Baaghi TV

Category: کاروبار

  • سعودی ریلیف پیکج بھی نہ روک سکا،ڈالرایک بار پھر اونچی اڑان پر

    سعودی ریلیف پیکج بھی نہ روک سکا،ڈالرایک بار پھر اونچی اڑان پر

    سعودی ریلیف پیکج بھی نہ روک سکا،ڈالرایک بار پھر اونچی اڑان پر
    باغی ٹی وی کی رپورٹ کے مطابق ڈالر کی اونچی اڑان جاری ہے،

    ڈالر کی قیمت میں مسلسل اضافہ ہو رہا ہے،ڈالر پاکستان کی تاریخ میں ایک بار پھر بلند ترین سطح پر پہنچ گیا ہے اور تمام ریکارڈ توڑ ڈالے ہیں انٹر بینک مارکیٹ میں کاروبار کے دوران ڈالر 1.81 روپے مہنگا ہونے کے بعد 176 روپے کی بلند ترین سطح پر پہنچ گیا ہے ، اوپن مارکیٹ میں بھی ڈالر مہنگا ہوتا جارہا ہے اب تک ڈالر کی قیمت میں ڈیڑھ روپیہ اضافہ ہو چکا ہے جس کے بعد ڈالر 178 روپے میں فروخت ہو رہا ہے ۔گزشتہ ایک ہفتے کے دوران ڈالر تین فیصد مہنگا ہوا ہے

    ڈالر کی قیمت میں اضافے سے براہ راست عام مہنگائی کی صورت میں متاثر ہوتے ہیں ،حالیہ ایک ماہ میں ہر چیز کی قیمت میں اضافہ ڈالر کی قیمت میں اضافے کی وجہ سے ہوا اب ڈالر کی قیمت میں مزید اضافے سے پاکستان میں آنے والے دنوں میں مزید مہنگائی بڑھے گی،گزشتہ دنوں وزیراعظم عمران خان کے دورہ کے بعد سعودی عرب کی جانب سے ریلیف پیکج کے اعلان کے بعد ڈالر کی قیمت میں کمی دیکھنے میں آئی تھی لیکن یہ وقتی ثابت ہوئی اور ڈالرنے ایک بار پھر اونچی پرواز شروع کر دی ہے

    واضح رہے کہ افغانستان کی صورتحال اور عالمی مہنگائی کی وجہ سے پاکستانی کرنسی مسلسل دباو کا شکار ہے اور ڈالر کی قیمت میں دن بدن اضافہ دیکھنے میں آرہا ہے۔

    سینیٹر سلیم مانڈوی والا کا کہنا ہے کہ حکومت کی نااہلی کے باعث ملک معاشی تباہی کی طرف جا رہا ہے ڈالر پاکستان کی تاریخ کی بلند ترین سطح پر پہنچ گیا ہے، ڈالر کی قیمت میں اضافہ آئی ایم ایف کے ساتھ مذاکرات کے ثمرات ہیں، ڈالر کی قیمت میں مسلسل اضافہ پریشان کن عمل ہے، ڈالر کی قیمت میں مسلسل اضافہ حکومت کی معاشی ٹیم کی نااہلی ہے، حکومت نے ڈالر کی بڑھتی قیمت کو نہ روکا تو مہنگائی میں اور اضافہ ہوگا،

    معاشی ماہرین کا کہنا ہے کہ ڈالر کی قیمت میں اضافے اور روپے کی قدر میں کمی کی بنیادی وجہ ہمارا کرنٹ اکاؤنٹ خسارا ہے اور اس کے علاوہ آئی ایم ایف کی جانب سے روپے کی قدر مزید کم کرنے کا مطالبہ بھی ہے جس سے نہ صرف ڈالر کی قیمت مزید بڑھے کا خدشہ ہے بلکہ اس سے مہنگائی میں بھی اضافہ ہو گا

    وزیر داخلہ شیخ رشید احمد ڈالر ذخیرہ کرنے والوں کے خلاف کاروائی کا عندیہ دے چکے ہیں اور افغانستان کو روپے کی قدر میں کمی کا ذمہ دار قرار دے چکے ہیں، شیخ رشید احمد کا یہ بھی کہنا تھا کہ ڈالر ذخیرہ اور مہنگا کرنے والے 88 افراد کو گرفتار کر لیا جبکہ 47 کے خلاف مقدمہ درج کیا گیا ہے

    کرونا وائرس لاہور میں پھیلنے کا خدشہ، انتظامیہ نے بڑا قدم اٹھا لیا

    کرونا ویکسین کی تیاری کے لئے امریکہ مسلمان سائنسدانوں کا محتاج

    پاکستان میں کرونا ویکسین کہاں تک پہنچ گئی، مبشر لقمان کے ساتھ ڈاکٹر جاوید اکرم کے تہلکہ خیز انکشافات

