Category: سیاست

سالوں پہلے ہر ضلع میں ایک ڈی آئی جی ،ایک ایس ایس پی ،ایک ایس پی ہیڈ کوارٹرز ہوا کرتے تھے آبادی کم تھی جرائم کم ہوا کرتے تھے ۔ بڑھتی ہوئی آبادی کے ساتھ ہر ضلع میں پولیس افسران کی تعداد میں اضافہ ہو گیا جرائم بڑھ گئے ۔ منشیات فروش ،جگہ جگہ جوئے کے اڈے ،لینڈ مافیا کی اکثریت اپنے آپ کو مخیر حضرات کہلوانے لگی ۔ منشیات فروش اور جوئے کے اڈوں کی پشت پناہی نام نہاد سیاسی اور بعض پولیس کے افسران کرنے لگے ۔ افغان جہاد کے بدلے پاکستان میں کلاشنکوف بڑے بڑے شہروں میں پھیلائی گئی ہیروئن کا زہر نوجوانوں میں پھیلنے لگا۔دیکھتے ہی د یکھتے کلاشنکوف کلچر اور ہیروئن نے پورے ملک کو اپنی لپیٹ میں لے لیا ۔ مخیر حضرات ، سیاسی رہنمائوں ، دولت مندوں اور دیگر افراد نے اپنے ساتھ بڑی گاڑیاں اور مسلح افراد رکھنا شروع کردئیے ۔ شادی ،جنازوں میں اپنے ساتھ مسلح کلاشنکوف رکھنا ایک کلچر کا روپ اختیار کرگیا ۔حکومتوں کی لاپرواہی اور مہنگائی بے روزگاری نے چوریوں اور ڈکیتیوں میں اضافہ کردیا ۔ پولیس افسران سفارش پر تعینات ہونے لگے ۔ عام آدمی کی شنوائی نہ سرکار میں رہی اور نہ ہی دربار میں رہی ۔

راولپنڈی سمیت پنجاب میں ایسے ایسے افسران گزرے جنہوں نے عام آدمی کی فریاد سننے کے لئے اپنے دفاتر کھلے رکھے ۔ ایسے بھی گزرے جنہوں نے عام آدمی سے ملنا گوارہ نہیں کیا ۔راولپنڈی میں رائو محمد اقبال ریٹائر ڈی آئی جی ۔ ناصر خان درانی (مرحوم) فخر سلطان راجہ موجودہ ایڈیشنل آئی جی کے پی کے ۔ احسن یونس موجودہ انچارج سیف سٹی پنجاب پولیس لاہور۔ اسرار عباسی موجودہ ڈی آئی جی ایف آئی اے ۔ جو راولپنڈی میں عام آدمی کے لئے کسی مسیحا سے کم نہیں تھے ۔۔ اسی طرح بہت سے دوسرے افسران ایسے ایسے راولپنڈی میں تعینات رہے جو عام آدمی کی فریاد خود سنتے تھے ۔اسی طرح پنجاب میں ایسے ایسے آئی جی تعینات رہے جنہوں نے پولیس ملازمین کے ساتھ ساتھ تھانہ کلچر تبدیل کیا .

آج موجودہ آئی جی پنجاب ڈاکٹر عثمان انور نے پولیس شہداء ، غازی اور نچلے درجے کے ملازمین کے ساتھ تھانہ کلچر تبدیل کردیا۔ تھانوں کو جدید ٹیکنالوجی کے ساتھ آراستہ کیا ۔ آئی جی پنجاب نے ملاقات میں بتایا تھا کہ آج جو کچھ پنجاب پولیس شہداء ، غازیوں ،نچلے درجے کے ملازمین کے جو کچھ کر رہا ہوں اس کے لئے میری ٹیم کا کردار تو ہے ہی لیکن سب سے بڑا کردار احسن یونس ہیں ۔ راولپنڈی میں تعینات موجودہ سی پی او اور آر پی او کو آئی جی پنجاب نے نئے تھانے جدید آلات ، جدید ٹیکنالوجی فراہم کردی ہے۔ عام آدمی کے لئے اپنے دروازے کھلے رکھیں ۔ سالوں سے تعینات ایسے پولیس افسران جو بار بار راولپنڈی میں ہی سفارشی تعینات ہونے میں اپنی بقا سمجھتے ہیں اُن پر نظر رکھیں ۔ اہل اقتدار سفارشی تعیناتی سے باز رہیں ۔ پولیس افسران سیاسی آقائوں کی خدمت داری حکم بجا آوری میں ہمہ تن مصروف نہ رہیں ۔ عام آدمی کا سٹیٹ پر اعتماد بحال کرنے میں کردار ادا کریں۔ راولپنڈی حساس ترین شہر ہے یہاں ہمارے قومی سلامتی کے ادارے موجود ہیں ۔ قومی سلامتی کو مد نظر رکھتے ہوئے قومی فریضہ ادا کریں ۔ جہاں عوام الناس کے حقوق کی حفاظت ہوتی ہے وہاں پر جرائم سے پاک معاشرہ قائم رہتا ہے۔

