Baaghi TV

Category: کاروبار

  • زرمبادلہ کے ملکی ذخائر میں سالانہ بنیادوں پر 3.203ارب ڈالر اضافہ ریکارڈ کیاگیا،اسٹیٹ بینک

    زرمبادلہ کے ملکی ذخائر میں سالانہ بنیادوں پر 3.203ارب ڈالر اضافہ ریکارڈ کیاگیا،اسٹیٹ بینک

    زرمبادلہ کے ملکی ذخائر میں جاری کیلنڈر سال کے دوران مجموعی طور پر3.203ارب ڈالر کا نمایاں اضافہ ریکارڈکیا گیا ہے۔

    کراچی:اسٹیٹ بینک کی جانب سے جاری کردہ اعدادوشمارکے مطابق گزشتہ سال کے اختتام پرزرمبادلہ کے ملکی ذخائرکا حجم 16.409ارب ڈالر ریکارڈ کیا گیا تھا جس میں اسٹیٹ بینک کے پاس زرمبادلہ کے ذخائر کا حجم 11.71 ارب ڈالر اور کمرشل بینکوں کے پاس زرمبادلہ کے ذخائرکا حجم 4.698ارب ڈالر تھا۔

    زرمبادلہ کے ملکی ذخائرکا حجم 19.612ارب ڈالر ریکارڈ کیا گیا جس میں سے اسٹیٹ بینک کے پاس زرمبادلہ کے ذخائرکا حجم 14.58ارب ڈالر اور کمرشل بینکوں کے پاس زرمبادلہ کے ذخائرکا حجم 5.026ارب ڈالر ریکارڈ کیا گیا، جاری کلینڈر سال کے دوران سٹیٹ بینک کے زرمبادلہ کے ذخائرمیں مجموعی طور پر 2.876ارب ڈالر اورکمرشل بنکوں کے زرمبادلہ کے ذخائرمیں 328ملین ڈالر کا اضافہ ہوا ہے۔

    گھوٹکی: گاؤں خدا بخش لغاری بنیادی سہولیات سے محروم

    واضح رہے کہ بین الاقوامی مالیاتی فنڈ نے پاکستان کےلئے 1.2ارب ڈالر کی قسط پہلے سے جاری کی ہے جو اسٹیٹ بینک کو موصول ہوئی ہے جاری ہفتے کے اختتام پر زرمبادلہ کے حوالے سے جاری اعدادوشمار میں یہ شامل ہوگی جس کے بعد زرمبادلہ کے ذخائر میں مزید 1.2 ارب ڈالر کا اضافہ ہوجائے گا زرمبادلہ کے موجودہ ذخائر2.77 ماہ کی درآمدات کےلئے کافی ہیں۔

    ملک بھر میں پیٹرول پمپس کی جانچ کے لئے ٹیمیں متحرک

  • سونے کی قیمت میں آج پھر بڑا اضافہ ریکارڈ

    سونے کی قیمت میں آج پھر بڑا اضافہ ریکارڈ

    سونے کی عالمی اور مقامی قیمتوں میں آج پھر بڑا اضافہ ریکارڈ ہوا ہے۔

    بین الاقوامی بلین مارکیٹ میں فی اونس سونے کی قیمت میں 26ڈالر کا اضافہ ہونے سے نئی عالمی قیمت 4ہزار 325ڈالر کی سطح پر آ گئی،دوسری جانب مقامی صرافہ مارکیٹوں میں بھی آج پیر کے روز 24 قیراط کے حامل فی تولہ سونے کی قیمت 2ہزار 600روپے کے اضافے سے 4لاکھ 54ہزار 862روپے کی سطح پر آگئی جب کہ فی 10 گرام سونے کی قیمت 2ہزار 229روپے کے اضافے سے 3لاکھ 89ہزار 970روپے کی سطح پر آگئی۔

    اسی طرح فی تولہ چاندی کی قیمت بھی 68روپے کے اضافے سے 6ہزار 532روپے کی سطح پر آگئی ہے اور فی 10 گرام چاندی کی قیمت 59روپے کے اضافے سے 5ہزار 600روپے کی سطح پر آگئی۔

