Category: سائنس و ٹیکنالوجی

سلیکان ویلی: اسمارٹ فون میں ٹرانسلیشن کا ایسا بہترین ٹول جو بہت ہی آسانی سے مختلف زبانوں میں آنے والے پیغام کا مطلوبہ زبان میں ترجمہ کر دیتا ہے۔

باغی ٹی وی : بیرون ملک کاروباری بات چیت کرنے والے یا فری لانسرزکو سب سے بڑا مسئلہ ٹرانسلیشن کا پیش آتا ہےلیکن کیا آپ جانتے ہیں کہ آپ کے اسمارٹ فون میں ٹرانسلیشن کا ایسا بہترین ٹول موجود ہے جوبہت ہی آسانی سے مختلف زبانوں میں آنے والے پیغام کا مطلوبہ زبان میں ترجمہ کر دیتا ہے۔

اینڈرائیڈ اور ایپل آئی فون صارفین کی بڑی تعداد کی بورڈ گوگل کا ’جی بورڈ‘ یا پھر مائیکروسافٹ کا ’سوئفٹ کی‘ استعمال کرتی ہے۔

جی بورڈ ٹرانسلیشن فنکشن اینڈرائیڈ اور آئی او ایس دونوں ڈیوائسز پر یکساں کام کرتا ہے اگرچہ سوئفٹ کی اینڈرائیڈ اور ایپل آئی فون دونوں آپریٹنگ سسٹمز پر کام کرتا ہے لیکن اس کا ٹرانسلیشن کا فیچر صرف اینڈرائیڈ صارفین کے لیے دستیاب ہے۔

اینڈرائیڈ فون پر پیغامات کا ترجمہ کرنے کاطریقہ

1۔ اگر آپ کے پاس پہلے سے جی بورڈ نہیں تو گوگل پلے اسٹور سے اسے انسٹال کرلیں۔

2۔ سیٹنگ کو اوپن کریں، ’ Keyboard & input method‘ یا ’ Languages & input‘ سرچ کریں۔

3۔ مینیج کی بورڈز پر کلک کرکے جی بورڈ کو ڈیفالٹ کی بورڈ بنائیں۔

4۔ اب اپنا میسج باکس کھولیں، جب آپ جی بورڈ پر ٹائپ کریں گےتو کیز کے اوپر آپ کو ٹرانسلیشن کا آئیکون نظر آئے گا۔

5۔ اس آئیکون پر کلک کرکے ٹرانسلیشن موڈ آن کردیں-

6۔ اپنی مطلوبہ ان پُٹ اور آؤٹ پُٹ زبانوں کو منتخب کریں، جو پیغام بھیجنا ہے اُسے ٹائپ کریں اور ٹرانسلیٹ میسج پر کلک کردیں۔

7۔ ترجمہ شدہ پیغام میسج کے خانے میں نظر آئے گا آپ چاہیں تو اسے آگے بھیج دیں یا اس میں ترمیم کرلیں۔

8۔ اسی طرح جب آپ کو کسی دوسری زبان میں پیغام موصول ہو تو مطلوبہ پیغام کو کاپی کرکے ٹرانسلیشن باکس میں پیسٹ کرنا ہوگا۔

فیس بک کی زیرملکیت کمپنی واٹس ایپ کی جانب سے ایک بار پھر پالیسی کے حوالے سے نوٹیفکیشنز بھیجنے کا سلسلہ شروع ہورہا ہے۔

باغی ٹی وی : واٹس ایپ نے 4 جنوری 2021 کو دنیا بھر میں صارفین کو نئی پرائیویسی پالیسی اور اصول و ضوابط میں تبدیلیوں سے آگاہ کرنے کے لیے نوٹیفکیشنز بھیجنا شروع کیے تھے کہ نئی پالیسی کا نفاذ 8 فروری سے ہوگا ورنہ ان کے اکاؤنٹس ڈیلیٹ کردیئے جائیں گے تاہم لوگوں کے شدید ردعمل پر پرائیویسی پالیسی کا اطلاق 15 مئی تک ملتوی کردیا گیا تھا۔