عام انتخابات، پاکستان میں موروثی سیاست کا خاتمہ نہ ہو سکا، باپ بیٹا امیدوار،تو کہیں دو دو بھائی امیدوار، کئی پارٹیوں نے کارکنان کی بجائے اپنے ہی خاندان میں ٹکٹ بانٹ دیئے،

مسلم لیگ ن ہو یا پیپلز پارٹی یا تحریک انصاف، موروثی سیاست سبھی میں دیکھنے میں آئی ہے، موروثی سیاست یا قیادت پاکستان کے بڑے خاندانوں تک محدود نہیں بلکہ معاشرے کے نچلے طبقوں میں بھی موجود ہے، ایک طرف پارٹی میں موروثی سیاست ، تو وہیں ایوان میں جانے کے لئے بھی پارٹی لیڈروں کو اپنی ہی اولاد اور رشتے دار یاد آتے ہیں،وزارتیں چاہئے ہوں،تو بھی سیاسی جماعتوں کے رہنماؤں کی کوشش ہوتی ہے کہ اپنوں کو ہی نوازیں، مذہبی جماعتیں بھی موروثی سیاست میں کسی سے پیچھے نہیں، حالیہ الیکشن جو 8 فروری کو ہو رہے ہیں اس میں ایسے کئی ٹکٹ تقسیم ہوئے اور امیدوار سامنے آئے جس پر پاکستان میں موروثی سیاست پر مہر ثبت ہو گئی.

الیکشن میں بڑے سیاسی رہنماؤں نے اپنی اولاد،اور رشتے داروں‌کو میدان میں اتارا ہے، مسلم لیگ ن کی مثال لیں تو نواز شریف الیکشن لڑ رہے ہیں تو وہیں مریم نواز بھی میدان میں ہیں، شہباز شریف الیکشن لڑ رہے ہیں تو حمزہ شہباز بھی امیدوار ہیں، وزیراعظم بنے نواز شریف تو شہباز شریف وزیراعلیٰ بن گئے، شہباز شریف وزیراعظم بنے تو حمزہ شہباز وزیراعلیٰ بن گئے، اب الیکشن میں بھی یہی صورتحال ہے، پیپلز پارٹی کو دیکھ لیں، آصف زرداری امیدوار ہیں تو بلاول بھی لاڑکانہ لاہور سے الیکشن لڑ رہے ہیں، البتہ آصفہ کو ابھی تک آصف زرداری نےانتخابی سیاست سے دور رکھا ہے،یوسف رضا گیلانی امیدوار ہیں تو انکے بیٹے بھی الیکشن لڑ رہے ہیں، تحریک انصاف کی مثال لیں تو عمران خان سزا کی وجہ سے الیکشن نہیں لڑ سکے تاہم شاہ محمود قریشی نے بیٹے اور بیٹی کو امیدوار بنایا، پرویز الہیٰ نے اہلیہ اور بیٹے مونس الہیٰ کو امیدوار بنا دیااگرچہ انکے کاغذات مسترد ہو چکے ہیں،جے یو آئی کو دیکھ لیں، مولانا فضل الرحمان امیدوار ہیں تو وہیں انکے بیٹے بھی الیکشن لڑ رہے ہیں جو پی ڈی ایم حکومت میں وفاقی وزیر بھی رہ چکے ہیں،مرکزی مسلم لیگ کو لے لیں تو ایک ہی گھر سے تین امیدوار سامنے ہیں، حافظ محمد مسعود قومی اسمبلی سے الیکشن لڑ رہے ہیں تو وہیں حافظ طلحہ سعید بھی امیدوار ہیں، حافظ خالد ولید بھی لاہور سے قومی و صوبائی اسمبلی کی سیٹوں‌پر امیدوار ہیں، پاکستان میں ایم کیو ایم اور جماعت اسلامی ایسی جماعتیں ہیں جن میں موروثیت دیکھنے میں نہیں آئی، اسکے علاوہ باقی تمام سیاسی و مذہبی جماعتوں میں یہ اثر دیکھنے میں آیا، تحریک لبیک کو دیکھ لیں علامہ خادم حسین رضوی کی وفات کے بعد بیٹے حافظ سعد رضوی امیر بن گئے،

