Category: کاروبار

رواں مالی سال (2019۔20) کے پہلے دو ماہ کے دوران ملک سے دھاتوں اور دھاتی مصنوعات کی برآمدات میں 35.62 فیصد کا اضافہ ہوا ہے۔ اسٹیٹ بینک آف پاکستان (ایس بی پی) کے جاری کردہ اعدادوشمار کے مطابق زیر جائزہ مدت کے دوران دھاتوں کی برآمدات اور اس کی مصنوعات کی برآمدات میں 115.044 ملین ڈالر ریکارڈ کی گئیں جو گذشتہ سال کی اسی مدت کے دوران 84.827 ملین ڈالر ریکارڈ کی گئیں ، جس میں 35.62 فیصد کا اضافہ دیکھا گیا ہے ، اسٹیٹ بینک آف پاکستان (ایس بی پی) کے جاری کردہ اعداد و شمار کے مطابق جن اشیا نے مثبت نمو میں حصہ لیا ہے اس میں تانبا اور اس کے مصنوعات شامل تھیں ، اس دوران اس کی برآمدات گذشتہ سال 28.295 ملین ڈالر سے بڑھ کر 77.044 ملین ڈالر ہوگئیں ، جس میں 172.28 فیصد کا اضافہ دکھایا گیا ہے۔ ایلومینیم اور اس کے سامان کی برآمدات 52.24 فیصد اضافے سے 5.742 ملین $ سے 8.742 ملین ڈالر ہوگئی جبکہ ٹولز ، اوزار ، کٹلری ، چمچ اور کانٹے کی برآمدات بھی 10.86 فیصد اضافے کے ساتھ 12.080 ملین ڈالر سے 13.393 ملین ڈالر ہوگئی۔ دوسری مختلف دھاتی مصنوعات کی برآمدات بھی 8.57 فیصد اضافے سے 0.373 ملین ڈالر سے 0.405 ملین ڈالر ہوگئی۔

کراچی: سندھ و وفاقی حکومت کی جانب سے ماحول دشمن باریک تھیلیوں پر پابندی کے بعد ہول سیل مارکیٹ میں ماحول میں جلد تحلیل ہونے والے شاپنگ بیگز کی مانگ بڑھ گئی جس کے نتیجےمیں پلاسٹک کو گھلانے والے کیمیکل کی قیمت میں بھی 40 فیصد تک کا اضافہ ہو گیا ، تفصیلات کے مطابق سندھ کی صوبائی حکومت کی جانب سے موحول دشمن باریک تھیلیوں پر پابندی کے بعد شہر میں پلاسٹک کو تحلیل کرنے والے کیمکل کی قلت پیدا ہو گئی ہے ، پلاسٹک کو گھولنے کی صلاحیت رکھنے والے کیمیکل اوکسو بایئو ڈی گریڈ کی قیمت میں 40 فیصد تک کا اضافہ ہو گیا ہے ، اوکسو بائیو ڈی گریڈ شاپنگ بیگز کی تیاری کے وقت صرف ایک فیصد ملایا جاتا ہے اور اسے سویڈن اور ویتنام سے درآمد کیا جاتا ہے، ٹرانسپیرنٹ اوکسو بائیو ڈی گریڈ کا 20 کلو کا تھیلا 9860 روپے مہنگا ہو کر 23860 روپے کا ہو گیا ،

کراچی : پاکستان سٹاک ایکسچینج میں نمایاں بہتری ریکارڈ کی گئی ہے ، اس ہفتے کے آغاز سے لیکر احتتام تک سٹاک مارکیٹ میں بہتری کا رجحان ریکارڈ کیا گیا ، ہفتے کے روز سٹاک مارکیٹ میں ہنڈرڈ انڈیکس میں 952 جبکہ اتوار کے روز 281 پوائنٹس کے اضافے کیساتھ اس ہفتے کی کاروباری سرگرمیوں کا احتتام مثبت انداز میں ہوا ، ماہرین معشیت کے مطابق سٹاک ایکسچینج میں حالیہ بہتری کی بڑی وجہ حکومت کے آئی ایم ایف کیساتھ معاملات کا طے پا جانا ، تاجروں کی آرمی چیف سے ملاقات اور بیرونی سرمایہ کار کے اعتماد کا بحال ہونا شامل ہیں ، تاہم سرمایہ کار پاکستان میں افراط زر کی بڑھتی ہوئی شرح کے باعث پریشان بھی ہیں جس کو مد نظر رکھ کر وہ محتاط انداز میں سرمایہ کاری کر رہے ہیں ،

