عید کی خریداری، چوڑیوں، مہندی کے سٹالوں کے ساتھ ساتھ جانوروں کو سجانے والے سامان کے سٹالوں پر بھی لوگوں کا رش لگ گیا
سرگودھا۔09اگست(خبر رساں ایجنسی)عید کی خریداری کے ساتھ ہی چوڑیوں اور مہندی کے سٹالوں کے ساتھ ساتھ جانوروں کو سجانے والے سامان کے سٹالوں پر لوگوں کا رش دیکھنے میں آرہا ہے جہاں پر لوگ اپنے لیے چوڑیوں،مہندی اور دیگر اشیاء خرید رہے ہیں وہاں پر اپنے جانوروں کوخوبصورت بنانے کے لیے جھانجریں، ہار، خوبصورت مالا اور اسی طرح کیدیگر اشیاء خرید کر اپنے جانوروں کو سجا رہے ہیں جبکہ کئی لوگوں نے اپنے جانوروں کے جسم پر عید مبارک، میرا پیارا دوست اور اسی طرح کے مختلف فقرے لکھنا شروع کردیئے ہیں اور عید کی تیاریاں گزرتے وقت کیساتھ ساتھ عروج پر پہنچتی جارہی ہیں۔
Category: کاروبار
-
عید پر مہندی،چوڑیوں کے علاوہ جانوروں کو بھی سجایا جانے لگا
-
انکم ٹیکس گوشوارے جمع نہ کرانے والے ہوجائیں ہوشیار، آج آخری دن
انکم ٹیکس گوشوارے ززجمع کرانے کے لیے دی گئی مہلت کا آج آخری دن ہے جس کے بعد انہیں جمع نہ کرانے والوں کے خلاف سخت کارروائی کی جائے گی۔
تفصیلات کے مطابق فیڈرل بورڈ آف ریونیو (ایف بی آر) کے مطابق انکم ٹیکس گوشوارے جمع کرانے کی تاریخ میں دو اگست کے بعد نو اگست تک توسیع کا مقصد تھا کہ زیادہ سے زیادہ افراد فائدہ اُٹھا سکیں اور گوشوارے جمع کرا دیں۔
ایف بی آر کا کہنا ہے کہ مالی سال 2018 کے گوشوارے 9 اگست تک جمع کرائےجاسکتے ہیں۔ گوشوارے جمع کرانے کے لیے پہلے 2 اگست تک مہلت دی گئی تھی تاہم شہریوں کی سہولت کے لیے اس میں 9 اگست تک توسیع کی گئی۔ توسیع کا مقصد انفرادی اور کاروباری افراد اور کمپنیوں کو زیادہ سے زیادہ فائدہ پہنچانا تھا۔
ایف بی آر کے مطابق گزشتہ سال ٹیکس گوشوارے جمع کرانے والوں کی تعداد 17 لاکھ تھی۔ اس سال ٹیکس گوشوارے جمع کرانے والوں کی تعداد میں ریکارڈ اضافہ ہوا ہے۔
-
عید قربان کے آتے ہی اشیائے خوردونوش کی قیمتوں میں ہوشربا اضافہ،عوام پریشان
سرگودہا(نمائندہ باغی ٹی وی)عید قربان کے آتے ہی دکاندار خضرات نے خود ساختہ مہنگائی کر دی باغی ٹی وی کی رپورٹ کے مطابق اشیائے خوردونوش کی قیمتیں آسمان سے باتیں کرنے لگیں سبزیاں ،پھل،دالیں اور مشروبات سب مہنگا ہو گیا ،بازاروں میں چینی 74 روپے فی کلو تک فروخت ہونے لگی جبکہ گھی 180 سے 185 روپے فی کلو فروخت ہونے لگ گیا ہے اسی طرح پیاز،ٹماٹر بھی مہنگا ہو کا ہے جس سے متوسط طبقے ست تعلق رکھنے والے افراد شدید پریشانی کا شکار ہیں ان کا کہنا ہے کہ خالات خراب ہونے کی وجہ سے اس دفعہ شاید بچوں کو کپڑے دلانا بھی مشکل ہو اوپر سے روزمرہ کے استعمال کی اشیاء میں اضافہ نے کمر توڑ کے رکھ دی ہے جبکہ اس مہنگائی کے طوفان کا نوٹس لینے والا کوئی نہیں حکومتی عہدیدار ائیر کنڈیشنڈ کمروں میں بیٹھ کر استراخت فرما رپے ہیں کہیں بھی حکومتی رٹ قائم ہوتی نظر نہیں آرہی عوام کا خدا پی خافظ ہے
-
امریکی ڈالر حیرت زدہ حد تک گر گیا، عمران خان کی پہلی بڑی فتح
اسلام آباد: پاکستانی روپے میں مسلسل آتھ روز سے بہتری دیکھنے میں آرہی ہے.