  • سٹیٹ بینک کا نئی مانیٹری پالیسی کا اعلان، شرح سود 10.5 فیصد مقرر

    سٹیٹ بینک کا نئی مانیٹری پالیسی کا اعلان، شرح سود 10.5 فیصد مقرر

    اسلام آباد: اسٹیٹ بینک آف پاکستان ے مانیٹری پالیسی کا اعلان کرتے ہوئے شرحِ سود میں 50 بیسز پوائنٹس کی کمی کر دی ہے، جس کے بعد پالیسی ریٹ کم ہو کر 10.50 فیصد مقرر کر دیا گیا ہے۔

    مرکزی بینک کے اس فیصلے کا مقصد معیشت میں بہتری، کاروباری سرگرمیوں کے فروغ اور سرمایہ کاری کو تقویت دینا بتایا جا رہا ہے۔اسٹیٹ بینک کی جانب سے جاری اعلامیے کے مطابق مانیٹری پالیسی کمیٹی کے اجلاس میں ملکی و عالمی معاشی حالات، مہنگائی کے رجحانات، مالیاتی نظم و ضبط اور زرمبادلہ کے ذخائر سمیت مختلف عوامل کا تفصیلی جائزہ لیا گیا۔ کمیٹی نے اس بات کو مدنظر رکھا کہ حالیہ مہینوں میں مہنگائی کی رفتار میں نسبتاً کمی اور معاشی استحکام کے آثار دیکھنے میں آئے ہیں، جس کے باعث شرحِ سود میں نرمی کی گنجائش پیدا ہوئی۔مرکزی بینک کے مطابق شرحِ سود میں کمی سے صنعتی و تجارتی شعبے کو ریلیف ملے گا، قرضوں کی لاگت کم ہوگی اور کاروباری سرگرمیوں میں تیزی آئے گی۔ اس کے ساتھ ساتھ صارفین کے لیے بھی بینک قرضوں تک رسائی نسبتاً آسان ہو سکتی ہے، جس سے مجموعی طلب میں بہتری کا امکان ہے۔

    ماہرینِ معاشیات کا کہنا ہے کہ شرحِ سود میں کمی کا یہ فیصلہ معاشی بحالی کی جانب ایک اہم قدم ہے، تاہم انہوں نے اس امر پر زور دیا ہے کہ مالیاتی نظم و ضبط برقرار رکھنا، ٹیکس نیٹ میں توسیع اور برآمدات میں اضافہ ناگزیر ہے تاکہ معیشت کو پائیدار بنیادوں پر استوار کیا جا سکے۔

  • یرون ملک سے ذاتی استعمال کیلئے گاڑیاں منگوانے کی اسکیم باضابطہ طور پر ختم

    یرون ملک سے ذاتی استعمال کیلئے گاڑیاں منگوانے کی اسکیم باضابطہ طور پر ختم

    حکومت نے بیرون ملک سے ذاتی استعمال کیلئے گاڑیاں منگوانے کی اسکیم باضابطہ طور پر ختم کردی۔ ساتھ ہی تحفے یا رہائش کی تبدیلی کی صورت میں گاڑیوں کی درآمد کی اسکیمز کے قواعد بھی مزید سخت کردیے۔

    سمندر پار پاکستانیوں کیلئے پرسنل بیگج اسکیم ختم کرنے کی منظوری اقتصادی رابطہ کمیٹی نے دی۔ تاہم ٹرانسفر آف ریزیڈنس اور گفٹ اسکیمز کے تحت گاڑیاں اب بھی منگوائی جا سکتی ہیں مگر سخت شرائط لاگو ہوں گی۔نئی پالیسی کے مطابق دونوں اسکیمز کے تحت درآمد شدہ گاڑیوں پر کمرشل امپورٹ کے سیفٹی اور ماحولیاتی معیار لاگو ہوں گے۔ یعنی گاڑی لانے والے کو ثابت کرنا ہوگا کہ بھجوائی گئی گاڑی کسی حادثے کا شکار نہیں ہوئی اور وہ ماحول دوست بھی ہے۔ یہ بھی ذہن میں رہے کہ جس کے نام پر گاڑی آئے گی وہ ایک سال تک ٹرانسفر نہیں کر سکے گا۔