    ‏ سوشل میڈیا پر وزیر اعظم کے خلاف غصے کا اظہار کرنے پر بزرگ شہری گرفتار

    کورونا ویکسین لگنے سے 500 کے قریب بھارتیوں کی حالت بگڑ گئی

    کرونا ویکسین کے ذریعے ہمارے جسم میں بندر کا ڈی این اے ڈالا جائے گا،شہری عدالت پہنچ گیا

    عالمی ادارہ صحت کی پاکستان کو کرونا ویکسین بارے بڑی یقین دہانی

    کرونا ویکسین کا راز ہیکرز کی جانب سے چوری کرنے کی کوشش ناکام

    کرونا پھیلاؤ روکنے کے لئے این سی او سی کا عوام سے مدد لینے کا فیصلہ

    کرونا وائرس ، معاون خصوصی برائے صحت نے ہسپتال سربراہان کو دیں اہم ہدایات

    ڈالر نے بھی تاریخ رقم کر دی

    ڈالر کی قیمت میں اضافے پر قائمہ کمیٹی برائے خزانہ میں ڈپٹی گورنر اسٹیٹ بینک کی بریفنگ

    ریاست مدینہ کے دعویدار نے مزید سود والا قرضہ لے لیا ،بہرہ مند تنگی

  • قومی معیشت کی بحالی کیلئے ایس ایم ای سیکٹر کو مزید متحرک کر دار ادا کرنا ہو گا.عبدالرزاق داؤد مشیروزیراعظم

    قومی معیشت کی بحالی کیلئے ایس ایم ای سیکٹر کو مزید متحرک کر دار ادا کرنا ہو گا.عبدالرزاق داؤد مشیروزیراعظم

    فیصل آباد (عثمان صادق) قومی معیشت کی بحالی کیلئے ایس ایم ای سیکٹر کو مزید متحرک کر دار ادا کرنا ہو گا جبکہ حکومت اس شعبہ کی صلاحیتوں سے بھر پور فائدہ اٹھانے کیلئے ہر ممکن اقدامات اٹھا رہی ہے۔ یہ بات کامرس اور سرمایہ کاری بارے وزیر اعظم کے مشیر عبدالرزاق داؤد نے ایس ایم ای بارے جامع پالیسی کی تشکیل کے سلسلہ میں ایک اجلاس سے خطاب کرتے ہوئے کہی۔ جس میں صنعت و پیداوار بارے وفاقی وزیر مخدوم خسرو بختیار کے علاوہ فیصل آباد چیمبر آف کامرس اینڈانڈسٹری کے صدر عاطف منیر شیخ نے بھی خصوصی طور پر شرکت کی۔ انہوں نے مختلف چیمبرز اور تجارتی تنظیموں کی طرف سے اس سلسلہ میں پیش کی جانے والی تجاویز کو سراہا اور کہا کہ حکومت ان پر سنجیدگی سے غور کرے گی تاکہ اس شعبہ کو ٹھوس اور مستحکم بنیادوں پر استوار کیا جا سکے۔ اس سے قبل فیصل آباد چیمبر آ ف کامرس اینڈانڈسٹری کے صدر عاطف منیر شیخ نے بتایا کہ ملکی برآمدات میں نوے فیصد حصہ ایس ایم ای سیکٹر کا ہے مگر محدود وسائل سے کام کرنے والے اِن اداروں کا سرمایہ حکومتی ٹیکسوں کے چکر میں پھنس جانے سے انھیں مالی دشواریوں کا سامنا کرنا پڑتا ہے۔ انہوں نے اس شعبہ کیلئے زیر و ریٹنگ کی سہولت بحال کرنے کا مطالبہ کیا تاکہ انہیں پہلے ٹیکس دینے اور پھر اس کی واپسی کیلئے دفتروں کے چکر نہ لگانے پڑیں۔ انہوں نے مزید کہا کہ روپے کی قدر میں کمی کی وجہ سے ایس ایم ای شعبہ کی مالی حیثیت کا بھی از سر نو تعین کیا جائے۔انہوں نے کہا کہ حکومت کی پالیسیوں کا محور یہی شعبہ ہونا چاہیے۔ انہوں نے اس شعبہ کے دیگر مسائل کی بھی نشاندہی کی اور اس توقع کا اظہار کیا کہ حکومت اِن کو ترجیحی بنیادوں پر حل کرے گی۔

  • کرونا میں کمی کے باعث مختلف ملکوں کے درمیان ٹریڈ اور سرمایہ کاری کے نئے مواقع کھل رہے ہیں۔ہائی کمشنر ساؤتھ افریقہ

    کرونا میں کمی کے باعث مختلف ملکوں کے درمیان ٹریڈ اور سرمایہ کاری کے نئے مواقع کھل رہے ہیں۔ہائی کمشنر ساؤتھ افریقہ