🗒 WhatsApp is asking to accept Terms of Service again

May 15, 2021 is the date when the new Terms of Service take effect. Common questions about the terms in the article.https://t.co/MphkD1jjG0

— WABetaInfo (@WABetaInfo) April 24, 2021

واٹس ایپ پر نظر رکھنے والی سائٹ ویب بیٹا انفو WABetaInfo نے بتایا کہ میسجنگ ایپ میں صارفین کو نئی پالیسی کے حوالے سے آگاہ کرنے کے لیے الرٹس بھیجنے کا سلسلہ شروع ہوگیا ہے۔

تاہم اس بار کمپنی کی جانب سے یہ نوٹیفکیشنز ان صارفین کو بھیجے جارہے ہیں جن کی جانب سے اب تک نئی پالیسی کو قبول نہیں کیا گیا۔

یعنی اگر جنوری میں آپ اس طرح کے نوٹیفکیشن کو مسترد کرنے کی بجائے اسے قبول کرچکے ہیں تو آپ کو دوبارہ پالیسی کے بارے میں رائے نہیں لی جائے گی۔

فوٹوز بشکریہ ویب بیٹا انفو

نئے نوٹیفکیشن کے اسکرین شاٹس سے معلوم ہوتا ہے کہ کمپنی کی جانب سے صارفین کو بتایا جارہا ہے کہ نئی پالیسی اور اصول و ضوابط کا اطلاق 15 مئی سے ہوگا۔

کمپنی نے یہ بھی واضح کیا ہے کہ تبدیلی کے باوجود واٹس ای میں تمام چیٹس اینڈ ٹو اینڈ انکرپٹڈ ہوں گی، جبکہ کاروباری اداروں سے چیٹ کو آسان بنایا جارہا ہے، جس کا کچھ حصہ فیس بک سے شیئر کیا جاسکتا ہے، مگر یہ آپشنل ہوگا یعنی صارف کو ہی اس کا انتخاب کرنا ہوگا۔

مزید براں صارفین کو یہ بھی بتایا جارہا ہے کہ کاروباری ادارے ان سے کی گئی چیٹس کا انتظام کس طرح کرتی ہے۔

رپورٹ میں یہ نہیں بتایا گیا کہ نئی پالیسی کو قبول نہ کرنے والوں کے ساتھ کیا ہوگا مگر اس حوالے سے فروری میں ایک رپورٹ میں تفصیلات سامنے آئی تھیں۔

معروف میسجنگ ایپ واٹس ایپ نے صارفین کو نئی پرائیویسی پالیسی پر نظر ثانی کا موقع دیتے ہوئے کہا ہے کہ صارفین کو اپنی مرضی اور اپنے ٹائم فریم کے تحت پالیسی کا جائزہ لینے کی سہولت فراہم کریں گے اور یاد دہانی کے لیے ایک بینر بھی ایپ پر نظر آتا رہے گا۔

واٹس ایپ نے پرائیویسی سے متعلق یہ وضاحت ایک ای میل کے جواب میں دی جس میں یہ بھی کہا گیا تھا کہ یہ سہولت 15 مئی تک دستیاب رہے گی اور اس کے بعد شرائط تسلیم نہ کرنے والوں کو راضی کرنے کے لیے بتدریج مطالبہ کیا جائے گا۔

ای میل میں مزید کہا گیا ہے کہ 15 مئی کے بعد شرائط تسلیم نہ کرنے والے ایپ پر آنے والے میسیجز نہیں پڑھ سکیں گے تاہم انہیں مختصر وقت کے لئے نوٹیفکیشن اور کالز موصول کرنے کی سہولت میسر رہے گی۔

ای میل کے مطابق یہ ‘مختصر وقت’ کئی ہفتوں کا ہوگا جبکہ ایف اے کیو کا نیا پیج کا لنک بھی دیا گیا جس میں ایسے صارفین کے حوالے سے اقدامات کی تفصیلات دی گئی ہے۔

