Category: کاروبار

کاروباری ہفتے کے چوتھے روز مارکیٹ میں مثبت آغاز، معیشت سنبھلنے لگی
اسلام آباد:پاکستان میں معیشت کے سنبھلنے کے اشارے ملنےلگے ، پاکستان اسٹاک مارکیٹ میں‌تیزی کا رجحان پایا جانے لگا، پاکستان اسٹاک ایکسچینج میں کاروباری ہفتے کے چوتھے روز مارکیٹ میں مثبت آغاز دیکھا گیا ہے۔100 انڈیکس میں 97 پوائنٹس اضافے سے 32 ہزار کی سطح پر بحال ہے جبکہ کرنٹ انڈیکس 32 ہزار 35 پوائنٹس پر ٹریڈ کررہا ہے۔
پاکستان اسٹاک ایکسچینج کے ذرائع کے مطابق گزشتہ روز پاکستان اسٹاک ایکسچینج میں کاروبار 280 پوائنٹس اضافہ کے ساتھ اختتام پذیر ہوا۔کاروباری ہفتہ کے تیسرے روز بدھ کو اسٹاک مارکیٹ میں کاروبار کے دوران ملا جُلا رجحان رہا تاہم کاروبار کا اختتام مثبت زون میں ہوا۔جو مجموعی طور پر اچھا ہی رہا

ماہرین معیشت کے مطابق پاکستان کی معیشت سنبھلنے لگی ہے. دوسری طرف کاروبار کے دوران کے ایس ای 100 انڈیکس میں 53,802,940 شیئرز کی لین دین ہوئی جس کی مالیت 2,402,521,654 پاکستانی روپے بنتی ہے۔رواں ہفتہ کے پہلے روز بھی کے ایس ای 100 انڈیکس میں کمی رہی تھی اور انڈیکس 369 پوائنٹس کی کمی پر بند ہوا۔ دو روز کی مندی کے بعد آج انڈیکس مثبت زون میں بند ہوا۔
اگست 1, 2019
گراں فروشی پر 2لاکھ 47 ہزار روپے کے جرمانے
سرگودھا۔ 31 جولائی (اے پی پی) اسسٹنٹ کمشنر ساہیوال سید صابر حسین شاہ، پرائس مجسٹریٹ ساہیوال ملک محمد ممتاز فروکہ نے تحصیل بھر میں غیر قانونی پٹرول وڈیزل ایجنسیوں اور گراں فروشوں کے خلاف ایکشن لیتے ہوئے 2لاکھ 47ہزار روپے کے مجموعی جرمانے کر کے رقم قومی خزانے میں جمع کروا دی۔ تفصیلات کے مطابق حکومت پنجاب اور ڈپٹی کمشنر سرگودھا کے احکامات پر عملدرآمد کرتے ہوئے پرائس کنٹرول ایکٹ 1977 ء کے تحت ماہ جولائی 2019 میں اسسٹنٹ کمشنر ساہیوال سید صابر حسین شاہ، پرائس مجسٹریٹ ساہیوال ملک ممتاز فروکہ نے ذخیرہ اندوز، گراں فروشوں، غیر قانونی پٹرول وڈیزل ایجنسیوں کے مالکان کو مجموعی طور پر 2لاکھ 45ہزار روپے کے جرمانے کر کے رقم سرکاری خزانے میں جمع کروادی اور درجنوں دکانیں سیل وسینکڑوں دکانداروں کو وارننگ دی گئی۔
جولائی 31, 2019
سام سنگ گلیکسی کی قیمتیں گرگئیں ، پاکستانیوں کی موجیں لگ گئیں،
کراچی : سام سانگ گلیکسی فون استعمال کرنے والوں کے لیے خوشخبری ، سام سنگ نے پاکستان میں گلیکسی اے سیریز کے اسمارٹ فونز کی قیمتوں میں کمی کردی ہے۔رپورٹ کے مطابق سام سنگ کی جانب سے گلیکسی اے سیریز کے 6 فونز کی قیمتوں میں کمی کی گئی ہے۔