    فیصل آباد (عثمان صادق) کرونا میں کمی کے باعث مختلف ملکوں کے درمیان ٹریڈ اور سرمایہ کاری کے نئے مواقع کھل رہے ہیں۔ ساؤتھ افریقہ اور پاکستان کو بھی اِن مواقعوں سے فائدہ حاصل کرنا چاہیے۔ پاکستان اور ساؤتھ افریقہ کو ٹورازم کے فروغ پر خصوصی توجہ دینا چاہیے۔ یہ بات ساؤتھ افریقہ کے ہائی کمشنر میتھو تھو زالی ماڈی کیزا نے فیصل آباد وومن چیمبر آ ف کامرس اینڈانڈسٹری کے دورے کے دوران فی میل انٹر پرینورز سے خطاب کرتے ہوئے کہی۔ انہوں نے پاکستان گورنمنٹ کی ”Look Africa“کی پالیسی کی تعریف کی اور کہا کہ پاکستانی خواتین کو ساؤتھ افریقہ میں کاروبار ی خواتین سے روابط بڑھانا چاہیے۔ انہوں نے کہا کہ گو پاکستان ٹیکسٹائل میں جدید مہارت رکھتا ہے مگر غیر روایتی منڈیوں میں زیادہ ٹریڈ کا پوٹینشل موجود ہے اور ان پر ان کا فوکس ہونا چاہیے تاکہ غیر روایتی اشیاء کو برآمد کیا جا سکے۔ انہوں نے کہا کہ دونوں ملکوں میں قدرتی حسن اور برف سے ڈھکی پہاڑوں کا حسین منظر دستیاب ہے اور ہمیں اس پوٹینشل کو زیادہ سے زیادہ استعمال میں لانا چاہیے۔ فیصل آباد وومن چیمبر کی صدر محترمہ نگہت شاہد نے ساؤتھ افریقہ کے ہائی کمشنر کی آمد پر شکریہ ادا کرتے ہوئے اپنے روڈ میپ کا تفصیل کا ذکر کیا۔ انہوں نے کہا کہ وہ فیصل آباد وومن چیمبر کا ایک وفد ساؤتھ افریقہ بھیجنا چاہتی ہیں تاکہ وہاں کی کاروباری خواتین سے ملاقات کر کے باہمی تجارت کے مواقع حاصل کئے جائیں۔ انہوں نے ساؤتھ افریقہ کے ہائی کمشنر سے امید ظاہر کی کہ وہ زیادہ سے زیادہ اس ڈیلی گیشن کے سلسلہ میں مدد کریں۔ انہوں نے بتایا کہ ہمارا زیادہ سے زیادہ فوکس وومن انٹر پرینوئرشپ ڈویلپمنٹ بڑھانا ہے اور اس سلسلہ میں 15نومبر کو آل پاکستان وومن پریزیڈنٹس کی کانفرنس بھی منعقد کر رہی ہیں۔ نائب صدر محترمہ فرحت نثار نے مہمانوں کا شکریہ ادا کیا جبکہ سینئر نائب صدر محترمہ صوبیہ عقیل، محترمہ شمع احمد اور دیگر خواتین بھی اس موقع پر موجود تھیں۔

  • پاکستانی کرنسی میں تبدیلی کے حوالے سے اسٹیٹ بینک آف پاکستان نے پالیسی بیان جاری کر دیا

    پاکستانی کرنسی میں تبدیلی کے حوالے سے اسٹیٹ بینک آف پاکستان نے پالیسی بیان جاری کر دیا

    گزشتہ روز سوشل میڈیا پر چند عناصر نے یہ سنسنی پھیلائی کہ2021میں اسٹیٹ بنک نئی پاکستانی کرنسی متعارف کروا رہا ہے لہذا پرانی کرنسی فروخت یا تبدیل کر لیں

    اس حوالے سے اسٹیٹ بنک آف پاکستان نے فوراً اپنے ٹویٹر پر پیغام جاری کیا کہ ایسا کوئی اقدام نہیں کیا جا رہا لہزا تمام صارفین ہوشیار رہیں تاحال ایسا کوئی عمل ابھی تک زیر غور نہیں ہے

    چند شر پسند اور جرائم پیشہ عناصر نے یہ سنسنی صرف اور صرف فراڈ کیلئے پھیلائی ہے لہزا تمام لوگ اس سے خبردار رہیں اور کسی قسم کی کوئی کرنسی تبدیل نہ کروائیں اور ایسے نوسر بازوں کی نشاندہی کریں جو یہ سنسنی پھیلا رہے ہیں