کمپنی کی جانب سے غیرمتحرک کیے جانے والے صارفین کو 15 مئی کے بعد بھی نئی پالیسی یا اپ ڈیٹس کو قبول کرنے کی سہولت دی جائے گی اور ان کے میسجز بحال کردیئے جائیں گے۔

ایسے غیرمتحرک صارفین کے حوالے سے واٹس ایپ کی پالیسی میں واضح کیا گیا کہ اکاؤنٹس عام طور پر غیرمتحرک ہونے کے 120 دن بعد ڈیلیٹ کیے جاتے ہیں۔

واٹس ایپ کا صارفین کو نئی پرائیویسی پالیسی پر نظر ثانی کا موقع

واٹس ایپ چیٹ کو محفوظ بنانے کے چار طریقے

تائیوان کی کمپنی اسوس اپنے نئے فلیگ شپ فون متعارف کرائے گی-

باغی ٹی وی : کمپنی نے اگست 2020 میں اپنے فلیگ شب زین فون 7 اور 7 پرو متعارف کرائے تھے جن میں کیمرا سسٹم پر خاص طور پر توجہ دی گئی تھی کمپنی نے زین فون 7 سیریز میں اپنے پرانے فونز میں دیئے گئے فلپ اپ کیمرے کو پہلے سے بہتر بناکر نئی ڈیوائسز کا حصہ بنایا۔

دونوں میں سیلفی کیمرا نہیں تھا بلکہ بیک فلپ کیمرا سسٹم ہی سیلفی لینے میں مدد دیتایہ بیک فلپ کیمرا سسٹم 3 کیمروں پر مشتمل تھا-

تاہم اب یہ کمپنی اپنے نئے فلیگ شپ فون متعارف کرانے کے لیے تیار ہے۔

جی ایس ایم ارینا نے اپنی رپورٹ میں بتایا کہ اسوس کمپنی 12 مئی کو ایک ایونٹ میں نئے فونز متعارف کرائے جائیں گے اور اس مقصد کے لیے کمپنی نے ایک خصوصی ویب سائٹ بھی تیار کی ہے۔

کمپنی کے مطابق اس بار صارفین کو زیادہ بہترین کارکردگی اور کامپیکٹ سائز کی توقع رکھنی چاہیے۔

فوٹو بشکریہ جی ایس ایم ارینا

فون کے بارے میں زیادہ تو علم نہیں مگر اسنیپ ڈراگون 888 پراسیسر دیئے جانے کا امکان ہے جبکہ اس بار زین فون 8 اور 8 پرو کے ساتھ 8 منی بھی یش کیا جاسکتا ہے۔

جی سی ایم ارینا کے مطابق اس سیریز میں 8 سے 16 جی بی ریم دیئے جانے کا امکان ہے جبکہ اینڈرائیڈ 11 آپریٹنگ سسٹم موجود ہوگا۔

ڈیوائسز میں 120 ہرٹز ریفریش ریٹ موجود ہوگا جبکہ پی ٹی زی کیمرا سسٹم اس بار بھی کیمرا سسٹم منفرد ہوگا یا کم از کم تصویر پر 8 کے ہندسے یہی عندیہ ملتا ہے۔

فیس بک نے نیوز فیڈ میں صارفین کے تجربے کو بہتر بنانے کے لیے صارفین سے مدد چاہتی ہے۔

باغی ٹی وی :فیس بک نیوز روم کے مطابق آئندہ چند ماہ کے دوران کمپنی کی جانب سے لوگوں سے ان کو نظر آنے والی پوسٹس پر فیڈبیک اکٹھا کیا جائے گا لوگوں کی رائے کو نیوز فیڈ میں مواد دکھانے کو بہتر بنانے کے لیے استعمال کیا جائے گا۔

اس مقصد کے لیے فیس بک کی جانب سے عالمی سطح پر لوگوں سے سروے کرکے سمجھا جائے گا کہ کونسی پوسٹس متاثر کن ہوتی ہیں، جو کمپنی کے بقول لوگ اپنی نیوزفیڈ پر زیادہ دیکھنا چاہتے ہیں۔