سماجی رابطے کی ویب سائٹ ٹویٹر پر صحافی ماجد نظامی کہتے ہیں کہ "پنجاب میں مسلم لیگ ن نے عام انتخابات میں جن نوجوانوں کو پہلی مرتبہ قومی اسمبلی کا ٹکٹ دیا ہے۔ ان سب کا پرانے سیاسی گھرانوں سے تعلق ہے اور موروثی سیاست کی وجہ سے انہیں ٹکٹس دی گئی ہیں۔ اگر اس قدم کو یوتھ ایمپاورمنٹ کا نام دیا جائے گا تو سخت نا انصافی ہو گی:
راجہ اسامہ سرور: سابق وزیر راجہ اشفاق سرور کے بیٹے
رانا احمد عتیق: سابق ایم این اے رانا افضال کے بیٹے
عمار لغاری: سابق وزیر اویس لغاری کے بیٹے
عثمان اویسی: سابق ایم این اے نجیب اویسی کے بیٹے
شہر بانو بخاری: سابق ایم این اے باسط بخاری کی بیٹی

پنجاب میں مسلم لیگ ن نے عام انتخابات میں جن نوجوانوں کو پہلی مرتبہ قومی اسمبلی کا ٹکٹ دیا ہے۔ ان سب کا پرانے سیاسی گھرانوں سے تعلق ہے اور موروثی سیاست کی وجہ سے انہیں ٹکٹس دی گئی ہیں۔ اگر اس قدم کو یوتھ ایمپاورمنٹ کا نام دیا جائے گا تو سخت نا انصافی ہو گی۔
راجہ اسامہ سرور: سابق…

— Majid Nizami (@majidsnizami) January 11, 2024

ن لیگ کے رہنما، سابق وفاقی وزیر جاوید لطیف بھی موروثی سیاست کو فروغ دینے لگے،لگے ہاتھوں صوبائی اسمبلی کے لیے اپنا بھائی امیدوار بنا لیا، امجد لطیف کو ن لیگ نے ٹکٹ جاری کر دیا،

عمران خان سمیت پوری پی ٹی آئی کو نااھل قرار دے کر پی ٹی آئی کی رجسٹریشن منسوخ کرنے کا مطالبہ 

عام انتخابات، آصفہ انتخابی مہم چلانے کے لئے میدان میں آ گئیں

صارفین کا کہنا ہے کہ "تنظیم سازی” کرنے والوں‌کو ٹکٹ سےمحروم کر دیا گیا

سماعت سے محروم بچوں کے والدین گھبرائیں مت،آپ کا بچہ یقینا سنے گا

جنرل عاصم منیر کے نام مبشر لقمان کا اہم پیغام

عمران خان پربجلیاں، بشری بیگم کہاں جاتی؟عمران کےاکاونٹ میں کتنا مال،مبشر لقمان کا چیلنج