نئی قیمتیں کیا ہوں گی ،سام سنگ کی جانب سے گلیکسی اے 10، اے 20، اے 30، اے 50، اے 70 اور اے 80 کی قیمتوں میں ڈیڑھ ہزار سے 5 ہزار روپے تک کی کمی کی گئی ہے۔
اس سے پہلے گلیکسی اے 10، اے 30 اور اے 50 کو رواں سال مارچ میں پاکستان میں فروخت کے لیے پیش کیا گیا تھا، گلیکسی اے 20 اور اے 70 اپریل میں متعارف ہوئے تھے جبکہ اے 80 رواں ماہ ہی صارفین کو دستیاب ہوا۔
اس وقت پاکستان میں سام سنگ گلیکسی اے 10 اس سیریز کا سب سے کم قیمت فون ہے جس کی قیمت اب ڈیڑھ ہزار روپے کمی سے 23 ہزار 500 روپے کی بجائے 21 ہزار 999 روپے کردی گئی ہے۔
نئی قیمتوں کے مطابق اب گلیکسی اے 20 کی قیمت بھی 1500 روپے کمی سے 31 ہزار 500 روپے سے کم ہوکر 29 ہزار 999 روپے ہوگئی ہے۔
ایسے ہی گلیکسی اے 30 کی قیمت میں 3 ہزار روپے کی کمی کی گئی ہے جو اب 40 ہزار 999 روپے کی بجائے 37 ہزار 999 روپے میں فروخت کیا جائے گا۔
ذرائع کے مطابق پاکستان میں‌اس وقت گلیکسی اے 50 کی قیمت 54 ہزار 999 روپے سے کم کرکے 51 ہزار 999 روپے جبکہ گلیکسی اے 70 کی قیمت 67 ہزار 999 روپے کی جگہ 64 ہزار 999 روپے کردی گئی ہے۔
سب سے زیادہ کمی گلیکسی اے 80 کی قیمت میں کی گئی ہے جو ایک لاکھ 19 ہزار 999 روپے میں فروخت کے لیے پیش کیا گیا تھا، مگر اب 5 ہزار روپے کمی سے ایک لاکھ 14 ہزار 999 روپے میں فروخت کیا جائے گا۔
یاد رہے کہ سام سنگ دنیا میں سب سے زیادہ اسمارٹ فونز فروخت کرنے والی کمپنی ہے اور پاکستان میں بھی اس کی ڈیوائسز کو بہت زیادہ پسند کیا جاتا ہے۔اور لاکھوں کی تعداد میں پاکستانی سام سنگ کے یوزرز ہیں.
جولائی 31, 2019
ملکی معیشت بہتر ہونے لگی ، اسٹاک مارکیٹ میں 280 پوائنٹس کا اضافہ
کراچی:پاکستانی معیشت سنبھلنے لگی . آج پاکستان اسٹاک ایکسچینج آج 280 پوائنٹس اضافہ کے ساتھ اختتام پذیر ہوئی۔کاروباری ہفتہ کے تیسرے روز بدھ کو اسٹاک مارکیٹ میں کاروبار کے دوران ملا جُلا رجحان رہا تاہم کاروبار کا اختتام مثبت زون میں ہوا۔
اسٹاک مارکیٹ ذرائع کے مطابق اسٹاک مارکیٹ کا آغاز کے ایس ای 100 انڈیکس میں 31 ہزار 658 پوائنٹس پر ہوا۔ کاروبار کے آغاز کے 100 انڈیکس میں 80 پوائنٹس تک کی کمی ریکارڈ کی گئی اور انڈیکس 31 ہزار 578 پوائنٹس پر ٹریڈ کرتے دیکھا گیا تاہم کاروبار کے اختتام سے دو گھنٹے قبل تک کے ایس ای 100 انڈیکس میں ملا جلا رجحان موجود رہا۔
اکنامکس رپورٹر کے مطابق آج دوپہر کھانے کے وقفہ کے بعد اسٹاک مارکیٹ میں تیزی آئی اور کاروبار کا اختتام کے ایس ای 100 انڈیکس میں 280 پوائنٹس اضافے کے ساتھ ہوا۔