Incorporating More Feedback Into News Feed Ranking https://t.co/VP56x0pAad

— Meta Newsroom (@MetaNewsroom) April 22, 2021

اس کے بعد کمپنی کی جانب سے اس طرح کا مواد نیوزفیڈ پر اوپر دکھانے پر کام کیا جائے گا۔

اس کے علاوہ فیس بک کی جانب سے لوگوں سے یہ بھی پوچھا جائے گا کہ کونسے مخصوص موضوعات کی پوسٹس اپنی فیڈ پر زیادہ یا کم دیکھنا چاہتے ہیں۔

بلاگ میں بتایا گیا کہ اگرچہ نیوزفیڈ کی پوسٹس صارف کے فرینڈز، گروپس اور پیجز (جن کو وہ فالو کرتا ہے) کی ہوتی ہیں، مگر ہم جانتے ہیں کہ قریبی دوست اور گھروالے بھی ایسی پوسٹس شیئر کرتے ہیں جن میں آپ کو دلچسپی نہیں ہوتی، یا آپ ان کو دیکھنا نہیں چاہتے۔

فیس بک نے یہ بھی بتایا کہ وہ لوگوں کی جانب سے نیوزفیڈ پر سیاسی مواد کے حوالے سے بھی رائے حاصل کرے گی۔

کمپنی کے مطابق یہ ایک حساس شعبہ ہے تو آئندہ چند ماہ کے دوران ہماری جانب سے یہ سمجھنے ہر کام کیا جائے گا کس طرح کا مواد منفی تجربات سے منسلک ہے، مثال کے طور پر ایسی پوسٹس کو دیکھا جائے گا جن پر اینگری ری ایکشنز بہت زیادہ تعداد میں ہو اور پوچھا جائے گا کہ کس طرح کی پوسٹس لوگ کم دیکھنا چاہتے ہیں۔

کمپنی کی جانب سے ایک نئے ڈیزائن کی آزمائش کی جائے گی جس میں صارفین اوپر دائیں کونے میں ایکس پر کلک کرکے کسی پوسٹ کو نیوز فیڈ سے ہائیڈ کرسکیں گے۔

فیس بک نے نیوز فیڈ سے متعلق نئے فیچرز متعارف کرا دیئے

فیس بک پوڈ کاسٹ پر مشتمل نیا فیچر متعارف کرائے گی

فیس بک نے رمضان المبارک سے متعلق نیا فیچر متعارف کرا دیا

فیس بک کی مختلف گروپس کیلئے کمنٹس کی اپ اور ڈاؤن ووٹنگ کے فیچر کی آزمائش

فیس بک نے نفرت اور نسل کی بنا پر نازیبا جملوں کو روکنے کا ایک اہم ٹول پیش کردیا

ویڈیو شیئرنگ ویب سائٹ یوٹیوب نے اینڈرائیڈ اور آئی او ایس ایپس میں ایک اہم تبدیلی کو متعارف کرایا ہے-

باغی ٹی وی :یوٹیوب پر کسی ویڈیو کو پلے کرنے پر ریزولوشنز کی ایک فہرست دی جاتی ہے جس میں آٹو آپشن کے ساتھ مختلف ریزولوشنز کے آپشن ہوتے ہیں آٹو آپشن ویڈیو کوالٹی کو انٹرنیٹ کنکشن کی رفتار کے مطابق ایڈجسٹ کرتا ہے۔

مگر اب نئی تبدیلی کے تحت ویڈیو کے کوالٹی مینیو میں 4 آپشنز موجود ہوں گے آٹو، ہائر پکچر کوالٹی، ڈیٹا سیور اور ایڈوانسڈ۔

فوٹو بشکریہ یو ٹیوب
آٹو آپشن تو پہلے کی طرح ہی کام کرے گا جبکہ ہائر پکچر کوالٹی سیٹنگ بہتر معیار کے لیے زیادہ ڈیٹا استعمال کرے گی جبکہ سیٹنگ میں تیزرفتار وائی فائی کنکشن پر بھی ویڈیو 720 پی پر اسٹریم ہوگی۔