بلے کے نشان کے بعد پی ٹی آئی کا نام و نشان بھی ختم ہوجائےگا ۔

(تجزیہ شہزاد قریشی)
آیئے آپ کا انتظار تھا۔ 8 فروری بجلی، گیس کی لوڈشیڈنگ، مہنگائی، بنیادی ضروریات زندگی سے کوسوں دور عوام کے پاس سیاسی جماعتوں کے نامزد کردہ امیدوار دوبارہ ووٹ لینے کی غرض سے حاضر ہوں گے۔ کون کرے گا وزیراعظم ہائوس پر قبضہ، کون سی سیاسی جماعت عام آدمی کے مسائل اور ریاستی مسائل کو حل کرنے میں اہم کردار ادا کرے گی؟ یہ بات تو طے ہے کہ کوئی بھی سیاسی جماعت دو تہائی اکثریت حاصل نہیں کر پائے گی ۔ موجودہ 8 فروری کے الیکشن صرف الیکشن نہیں ہیں ملکی اور قوم کے لاتعداد مسائل کے ساتھ جمہوری نظام کی بقا کے ساتھ ساتھ عالمی معاملات میں ملکی قیادت کا بھی معاملہ ہے کون کرے گا قیادت؟ یہ فیصلہ بھی عوام نے کرنا ہے۔ ملکی معیشت کا جو حال ہے وہ ہمارے سامنے ہے۔ ملک کو بے پناہ چیلنجز کا سامنا ہے۔ فیصلہ عوام کو کرنا ہے کہ کس سیاسی جماعت پر بھروسہ کیا جائے جو مسائل میں ڈوبی ریاست کو اندھیروں میں ڈوبی عوام کو روشنیوں کی طرف لے جانے کی صلاحیت رکھتی ہے۔

ملک کی تمام سیاسی جماعتیں 8 فروری کا انتظار کر رہی ہیں اور عوام بھی۔ امید ہے عوام لینڈ مافیا، کرپٹ، جرائم پیشہ افراد کی پشت پناہی کرنے والے تکبر اور غرور کی حدوں کو کراس کرنے والوں، سیاسی جماعتوں کے فنانسروں کو ووٹ نہیں دیں گے۔ قوم نے فیصلہ کرنا ہے کہ قومی قیادت کس کے سپرد کرنی ہے ایسی قیادت کا فیصلہ نہ کرنا جو دیوان خانوں تک محدود ہو یا اقتدار کی چوکھٹ پر بیٹھ کر اقتدار کے مزے لوٹے اور عوام اندھیروں میں ہی ڈوبے رہیں۔ قیادت کے ذریعے ہی تبدیلی ممکن ہوا کرتی ہے اعلیٰ قیادت کا انتخاب ہی تبدیلی لاسکتا ہے باقی سب فریب ہے۔

الیکشن 8 فروری کو ہی ہونگے ۔ الیکشن نہ ہونے کی افو اہیں ،سیاسی جماعتیں اور وہ سیاستدان کرر ہے ہیں جو اس کارکردگی سے مایوس ہیں ۔ سوال یہ ہے کہ کیا الیکشن کے بعد ملک کی موجودہ شکل صورت تبدیل ہوگی ؟کیا معیشت مستحکم ہوگی ؟ کیا روزگار کے مواقع پیدا ہوں گے ۔ کیا زراعت پربھرپور توجہ د ی جائے گی؟ کیا ملکی وسائل پر توجہ دی جائے گی ؟

عوام کو بڑی اٰمیدیں ہیں کہ موجودہ الیکشن صحیح معنوں میں اس ملک اور عوام کو درپیش مسائل سے نجات دیگا۔ کیا بجلی اور گیس کی لوڈ شیڈنگ سے نجات ملے گی ’ تاہم وہ ساری قیاس آرائیاں دم توڑتی نظر آرہی ہیں۔جن میں کہا جا رہا تھا کہ الیکشن ملتوی ہو جائیں گے۔مسلم لیگ (ن) ،پیپلزپارٹی، سمیت مذہبی جماعتوں نے الیکشن مہم کا آغاز بھی کردیا ہے بلکہ زوروشور سے جاری ہے۔ میاں محمد نواز شریف نے سابق وزیر خزانہ اسحاق ڈار کو ملکی معیشت کو پروان چڑھانے کے لئے ٹاسک دے دیا ہے ۔ الیکشن میں کامیابی کے بعد عام آدمی کے بنیادی مسائل کو حل کرنے کے منصوبے پر غورو فکر کیا جا رہا ہے ۔ پیپلزپارٹی نے بھی اپنا منشور جاری کردیا ہے جبکہ پی ٹی آئی بھی میدان میں ہے ۔ مذہبی جماعتیں بھی اپنا اپنا منشور مل کر عوام میں دیکھی جا سکتی ہیں۔