  • پاکستان محفوظ ملک ہے جہاں سرمایہ کاروں کو ہر طرح کا تحفظ حاصل ہے فواد چودھری

    پاکستان محفوظ ملک ہے جہاں سرمایہ کاروں کو ہر طرح کا تحفظ حاصل ہے فواد چودھری

    وفاقی وزیر اطلاعات فوادچودھری سے انٹرپرینیور آرگنائزیشن کے وفد کی ملاقات کی –

    باغی ٹی وی : تفصیلات کے مطابق ملاقات میں گفتگو کرتے ہوئے وفاقی وزیر اطلاعات نے کہا کہ پاکستان محفوظ ملک ہے جہاں سرمایہ کاروں کو ہر طرح کا تحفظ حاصل ہے موجودہ حکومت نے ملک میں صنعتی انقلاب کے لیے نمایاں اقدامات اٹھائے،حکومت سرمایہ کاروں کو ہر ممکن سہولیات فراہم کر رہی ہے،سابق ادوار میں ڈی انڈسٹرلائزیشن ہو رہی تھی، موجودہ حکومت نے ملک میں ڈی انڈسٹرلائزیشن روکنے کیلئے اقدامات اٹھائے۔

    فواد چودھری کا کہنا تھا کہ ہمارا یقین ہے کہ صنعتیں ترقی کریں گی تو ملک آگے بڑھے گا، کاروباری ادارے ملک کی جی ڈی پی میں نمایاں حصہ لیتے ہیں، حکومت نے ملک میں صنعتی سرگرمیوں کے فروغ پر بھرپور توجہ دی، ملک میں کام کرنے والی کمپنیوں کے منافع میں ریکارڈ اضافہ ہوا ہے، وزیراعظم نے کورونا کے بعد دنیا کو درپیش معاشی صورتحال کا ذکر کیا۔

    اس سے قبل گزشتہ روز وزیر خارجہ مخدوم شاہ محمود قریشی کے اقتصادی سفارت کاری اقدام اور پاکستان کے اقتصادی ترجیحاتی ایجنڈے کے تناظر میں ، انٹرپرینیور آرگنائزیشن، لاہور چیپٹر سے منسلک، نوجوان کاروباری حضرات کے وفد کی وزیر خارجہ مخدوم شاہ محمود قریشی کیساتھ ملاقات ہوئی –

    انٹرپرینیور آرگنائزیشن کے وفد کی وزیر خارجہ سے ملاقات

    یہ ملاقات وزارتِ خارجہ میں ہوئی ،وفد، پاکستان کے چند سرکردہ نوجوان سی ای اوز، پر مشتمل تھا جس کی قیادت ان کے صدر محسن خواجہ کر رہے تھے ۔ انٹرپرینیور آرگنائزیشن کا لاہور چیپٹر، معروف کاروباری گروپوں کے 70 ممبران پر مشتمل ہے جو لاہور، فیصل آباد، سیالکوٹ اور ملتان میں پاکستان کی صنعتوں کے ایک بڑے حصے کی نمائندگی کرتا ہے۔”ایف ایم کنیکٹ” اقدام کے تحت ہونیوالی اس ملاقات میں وزیر خارجہ مخدوم شاہ محمود قریشی نے نوجوان کاروباری حضرات کو پاکستان کے "اقتصادی سفارت کاری وژن” کے خدوخال سے آگاہ کیا-

    وزیر خارجہ نے، وزارتِ خارجہ کی جانب سے اقتصادی سفارت کاری کے حوالے سے اب تک اٹھائے گئے اہم اقدامات پر روشنی ڈالی۔ وزیر خارجہ نے پاکستان میں تجارت اور سرمایہ کاری کے فروغ کیلئے وزیر اعظم عمران خان کی وژن سے شرکاء وفد کو آگاہ کیا ،مخدوم شاہ محمود قریشی کا کہنا تھا کہ ملکی معیشت کو بہتر اور مستحکم بنانے کیلئے نوجوان کاروباری حضرات کا کردار انتہائی اہمیت کا حامل ہے، وفد کے اراکین نے اقتصادی سفارت کاری کیلئے اٹھائے گئے اقدامات کو سراہتے ہوئے، وزیر خارجہ کا شکریہ ادا کیا-

    میک ان پاکستان پالیسی کے مثبت نتائج آنا شروع ہوگئے،معروف کمپنی کا پاکستان میں…

  • کرونا کے بعد عالمی سطح پر روبوٹک اور مصنوعی ذہانت کا نیاد ور شروع ہو رہا ہے۔ انجینئر احمد حسن

    کرونا کے بعد عالمی سطح پر روبوٹک اور مصنوعی ذہانت کا نیاد ور شروع ہو رہا ہے۔ انجینئر احمد حسن