    گاڑی بھجوانے والے شخص کی بیرون ملک قیام کی کم از کم مدت تین سال کر دی گئی جو پہلے دو سال تھی۔ اس کے ساتھ ہی ایک کے بعد دوسری گاڑی منگوانے کی سہولت دو سال سے بڑھا کر تین سال کر دی گئی۔ ٹرانسفر آف ریزیڈنس اسکیم کے تحت گاڑی بھیجنے والے کیلئے لازم ہوگا کہ وہ خود بھی اسی ملک میں رہتا ہو، البتہ گفٹ اسکیم پر اس شرط کا اطلاق نہیں ہوگا۔وزارت خزانہ کے مطابق ان اقدامات کا مقصد ملکی آٹوموٹیو امپورٹ پالیسی کو منظم اور شفاف بنانا ہے ۔ اس سے گاڑیوں کی درآمدی اسکیمز کے غلط استعمال کا سد باب بھی ہوگا۔ ماہرین کا بھی کہنا ہے کہ یہ حکومتی اقدام بظاہر بلیک مارکیٹ کو کنٹرول کرنے کی مثبت کوشش ہے، کیونکہ ماضی میں ڈیلرز ان اسکیمز کو کمرشل مقاصد کیلئے استعمال کرتے تھے۔

  • سونے کی قیمت میں بڑی کمی

    سونے کی قیمت میں بڑی کمی

    سونے کی قیمت میں گزشتہ روز بڑے اضافے کے بعد ایک بار پھر کمی ہو گئی ہے۔

    آج سونے کے نرخ میں دو ہزار روپے کی کمی ہو گئی ہے،اس کمی کے بعد فی تولہ سونے کا نیا نرخ 4 لاکھ 52 ہزار 262 روپے ہو گیا ہے، 10 گرام سونا 1715 روپے سستا ہونے سے نئی قیمت 3 لاکھ 87 ہزار 741 روپے ہو گئی ہے،عالمی مارکیٹ میں سونے کے نرخ میں 20 ڈالر کمی ہونے سے فی اونس سونا 4 ہزار 299 ڈالر کی سطح پر آ گیا ہے،واضح رہے کہ گزشتہ روز سونا 10 ہزار 700 روپے تولہ مہنگا ہوا تھا-

    واضح رہے کہ چاندی کی فی تولہ قیمت میں 220 روپے کی کمی ہونے سے قیمت 6 ہزار 464 روپے کی سطح پر آگئی ہے۔

  • 16 دسمبر سے پیٹرولیم مصنوعات کی قیمتوں میں بڑی کمی کا امکان

    16 دسمبر سے پیٹرولیم مصنوعات کی قیمتوں میں بڑی کمی کا امکان

    16 دسمبر سے پیٹرولیم مصنوعات کی قیمتوں میں 11 روپے تک بڑی کمی کا امکان ،متعلقہ محکمے نے ابتدائی ورکنگ تیار کرلی –

    16 دسمبر سے پٹرول 36 پیسے فی لیٹر اور ڈیزل 11 روپے 85 پیسے فی لیٹر سستا ہونے کا امکان ہے۔ اس کے علاوہ مٹی کا تیل 11 روپے 70 پیسے اور لائٹ ڈیزل 10 روپے 1 پیسے فی لیٹر تک سستا ہونے کا امکان ہے۔

    آئل اینڈ گیس ریگولیٹری اتھارٹی کی جانب سے قیمتوں کی سمری 15 دسمبر کو منظوری کیلیے ارسال کی جائے گی جس پر وزیراعظم کی منظوری کے بعد پیٹرولیم ڈویژن نئی قیمتوں کا نوٹی فکیشن جاری کرے گااگر تجویز کردہ کمی ہوئی تو اُس کے بعد پیٹرول کی نئی قیمت 263 روپے نو پیسے،ہائی اسپیڈ ذیزل کی نئی قیمت 270 روپے 80 پیسے ہو جائے گی،جبکہ ممٹی کے تیل کی قیمت 181 روپے 16 پیسے فی لیٹر ہو جائے گی جبکہ لائٹ ڈیزل کی نئی قیمت 153 روپے 76 پیسے فی لیٹر ہوجائے گی۔

  • عالمی اور مقامی مارکیٹ میں سونے کی قیمت میں غیرمعمولی اضافہ

    عالمی اور مقامی مارکیٹ میں سونے کی قیمت میں غیرمعمولی اضافہ

    عالمی اور مقامی مارکیٹ میں سونے کی قیمت میں غیرمعمولی اضافہ ہوگیا، فی تولہ سونا 10700 روپے اور فی اونس 107 ڈالر مہنگا ہوگیا۔