آج کے دور میں نظریاتی سیاست کا خاتمہ ہو چکا ہے۔ نظریاتی سیاست کا جنازہ کب کا اُٹھ چکا ہے ۔ اس کا ادراک سیاسی جماعتوں اور عوام کی اکثریت کو بھی ہے ۔ اس وقت عوام کی اکثریت کی نگاہیں اپنے بنیادی مسائل اور8 فروری کے انتخابات پر ہیں ۔ گزشتہ کئی سالوں سے عوام کا سیاست کی سموگ سے دم گھٹ رہا تھا اب انتظامیہ کی غفلت اور لاپرواہی سے پنجاب کے بڑے اور چھوٹے شہر گندگی کے ڈھیروں میں تبدیل ہو چکے ہیں۔ سموگ نے پورے ملک کو اپنی لپیٹ میں لے لیا ہے لاہور سمیت زہر آلود اشیاء جلانے والی فیکٹریوں کے مالکان ، عالمی مرتبت ،عزت دار ، پرہیز گار اور مخیر حضرات کو اپنی تجوریوں کی تو فکر ہے مگر مخلوق خدا کس کرب میں مبتلا ہے ۔ اس کی فکر نہیں۔ مضر صحت اشیاء کی فروخت ، جعلی ادویات ،جعلی مشرویات ،جعلی دودھ ، یہ وہ کاروبار ہیں جو مخیر حضرات کے حصے میں ہیں جنہیں انسانی جانوں کی پروا نہیں عوام آلودگی اور سموگ کو اپنے پھیپھڑوں کے ذریعے اپنے اندر سمونے پر مجبور ہیں۔زہریلے دھوئیں چھوڑنے والی گاڑیاں سڑکوں پر ٹریفک کے اعلیٰ حکام کے لئے بھی لمحہ فکریہ ہے۔ سیاست اور صحافت کے موضوعات عوام نہیں سیاسی لڑائیاں ہیں۔

2024 اور پاکستان کا معاشی بحران

نئے سال 2024 کا آغاز ہو گیا،پاکستان کو 2024 میں ایک زبردست چیلنج کا سامنا ہے – ایک وجودی معاشی بحران کا خطرہ، پاکستان کی معیشت بے شمار مسائل سے دوچار ہے، برآمدات میں کمی سے لے کر بڑھتی ہوئی مہنگائی اور قرضوں کے کمزور بوجھ تک، رجعت پسند مالیاتی پالیسیوں کی وجہ سے بڑھتا ہوا یہ معاشی بحران پاکستان کے معاشی استحکام کے لیے شدید خطرہ ہے۔

معاشی بدحالی
پاکستان کی معاشی بحران کی جڑ اس کی مناسب پیداوار پیدا کرنے میں ناکامی ہے، جس کے نتیجے میں برآمدات میں مسلسل کمی واقع ہوتی ہے۔ بین الاقوامی مالیاتی فنڈ (آئی ایم ایف) کی سخت شرائط، سبسڈی کا خاتمہ، معاشی پریشانیوں میں مزید اضافہ کرتا ہے، بجلی، پیٹرول اور ڈیزل کی قیمتوں میں اضافے نے مہنگائی میں بے پناہ اضافہ کر دیا، صارفین کی قوت خرید میں کمی ہو چکی ہے،متعدد پیداواری ادارے بند ہو چکے ہیں جس کی وجہ سے شہریوں کی بڑی تعداد بے روزگار ہو رہی ہے