ڈیٹا سیور موڈ میں کم ڈیٹا خرچ ہوگا اور پکچر کوالٹی 480 پی تک محدود ہوجائے گی تاہم تیزرفتار کنکشن پر 720 پی ریزویوشن بھی ویڈیو کا حصہ بنے گی۔

ایڈوانسڈ مینیو میں ویڈیو ریزولوشنزن کی مکمل فہرست دیکھی جاسکے گی مگر اس کا اطلاق صرف اوپن ویڈیو پر ہی ہوگا تاہم ڈیفالٹ ویڈیو کوالٹی سیٹ کرنے کے لیے سیٹنگز میں جاکر ویڈیو کوالٹی اور پھر پریفرنس مینیو میں جاکر موبائل نیٹ ورکس اور وائی فائی ہر ڈیفالٹس سیٹنگز کو سیٹ کرنا ممکن ہے۔

یہ فیچر اب صارفین کے لیے متعارف کرادیا گیا ہے مگر ہر ایک تک پہنچنے میں کچھ وقت لگے گااس نئی تبدیلی سے صارفین موبائل ڈیٹا کو یادہ بہتر طریقے سے بچاسکیں گے۔

لندن : ماہرین اینڈروئڈ فونز کو نقصان پہنچانے والے ایک ٹیکسٹ میسج کی شکل میں بھیجے گئے پیغام سے خبردار کیا ہے-

باغی ٹی وی : غیر ملکی خبر رساں ادارے بی بی سی کے مطابق پیکج ڈیلیوری کمپنی کی جانب سے بھیجنے کا دعویٰ کرنے والے اس پیغام میں صارفین کو ایک ٹریکنگ ایپ انسٹال کرنے کی ہدایت کی جاتی ہے لیکن اصل میں یہ ایک خطرناک قسم کا ‘سپائی ویئر’ ہوتا ہے یہ پورے برطانیہ میں پھیل گیا ہے –

اسے ‘فلو باٹ’ کا نام دیا جا رہا ہے اور یہ جس فون میں داخل ہوتا ہے اس کا انتظام سنبھالنے کے بعد اس سے خفیہ معلومات اکھٹی کرتا ہے جیسے بینک سے متعلق معلومات وغیرہ۔

⚠️SCAM TEXT ALERT ⚠️

If you receive a text message that looks like the one below:

IGNORE: Do not click any links.

REPORT: Report it by forwarding to 7726.

DELETE: Remove the text from your phone. pic.twitter.com/ailKcmXYh4

— Vodafone UK (@VodafoneUK) April 22, 2021

نیٹ ورک آپریٹر ووڈا فون کی جانب سے جاری اعلامیے میں کہا گیا ہے کہ اس حوالے سے آگاہی کے لیے لاکھوں ٹیکسٹ میسیجز پہلے ہی بھیجے جا چکے ہیں۔

ووڈا فون کے ایک ترجمان کے مطابق ہمارے اندازے کے مطابق فلوبوٹ کی یہ موجودہ لہر کو بہت جلد بہت زیادہ پذیرائی ملے گی اور یہ ایک ایسی چیز ہے جسے روکنے کے لیے آگاہی کی ضرورت ہے۔

We’ve seen reports of this across all networks in many countries, and it seems to be growing quickly. Please be vigilant.

This seems to only be affecting Android devices. We’ve contacted Google to seek their advice.