تفصیلات کے مطابق پچھلے آٹھ روز سے مسلسل پاکستانی روپے میں بہتری دیکھنے میں آئی ہے جبکہ امریکی ڈالر میں کمی دیکھنے میں آرہی ہے. یہ خبر پاکستانی معیشت کی بہتری کیلئے بہت اچھی ہے، اس حوالے سے بزنس مین اور معیشت کے تجزیہ نگار کا کہنا ہے کہ آنے والے دنوں میں پاکستانی معیشت میں مزید بہتری آئے گی. روپے میں بہتری کی خبر کو عمران خان کی فتح قرار دیا جارہا ہے. جبکہ دوسری جانب سرحد کے دوسری پار بھارت میں آرٹیکل 35 اے اور 370 کی منسوخی کے بعد بھارتی معیشت ڈوب گئی ہے. بھارت میں ڈالر ڈیڈھ روپے مہنگا ہوا ہے اور وہاں کی اسٹاک مارکیٹ کے کروڑوں روپے ڈوب گئے ہیں.
-
پاکستان کوایشیائی ترقیاتی بینک نے 50 کروڑ ڈالرز قرض دینے کا اعلان کردیا
ایشیائی ترقیاتی بینک نے پاکستان کو 50 کروڑ ڈالرز کا قرض دینے کی منظوری دے دی ہے۔
تفصیلات کے مطابق ایشیائی ترقیاتی بینک نے پاکستان کو 50 کروڑ ڈالرز کا قرض دینے کی منظوری دے دی ہے۔اعلامیہ کے مطابق قرض کے ذریعے کاروبار آسان بنانے اور برآمدات بڑھانے کے لیے مدد (سپورٹ) فراہم کی گئی ہے۔ جاری اعلامیہ میں دعویٰ کیا گیا ہے کہ قرض سے پاکستان کے تجارتی خسارے کو کم کرنے میں بھی مدد ملے گی۔
واضح رہے کہ ایشیائی ترقیاتی بینک کی پاکستان کے ساتھ 53 سال کی شراکت داری ہے۔ ایشیائی ترقیاتی بینک نے اس عزم کا اعادہ کیا کہ پاکستانی معیشت میں بہتری اور مالیاتی مسائل کے حل کے لیے تمام ممکنہ مدد اور تعاون فراہم کرتے رہیں گے۔یاد رہے کہ دو ماہ قبل مائیکروبلاگنگ ویب سائٹ ٹویٹر پر اپنے پیغام میں مشیر خزانہ حفیظ شیخ نے عوام کو خوشخبری دیتے ہوئے کہا تھا کہ ایشیائی ترقیاتی بینک پاکستان کو 3.4 ارب ڈالر دے گا۔ انہوں نے کہا تھا کہ رقم بجٹ سپورٹ کے لیے ہو گی۔انہوں نے بتایا کہ 2.2 بلین ڈالر اس مالی سال میں منتقل کیے جائیں گے۔
-
گزشتہ سال کی نسبت ملکی برآمدات میں اضافہ ہوا،مشیرتجارت رزاق داوَد
گزشتہ سال کی نسبت ملکی برآمدات میں اضافہ ہوا،مشیرتجارت رزاق داوَد
درآمدات میں کمی معیشت کے درست سمت میں گامزن ہونے کا عکاس ہے،رزاق داوَد.گزشتہ سال کے مقابلے درآمدات میں کمی ہوئی ہے،