بڑھتا ہوا قرض
دسمبر 2022 تک، پاکستان کے بیرونی قرضے اور واجبات حیرت انگیز طور پر 126.3 بلین ڈالر پر کھڑے ہیں۔ اس قرض کا ایک اہم حصہ، تقریباً 97.5 بلین ڈالر، براہ راست حکومت کے ہیں، ایک اضافی $7.9 بلین حکومت کے زیر کنٹرول پبلک سیکٹر انٹرپرائزز کی طرف سے کثیر الجہتی قرض دہندگان کو واجب الادا ہے، جس سے مالیاتی ذمہ داریوں کا ایک پیچیدہ جال بنتا ہے

قرض دہندگان کی درجہ بندی
پاکستان کے قرض دہندگان چار اہم زمروں میں آتے ہیں، کثیر جہتی قرض، پیرس کلب قرض، نجی اور تجارتی قرضے، اور چینی قرض، جیسا کہ یونائیٹڈ اسٹیٹس انسٹی ٹیوٹ آف پیس نے 6 اپریل 2023 کو رپورٹ کیا

ادائیگی میں چیلنجز
خود مختار ڈیفالٹ کو روکنے کے لیے، پاکستان برآمدات سے حاصل ہونے والی آمدنی، براہ راست غیر ملکی سرمایہ کاری، اور غیر ملکی کارکنوں سے ترسیلات زر پر بہت زیادہ انحصار کرتا ہے۔ تاہم، تخمینوں سے ظاہر ہوتا ہے کہ یہ رقوم درآمدی بل اور بڑھتے ہوئے قرض کی ادائیگی کے دباؤ سے مماثل نہیں ہوں گی۔

محدود مالیاتی اختیارات
پاکستان کے اقتصادی منتظمین کے پاس بیرونی قرضوں کے بوجھ سے نمٹنے کے لیے محدود اختیارات ہیں۔ پہلا آپشن تازہ قرضوں کے رول اوور کی تلاش ہے۔ تاہم، بین الاقوامی کریڈٹ ریٹنگ ایجنسیوں کی طرف سے کمی کی وجہ سے، ملک کی خودمختار مالیاتی مارکیٹ تک رسائی محدود ہے۔ نتیجتاً، پاکستان کو نہ صرف قرضوں کی ادائیگی بلکہ ڈیفالٹ کو روکنے کے لیے نئے قرضے حاصل کرنے کے لیے بھی مشرق وسطیٰ کے شراکت داروں اور چین پر انحصار کرنا چاہیے،

قرض کی مسلسل ادائیگی کے نتائج
قرضوں کی ادائیگی پر مسلسل توجہ ملکی ترقی کے منصوبوں کے لیے ایک اہم خطرہ ہے، جس سے اہم شعبوں میں سرمایہ کاری کی بہت کم گنجائش رہ جاتی ہے۔ یہ منظر نامہ جدوجہد کرنے والی صنعتوں کے لیے کوئی مراعات پیش نہیں کرتا، جس کے نتیجے میں مزید پیداواری یونٹس بند ہو جاتے ہیں اور بے روزگاری میں اضافہ ہوتا ہے۔

نتیجہ
پاکستان 2024 میں ایک نازک موڑ پر کھڑا ہے، ایک وجودی معاشی بحران کا سامنا ہے ، قوم کو قرضوں کے پیچیدہ جال سے نکلنے کے لئے فنانسنگ کے متبادل ذرائع کو تلاش کرنا چاہیے، ممکنہ معاشی تباہی سے بچنے کے لیے جامع اقتصادی اصلاحات کو نافذ کرنا چاہیے۔ بین الاقوامی شراکت داروں کے ساتھ تعاون، خاص طور پر مشرق وسطیٰ اور چین ، اقتصادی چیلنجوں کو کم کرنے اور آگے بڑھنے کے پائیدار راستے کو یقینی بنانے میں اہم کردار ادا کرے گا۔