    فیصل آباد (عثمان صادق) کرونا کے بعد عالمی سطح پر روبوٹک اور مصنوعی ذہانت کا نیاد ور شروع ہو رہا ہے۔ اس طرح جہاں بڑے پیمانے پر موجودہ ملازمتوں میں کمی ہو گی وہاں ان سے کئی گنا زیادہ نئی نوکریاں پیدا ہوں گی مگر اِس سے فائدہ اٹھانے کیلئے بروقت تیاری کی ضرورت ہے۔ یہ بات سی پیک اور ریسرچ اینڈ ڈویلپمنٹ بارے فیصل آباد چیمبر آف کامرس اینڈانڈسٹری کی قائمہ کمیٹی کے چیئرمین انجینئر احمد حسن نے پہلے اجلاس سے خطاب کرتے ہوئے کہی۔انہوں نے کہا کہ سی پیک کے تناظر میں فیصل آباد کی جامع ترقی کیلئے نئی ہائی ٹیک صنعتوں کے قیام کے علاوہ موجودہ صنعتوں میں بھی جدید ٹیکنالوجی کو متعارف کرانے کیلئے انڈسٹری اکیڈیمیا رابطوں میں اضافے کے ساتھ ساتھ ان کے عملی اطلاق کیلئے حکومت کو بیک وقت مالی اور ترغیبی اقدامات اٹھانے ہوں گے۔ میٹنگ کے ایجنڈے کے بارے میں انہوں نے بتایا کہ آر اینڈ ڈی کی ویژن، مشن اور اہداف کا تعین، آر اینڈ ڈی ونگ کے ماڈل اور فریم ورک کی تیاری، انڈسٹری اکیڈیمیا روابط، انڈسٹری اکیڈیمیا روابط کے فوائد کو متعلقہ شعبوں تک پہنچانااور اس مقصد کیلئے یوٹیوب اور سوشل میڈیا کے استعمال، پراجیکٹ فوکس ایریاز کی نشاندہی اور اُن کے قومی معیشت اور عوام پر اثرات اور کیپسٹی بلڈنگ کے مقامی صنعتوں کیلئے فوائد کا تعین کرنا شامل ہیں۔ انہوں نے کہا کہ اس ایجنڈے کو فیصل آباد چیمبر آف کامرس اینڈانڈسٹری کے صدر عاطف منیر شیخ سے بھی شیئر کیا جائے گا تاکہ اس میں اُن کے روڈ میپ اور تجاویز کو بھی شامل کیا جا سکے۔ انہوں نے ایجنڈے کے بارے میں بتایا کہ اس کا بنیادی مقصد مائیکرو فنانشل استحکام، ٹیکس، گورننس، تنوع اور ویلیو ایڈیشن، توانائی، زراعت اور لائیو سٹاک، افرادی قوت، انٹر پرینورشپ اور کاروباری آسانیاں، ماحولیات کا تحفظ اور ماحولیاتی تبدیلیوں کو روکنا اور مجموعی قومی معیشت کو بہتربنانا ہے۔ وائس چیئرمین ڈاکٹر خرم طارق نے کہا کہ اس بھاری بھر کم ایجنڈ ے کی بجائے کم سے کم ایجنڈے پرکام کیا جائے تاکہ ایک مقصد کو حاصل کرنے کے بعد بتدریج دوسرے اہداف پر کام شروع کیا جا سکے۔ ڈاکٹر عارف نے کہا کہ کمیٹی کو بیک وقت مقامی اور قومی سطح کے مسائل پر توجہ دینی چاہیے اور اس سلسلہ میں انہوں نے توانائی، توانائی کے متبادل ذرائع، واٹر ٹریٹمنٹ، انڈسٹری اکیڈیمیا روابط، ملازمین کی تربیت، ریگولیٹری اداروں سے روابط اور ان کی تجاویز سے پالیسیوں کی تشکیل میں بہتری لانے پر توجہ دینا ہو گی۔ محمد امجد خواجہ نے فیصل آباد چیمبر کے ایگزیکٹو ممبران کی صلاحیتوں میں اضافہ پر بھی زور دیا اور کہا کہ اس مقصد کیلئے خصوصی پروگرام تشکیل دیئے جائیں۔ اس سلسلہ میں ایک کمیٹی بھی قائم کی گئی جو ڈاکٹر عارف اور ڈاکٹر حبیب اسلم گابا کی نگرانی میں آئندہ لائحہ عمل تشکیل دے گی۔ ماحولیاتی تبدیلیوں کے حوالے سے انہوں نے کہا کہ امریکہ کے صدر جوبائیڈن نے ماحول کے تحفظ کیلئے 1.3ٹریلین ڈالر کا بجٹ منظور کیا ہے جس سے پاکستان بھی فائدہ اٹھا سکتا ہے۔ انہوں نے گرین انقلاب اور قابل تجدید توانائی کے فروغ کیلئے بھی اقدامات پر زور دیا۔ چیئرمین کہا کہ پاکستان بنیادی طور پر زرعی ملک ہے جسے اپنی زرعی پیداوار بڑھانے کے ساتھ ساتھ اس شعبہ میں ویلیو ایڈیشن پر بھی کام کرنا چاہیے تاکہ دیہی غربت کے خاتمے کے ساتھ ساتھ قومی معیشت کو بھی مستحکم بنیادوں پر استوار کیا جا سکے۔ انہوں نے بتایا کہ اس سلسلہ میں زرعی سکالر اظہر رسول آئندہ اجلاس میں فیصل آباد کے پوٹینشل کے بارے میں آگاہ کریں گے۔ انہوں نے چوتھے صنعتی انقلاب کیلئے فیصل آباد چیمبر اور صنعتکاروں کی آگاہی کیلئے جامع پروگرام ترتیب دینے کی اہمیت بھی واضح کی۔