    آل پاکستان صراف اینڈ جیولرز ایسوسی ایشن کے مطابق آج سونے کی فی تولہ قیمت ایک بار پھر ساڑھے 4 لاکھ روپے سے تجاوز کر گئی۔رپورٹ کے مطابق فی تولہ سونا 10 ہزار 700 روپے کے غیر معمولی اضافے کے بعد 4 لاکھ 54 ہزار 262 روپے تک جا پہنچا، 10 گرام سونے کی قیمت بھی 9 ہزار 174 روپے اضافے سے 3 لاکھ 89 ہزار 454 روپے ہوگئی۔صراف ایسوسی ایشن کے مطابق بین الاقوامی مارکیٹ میں سونے کی فی اونس قیمت میں 107 ڈالر کا اضافہ ہوا اور نرخ 4 ہزار 319 ڈالر فی اونس ہوگئے۔

  • سونے کی قیمت میں معمولی اضافہ

    سونے کی قیمت میں معمولی اضافہ

    ملک میں سونے کی قیمت میں معمولی اضافہ ریکارڈ کیا گیا ہے۔

    صرافہ بازار ایسوسی ایشن کے مطابق آج فی تولہ سونا 500 روپے اضافہ سے 4 لاکھ 43 ہزار 562 روپے کا ہوگیا،اسی طرح 10 گرام سونا 428 روپے اضافہ سے 3 لاکھ 80 ہزار 282 روپے کا ہو گیا جبکہ بین الاقوامی بلین مارکیٹ میں فی اونس سونے کی قیمت 5 ڈالر کے اضافے سے 4 ہزار 212 ڈالر کی سطح پر آگئی-

    اسی طرح فی تولہ چاندی کی قیمت 85روپے کے اضافے سے 6ہزار 452روپے کے ساتھ تاریخ کی نئی بلند ترین سطح پر آگئی جب کہ فی 10 گرام چاندی کی قیمت 73 روپے کے اضافے سے 5 ہزار 531 روپے کی بلند ترین سطح پر آگئی۔

    یوٹیوب ویڈیو دیکھ کر جعلی ڈاکٹر کےآپریشن نے خاتون کی جان لے لی

    پاکستان میں سالانہ سونے کی طلب 60 سے 90 ٹن کے درمیان ہے جس کی مالیت تقریباً 8 سے 12 ارب ڈالر بنتی ہے، لیکن اس میں سے 90 فیصد سے زیادہ کاروبار اب بھی غیر دستاویزی ہےسی سی پی کی ’’پاکستان کی سونے کی مارکیٹ‘‘ سے متعلق تحقیقاتی رپورٹ کے مطابق ملکی سونے کی 70 فیصد طلب شادیوں اور تقریبات سے جڑی ہوتی ہے۔

    ضابطہ اخلاق کی مبینہ خلاف ورزی: الیکشن کمیشن نے طلال چوہدری کوطلب کر لیا

    پاکستان سونے کی درآمدات پر بھی انحصار کرتا ہے اور مالی سال 2024 میں 1 کروڑ 70 لاکھ ڈالر مالیت کا سونا درآمد کیا گیا،ملک کے سرکاری ذخائر 2025 کے آخر تک 64.76 ٹن ریکارڈ کیے گئے جن کی مالیت تقریباً 9 ارب ڈالر بنتی ہےریکو ڈیک منصوبہ آئندہ 37 برسوں میں 74 ارب ڈالر تک کی آمدنی پیدا کر سکتا ہے، جبکہ موجودہ قیمتوں کے مطابق اس سے 1 کروڑ 79 لاکھ اونس سونا حاصل ہوگا جس کی مالیت تقریباً 54 ارب ڈالر ہے۔

    سندھ کے تعلیمی اداروں میں موسم سرما کی چھٹیوں کا اعلان

  • پاکستان اسٹاک ایکس چینج میں نئی تاریخ رقم

    پاکستان اسٹاک ایکس چینج میں نئی تاریخ رقم

    ایم ایف کی جانب سے 1.2 ارب ڈالر کی منظوری کے بعد پاکستان اسٹاک ایکس چینج میں آج سارا دن تیزی دیکھی گئی-