اسٹاک ایکچینج مارکیٹ ذرائع کے مطابق آج کاروبار کے دوران کے ایس ای 100 انڈیکس میں 53,802,940 شیئرز کی لین دین ہوئی جس کی مالیت 2,402,521,654 پاکستانی روپے بنتی ہے۔
یاد رہے کہ گزشتہ روز منگل کو اسٹاک مارکیٹ میں مندی کا رجحان رہا اور کاروبار کا اختتام 71 پوائنٹس کی کمی پر ہوا۔ماہرین معیشت کے مطابق امید ہے کہ آئندہ آنے والے دنوں‌میں‌حالات مزید بہتر ہو سکتے ہیں
جولائی 31, 2019
یوٹیلٹی سٹورز نے عید الاضحی کے موقع پر 300 سے زائد اشیا پر سبسڈی دینے کا اعلان کر دیا
یوٹیلٹی سٹورز کارپوریشن کی جانب سے عیدالاضحی کے موقع پر صارفین کو خصوصی پیکیج دینے کا اعلان کر دیا گیا۔ جس میں 300 سے زائد اشیاءپر سبسڈی دی جائے گی۔
تفصیلات کے مطابق یوٹیلٹی سٹورز کارپوریشن کے حکام نے ”اے پی پی“ کو بتایا کہ کارپوریشن چیئرمین ذوالقرنین علی خان اور ایم ڈی عمر لودھی کی خصوصی کاوشوں سے عیدالاضحی کے موقع پر صارفین کی سہولت کیلئے خصوصی پیکیج کا اعلان کیا گیا ہے جس کے تحت مارکیٹ ریٹس سے سستی اور معیاری اشیاءصارفین کو فراہم کی جائیں گی
مزید پرھیں:اچھی خبر آگئی گھی اور کوکنگ آئل سستا ہو گیا
جولائی 31, 2019
ایف بی آر نے قریبی رشتہ داروں کے علاوہ تحائف دینےپر پابندی لگا دی
ایف بی آر نے قریبی رشتہ داروں کے علاوہ تحائف دینےپر پابندی لگا دی
باغی ٹی وی رپورٹ کے مطابق ایف بی آر نے قریبی رشتہ داروں کے علاوہ تحائف دینےپر پابندی لگا دی . منی لانڈرنگ اور کرپشن کو روکنے کےلیے ایف بی آر نے ایک اہم قدم اٹھایا ہے . واضح رہے کہ اس پہلے ایف بی آر نے بے نامی اکاؤنٹ اور منی لانڈرنگ پر قابو پانے کے لیے کئ اقدام اٹھا چکی ہے
جولائی 31, 2019
حکومت کی سستی روٹی کے لیے ڈیڑھ ارب روپے کی سبسڈی دینے کی منظوری
اقتصادی رابطہ کمیٹی نے تندوروں پر روٹی سستی کرنے کے لیے ڈیڑھ ارب روپے کی سبسڈی دینے کی منظوری دی ہے. اسلام آباد کے تندوروں میں روٹی کےگذشتہ ریٹ بحال کیے جائیں گے
تفصیلات کے مطابق قومی اقتصادی رابطہ کمیٹی نے تندوروں پر روٹی سستی کرنے کے لیے ڈیڑھ ارب روپے کی سبسڈی دینے کی منظوری دی ہے. اسلام آباد کے تندوروں میں روٹی کے گذشتہ ریٹ بحال کیے جائیں گے.
جولائی 31, 2019
مطالبات نہ مانے گئے تو پورا لاہور بند رہےگا،صدر تاجران نعیم میر کا اعلان
تاجروں نے چار دن مکمل شٹر ڈاؤن ہڑتال کاا علان کردیا. تاجران تنطیم نے حکومت سے کہا ہے کہ اگر ہمارے مطالبات تسلیم نہ کیے گئے تو 15، 16 اور 27،26 اگست کو ہڑتال رہےگی.، پورا لاہور بند رہےگا.