  • چین کا اقدام،عالمی مارکیٹ میں تیل کی قیمتیں کم ہو گئیں

    چین کا اقدام،عالمی مارکیٹ میں تیل کی قیمتیں کم ہو گئیں

    بیجنگ/سنگاپور:چین کا اقدام،عالمی مارکیٹ میں تیل کی قیمتیں کم ہو گئیں، خام تیل 83.52ڈالرز فی بیرل پر آگیا سرمایہ کار4نومبر کےاوپیک پلس اجلاس سے قبل پوزیشن ایڈجسٹ کرنے لگے۔

    باغی ٹی وی : برطانوی خبررساں ادارے "روئٹرز” کے مطابق نیشنل فوڈ اینڈ سٹرٹیجک ریزرو ایڈمنسٹریشن نے اتوار کو کہا تھا کہ چین نے پٹرول اور ڈیزل کے محفوظ ذخائر جاری کیے تاکہ مارکیٹ کی سپلائی کو بڑھایا جا سکے اور بعض خطوں میں قیمتوں کے استحکام میں مدد کی جا سکے یہ خبر حالیہ ہفتوں میں ڈیزل کی سخت سپلائی اور کئی صوبوں میں پیٹرول اسٹیشنوں پر قطاروں کی میڈیا رپورٹس کے بعد سامنے آئی ہے۔

    چینی ریفائنرز نے تیسری سہ ماہی میں COVID-19 کی روک تھام اور سیلاب کی وجہ سے ایندھن کی پیداوار میں کمی کی لیکن ڈیزل کی کھپت میں اضافہ ہوا، جزوی طور پر بجلی کے بڑے بحران کی وجہ سے ہوا جس نے مارکیٹ کو حیران کر دیا۔

    چین برسوں سے ڈیزل اور پٹرول کا خالص برآمد کنندہ رہا ہے، لیکن بیجنگ کی حالیہ پابندی کا مقصد ایندھن کی اضافی پیداوار کو ہٹانا، خام تیل کی درآمدات اور ریفائنڈ ایندھن کی برآمدات کے کوٹے میں کٹوتی سے لے کر ڈیزل کی ملاوٹ والے حصے پر بھاری درآمدی ٹیکس تک، ایندھن خاص طور پر ڈیزل کی سپلائی کو سخت کرنا ہے۔

    خام تیل جس کی قیمت میں جمعے کو 6سینٹ کا اضافہ ہوا تھا، گزشتہ صبح 20 سینٹ گر کر 83.52 ڈالر فی بیرل پر آ گیا یو ایس ویسٹ ٹیکساس کا خام تیل جو جمعہ کو 76 سینٹ تک اوپر گیا تھا، پیر کو 37 سینٹ تک گر کے 83.20 ڈالر فی بیرل پر آ گیا۔

    نسان سکیورٹیز میں ریسرچ کے جنرل منیجر ہیرویوکی کیکوکاوا کا کہنا ہے کہ ’چین کی طرف سے ایندھن کے ذخائر کے جاری ہونے کی خبروں کے بعد اور اوپیک پلس میٹنگ سے پہلے سرمایہ کار پوزیشنز کو ایڈجسٹ کر رہے ہیں۔

    سب کی نظریں پٹرولیم برآمد کرنے والے ممالک کی تنظیم، روس اور ان کے اتحادیوں، جنہیں اوپیک پلس کہا جاتا ہے، کی چار نومبر کو ہونے والے اجلاس پر ہیں۔تجزیہ کاروں کو توقع ہے کہ وہ دسمبر میں سپلائی میں یومیہ چار لاکھ بیرل اضافہ کرنے کے اپنے منصوبے پر قائم رہیں گے۔

    تیل کی قیمتیں گزشتہ ہفتے کئی برس کی بلند ترین سطح پر پہنچ گئیں، جس میں اوپیک پلس کے اس فیصلے سے مدد ملی کہ عالمی سپلائی کے خدشات کے باوجود اپنی پیداوار میں بتدریج اضافے کا منصوبہ برقرار رکھا جائے-

  • افغان چلغوزوں کی کھیپ چین پہنچ گئی،دونوں ملکوں کے درمیان تجارت کا دوبارہ آغاز ہو گیا

    افغان چلغوزوں کی کھیپ چین پہنچ گئی،دونوں ملکوں کے درمیان تجارت کا دوبارہ آغاز ہو گیا

    افغانستان اور چین کے درمیان تجارت کا آغاز ہو گیا،افغان چلغوزوں کی کھیپ چین پہنچ گئی۔