    1000 سے زائد پوائنٹس کے اضافے کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 69 ہزار 601 پوائنٹس کی سطح پر پہنچ گیاتاہم کاروبار کے اختتام پر 100 انڈیکس پہلی بار 1153 پوائنٹس کے اضافے کے ساتھ ایک لاکھ 69 ہزار 456 پوائنٹس کی ریکارڈ سطح پر بند ہوا،مارکیٹ میں آج 560 کمپنیز کے ایک ارب سے زائد شیئر کا کاروبار کیا گیا، جن کی مالیت 51 ارب روپے رہی،جبکہ گزشتہ روز کاروبار کے اختتام پر 100 انڈیکس ایک لاکھ 68 ہزار 303 پوائنٹس پر بند ہوا تھا۔

    جکارتہ میں 7 منزلہ عمارت میں خوفناک آتشزدگی،22 افراد جاں بحق

    دوسری جانب انٹر بینک مارکیٹ میں ڈالر مزید سستا ہوگیا جبکہ اوپن کرنسی مارکیٹ میں ڈالر کی قدر بغیر کسی تبدیلی کے مستحکم رہی، انٹربینک مارکیٹ میں منگل کو ڈالر کی نسبت روپیہ تگڑا رہا،ایک موقع پر ڈالر کی قدر 24پیسے کی کمی سے 280روپے 17پیسے کی سطح پر بھی آگئی تھی،تاہم کاروبار کے اختتام پر ڈالر کی قدر ایک پیسے کی کمی سے 280روپے 40پیسے کی سطح پر بند ہوئی جبکہ اوپن کرنسی مارکیٹ میں ڈالر کی قدر بغیر کسی تبدیلی کے 281روپے 45پیسے کی سطح پر مستحکم رہی۔

    پنجاب حکومت کا چین کے ساتھ زرعی تعاون بڑھانے پر اتفاق

  • پیٹرول مہنگا ہونےکا امکان

    پیٹرول مہنگا ہونےکا امکان

    پیٹرول اور ڈیزل 2 روپے 40 پیسے فی لیٹر تک مہنگا ہونےکا امکان ہے۔

    آئل مارکیٹنگ کمپنیوں (او ایم سیز) اور ڈیلرز کا منافع بڑھانےکی سمری اقتصادی رابطہ کمیٹی (ای سی سی) کو ارسال کردی گئی ہے، ای سی سی آئل مارکیٹنگ کمپنیوں اور ڈیلرز کے منافع سے متعلق فیصلہ کرےگی او ایم سیز اور ڈیلرز کے منافع پرپیٹرول اور ڈیزل 2 روپے 40 پیسے فی لیٹر تک مہنگا ہونےکا امکان ہے او ایم سیز اور ڈیلرز کا منافع ایک روپے 10 پیسے سے ایک روپے 28 پیسے فی لیٹر بڑھانےکی تجویز ہے۔

    اس وقت ایک لیٹر پیٹرول پر آئل مارکیٹنگ کمپنیوں کا منافع 7 روپے87 پیسے ہے، ڈیزل پر بھی آئل مارکیٹنگ کمپنیوں کا منافع 7 روپے87 پیسے فی لیٹر ہے، اس وقت فی لیٹر پیٹرول پر ڈیلرز کا کمیشن 8 روپے 64 پیسے ہے ڈیزل پر بھی ڈیلرز کمیشن 8 روپے 64 پیسے فی لیٹر ہے، عوام فی لیٹر پیٹرول پر اوایم سیز اور ڈیلرز کا منافع 16روپے 51 پیسے ادا کر رہے ہیں،عوام ڈیزل پر بھی 16 روپے 51 پیسے او ایم سیز اور ڈیلرز کا منافع ادا کر رہے ہیں ای سی سی سے منظوری اور وفاقی کابینہ کی توثیق کے بعد اطلاق ہوگا۔

    انڈونیشیا کے صدر دو روزہ دورے پر پیر کو پاکستان پہنچیں گے

    عمران خان سمیت پی ٹی آئی کے اہم سیاسی رہنماؤں کو ایگزٹ کنٹرول لسٹ میں شامل کرنے کی منظوری

    ترکیے پاکستان میں جنگی ڈرون اسمبل کرنےکے لیے فیکٹری بنانا چاہتا ہے،بلوم برگ