واضح رہے کہ اس سے پہلے مشیر تجارت اس بات کا ظہار کر چکے ہیں کہ درآمدات میں کمی اور برآمدات میں اضافے سے قومی معیشت مضبوط ہوگی۔عبدالرزاق دائود نے کہاکہ چاول کی برآمددوارب اَسی کروڑروپے سے بڑھاکرپانچ ارب روپے تک کرنے کی کوششیں کی جارہی ہیں۔انہوں نے کہاکہ صنعت ایک اہم شعبہ کی حیثیت سے ملکی معیشت کو فروغ دینے میں اہم کردار ادا کرے گی۔اس سے پہلے عبدالرزاق دائود نے کھاد کی جائزہ کمیٹی کے اجلاس کی صدارت کی جس میں منڈی میں کھادکی طلب ورسدکی حالیہ صورتحال کاجائزہ لیاگیاتاکہ کھاد کی قیمتوں میں اضافے کوروکا جاسکے۔
حکومت کے ان اقدام سے برآمدات میں اضافے کی خبریں ہیں اور درآمدات میں بہتری آر ہی ہے. -
چھری کانٹے کی برآمدات میں بڑا اضافہ…
اسلام آباد:مالی سال2018-19 میں پاکستان کی کٹلری برآمدات میں گزشتہ مالی سال کی نسبت 1.73 فیصد کا اضافہ ریکارڈ کیا گیا ہے ہے، مالی سال 2017-18 میں پاکستان نے کل 89.773 ملین ڈالر کے چھری کانٹے برآمد کیے اور گزشتہ مالی سالی سال 2018-19 میں 91.325 ملین ڈالر کی برآمدات ریکارڈ کی گئیں جو کے 1.73 فیصد زائد ہیں تفصیلات کے مطابق یہ اعداد و شمار بروز ہفتہ پاکستان بیوروآف سٹیٹسٹکس کی طرف سے جاری کیے گئے
-
چنیوٹ میں سعودی سرمایہ کاری سے مقامی خام لوہے کی مل لگانے کا پروگرام
چنیوٹ میں پہلی مقامی خام لوہے کہ مل لگانے کی تجویز دی گئی ہے
حکومت کی جانب سے تجویز پیش کی گئی ہے کہ ملک کی پہلی مقامی خام لوہے کی اسٹیل مل چنیوٹ میں قائم کی جائے گی، جو سعودی سرمایہ کاری کے لیے منتخب کیے گئے 4 منصوبوں میں سے ایک ہے۔
تفصیلات کے مطابق مفاہمتی یادداشت 20 ارب ڈالر کے معاہدے کا حصہ ہے جس پر توانائی کی پیداوار، ریفائنری، پیٹرو کیمیکل پلانٹ، کھیلوں کے فروغ سمیت مختلف شعبوں کے لیے 17 فروری 2019 کو سعودی ولی عہد محمد بن سلمان کے دورہ اسلام آباد کے دوران دستخط کیے گئے تھے۔واضح رہے کہ پاکستان نے معدنی وسائل میں اقتصادی تعاون کے لیے سعودی عرب سے مفاہمتی یادداشت پر دستخط کیے تھے۔
واضح رہے کہ وزیراعظم عمران خان اور سعودی ولی عہد شہزادہ محمد بن سلمان کی موجودگی میں پاکستان اور سعودی عرب کے درمیان مختلف شعبوں میں تعاون اور سرمایہ کاری کے 20ارب ڈالر مالیت کے 7 معاہدوں اور مفاہمت کی یادداشتوں پر دستخط کیے گئے تھے.