    باغی ٹی وی : تفصیلات کے مطابق چین نے جنگ سے تباہ حال اپنے پڑوسی ملک افغانستان کے گہرے ہوتے معاشی اور انسانی بحران سے نمٹنے میں طالبان حکمرانوں کی مدد کے لیے براہِ راست فضائی تجارتی رابطہ دوبارہ فعال کر دیا ہے۔

    چین اور افغانستان کے درمیان فضائی راستے سے تجارت بحال ہوئی ہے اور افغانستان سے بڑی تعداد میں چلغوزے چین برآمد کیے گئے ہیں افغان دارالحکومت کابل سے کام ائیر کا جہاز 45 ٹن چلغوزے لیکر شنگھائی پہنچا ہے۔


    طالبان حکومت کے ایک ترجمان بلال کریمی نے وائس آف امریکہ کو بتایا کہ چلغوزے کی برآمد کابل اور بیجنگ کے درمیان حالیہ وسیع تر ‘اچھی بات چیت’ کا نتیجہ ہے آنے والے دنوں میں دو طرفہ تجارت کے دیگر شعبوں میں پیش رفت کی توقع ہے ہمیں امید ہے کہ تجارتی سرگرمیاں جاری رہیں گی اور چین کے ساتھ ہمارے تجارتی تعلقات کو فروغ ملے گاچلغوزے کی آج ہونے والی برآمد خاص طور پر دونوں ملکوں کے تعلقات میں ایک نئی اور اچھی شروعات کی نشاندہی کرتی ہے۔


    کارگو فلائٹ کی روانگی کے بعد کابل میں چین کے سفیر وانگ یو نے ایک ٹوئٹ میں کہا، کہ آج اس سال پائن نٹس کی پہلی پرواز چلغوزے لے کر چین کے لیے روانہ ہوئی۔ چونکہ عالمی ہوائی نقل و حمل ابھی بھی محدود ہے، چین اور افغان نے متعدد مشکلات پر قابو پالیا اور پروازوں کا انتظام کیا، جس سے افغان کسانوں کا مسئلہ حل ہوگا، اور دونوں ملکوں کے تجارتی تعلقات مضبوط ہوں گے

    انہوں نے لکھا کہ چین تمام افغان عوام کے لیے دوستانہ پالیسی پر مضبوطی سے عمل پیرا ہے، اس کے علاوہ افغان کو مزید انسانی امداد فراہم کی جائے گی، چینی ایف ایم وانگ یی نے حال ہی میں ملاقات کے دوران اے ڈی پی برادر اور اے ایف ایم متقی کے لیے پروازوں کی تصدیق کی۔ آنے والے مہینوں میں دسیوں ہزار ٹن پائن نٹس چین کو برآمد کیے جائیں گے۔


    وانگ یو نے مزید کہا کہ کروڑوں امریکی ڈالر کی اس آمدنی سے بہت سے افغان کسانوں کو فائدہ پہنچے گا یہ چھوٹے چھوٹے چلغوزے افغان عوام کے لیے خوشی اور چینی باشندوں کے لیے اچھا ذائقہ لائیں گے، چلغوزوں کی فضائی تجارت دونوں ممالک کے درمیان دوستی کا اہم رابطہ ہے۔”

    چین افغانستان سے چلغوزوں کے سب سے بڑے درآمد کنندگان میں سے ایک ہے اور اس نے نومبر 2018 میں فضائی ذریعے سے تجارت کا آغاز کیا تھا گزشتہ دنوں قطر کے دارالحکومت دوحہ میں افغان اور چینی وزرائے خارجہ نے ملاقات کی تھی جس میں افغان وزیر خارجہ نے چینی ہم منصب کو چلغوزوں کا تحفہ پیش کیا تھا۔اس ملاقات کے بعد اب چین اور افغانستان کے درمیان تجارت بھی شروع ہوگئی ہے۔

  • انٹر بینک میں ڈالر کی قیمت میں مزید کمی

    انٹر بینک میں ڈالر کی قیمت میں مزید کمی

    انٹر بینک میں ڈالر کی قیمت میں مزید کمی ریکارڈ کی گئی۔

    باغی ٹی وی : تفصیلات کے مطابق اسٹیٹ بینک آف پاکستان کی جانب سے جاری کردہ اعداد و شمار کے مطابق کاروباری ہفتے کے پہلے روز انٹر بینک میں ڈالر کی قیمت میں کمی سے روپے کی قدر مزید مستحکم ہو گئی ہے۔

    اسٹیٹ بینک کے سماجی رابطے کی ویب سائٹ ٹوئٹر پر جاری کردہ اعداد و شمار کے مطابق انٹر بینک میں ڈالر کی قیمت مزید 36 پیسے کم ہوئی ہے ڈالر کی قیمت میں کمی کے بعد ڈالر 171.65 روپے سے کم ہو کر 171.29 روپے تک آ گیا ہے۔