— Vodafone UK (@VodafoneUK) April 22, 2021

انھوں نے کہا کہ صارفین کو اس مخصوص خطرناک سافٹ ویئر سے ہوشیار رہنا ہو گا اور ٹیکسٹ میسیجز پر موصول ہونے والے کسی بھی پیغام میں دیے گئے لنک پر کلک کرنے سے قبل احتیاط برتنی ہو گی۔

دیگر برطانوی نیٹ ورکس جیسے ‘ای ای’ اور ‘تھری’ نے بھی اس حوالے سے صارفین کو متنبہ کرنا شروع کر دیا ہے۔

برطانیہ کے قومی سائبر سکیورٹی مرکز (این سی ایس سی) نے اس حوالے سے موجود خطرے کے بارے میں ہدایات جاری کی ہیں جس میں یہ بھی شامل ہے کہ اگر آپ نے حملہ کرنے والی ایپلیکیشن غلطی سے ڈاؤن لوڈ کر دی ہے تو آپ نے کیا کرنا ہے۔

این سی ایس سی کی جانب سے جاری اعلامیے میں کہا گیا ہے کہ اگر صارفین نے غلطی سے لنک پر کلک کر دیا ہے تو یہ ضروری ہے کہ آپ گھبرائیں نہیں۔ ایسے متعدد طریقے ہیں جن کے ذریعے آپ اپنے اکاؤنٹس اور ڈیوائسز کو محفوظ رکھ سکتے ہیں۔

اس میل ویئر کی یہ خاصیت بھی ہے کہ یہ متاثرہ صارف کے جاننے والوں کے نمبروں پر بھی یہ پیغام بھیج سکتا ہے۔

اس حوالے سے ایک واضح خطرہ موجود ہے کہ ایک خطرناک ایپلی کیشن صارف کے سمارٹ فون پر انسٹال کی جا سکتی ہے جو لا تعداد ٹیکسٹ میسیجز بھیجنا شروع کر دے۔

صارفین کے لیے جو بڑا خطرہ موجود ہے وہ ان کے انتہائی ذاتی ڈیٹا کے لیے نقصان بھی ہو سکتا ہے۔

جہاں اس ٹیکسٹ میسیج سکیم میں یہ جھوٹا دعویٰ کیا جاتا ہے کہ یہ پیکج ڈلیوری کمپنی کی جانب سے بھیجے گئے ہیں ان کی جانب سے فی الحال فشنگ یعنی ذاتی مالی معلومات اور دیگر معلومات کے بارے میں فارم بھروائے جاتے ہیں۔

یہ نئی لہر اس طرح مختلف ہے کہ یہ خطرناک سافٹ ویئر موبائل میں خود ہی انسٹال ہو جاتا ہے اور کیونکہ اس کے پھیلاؤ کا دائرہ خاصا وسیع ہے۔

اگر کوئی اینڈروئڈ فون کا استعمال کرتے ہوئے اس لنک پر کلک کرتا ہے تو انھیں ایک ایسے پیج پر لے جایا جائے گا جو یہ ‘وضاحت’ کرتا ہے کہ آپ پارسل ٹریکنگ ایپ انسٹال کرنے کا طریقہ سکھاتی ہے اور ایسا اے پی کے کے ذریعے کیا جاتا ہے۔

اے پی کے فائلز دراصل اینڈروئڈ ایپس کو محفوظ گوگل پلے سٹور کے بغیر انسٹال کرنے کا ایک طریقہ ہے۔ عام طور پر ایسی ایپلی کیشنز کو سکیورٹی وجوہات کی بنا پر بلاک کر دیا جاتا ہے لیکن اس سلسلے میں یہ پیج دراصل ایسی ہدایات دیتا ہے جس کے ذریعے انسٹالیشن کی جا سکتی ہے۔

ایپل آئی فون صارفین اس مسئلے سے فی الحال دوچار نہیں ہیں کیونکہ وہ اینڈرائڈ کی اے پی کے فائلز انسٹال نہیں کر سکتے۔

ماہرین کا کہنا ہے کہ انھیں امید ہے کہ ‘اس حملے کے کامیاب ہونے کے شرح بہت کم ہو گی’ کیونکہ اس حوالے سے خاصی مشکلات آڑے آ سکتی ہیں۔

موبائل یو کے نامی ادارے نے کہا ہے کہ صارفین جنھیں یہ خطرناک پیغام موصول ہوتا ہے وہ اسے 7726 پر فارورڈ کر سکتے ہیں تاکہ اس کے حوالے سے مزید تحقیق کی جا سکے، بعد میں بےشک اسے ڈیلیٹ کر دیں۔