اسلام آباد (رپورٹ شہزاد قریشی)
ملک کی سیاسی جماعتوں کے ووٹرز پرامید ہیں کہ ان کی جماعتوں کے قائد وزیراعظم بنیں گے۔ انتخابات سے قبل بے لگام قیاس آرائیوں کا سلسلہ جاری ہے۔ پاکستان کو صرف وزیراعظم نہیں بلکہ ایسا وزیراعظم اور اس کے ساتھ ایسی ٹیم چاہئے جو بین الاقوامی سطح پر پاکستان اور اس کی عوام کی نمائندگی کر سکے۔ جو ملک کو درپیش مسائل کا خاتمہ کر سکے بالخصوص ملکی معیشت کو مستحکم کرنے کا کردار ادا کر سکے۔ کوئی بھی سیاسی جماعت تادم تحریر بتانے سے قاصر ہے کہ وہ ملکی معیشت کو مستحکم کرنے کے لئے ملک کو بین الاقوامی مالیاتی اداروں بالخصوص آئی ایم ایف سے کیسے نجات دلائے گی۔

پاکستان بطور ریاست اور عوام معیشت کی وجہ سے مشکلات میں گھری ہے۔ تاہم سیاسی جماعتوں اور مذہبی جماعتوں کے اندھا دھند بیانات سامنے آرہے ہیں۔ بہت ہو چکا ماضی کی غلطیوں اور غلط پالیسیوں کا ہی نتیجہ ہے کہ آج ہم دنیا میں مذاق بن کر رہ گئے ہیں۔ دنیا کا مقابلہ کرنے کےلئے جدید سائنس اور ٹیکنالوجی کی تعلیم پر توجہ دینے کی ضرورت ہے اسکولوں میں پانچویں جماعت سے ہی طلبا کو کمپیوٹر پر تعلیم دی جائے بچوں کو اسلام کے ساتھ ساتھ جدید تعلیم سے آراستہ کیا جائے زراعت پر بھرپور توجہ دی جائے۔ ملکی وسائل پر صدق دل سے توجہ دی جائے۔ حدیث نبوی ؐ ہے لوگوں میں سب سے بہتر وہ ہے جو لوگوں کو فائدہ پہنچائے۔ ہم من حیث القوم اپنے لوگوں کے ساتھ دو نمبری کرتے ہیں دنیا کو کیا فائدہ پہنچائیں گے؟ انسانوں کی جان بچانے والی ادویات میں ملاوٹ، خوراک میں ملاوٹ، جعلی ڈاکٹرز، جعلی حکیم، ملک کے مستقبل بچوں کو جعلی اور ملاوٹ شدہ دودھ، غیب کا علم صرف خدا پاک کو ہے ہمارے معاشرے میں غیب کا علم گلی محلوں اور گلیوں میں بتانے والوں کی کثیر تعداد موجود ہے۔ سامری جادوگر کا قصہ قرآن پاک میں موجود ہے ہمارے ہاں کئی سامری جادوگر پائے جاتے ہیں۔ جو لوگوں کو گمراہ کرنے میں کردار ادا کرتے ہیں۔

دنیا میں رہ کر اگر ترقی کرنی ہے تو یہ فطرت کا قانون ہے کوئی بھی فرد، قوم یا ملک جو قانون کی پابندی نہیں کرتا وہ زندگی میں کبھی ترقی نہیں کر سکتا جن کو ہم صبح و شام گالیاں اور بددعائیں دیتے ہیں انہوں نے رب زدنی علما پر عمل کر کے ہمیں موبائل فون، کمپیوٹر، کیمرا، ایٹمی ہتھیار، ادویات، گوگل، فیس بک اور نہ جانے کیا کیا دیا ۔ سوچئے ہم نے رب زدنی علما پر عمل کیا؟ تعلیمی نظام میں انقلاب لانے کے لئے ماہرین تعلیم کو سیکرٹری اور وزیرتعلیم لگانا ہوگا محکمہ صحت کو جدید اور عوام کے درد شناس بنانے کے لئے اعلیٰ کارکردگی کے حامل ماہرین صحت کو وزیر صحت اور سیکرٹری صحت کی ذمہ داریاں دینا ہوں گی اور سائنس و ٹیکنالوجی میں ترقی یافتہ اقوام کی روش پر چلنے کے لئے سائنس و ٹیکنالوجی ہی کے ماہرین پر محکمانہ قیادت قائم کرنا ہوگی ورنہ ہم ترقی کے سفر میں پے در پے پستی کا شکار ہوتے رہیں گے۔