    واضح رہے کہ گزشتہ ہفتے سعودی عرب کی جانب سے پاکستان کو ملنے والی امداد کے بعد سے ڈالر کی قیمت میں کمی دیکھی جا رہی ہے وزیر اعظم عمران خان کےحالیہ دورہ سعودی عرب کے موقع پر سعودی عرب نے پاکستان کے زرمبادلہ کے زخائر کی بہتری کے لئے پاکستان کے لئے تین ارب ڈالر معاشی پیکج منظور کیا جبکہ کل معاشی امداد کا حجم 4 ارب ڈالر سے زیادہ ہے۔

    ایل پی جی کی قیمت میں مزید اضافہ

    تفصیلات کے مطابق سعودی فنڈ برائے ترقی کی جانب سے پاکستان اسٹیٹ بینک میں 3 ارب ڈالر جمع کروائے جائیں گے جبکہ سعودی عرب نے پاکستان کو تیل کی خریداری میں بھی مدد دینے کا اعلان کیا ہے اور پاکستان کو رواں سال تیل خریداری کیلیے ایک ارب 20 کروڑ ڈالر ملیں گے۔ سعودی عرب کی جانب سے جاری کردہ اعلامیہ میں کہا گیا ہے کہ سعودی عرب، پاکستان کی معیشت کو سہارا دینے پر ہمیشہ گامزن رہے گا۔

    اکتوبر میں مہنگائی میں کتنا اضافہ ہوا ؟اداراہ شماریات نے تازہ ترین اعداد و شمار جاری کردئیے

  • ہونڈا موٹر سائیکلز کی قیمتوں میں اضافہ

    ہونڈا موٹر سائیکلز کی قیمتوں میں اضافہ

    اٹلس ہونڈا لمیٹڈ نے ایک مرتبہ پھر موٹرسائیکلز کی قیمتوں میں اضافہ کردیا ہے۔

    باغی ٹی وی : اس ضمن میں کمپنی کی جانب سے جاری نوٹیفکیشن کے مطابق ہونڈا سی ڈی 70 کی قیمت میں 4 ہزار روپے کا اضافہ کیا گیا ہے جس کے بعد اس کی قیمت 86 ہزار 900 روپے سے بڑھ کر 90 ہزار 900 ہو گئی ہے۔

    ہونڈا سی ڈی 70 ڈریم کی قیمت بھی 4 ہزار روپے جبکہ پرائڈر کی قیمت میں 5 ہزار روپے کا اضافہ ہو گیا ہے۔ سی ڈی 70 ڈریم کی قیمت 93 ہزار 500 روپے سے بڑھ کر 97 ہزار 500 روپے جب کہ ہونڈا پرائڈر 100 سی سی کی قیمت ایک لاکھ 20 ہزار 500 روپے سے بڑھ کر ایک لاکھ 25 ہزار 500 روپے ہوگئی ہے۔

    نوٹیفکیشن کے مطابق سی ہونڈا سی جی 125 کی قیمت میں 5 ہزار روپے کا اضافہ کیا گیا ہے جس کے بعد اس کی نئی قیمت ایک لاکھ 42 ہزار 500 سے بڑھ کر ایک لاکھ 47 ہزار 500 روپے ہو گئی ہے جی 125 ایس ای کی قیمت 6 ہزار 500 روپے اضافے کے بعد ایک لاکھ 70 ہزار 500 سے بڑھ کر ایک لاکھ 77 ہزار روپے ہو گئی۔

    سی بی 125 ایف اور سی بی 150 ایف کی قیمتوں میں فی کس ساڑھے 6 ہزار روپے کا اضافہ کیا گیا ہے سی بی 125 ایف کی قیمت 2 لاکھ 5 ہزار 500 روپے سے بڑھ کر 2 لاکھ 12 ہزار ہوگئی جب کہ سی بی 150 ایف کی قیمت 2 لاکھ 60 ہزار 500 سے بڑھ کر 2 لاکھ 67 ہزار روپے ہو گئی ہے۔

    یاد رہے کہ آئل اینڈ گیس ریگولیٹری اتھارٹی (اوگرا) نے نومبر کے لیے ایل پی جی کی قیمت میں اضافہ کردیا ہے اس ضمن میں جاری نوٹیفکیشن کے مطابق ایل پی جی کی فی کلو قیمت میں 13 روپے 20 پیسے اضافہ کیا گیا ہے جس کے بعد اس کی نئی قیمت 216 روپے 89 پیسے ہو گئی ہے ایل پی جی کا 11.8 کلو کا گھریلو سلنڈر 155 روپے 80 پیسے اضافے کے بعد 2559 روپے 35 پیسے کا ہو گیا ہے۔

    واضح رہے کہ اکتوبر میں ایل پی جی کا گھریلو سلنڈر 2403 روپے 55 پیسے میں فروخت ہو رہا تھا نوٹیفکیشن کے مطابق ایل پی جی کی نئی قیمتوں کا اطلاق یکم نومبر 2021 سے ہو گیا-

    ایل پی جی کی قیمت میں مزید اضافہ