیمت پر اشیاء فروخت کرنا ہوں گی, رشوت کا جو بازار گرم ہے اسکو بند کرنا پڑے گا، کفرانہ سودی نظام سے جان چھڑانا ہو گی، طاقتور اور کمزور دونوں طبقہ کیلئے یکسان نظام انصاف لاگو کرنا ہو گا، جب ریاست مدینہ کی بنیاد رکھی گئی تو سب سے پہلے انصاف کا بول بالا ہوا۔ انصاف سب پر لاگو کیا گیا۔ انصار و مہاجرین، مسلمان و یہود سب کیلئے یکساں نظام انصاف اپنایا گیا، قاضی کو پابند کیا گیا کہ انصاف اس کا شیوہ ھو گا کیونکہ ریاست کے مکمل ڈھانچے کا سانچہ قاضی کے قلم سے ھو کر گزرے گا۔

جب ریاست مدینہ کی بنیاد رکھی گئی تو طاقتور نے طاقت کا غلط استعمال نھیں کیا، اقربہ پروری کو نھیں اپنایا، پسند و نہ پسند کو کوسوں دور چھوڑا گیا، غلطی مسلمان نے بھی کی تو سزا پائی اور انصاف کا دروازہ یہودی نے بھی کھٹکایا تو جزاء پائی۔ ہمیں بھی اپنے معاشرے میں انصاف کے نظام کو یکساں کرنا ہو گا تاکہ کسی غریب کا حق نا کوئی مار سکے،

اسلام سے پہلے بیٹیوں کو زندہ درگور کر دیا جاتا تھا پھر ہمارے نبیِ کریم صلی اللہ علیہ وسلم رحمة للعالمین بن کر تشریف لائے اور آپ نے پوری انسانیت کو اس آگ کی لپیٹ سے بچایا اور عورت کو بھی اس گڑھے سے نکالا۔ اور اس زندہ دفن کرنے والی عورت کو بے پناہ حقوق عطا فرمائے اور قومی وملی زندگی میں عورتوں کی کیا اہمیت ہے، اس کو سامنے رکھ کر اس کی فطرت کے مطابق اس کو ذمہ داریاں سونپیں، ریاست مدینہ نے جو حقوق دیے وہی حقوق دینا ہوں گے جسکی وہ اپنی پیدائش سے حقدار ھے، بیٹی کو اپنی جائیداد میں حصہ دار بنانا ہو گا،

ہمسایے کے حقوق، والدین و بزرگوں کے حقوق پر عمل کرنا ہو گا، اسی طرح ہمیں معاشرے میں ہزاروں ایسی برائیوں کا قلع قمع کرنا ھو گا جو کسی بھی معاشرے کو ناسور بنا دیتی ھیں اور یہ سب تبھی ممکن ہے جب ہم خود کو ٹھیک کریں گے کیونکہ کسی بھی برائی یا خرابی کو ختم کرنے کے عمل کی ابتداء سب سے پہلے اپنی ذات سے کی جاتی ھے۔

ہم سب کو ریاست مدینہ تو چاہیے لیکن ہم میں سے کوئی ایک فرد بھی اپنے آپکو تبدیل کرنے کو تیار نھیں۔ علامہ اقبال نے یہ الفاظ شاید ہماری ہی حالت زار پر لکھے تھے کہ۔۔۔۔۔

خدا نے اج تک اس قوم کی حالت نہیں بدلی
نہ ہو جس کو خیال خود اپنی حالت کے بدلنے کا

عیدالاضحیٰ پوری دنیا میں مسلمان ہر سال جوش و خروش سے مناتے ہیں۔ ہر سال سنت ابراہیمی کی یاد کو تازہ کیا جاتا ہے ۔ دنیا بھر کے مسلمان مذہبی جوش و جذبے سے عید الاضحیٰ مناتے ہیں۔ عیدالاضحیٰ منانے کا مقصد سنت ابراہیمی کی یاد کو تازہ کرنا ہے۔

یہ عشق کی انتہا یہ تھی کہ جب حضرت ابراہیم علیہ السلام کو آگ میں پھینکا گیا تو آپ نے خود کو عشقِ خداوندی کی سپرد کردیا یہ عشق کی انتہا کی تھی جب آپ کو حکم ملا کہ اپنی بیوی اور بیٹے کو ویران و بیابان علاقے میں چھوڑ آؤ تو  آپ ع نے اپنی بیوی اور بیٹے کو حکم الہی کی سپرد کردیا ۔ یہ عشق کی انتہا یہ تھی کہ جب آپ کو حکم ملا کے اپنے پیارے بیٹے حضرت اسماعیل علیہ السلام کو اللہ کی راہ میں قربان کر دو تو آپ نے یہ خواب اپنے بیٹے کو سنایا اور اپنے بیٹے کو حکم الٰہی کے سپرد کر دیا۔

حضرت اسماعیل علیہ السلام کی قربانی اصل مقصد نہیں تھا اصل مقصد حضرت ابراہیم علیہ السلام کی آزمائش اور  عشق کی انتہا کو دیکھنا تھا ۔ بے شک اللہ اپنے پیارے بندوں کو آزماتا ہے اور حضرت ابراہیم علیہ السلام اللہ تعالی کی طرف سے بھیجی گئی ہر آزمائیش پر ثاںت قدم رہے اور کامیاب ہوئے۔
اسی طرح ہر مسلمان کی زندگی میں آزمائش اور مشکلات آتی ہے آزمائشوں اور مشکلات میں پریشان ہونے اور حوصلہ ہارنے کی ضرورت نہیں ۔ ہمیں بھی ابراہیم علیہ السلام کی سنت پر عمل کرنے کی ضرورت ہے

سنت ابراہیمی سے ہمیں یہ سبق ملتا ہے کہ میں اللہ کی راہ میں اپنی جان مال قربان کرنے کے لیے ہر وقت تیار رہنا چاہیے
صرف جانور کو قربانی کرنا چاہیے کہ ہمیں اپنے نفس کی قربانی دینے کی ضرورت ہے ہر اس راستے سے ہمیں دور رہنا ہے جو راستہ اللہ سے دور کر رہا ہے سب سے بڑی قربانی اپنے نفس کی قربانی ہے اللٰہ تعالیٰ کی خاطر اپنے نفس کی قربانی کے لیے بھی ہر وقت تیار رہنا چاہیے

ہمیں سنت ابراہیمی پر عمل کرتے ہوئے اللہ کا قرب حاصل کرنا ہے اور  دین اسلام اور راہ خدا کے لیے کسی قربانی سے انکار نہیں کرنا ہے

Email Address
Farwawrites1214@gmail.com

@Fatii_PTI

Name
Farwa Munir