باغی ٹی وی رپورٹ کےمطابق صدر آل پاکستان تاجر اتحاد نے اعلان کیا ہے کہ اگر ہمارے مطالبات نہ مانے گئے تو 15، 16 اور 27،26 اگست ہڑتال رہےگی.، پورا لاہور بند رہے گا، انہوں نےکہا کہ ٹیکس دینے کو تیار ہیں مگر چور دروازوں سے نہیں. یہ پیچیدہ نظام نا قابل قبول ہے.حکومت کو تاجر برادری کا معاشی قتل نہیں کرنا چاہیے ، اگر تاجر اور سرمایہ دار کام کرتے رہیں گے تو ملک کی معیشت کا پہیہ چلتا رہےگا
جولائی 31, 2019
اقتصادی رابطہ کمیٹی کا اہم اجلاس آج ہوگا
مشیر خزانہ عبدالحفیظ شیخ کی زیر صدارت کابینہ کی اقتصادی رابطہ کمیٹی کا اہم اجلاس آج ہوگا، اقتصادی کمیٹی کے اجلاس میں 5 نکاتی ایجنڈے پر غور کیا جائے گا۔
تفصیلات کے مطابق اجلاس میں وزارت غذائی تحفظ ملک میں گندم کے ذخائر اور طلب و رسد پر تفصیلی بریفنگ دے گی، ملکی کپاس کی پیداواربڑھانے کیلئے امدادی قیمت مقرر کرنے کی سمری پر غور کیا جائے گا، درآمد کے ذریعے مقامی مارکیٹ میں کپاس کی قیمت میں کمی روکنے کیلئے اقدامات زیر غور آئیں گے۔
اقتصادی رابطہ کمیٹی کے اجلاس میں کپاس کی درآمد پر ڈیوٹی اور ٹیکس عائد کرنے کی سمری پر غور کیا جائے گا، ایل این جی ٹرمینلز کو مکمل استعداد پر چلانے اور مزید ایل این جی درآمد کی سمری زیر غور آئے گی، اجلاس میں ریونیو ڈویژن کے نئے اکنامک آپریٹرز پروگرام پر غور کیا جائے گ
جولائی 31, 2019
شناختی کارڈ کی شرط پر حکومت کا واضع اعلان
کراچی:اگست سے پورے ملک میں 50 ہزار سے زائد کی خریداری کرنے والوں کو ہر حال میں شناختی کارڈ دینا ہوگا، اور اگر آپ بین الاقوامی خریدار ہیں تو آپ کو اپنا پاسپورٹ ظاہر کرنا ہو گا،
ان لینڈ ریونیو کے چیف کمشنر بدرالدین احمد قریشی نے میڈیا کو بریفنگ دیتے ہوئے کہا کہ غیر تصدیق شدہ خریداروں کی پہچان کرنے کیلئے اور ان کی ٹیکس چوری روکنے کیلئے یہ قدم اٹھایا گیا ہے، شناختی کارڈ کو لازمی قرار دینے ایک فائدہ یہ بھی ہوگا کہ جو کاروباری حضرات اپنا مال برآمد کرتے ہیں اور ملک میں بیچتے ہیں ان کا ریکارڈ بھی ایف بی آر کے پاس ہو گا کہ کتنا مال ملک سے باہر برآمد کیا گیا اور کتنا ملک میں بیچا گیا ہے،
چیئرمین فیڈرل بورڈ آف ریونیو شبر زیدی نےکہا ہے کہ پاکستان میں ٹیکسٹائل سیکٹر ہر سال 1200 ارب کی ٹیکسٹائل پراڈکٹس فروخت کرتا ہے اور اس سے حاصل ہونے والے ٹیکس کی مقدار صرف 6 ارب روپے ٹیکس کی مد میں ادا کر رہا ہے اور اس کی بنیادی وجہ یہی ہے کہ کہ پاکستان کا ٹیکس نظام ڈاکومنٹڈ نہیں ہے،
جولائی 31, 2019