Category: کاروبار

ریت کے بہانے ملکی خزانے کا سونا بیچنے والے افسران کے خلاف مقد مہ

محکمہ اینٹی کرپشن پنجاب نےدریائے سندھ سے غیر قانونی سونا نکالنے کی سازش میں ملوث افسران کے خلاف بڑی کارروائی کی ہے ۔ محکمہ معدنیات کے سابق ڈائریکٹر جنرل ظفر جاوید سمیت دیگر افسران کے خلاف مقدمہ درج کرلیا گیا۔

حکمہ معدنیات کے افسران پر غیر قانونی طور پر ریت نکالنے کا نیا زون بنانے کا الزام ہے ، افسران نے ملی بھگت سے ایسی جگہ زون بنانے کی اجازت دی جہاں سونے کے ذرات نکلتے تھے، کنٹریکٹر پر ریت نکالنے کے بہانے اربوں روپے کا سونا نکالنے کا الزام ہے، ہے ہانگ سپر پارک پرائیویٹ کمپنی نے محکمہ معدنیات کے افسران کی ملی بھگت سے ٹھیکہ لیا جب کہ کمپنی نے افسران کی ملی بھگت سے ملک کو اربوں روپے کا نقصان پہنچایا۔

افسران نے 30 کروڑ 30 لاکھ روپے کم ازکم پرائس والا ٹھیکہ صرف 10 کروڑ میں من پسند کمپنی کو دیا ، ڈائریکٹر جنرل اینٹی کرپشن گوہر نفیس نے مزید چھان بین کے لیے ڈپٹی ڈائریکٹر ٹیکنیکل کی زیر نگرانی کمیٹی تشکیل دے دی ہے ، تحقیقاتی کمیٹی میگا اسکینڈل میں ملوث دیگر افسران و اہلکاران کے کردار کا تعین کرے گی۔

چینی کمپنی کو ریت نکالنے کا ٹھیکہ دینے کے خلاف مقامی زمینداروں نے درخواست دائرکررکھی ہے جس میں کہا گیاہے کہ چینی کمپنی ہیے ہانگ سپر کو سی پیک کے تحت بننے والی موٹر وے برہان تا حویلیاں کی تعمیر کے لئے دریائے سندھ سے ریت نکالنے کا ٹھیکہ دیا گیا، ریت میں سونے کی آمیزش ہے،یہ کمپنی روزانہ 5کلو تک سونا نکال کر چین منتقل کرتی رہی،فاضل جج نے اس کیس میں حکم امتناعی جاری کررکھاہے،گزشتہ روز چینی کمپنی کی اس کیس میں متفرق درخواست منظور کرتے ہوئے عدالت نے کمپنی کو اپنی مشینری اٹھانے کی اجازت دے دی تاہم کمپنی کو اس سے قبل بینک گارنٹی جمع کراناہوگی۔

تحریک انصاف کے مرکزی رہنما اسد عمر نے اہم انکشاف کرتےہوئے کہاہے کہ عالمی مالیاتی ادارہ آئی ایم ایف اب تک پاکستان کی معاشی کارکردگی سے مطمئن ہے۔

تفصیلات کے مطابق : قومی اسمبلی کی قائمہ کمیٹی برائے خزانہ کے چیئرمین اسد عمر نے یہ بات آج پارلیمنٹ ہاؤس اسلام آباد میں ذرائع ابلاغ کے میڈیا پرسنز کی موجودگی میں‌کہی ۔سابق وزیر خزانہ اسد عمر نے صحافیوں کو بتایا کہ آئی ایم ایف کے وفد نے آج قومی اسمبلی کی خزانہ کمیٹی کے اجلاس میں شرکت کی ہے۔ ان کا کہنا تھا کہ خزانہ کمیٹی کے اجلاس میں مہنگائی اور شرح ترقی کی سستی روی پر بات چیت ہوئی۔

قبل ازیں مشیر خزانہ عبدالحفیظ شیخ سے آئی ایم ایف کے وفد کی ملاقات ہوئی، مشیر خزانہ نے وفد کو معاشی استحکام کے لیے اقدامات پر بریفنگ دی ،اپنی بریفنگ میں حفیظ شیخ کا کہنا تھا کہ کرنٹ اکاؤنٹ اور تجارتی خسارے میں کمی آرہی ہے، رواں سال نان ٹیکس ریونیو کی مد میں ایک ہزار ارب حاصل ہونے کا امکان ہے۔

آئی ایم ایف کے ڈائریکٹر مڈل ایسٹ اور سنٹرل ایشیا کی وزیراعظم سے ملاقات

پاکستان میں برآمدات میں اضافہ ہو رہا ہے جو کہ معیشت کےلیے ایک خوش آئند بات ہے .اس سلسلے میں رواں مالی سال کے دوران کھیلوں کی مصنوعات کی برآمدات میں 11.15 فیصد اضافہ ہوا ہے۔

جولائی 2019 میں چار کروڑ 67 لاکھ ڈالر مالیت کی مصنوعات برآمد کی گئیں جبکہ گزشتہ سال اسی ماہ چار کروڑ 20 مالیت کی مصنوعات برآمد کی گئی تھیں۔

اسٹیٹ بینک کی جانب سے فراہم کردہ اعداد و شمار کے مطابق ملک میں فٹ بالز کی برآمدات میں 15.83 فیصد اضافہ ہوا اور یہ ایک کروڑ 72 لاکھ سے بڑھ کر تقریبا دو کروڑ ڈالر ہوگئی ہیں۔صرف اس مد میں‌اضافہ ملکی معیشت کے لیے بہتری کی علامت ہے.

اس سلسلے میں‌ وزیراعظم کے مشیر برائے کامرس، ٹیکسٹائل، انڈسٹریز، پروڈکشن اور انویسٹمنٹ عبدالرزاق دائود نے کہا ہے کہ ویلیوایڈڈ مصنوعات کی برآمدات میں اضافہ خوش آئند ہے، جولائی 2018ء کے مقابلے میں جولائی 2019کے دوران برآمدات میں 14فیصد اضافہ اور درآمدات میں اٹھارہ فیصد کمی یہ ظاہر کرتی ہے کہ معاملات درست سمت میں گامزن ہیں

حکومت نے بجلی مہنگی کرنے کا پروگرام بنا لیا، پاکستانی عوام پر 63 ارب 36 کروڑ روپے سے زائد کا بوجھ ڈالنے کی تیار کر لی ہے
تفصیلات کے مطابق حکومت نے بجلی مہنگی کرنے کا پروگرام بنا لیا، پاکستانی عوا پر 63 ارب 36 کروڑ روپے سے زائد کا بوجھ ڈالنے کی تیار کر لی ہے۔سینٹرل پاور پرچیزنگ ایجنسی (سی پی پی اے) کی جنوری سے جون کے بقایا جات دینے کے لیے حکومت کا انوکھا اقدام اداروں کے واجبات اب عوام سے وصول کیے جائیں گے.جبکہ سی پی پی اے نے وصولیوں کیلئے درخواست جمع کرا دی ہے، صارفین سے بقایا جات وصولی سے ٹیرف میں فی یونٹ 70 پیسے اضافہ متوقع جبکہ ایک سال میں وصولی کی صورت میں ٹیرف میں 45 پیسے فی یونٹ اضافے کا امکان ہے۔موجودہ حکومت کے آنے کے بعد مہنگائی کا طوفان پہلے ہی ہے اس اقدام سے اور بھی مہنگائی ہونے کا خدشہ ہے ،