اسلام آباد : سافٹ وئیر کی برآمدات میں گزشتہ مالی سال کے دوران 2.4 فیصد اضافہ ہو ا، سٹیٹ بینک آف پاکستان کی جانب سے جاری کردہ اعداد و شمار کے مطابق گزشتہ مالی سال کے دوران سافٹ وئیر برآمدات کا حجم 1.09 ارب ڈالر سے تجاوز کر گیا ، جبکہ مالی سال 2017-18 کے دوران یہ حجم 1.06 ارب ڈالر تھا ،
رپورٹ کیمطابق ملک میں کام کرنے والی 5000 سے زائد آئی ٹی کمپنیاں دنیا بھر کے 100 سے زیادہ مختلف ممالک کو خدمات فراہم کر رہی ہیں ، پاکستان میں انفارمیشن و کمیونیکیشن ٹیکنالوجی کے شعبہ میں ایپلی کیشنز تیار کرنے والے فری لانسرز کی تعداد میں 10 ہزار کا اضافہ ہو رہا ہے ، سافٹ وئیر ایکسپورٹ بورڈ کے حکام نے کہا ہے کہ پاکستان کا ائی سی ٹی کا مجموعی سالانہ ریونیو 4.1 ارب ڈالر تک پہنچ چکا ہے ، انہوں نے کہا کہ ائندہ تین سال کے دوران شعبہ میں 3 فیصد سے زائد شرح نمو کیساتھ ترقی متوقع ہے ،

وفاقی وزیربرائے توانائی عمر ایوب نے کہا ہے کہ سابق دور میں مہنگے بجلی گھر لگانے کا خمیازہ ابھی تک بھگت رہے ہیں، 300 یونٹ کے صارفین کو مہنگائی سے ڈھال دی ہوئی ہے جب کہ بجلی کی قیمتوں میں اضافہ 75 فیصد صارفین پر نہیں ہوگا۔

اسلام آباد میں پریس کانفرنس کرتے ہوئے عمرایوب نے کہاکہ سابق دورمیں مہنگے بجلی گھر لگانے کا خمیازہ ابھی تک بھگت رہے ہیں، ن لیگ حکومت نے ٹیرف میں اضافہ نہیں کیا، گردشی قرضہ ن لیگ کے دور حکومت میں ماہانہ 38 ارب روپے بڑھتا تھا جس کوہم 12ارب روپے ماہانہ پرلے آئے ہیں، کیپسٹی چارجزکا ملبہ اب عوام پرگر رہا ہے۔ متبادل توانائی ہماری ریڑھ کی ہڈی ہوگی، بجلی کے نرخوں میں کمی لائیں گے، ایک یونٹ کا ریٹ پچھلے سے کم پر لانا چاہ رہے ہیں، بجلی کی قیمت میں اضافہ سابق حکومت کی غلط پالیسیوںکی وجہ سے ہوا ہے، بجلی کی قیمتوں میں اضافے کا اطلاق 75 فیصد صارفین پر نہیں ہوگا۔
ان کاکہنا تھاکہ پاور سیکٹر میں سرمایہ کارآرہے ہیں۔ بجلی کی قیمت میں اضافے سے80ارب روپے حاصل ہونگے، 25ارب بجلی پر لگائیں گے اورباقی55ارب آئی پی پیزکو ادائیگیوں میںخرچ ہونگے۔ قیمتوں میں اضافے کی ن لیگ حکومت ذمے دارتھی اورہے، یہ بارودی سرنگیں ن لیگ گاڑکرگئی جس کا خمیازہ اب حکومت کو بھگتنا پڑ رہا ہے ۔

قبل ازیں وزیرتوانائی عمرایوب خان سے چین کے سفیر جاؤ جنگ اور فرانس کے سفیر مارک بیریٹی نے ملاقات کی۔ چینی سفیر سے ملاقات میں پاک چین اقتصادی راہداری پر تبادلہ خیال سمیت معیشت کے مختلف شعبوں میں سرمایہ کاری کے مواقع کا جائزہ لیا۔ اس موقع پرگفتگوکرتے ہوئے وزیر توانائی عمر ایوب خان نے کہا کہ پاکستان میں توانائی کے شعبے میں غیرملکی سرمایہ کاری کے خاطر خواہ مواقع موجود ہیں۔ چینی سفیرجاؤ جنگ نے کہا کہ چینی سرمایہ کار پاکستان میں بالخصوص بنیادی ڈھانچے، توانائی اور اشیا سازی سمیت مختلف شعبوں میں سرمایہ کاری میں خصوصی دلچسپی رکھتے ہیں۔ دریں اثنا فرانسیسی سفیر مارک بیریٹی سے ملاقات میں وزیر توانائی نے کہاکہ ملک میں ہائیڈل پاور میں سرمایہ کاری کے خاطر خواہ مواقع موجود ہیں۔