پاکستان اور سعودی عرب کے درمیان اسٹینڈرڈائزیشن کے شعبے میں تعاون کے معاہدے پر دستخط کیے گئے۔ کھیلوں کے شعبے میں تعاون سعودی اشیاء کی درآمد سے متعلق مالیاتی معاہدہ، توانائی کی پیداوار کے فریم ورک کی مفاہمتی یادداشت، دونوں ممالک کے درمیان ریفائنری اور پیٹروکیمیکل پلانٹ کے قیام، معدنی وسائل کی ترقی میں تعاون کی مفاہمت کی یادداشت، قابل تجدید توانائی کے شعبے میں تعاون اور سرمایہ کاری کا معاہدہ طے پایا۔ ان معاہدوں سے دونوں ممالک کے درمیان تعلقات مزید مستحکم ہوں گے۔
-
ڈالر کوپر لگ گئے ، انٹر بینک میں ڈالر کی قدر میں ایک مرتبہ پھر اضافہ
اسلام آباد:ایک طرف پٹرولیم مصنوعات کی وجہ سے عام آدمی کے استعمال کی چیزوں کی قیمتوں میں اضافہ ہورہا ہے تو دوسری طرف ڈالر کو پرلگ گئے ہیں. تفصیلات کے مطابق پٹرولیم مصنوعات کی قیمتوں میں اضافے کے بعد انٹر بینک میں ڈالر کی قدر میں ایک مرتبہ پھر اضافہ دیکھا گیا ہے۔
اسلام آباد سے اسٹیٹ بینک ذرائع کے مطابق فاریکس ڈیلرز کے مطابق انٹر بینک میں 8 پیسے کے اضافے سے ڈالر159.42 سے بڑھ کر 159.50 روپے کا ہو گیا ہے۔دیگر کرنسیوں کی قیمت پر نظر دوڑائیں تو اوپن مارکیٹ میں سعودی ریال 42.47 روپے، یو کے پاؤنڈ 192.87 روپے، آسٹریلین ڈالر 108.56 روپے، یورو 176.61 روپے جبکہ اماراتی درہم 43.65 پیسے میں فروخت ہو رہا ہے۔
ذرائع کے مطابق گزشتہ روز اوپن مارکیٹ میں ڈالر کی قیمت میں 10 پیسے کی کمی ہوئی جس کے بعد ڈالر کی قیمت اوپن مارکیٹ میں 159 روپے 70 پیسے سے کم ہو کر 159 روپے 60 پیسے ہو گئی تھی۔اسی طرح انٹر بینک میں بھی ڈالر کی قیمت میں 17 پیسے کی کمی ریکارڈ کی گئی۔
عالمی معاشی امور پر نظر رکھنے والے ماہرین کے مطابق دوسری جانب سے 10 گرام سونے کی قیمت میں بھی کمی ہوئی اور 10 گرام سونے کی قیمت 771 روپے کم ہو کر 71 ہزار 245 روپے تک گر گئی۔عالمی مارکیٹ میں فی اونس سونے کی قیمت 24 ڈالر کی کمی کے بعد ایک ہزار 407 ڈالر پر پہنچ گئی۔
-
پاکستان میں سوزوکی نے گاڑیوں کی قیمت میں6 لاکھ 95 ہزار روپے تک کا ہوشربا اضافہ کر دیا
کراچی : ملک میں عام استعمال کی چیزوں سے لیکربڑی بڑی اشیاء کی قیمتوں میں اضافے سے عوام پریشان ، سوزوکی نے گاڑیوں کی قیمت میں6 لاکھ 95 ہزار روپے تک کا ہوشربا اضافہ کر دیا
کراچی سے ذرائع کے مطابق سوزوکی آلٹو وی ایکس آر ایک لاکھ 37 ہزار روپے کے اضافے کے بعد 12 لاکھ 38ہزار، سوزوکی آلٹو وی ایکس ایل/ اے جی ایس ایک لاکھ 38 ہزار روپے مہنگی ہونے سے قیمت 14 لاکھ گیارہ ہزار اور سوزوکی وٹارا جی ایل ایس 6 لاکھ 95 ہزار روپے اضافے کے بعد 49 لاکھ 90 ہزار روپے کی ہو گئی۔
دوسری طرف پاکستان میں گاڑیوں کی قیمتیں بڑھنے کی وجہ سے کار ڈیلرز نے مقامی کار ساز کمپنیوں کی جانب سے گاڑیوں کی قیمتوں میں مسلسل اضافے پر شدید تحفظات کا اظہار کیا اور کہا کہ درآمدی گاڑیوں پر پابندی انہی کمپنیوں کو نوازنے کیلئے لگائی گئی ہے، کمپنیوں کو کوئی پوچھنے والا نہیں ہے۔